:


مسـاء / صبـاح الخيـر ..
والشهـر عليكم مبارك بعد الزحمه ,
مرهـ من المرات كنت جالسه في أمان الله وتجيني
وحده من مشرفات المجلس وتقولي نبي يومك الرمضاني ..
قلت لها لاااء ما أقدر أنا مره مزحومه وعندي مقابلات تلفزيونيه وجرايد
وكذا مشغوله مره مره حتى أهلي ما اقدر افضى لهم إعذريني <
وتقولي تكفين تكفين نبي يومك لازم نشوف يومك ارحمينا ..
عاد انا شفتها كذا كسرت خاطري قلت طيب اصبري بشوف يوم أكون في مع أهلي
عشان تعرفون يومي الصدقي لان يومي مع مشاويري مره مو زين ويتعب ومافي وقت
حتى اني اصور < هذي اللي نصبت نصبه وتوهقت ..
المهم اني شفت جدولي وتناقشت مع مدير أعمالي ولقينا اليوم اخيرا ..
نبدا يومي / بسـم الله ..


صحيت من النومي الساعه تقريبا 3 ..




بعدها رحت توضيت وفرشت اسناني
< الصدق مو دايم افرش اسناني ..



وفرشت سجادتي وصليـت ..



بعدين زي العادهـ قريت شوي من القران ..




بعدها دخلت المطبخ بشوف وش عندهم ..
والقاهم مزينين الشوربه




والتفت على ورا والقاء شي قلت لازم أصوره ..
شوفو اللي يتعود على مايكرويف ماعد يقدر يستغنى عنه ..
هذا الله يسلمكم في يوم من الايام وقبل شهر أخوي الغالي شبك سلك المكرويف
في 220 وهو 110 وما قب ابد ولا احترق الميكرويف ..
عاد العجاز ماطاع يصلحه .. وصرنا بدون مايكرويف ..
ذاك اليوم كنا رايحين بيت خالتي قبل امم اسبوع يمكن المهم واحنا راجعين بينزلنا
قال ادخلو البيت في مفاجأه قلنا وشي انا خفت لا امي كانت معصبه وحنا طالعين
قلت امي سحبت المودم < كلن على همه سرا
قال لا قلت ابوي في البيت وشكته امي علينا ومعصب <
قال لا قلت وشو ذا ..
المهم دخلنا البيت ودخلت اختي مس عبده المطبخ واطلقت ذيك الصرخه
وأركض واشوف هذا الكائن ..




قسم بالله انه نعمه ..

وشوي يدخل علينا اخوي اغراض طلبتها منه امي ..



المهم وسويت اصابع الجبن




أثناء القلي ..




ويـوم جهزت ..



بعدين طلعت من المطبخ وطليت على التلفزيون بشوف
بالقراءن نحيا ..



في ذاك الوقت كنت احتري البراهيم
تجي عليه الكاميرا بس ماطاعت تجي ..
وبعدها عاد اذن وافطرنا واستاسعت صدورنا وبدا الطقاق
واللي في نفسه شي ودي يحارش من النهار يوم افطر طلعه علينا ..
شيكت شوي على النت






ثم طلعت في الصاله وجلست في مكاني الحبيب
هذا اذا ماجلست عليه امي والا ابوي والا غيرهم اطيرهم ..



وكانوا يشاهدون التلفاز ..
بعدها صلينا التراويح وكذا وكانت خالتي بتجينا
ومعها رشه ملح اللي تبنوها هالايام تصير بنتهم ..
وقمت أسوي القهوه ..




وجو يوم جو جابو معهم ايسكريم ..




عاد يوم جبت القهوه وجيت بصورها الا خالتي تقول لا لا سوي كذا سوي كذا
خالتي ليتنا مصورينه على الصينيه كببتي فناجيلنا ..
وليت الحركه زينه بعد خخخخخخخخـ ..




وشفنا مباراه المنتخب وصارخنا وسبينا وكذا < عيال مب بنات ..
بعدها راحو على الساعه 1 ..
شوي دق عمي قال 5 دقايق وتطلعون بنروح نستحر ترا بروح
عنكم لو ماطلعتو ..
ورحنا وتسحرنا بالفخار ..





عاد رجعنا بعدين للبيت وبعدها على المسن والنت لييين الصباح





وبـكذا يكون خلص يومي ان شاء الله استمتعتو

..

.

.

.

يومك جميل ومرتيب ورآآآيق ..
وبصراحه استمتعت بجدولك ..
عوآفي ياعسل ..،

وربي مو بس استمتعنا
اقول بشرينا عن اخوك عسا ما جاه شئ عقب قبعة الميكرويف ..؟؟!!
وما شاء الله الفخار وحركتات ..
يسلموووو ..*( انا سعوديه )*
يومك حلوو وطريف ..

:



انا سعوديه يومك حلوو وممتع والله ..
ماشاء الله عليك قرمه بعد ,






استمتعت بتواجدي هنا , موفقه ..

" "

..

"

يـومـكْ رآيـق وممتـع ..
أستمتعنآ بيومـكْـ ..
سَلِمْتِ يآحـلـوهـ ..

"

.





ريمووو
وحشتيني يا وعه


يومك مره كيوت
قصدي مرتب وش حليله

عجبني فيك ان يومك ما يروح نت مثل بعض الناس
< تحسب كل الناس زيها


ريمو احبك




برب الفريج

.