شبكة القناص - الموقع الرسمي للاعب ياسر القحطاني - وين الرشــــــاش خلوني اريـــــح روحي ؟؟؟!!!!

- المجلــــــس (http://www.alqanas.com.sa/vb/f32/)

وين الرشــــــاش خلوني اريـــــح روحي ؟؟؟!!!!

السلام عليكم..

علومكم .. عسى كل شي زين ..

اليوم جبت لكم موضوع يحكي عن معاناة كل شخص موجود على الأرض..

وهي معاناة التمني..

مابه حدن منا ما يتمنى ولا يبعد بخياله هناااااااااااااااااااااك..

السالفة انها..

أمنية شاب موظف يقولها والرشاش عند راسه ...

الأمنــــــيــــة
(( انه يقوم من النوم راااايق لحاله .. والبيت هادي.. البزران كلن راااقد.. يلقى الفطور جاهز .. والدفاية مولعة ومدفية الصاله.. والتلفزيون محطوط على روتانا خليجية وصوت محمد عبده ذاك اللي يريح البال.. ويروح للشغل شكلة مرتب ومستانس وشبعان نوم وفطور.. ويركب ذيك الفياجرا ويحرك لشغله.. واذا وصل .. الا كل الموظفين يصبحونه بالخير و المدير يناديه يبي يكلمة عن مشروعه اللي نجح واللي راح يترقى بسببه نائب مدير.. واذا راح لمكتبه لقى فنجان قهوة حاااااار.. وصحن تشيز كيك.. وريحة المكتب ريحة عود .. وكل المعاملات مخلصة ومصفوفة عنده..
واذا رجع للبيت لقى الغدا جاهز .. تغدا وخذ له مقيال .. وعلى ذا الحال ..))

الــــواقــــع
(( انه يقوم من النوم على رشة ماء ترشه العجوز عليه : قم يا صبي قم جعلك الوهم .. يقوم وهو معصب .. يبي يغسل وجهه لقى الماء طافي.. كتم التعصيبه وراح يبي يفطر... لقى الفطور ماكلينه الشعب اللي سبقوه للمدرسة..
سكت.. وعبرته في حلقه.. وطلع يدور سيارة اجرة يركب معها.. وبالطقاق لقى وحدة .. واللي فيها باكستاني معصب.. المهم انه وصله عند شغله.. ويوم صار بيعطيه الفلوس دخل يده في مخباته لقى ما به شي.. مابه الا حب فصفص من البارحه.. المهم ان الباكستاني حزن منه.. ومشاها له.. المهم انه يوم دخل لقى الموظفين كلن يقول :: يالييييييييييل .. جا العلة.. وواحد يقول :: يا ويله من المدير شكله مسوي شي.. وقبل لا يروح لمكتبه دعاه المدير وعيونه حمر من العصبيه.. طلع مشروعه فاااااشل وخسر الشركة ملايين.. والمدير ما تكلم عطاة اشعار فصل.. وقاله رح ضف اغراضك من المكتب..
راح للمكتب يبي يطلع العبرة فيه.. ما عرف يشوف من الغبار كراااااااتين ملفات ومعاملات ما خلصت لها سنين بيوت العناكب مغطيتها.. ما فيه الا هندي مضيع له حاجة فيه وجا ياخذها ولا لقاها .. وشاف فنجان قهوة ما صدق على الله.. لقا له شي يرد به العبره.. يوم شاف الفنجان لقى فيه ذبان قد له كم ساعه.. قام على الفنجان وضرب به في وجه الهندي.. المهم.. مالقى شي ياخذه من المكتب. رجع بيتهم على ارجيله في عز الظهر .. يوم وصل .. والجوع ضارب حده.. بس يبي لقمه.. لقى الغدا مفحطين فيه البزارين.. ومابه حد على الصحن الا القطاوة.. ويوم جا يبي يحط راسه.. قاله الشايب ::قم مابه مقيال.. الناقة والد ومابه حد عندها الا الراعي .. قم يا صبي قم..

ونظر للكاميرا نظرة :eek: كلها عبرة وحزن.. وجوع.. وقال:: وين الرشاش ؟؟ احطه في راسي واريح روحي..

واذا محد فهم علي .. يدور في قاموس البداوه

واتمنى انها تعجبكم.. لانها اول قصة من تاليفي..