السـلام عليكم ورحمـه الله وبركـاتـه ..

مساء ... / ... صباح
الخيـرات ..



والله يا انتم قديمين مره .. <-- يقالك جديد انت ووجهك
لكن خبركم .. الواحد يطفش .. ولازم يغير
عاد انا طفشت وبغير

وحبيت انزل هالموضوع مشاركه بسيطه
تقديرا [ للرتبة ] الاستثنائية ..


هالحين لو قلنا المواقع العربيه مليون مثلاً
تلقى منها 900 الف اخرها /vb
يعني منتدى

لكن .. نقدر نقول الي يشاركون بالمنتدى اقسام
واقسام كثيرة ..
لكن لو قدرنا نقسمها .. نقدر نقسمها ببساطه

اكيد اكثرنا مر بـ إدارة منتديات من قبل
واذا جبت اعضاء تلقى بعضهم يتكونون كذا ... /



* عضو يشارك 200 مشاركة ويجيك يطالب بإشراف ولا بينسحب من المنتدى ونص مشاركاته مسابقات وخرابيط .
* عضو توه مسجل ويطالب بأكبر الرتب تقديراً لمعرفتنا ببعض .
* عضو متحمس ومتفاعل مع المنتدى ولا يطالب بالاشراف ابداً ولا يطالب بالرتب .. وينتظر الرتبه من الادارة [ افضل نوعية ] !
* عضو متحمس ومتفاعل مع المنتدى وفجأه يمل ويجيك يقول ترا طفشت ابي رتبة اخلص علي !
* عضو متكبر يشارك بتكبر ولما تعرض عليه رتبة يرفضها بـ تكبّر .. وكأنه [ اكبر همي ] !
* عضو يشارك ويتحمس بعدين يخف بالمشاركات .. ولما تعطيه رتبه يسحب عليك !؟ .
* عضو ينشب ونصكه برتبة ويجي يعترض يبي اكبر !؟ .

هاذي بعض النوعيات مو كلها
لو جبتها كلها ياهي كثيييرة
خصوصاً الاولى وهي الغالبيه

يعني نقدر نقول ان اكثر الاعضاء للأسف يشاركون للرتب
طيب الحين المنتدى تلقى فيه اعضاء غالبياً من الخليج او العالم العربي كله

فـ أعتقد اكبر غلطة بالمنتديات [ الواسطة ] .. لأن المنتدى منوع من كل الخليج
وفيه ناس يستاهلون اكثر من غيرهم .. ولكن لما تطالب بالواسطه على الاقل تصير قدها
مو تجي تطالبني بواسطة واتوسط
وفيه غيرك افضل بمليون مرة

هذا كأنك مدير في شركه او اي مكان
ويجيك ولد اخوك يبي وظيفه وتطرد واحد متحمس بالشغل وتجيبه ذا وهو نايم ولا يشتغل

فيه اعضاء يشتغلون صح ..
وياخذون الي يبونه متى ماجاهم الخير
لكن الاعضاء الي ينام ومايشتغل ..
ويبي رتبة هاذي مشكلته

طيب لأني نزلت الموضوع بالغلط ماودي اطول بالموضوع زيادة

عشان كذا بأعطيكم اسئلة النقاش لأني اعتقد وصلت الفكرة لكم



* من الاعضاء الي فوق .. بكل صراحة انت تحس انت اي نوعية [ بكل صراحه ] .
* اذا انت مريت بإدارة منتديات .. اذكر لنا موقف من اعضاء صارت لك .
* اغلبية الاعضاء في هذا المنتدى منتدى القناص .. بوجهة نظرك .. 100 الف عضو لو نقول نصهم ليه مشاركين بوجهة نظرك .. من نوعية الاعضاء الي فوق .
* مساحة للتعليق على الموضوع على راحتك .



أخـوكم .. /

زياد ... المُلقب بـ MR βάžσķά