صـبـاحكـم / مسـاكــم .. سـعــادهــ

هاهي نفحات الخير والرحمه تطل علينا

وهانحن من جديد ننتظر حلول شهر رمضان العظيم شهر الغفران... شهر القرآن ...

جـعلنا الله وإياكم ممـن تعتـق رقـابهم عن النـار ..






مـاتحسون أن رمضان جـاء بـسرعـه ..

أحس ان رمضان اللي فات توه مـخلص

الأيام تـمر بـسرعه وكل هـذا من أعمـارنا

الله يـتوب عليـنا ..



أكثر شي يـميز رمضان هذي السـنه الإجـازهـ

يعني مافيـه قـومة صـبح ولافيـه مشي يهـد الحيل في أنـحاء جامعتـنا (( المـخيسه ))

الله يـخرجنا منها سـالمين غـانمـين << تقصد الجـامعه

طبـعا الإجـازه بـس للـطلاب ولا عـزاء للـموظفـون

إن شـاء الله تـكون الإجازه عـون لـنا على فعـل الطـاعات

وإسـتغلال الشـهر الـكريم بـما يرضي رب العـباد

ســ /أيـهم أزين رمضـان بـالدراسـه والا الإجـازهـ ؟؟ (( اللي يـقول أزيـن بالـدراسـه ياويـله ))

الأسـواق هاليـومين تـعيش حـالة إسـتنفار غـير طبيـعيه

كلـن يسوي عروض وإعـلانات على طـريقة { الـزين عنـدنا والشـين حـواليـنا }

وأحـنا المـساكين مانـدري من نـصدق :(

والشـوبينق خلال هالـفتره بين الـزحمه والناس اللي يتـطاقون على الـعروض

يعـد إنـتحارا ً حـقيقيـاً

يـعني هـم مـايتقضون الا بـرمضان .. !!

انـا معكم ان مقاضي رمضان تختـلف شوي

بس مـو لـدرجه تخلينا نـحس ان بعض العالم مـايتقضون الا برمضان .. !!


ســ / ماتلاحـظون أننـا نبـالغ بـمـقاضي رمضان لـدرجة الإسـراف ؟؟

{ في يـوم سـاحر ..

مع دعاء طـاهر ..

أرسـل بـاقة ورد عـاطر

لــ أغلى من مـر على الـخاطر ..

وأقـول ..

" بـارك الله لك في شـعبان وبـلغك رمضـان "

وكل عام وأنـت بـخيـر }

هـذه وحـده من المسـجات اللي وصـلتني هاليـوميـن ..

المسـج حلـو .. بس مـوب هـذا موضوعـنا


سـاهمت وسـائل التـكنولوجـيا الـحديثه وأحدث تقنيـات الإتصال

في تـخفيف الـعناء عن كـاهل الأشـخاص ..

وريـحت نـاس كثير .. بـدل مايـتعبون أنفسـهم ويـسلمون على فـلان وفـلان

يرسلـون لـهم مسـج مـن بيـن المسجات اللي توصلهم ويـرتاحون


ســ / هل تغـني الرسـائل عن صـلة الإرحـام ؟؟

]] سـلموا لي على أبـو فهــد [[

قـبل يومـين وصلني مسـج يـقول :

{ مساء الخير يـا ابو فهـد ترى فتحت لك حساب وأرسلت بطاقتك على صـندوق البريد

أنـا يـاسر من بـنك الـ ..... وهـذا رقمي الثـاني }

عاد أنا يوم قريت المسـج صـار وجـهي مثل هـذا >>

قلت أكيد انه غلـطان .. رحـمته ..

قمت أرسلت له مسج وكتبت

{ مـعليش أخوي انا موب ابـوفهد شـكلك غلطان بالرقم }

<< على نيـاتها وماتبيه يتـوهق مع عميلهم أبـو فهـد

وبـعد سـاعه وصلني مسج من نفس الرقم يـقول

{ سـمـعت آخر نـكته }

عـاد انا مارديت وقعد الأخ طول اليوم يرسل مسجات نكت وسـوالف

وأنا مـطنشه ..

وبالأخير طفش وماعاد أرسل ..

وأكتشفت ان هذي أحدث الـطرق للـمـغازل

وأكتشـفت ان شـبابنا عندهم كـمية ذكاء هـائله

لو أستغلوها بشي يـنفعهم كان وصلنا إلى مصاف الدول المتقـدمه


سـ / لـو صـار لك نفـس المـوقف .. وش بـتسوي ؟؟ وكيف تتعامل مع هـالنـوعيه من الشـباب ؟؟

{ سـبحانك اللهم وبـحمدك .. أشـهد ان لا إله إلا انت أستغفرك وأتـوب إليك }

تـقبلـوا فـائق مـودتي ،،
مـنـاااير