|| مسـرح القنـاص || .. 2 .. - شبكة القناص

**..: قسم المجلس :..** · 02-08-2008, 03:55 PM

.

.

.

موعدكم الليله مع مسرحية

|| سعوديات في امريكا ||

في تمام الساعه 2.3 صباحا تقريبا

كونوا بالانتظار

..

**الـ وجدآن** · 03-08-2008, 02:08 AM

بطوله ....

مملكه عمري
النظره الخجوله
شمس الحقيقه
نسايم الهلال
مشوته الورعان
أم علوش
رامـــا

إشرافـ

فهـد السهـلي & وجـدان

تمنيااتنا لكم بقضاء وقت جميل مع مسرحيتنا

مملكة عمري · 03-08-2008, 02:18 AM

أهـــــــلا وســـــهلا

ســــمـــــوا

لــكم كل أبوكم و أ مكم

مملكة عمري · 03-08-2008, 02:29 AM

في صباح يوم من أيام الدراسه
كانت مملكه عمري صاحيه من صباح الله خير و رايحه للمدرسه
وتنتظر في الفصل .. متى بتجي الشله المرحه.....
وطبعاً كالعاده مملكه عمري أول وحده تجي من الشله لأن بيتها قريب.....
وهي قاعده في الفصل وشوي الا صوت واحد قاعد يغني وطربان حده....
وكنه يغني((نحمد الله)).. ومملكه عمري تتنافض من الخوف ,,
وقامت تسمي وتتعوذمن ابليس..وماتدري وش قرت من الخرعه .......
اختبصت الحروف في بعضها ، وكانت بتنحاش من الباب ,, .....
الا (( النظره الخجوله و شمس )) طالعين بوجهها ...
وصرخت عليهم وخرعتهم,, .......!!!
مملكه عمري : الحمد لله أنكم جيتوا، ليش تأخرتوا.....؟؟!!!
قالوا: ليه وش فيك اليوم...!! حنا كل يوم نتأخر.......!!
شمس وهي "تستهزء": السنه على وشك أنها تنتهي ,, ولا تعودتي علىتأخيرنا....
مملكه عمري : الا اليوم في الفصل شئ غريب ,,,........
وهي تعلمهم السالفه ,,, الا بقيه الشله داخلين عليهم وهم :
((نسايم الهلال و أم علوش ))جايات في باص واحدكعادتهم..
النظره الخجوله علمتهم السالفه وقاموا يضحكون عليها ..
نسايم : تعوذي من ابليس يامملكه عمري أكيد هذا تاثير السهر ,,,
ولا الفيلم الأجنبي اللي شفتيه أمس مأثرفيك....
مملكه عمري :لا،،والله أني ما اكذب عليكم.....!!
ولما كانوا يتطنزون وكل وحده تقط عليهاكلمه ... وفجأأأأأأأأأأأأأأأأأأأأة
رجع الصوت مره ثانيه وكان يغني(( لرابح صقر )).............
"يا دار لا هنتي ولا هان راعيك"......
وكل وحده تطالع الثانيه ولفوا على مملكه عمري ..........
على بالهم أنها جايبه راديو جدتها وأنها قاعد تسوي فيهم مقلب
مملكه عمري : شفتواياكلاب لندن، صدقتوا الحين..
النظره الخجوله : أكيد أنه راديو ولا مسجل....
أم علوش :الله وناسه يالله خلونا نرقص ونهستر..
:الله ياذا الراديواللي يشتغل ويطفي على كيفه......!!
أما الباقين سكتوا دروا أن فيه بلاء في السالفه ......
نسايم : هذا مو وقت مزاح خلونا نطلع من الفصل ,,,,
لا يحطونها فيناويقولون جايبين معكم مسجل.......!!!!
وتعهدات ويكلمون أهالينا على شئ ماسويناه........
شمس :لا،،لا،،يا أغبياء - يعني عاد هي الذكيه....!!
خلونا نتبع الصوت ونشوف وش مصدره’’’’.......!!!!!
المهم قعدوا شوي يستوعبون الموقف,, وبعدين تبعوا الصوت ....
الا هو في أخر الفصل من صوب الدولايب..توزعوا كل وحده تدور في دولاب,,
ولا لقوا شي غير- ابريق - كلهم استغربوا الصوت كان طالع منه..’’’’’

نسايم :اسمعوا يابنات اذا طلعوا بنات الفصل للطابور .........
نأخذ الأبريق ونشوف وش سالفته..........
شمس :أي والله صادقه عشان محد يعلم علينا ,, خبركم بنات فصلنا ..
وكاله آنباء احسن من((CNN)).. ..
النظره الخجوله :والله مافيني صبر انتظر خلونا الحين نشوف وش السالفه..
مملكه عمري :أنا رأيي من رأي نسايم .. وحنا ترى مو ناقصين مشاكل..

المهم قعدوا في الفصل ونفذوا الخطه وكل وحده تشغل نفسها بأي شئ ....
اللي تحل الواجب واللي ماسكه كتاب يعني أنها بتذاكر على آخرالسنه،,....
واللي ماسكه مرايا وتتكشخ وعلى ذا الحال.......
بنات الفصل استغربوا مو من طبعهم يجلسون في الفصل هادين..
دايماً يجتمعون الصباح يدّوجون في أسياب المدرسه ويتلقفون على هاذي و ذيك...
واللي فيها حره من وحده تبي تكفخها يفزعون لها.........
أما بنات الفصل يسألون وش عندكم جالسين في الفصل؟؟!!!!!!
أكيد مسوين شئ وما تبون أحد يمسكم..والاناوين على شئ ..
الشله اشتغلوا أعذار عالبنات اللي تقول نبي ننجح واللي تقولنبي نسبه ..
واللي تقول زهق بره---------------------------ألخ

وأخيراً: دق الجرس بنات الفصل "عله" ماطلعوا ألا بعد مانشفوا حلوقهم
ويوم طلعوا بقت وحده"نشبه"تقول تعبانه ماني نازله....تشلخ!!مافيها الا العافيه ...
كنها حاسه أنهم بيسون شيء وماتبيه يفوتها.....!!
قعدوا يفكرون وسووا خطه ((أنما أيه)) على قولت أخوانا المصريين......

قامت شمس وطلعت برا الفصل وتأخرت شوي وبعدها دخلت علينا..
قالت للبنت : اليوم المديره بتكرم البنات المتفوقات ,,.......
...أكيد أنتي منهم لأنك ماشاء الله عليك متفوقه......
البنت نقزت من الفرحه كنها ثور هايج تركض للطابور....
النظره الخجوله:الله وأكبر على التعبانه.........

وبعد عناء طويل ضفوا بنات الفصل ولا بقى أحد غيرهم .........
شمس :يالله نفتح الدولاب ونشوف سالفه الأبريق.....!!
وكل وحده منهم تقول أنا مراح امسكه المهم تجمعت الأراء
وقالوا... أنتي يا((مملكه عمري)) بايعه الدنيا يالله روحي جيبي الأبريق..

وهي مسويه نفسها قويه عليهم ومن داخلها ميته من الخوف..
مملكه عمري : تعالوا معاي لعند الدولاب وأنا بطلعه لكم..
النظره الخجوله :لا لا...لا يكون خايفه...............
مملكه عمري :معصي ((مو مملكه عمري اللي تخاف من شيء سخيف))..
أم علوش :أجل روحي لحالك.....
مملكه عمري توهقت ماتدري وش تقول بس عزت نفسها وكابرت,,.........
مملكه عمري :عادي أروح لحالي أحسن ماأخذ معاي بنات خوافات...
نسايم :لوسمحتي لا تعممين اصلاً أنامو خايفه..(تكابر) وعادي بروح معاك..
شمس : وأنا بعد أبد ماني خايفه وبروح معاكم.. وكلهم قرروا يجون معاها..

**نسايم الهلال** · 03-08-2008, 02:36 AM

المهم راحوا لما قربوا من الدولاب زاد الصوت,, وكأنهم قاعدين في عرس..

تشجعت مملكه عمري وفتحت الدولاب ,, وطلعت الأبريق وقعدت تطالعه ,,........

مملكه عمري : الصراحهذكرني بأبريق كان عند جدي ومحتفظ فيه ,,..

لأنه على قولته يذكره بطفولته "اللهيالخيره".....

الأبريق كان مليان غبره و مسوي ضجه في الفصل ,,...

قعدت مملكه عمري تنفضالأبريق من الغبار...الا دخان كثير يطلع منه.......

والبنات يصارخون عليها يبونها توقفالنفض...

النظره الخجوله:حرام عليك هيضتي علي حسسيتي.......

مملكه عمري : الله يلعنكمهذا مو غبار ذا الدخان طالع من الأبريق يالهنود...!!

كلهم تصنموا يطالعونها وهي منالخرعه قطت الأبريق على الأرض

وتخبت وراء البنات...والدخان كل مالهيزيد...والفصل فجأه ظلم عليهم ,, ..

وزادت الرهبه في قلوبهم كلهم..اللي تكح واللي تعاطسواللي جاها الربو .....

وحالتهم حاله..وشوي وسط الظلام والدخان كان فيه عيون " تلمع"

وبدأ الدخان يخف شوي ومع خفت الدخان الا ذاك الرجال اللي يروع ...

وشواربه تقولون شوارب الوجه اللي على "برينجلز".....

ولابس له ثوب وغتره والعقالمايل ,,,.........

وكلهم بصرخهوحده(يمااااااااااااااااااااااااااااااااااااااااااا ااااااااااااه)..

قال :وجع يا قليلات الأدب وش يصارخبكن.......!!

شمس :من أنت..؟!!! "وهي ترجف من الخوف"...

قال :لا والله ,,,"يعنيماتعرفين".......!!

نسايم :لا والله ما نعرف من أنت....!

النظره الخجوله : وش شايفناعباقره ذا الزمن.....

قال :يمكن أنتم ماتعرفون بس ذي تعرف..يأشرعلى" "مملكه عمري"........

مملكه عمري : أنا ,,,,, ياكذبك والله أنك كذوب .....!!

قال :موأنتي اللي نفضتي الغبارعن الأبريق........

مملكه عمري :ايه كنت انظفه ولا حرامبعد....

قال :خلاص أجل...أنا المارد اللي فيه وأنتي ناديتيني...

نسايم :يعني زيالمارد اللي مع علاء الدين...

المارد :ايه ,, ولا مش مالي عيونكم.....

نسايم :الا ماليعيوننا ونص بعد...

أم علوش :وراك مهمل بنفسك وليش ماتكشخت زين أحسن من كشختك ذي ,,

....يعني تلبس بنطلون وتيشيرت وتقص فرزاتشي وتسوي حركتات......

المارد :ليه شايفتني من شبابالراشد ,,...أصلاً تدرون أن هذا الثوب والغتره ,,

من عصر الملك عبدالعزيز -اللهيرحمه- وارثه أباً عن جد........

شمس :عز الله ماورثت خير......

مملكه عمري : هيهأنت ,, الحين بتجي الأستاذه والبنات بعد.. لوسمحت ..

أدخل في أبريقك الله لايهينك,, لا تسوي لنا مشكله معالمدرسه ترى بلاوينا كثيره....

مملكه عمري : هيهأنت ,, الحين بتجي الأستاذه والبنات بعد.. لوسمحت ..

أدخل في أبريقك الله لايهينك,, لا تسوي لنا مشكله معالمدرسه ترى بلاوينا كثيره....

النظره الخجوله :وش رأيك تفسح معنا بعد أحسن... ياالله ضفوجهك......!!!!!

المارد :أفا... والله ماهقيتها منكم بس عناد فيكم,,,...........

مراح أروح ..أنسوا .. لين تطلبون لكم طلبوااااااااحد بس..

شمس الحقيقه :وبتنفذه الحين.......

المارد :وش رأيك بعد،أخلصوا أطلبواولا ترى بهون......

قالوا طيب وقعدوا يتشاورون وهم قاعدين يفكرون ويتناقشون....

قام المارد وطلعدلته وفناجيله اللي معفنه ومعها الربابه..وقام يشب الحطب...

ويتقهوى ويغني أغاني من زمان مغبره مررررررره مايدرون من وينمطلعها...

قاعدين يفكرون اللي تبي فلوس واللي تبي تصيرمشهوره ,, واللي تبي شباسات........

مملكه عمري :يا بنات وش رأيكم نطلب طلب يبقى ذكرى بيننا ......

ترى الفلوسوالشهره ماراح يدومون لكم,,أما الذكرى تبقى معنا طول حياتنا .....

نسايم : والله منتي بهينه وش ذي الفلسفهالحلوه،طيب مثل ايش...؟؟!!!!!

مملكه عمري :مثل,, نروح أمريكا.........!!

أم علوش :وناسه نروحنهستر ونستانس على كيفنا..

وهم قاعدين يناقشون الموضوع كان هو مسوي ضجه وازعاجبهالربابه...’’’’’

شمس : ياأخي اسكت شوي خلنا نفكر زين....... !!

المارد :"الهمام" أخلصوا عليترى ماني فاضي لكم عندي اشغال كثيره عجلوا علي......
النظره الخجوله:والله ماردخطير عنده اشغال بعد ,,...........
قعدوا دقايق يفكرون في قضيه روحتهم لامريكا وكل مايطالعونه
إلا وهو يحرك شنباته وهو يقول"الهماااااام خلصوني"..............
المهم ,, قرروا يروحونأمريكا.................

المارد :يا الله غمضوا عيونكم وفي خمس دقايق تكونون فيأمريكا.............
شمس :لحظه لحظه بروح أجيبعباتي...
قالوا : ليييييش....

شمس :والله لويشوفني أبوي يذبحني بالفرد الليعنده.......
النظره الخجوله :بلا غباء حنا بنروح أمريكا .....
يعني لا أبوك ولاأخوك ولا قبيلتكم كلها بتكون هناك......
نسايم :بس يا بنات حرام مايجوز ,, قالوا: والله أنك صادقه.....

وكل وحده خذت عباتها واللي خذت معاها قفازاتها بعد،,.....
ويوم جوا عنده .....
قال :خيييييييييييييير ان شاء الله جايبين عباياتكم معكم.......؟؟!!
أنا يا الله أشيلكم يالخمسهعلى ظهري تبون بعد عباياتكم معكم.....!!
مملكه عمري : الله ..!! يعنى عباياتنا بتثقل عليك عطناغيرها.....
المارد : والله هاه شوفوني حلفت أني ما أوديكم الا لين تحذفون عباياتكم
النظره الخجوله :حذف ربي رأسك ....
المارد :شوفي أنتي "يقصد النظره الخجوله" ..ترى بخليك تنثبرين ...
اذاطولتي لسانك علي مره ثانيه سمعتي......
النظره الخجوله بعد مابققت عيونها: ايه سمعت.....

المهمنزلوا عباياتهم ورجعوا له........
المارد : يالله غمضوا عيونكم ..
واللي بتفتح عيونها ترىياويلها مني"يهدد".........
غمضوا عيونهم وطول هم مغمضين .........

مملكه عمري: ياللهياأخي بسرعه عورتني عيوني........
المارد : خلي الملاعين اللي وراك يغمضون عيونهم وبعدينأوديكم......
يوم لفت مملكه عمري عالبنات الا((النظره الخجوله و نسايم )) ...
فاتحين عين ومصكرينالثانيه , يبغون يشوفون كيف بيروحون لامريكا.....

مملكه عمري :بنات وجع غمضوا زين علشان يوديناأمريكا .....
والله ماني مصدقه أني بروح لها والا ترى بنروح ونخليكم....
قالوا:لالا خلاص بنغمض زين.....وصكروا كلهم عيونهم ,,..

وشوي خبط ولزق الا وهم فيأمريكا......ما سمعوا الا صوت المارد ’’’’
يضحك عليهم يقول :يله ياأغبياء أفتحواعيونكم.........

راما · 03-08-2008, 02:40 AM

الكل فتح عيونه ’’’’’’ وكانوا بالفعل هم في أمريكا وكانت أشكالهم غلط ...
بهالمرايل المعفنه ,, وكل واحد يمرعليهم يطالعهم بتعجب(((لعنبوا لايمه)))
واللي زاد الطين بله ....أن " المارد " صاف جنبهم يعني ...
هم ياالله ينبلعون جاي هو يكمل بعد......!!
البنات تصنموا من زود الصدمه وماتوقعوا أنالسالفه بتصير صدق.......

وشوي قام المارد يطالعهم وقال :وش بلاكم أول مره تشوفون ديره زي امريكا ...
والله شكلكم بنات فقر ,, أول مره تسافرون........!!!!!
أم علوش : شوفوا عادمن يتكلم يعني تبي تقول أنك قد رحت امريكا من قبل.....
قال : اصلاً توني قبل أمس متغدي مع بوش دبل يو.......
النظره الخجوله : الله يا "دبل يو" طيب وش كان غداكم؟! لا تقولمفطح...
هاهاهاااااااااااااااي قاموا يضحكون ويتلفتون عليه........

شمس : بصراحه أنا أول مره أشوف مارد،لا بعد مو أي مارد راعي صواريخ ....
المارد : والله بكيفكم تصدقون ولا أنقلعوا المهم بعد ثلاث أيام بنلتقي علشان أرجعكم....
مملكه عمري : يا أخي خلها أسبوع...
المارد : ليه..تحسبوني فاضي ترا وراي مشاوير .......
نسايم : ليه معزوم على غداءبعد....
شمس : لا يكون غداء عند أوبرا......
قعدوا يتطنزون عليه وهو ناقدعليهم يطالعهم بنص عيييييييين.....
المارد : تطنزوا بوريكم يالملاعين هين هين......

النظره الخجوله : هيه أنت أنا برجع معاك مقدر أنام بره بيتنا.......
المارد :أ ولاً "أنا مو أسمي هيه" ثانياً أنقلعي دبري عمرك
أنا ماني مكلفٍ فيك تبين ترجعين أركبي الطياره وأرجعي بيتك......
ام علوش : طيب ,,,, وش أسمك....؟؟!!!
المارد : أسمي"قرباع".......

هوقال أسمه ولا ماقال فقعوا البنات ضحك عليه أنه منجده.....
شمس : ترقع السالفه بعد ماحست أنه يتكلم من جد:
والنعم والله ,,,

.....هذي الأسامي ولا بلاش..........

المارد "قرباع" تشقق من الوناسه وهو يقول:ماعليك زود هذي الناس اللي تفهم ..

قرباع : ياالله أنا رايح اللحين....

نسايم : تعال يا"قرباع" وين بتروح وتخلينا حنا ما معانا فلوس .....!!

علشان نأكل ونشتري لنا ملابس و علشان بعد ندور لنا بيت نسكن فيه....

النظره الخجوله : ايه تكفى لازم تعطينا فلوس أمريكيه علشان ندبر أنفسنا.....

قال : أسمها دولارات...

مملكه عمري : ايه،المهم بس تكون $$ فلوس$$
وعطاهم فلووووووووس......

أم علوش : أنا أشهد أنك رجال شهم,,,..........

وانقلع قرباع وضف وجهه.....

::::::

النظره الخجوله و نسايم هم المترجمين لهم .........

قاموا يبربرون مع الأمريكان ألين ماعرفوا مكان شقه يمسون فيها........

ومن الفرحه لأنهم في امريكا قعدوا يومين ماطب النوم في عيونهم

وش عليهم على قولت قرباع "بنات فقر" ماشافوا خير....!!

مملكه عمري : يا بنات كلها ثلاث أيام ونرجع لديرتنا خلونانستانس...

.. ولا نخلي شارع ما ندج فيه والله ما صدقوا خبر،,,,,

**نسايم الهلال** · 03-08-2008, 02:46 AM

’’’’’.......وهم يتمشون شافواذاك الكازينو......’’’’’’

نسايم : خلونا ندخله ونتفرج.........

شمس :ليش شايفته محلملابس....!!!!!

النظره الخجوله: أنا خايفه ومراح أدخل......

شمس :أنا معك مراحأدخل....

أم علوش :وش فيكم مكبرين السالفه .......!!!!!!

خلونا ندخل ونشوف وش فيه أن أعجبنا والاطلعنا.....

النظره الخجوله :يعني نرقص ونغني،،........

مملكه عمري"أنا"بدخل واللي تبي تدخل تجي وراي

دخلوا كلهم وقعدوا وهم مسكرين خشومهم,,,,,,

من ريحه الوسكي اللي يتسكبونه"جعل يوسكهم السلال"......

وكان فيه مغنيه قاعده تغنيأغنيه ترفع الضغط وتجيب الهم...

الأغنيه هاديه مرررررررررررررره تقولون قاعده ترقدلها بزران....
ورقدتهم خصوصاً أن لهم يومين مارقدوا ........
ومملكه عمري ماتبي تنام لأن وراها مشاوير توهاماجت ربع أمريكا
قعدت تقوم البنات وكل وحده تقول :وش تبين..قالت:يا الله قومواتنشطوا.....
قالوا:أنقلعي ...بس هذا اللي تبينه.... !!!

مملكه عمري :أنا بروح ارقص من اللي بترقصمعاي....
وكل وحده فتحت فمها ,,,,,,,,,,,!!!!!!!!
شمس :أنابرقص معك.. بس ما فيه أغنيه ترقص لراشد ولا نبيل والا الجسمي....
النظره الخجوله :أنا ماأعرف أرقص بس صوتي حلو بغني لكم أغنيه ترقص....
((نسايمو أم علوش )) : وحنا بعد بنرقصمعكم.......

المهم نفذوا اللي في رؤسهم وقعدوا يغنون أغاني مقطنهمرررررره
"ما هم بعيدين من قرباع" مثل((يا سلامي عليكم يالسعوديه))
وفلوها رقص وهبال ,,,, ومابقى شخص- في ذا الشارع الاجاء....
ومن خبالهم ربّحوا راعي الكازينو ..................
واتفق معاهم يجيه بكره ويغنونفي الكازينو’’’’’’’’’
ويعطيهم ذيك الفلوس مقدم"يعني عربون".....
وهم من الفرحه ما صدقوا وافقواعلى طول.......

النظره الخجوله :ياأغبياء الحين بنشتهر ويوصل الخبر لأهالينا فيالسعوديه...
أم علوش :والله أن شافني أخوي أنه يذبحني.......
نسايم :يا أغبياءبكره بيجينا المارد وبيأخذنا وبنروح السعوديه
يعني لا من شاف ولا من درى.........
مملكه عمري :طيب.. وإذا طلعت صورنا.......!!!
شمس :عادي بنقول ناس يشبهونا.........
وأصلاً وش جاب صورنا في المجلات السعوديه ........!!!
واذا افترضنا أنها بتجي ماراح تجيالا في المجلات الأجنبيه
وأنتم خابرين أهلنا حَدهم مجله فواصل وأن أكشخوا
أشتروازهره الخليج"من المحيط الى الخليج"...........

جاء اليوم الثالث وهو أخر يوم لهم فيامريكا....
راحوا للكازينو ويوم دخلوا الكازينو الا والله ما بقى أحد في أمريكا عربي الاجاء
وقعدوا يغنون مصري على لبناني على سعودي على كويتي حتى العراقي غنوه ’’’’

المهم ما خلوا شيء ماغنوه .. والناسرقص ودنيا وما خلصوا الا الفجر ......
وكل وحده تهوس وراحوا لشقتهموعلى طول حطوا روؤسهم ورقدوا,,,,
وجاءت الساعه"6 الصباح" الا جرس الشقه يدق..,,,,,,
ولا وحدهمن البنات قامت تفتح الباب كلهم دايخين..

والجرس نرفز مملكه عمري ما عرفت تنام منه
وتقوم منالنوم وهي "معصبه" وتوها فاتحه الباب
لا ذاك الشي الطويل اللي شلخشمها معه....
وتطالعه زين الا هو""""ميكرفون"""" كانوا الصحفيين عند الباب ...
يصورون ويتكلمون عاد هي مافهمت ولا شيء من اللي يقولونه,,,,

وتصكر الباب بسرعه ..وتروح تقوم البنات ((يا ويلناويلاه عز الله أنفضحنا.....
عز الله تعلقت أرقابنا في المشانق....قوووموا يابنات شوفواوش صار...!!!)))
البنات قاموا مختلعين على صياحها قالت لهم السالفه الين ما استوعبوا....
وكلوحده خايفه ماتدري وش تسوي...

شمس :اسكتوا ولا تطلعون صوت علشان يروحون ...
قعدوا عشردقايق يتسمعون عند الباب ما سمعوا شيء ....
أم علوش :روحي يا مملكه عمري طلي من عندالباب شكلهم راحوا...
وهي تمشي بهدوء وتطل من العين اللي في الباب وشوي ,,,
ألاصوروا عينها بسررررررعه عاد تخيلوا شكل عيونها مطبقه من النوم ......

وتقوم" النظره الخجوله" تبيتصكر الدريشه الا ظلها جاء عالجدار ويصورونه....
ويصورون أي أي شئ يتحرك ..المهم ذاك اليوم ماطلعوامن الشقه ..
لأنهم مسنترين عند باب الشقه , وحتى عند بوابه العماره...
شمس :وشنسوي والمارد قرباع للحين ما جاء....
النظره الخجوله: صدق وش فيه"قرباع"ما جاءيأخذنا...
أم علوش:أكيد أنه مضيع الدرب....
نسايم:والله حنا اللي نضيعالدرب...
يا حبيبتي هذا مارد يعني يعرف العالم كله وأكيد أنه ما خلى ديره الا مازارها..

وهم في الشقه محبوسين الا المجله مدخلينها عليهم من تحتالباب.....
وتقوم مملكه عمري تركض وتجيب المجله وتفتحها تفرج فيها إلا صراخها ’’’’’’
..........شوفوا عيني يا بنات صوروها.....!!!!!
النظره الخجوله:حتى ظلي اللي على الجدار صوروه....
مملكه عمري :جعلهم المرض وش يبون بعيوني يومهم يصورونها ....
ياليتني كنت مكحلتها كان تهون ,,,,,,
شمس :يا اختيمحد يعرفكم((ذي ظل وأنتي عين)) والله مايعرفونكم...

أم علوش:والله أنهاصادقه...كملوا يتفرِجون للمجله الا المصيبه الكبرى ..!!!!!!!!
صورهم كلهم وهم يرقصونويغنون....’’’’’’’’

النظره الخجوله :ياسلام هذي فيها قص رقاب وقالت عطيني المجله
وقعدت تقرأ العنوانالا مكتوب((فتيات عربيات يغنون في أمريكا))...

خافوا البنات وكل وحده تفكر وش راح يسوونفيها أهلها اذا دروا......
وكلهم على أعصابهم وكل وحده تقول للثانيه أبوك يهون ولاأبوي....
المهم ويجيهم ذاك الفاكس ..........
مملكه عمري :بنات غريبه جانا "فاكس" من اللي يدري أن حناهنا...

شمس :أكيد أنه من معجبين امريكان ........
تعرفون الامريكيين ما يتخبى عليهمشيء....
قامت مملكه عمري لعند الفاكس .. بتشوف من اللي مرسل لهم ..
الا والله ذيك الأصابع الي تطلع منالفاكس .....!!!!!!!
وشوي الا ذراع أبوها وهي واقفه من الصدمه الا و يد أبوها تعطيها ذاك الكف ,,,,
والبنات قاعدين يصارخون وبنفس الوقت يضحكون عليها ....’’’’’
وبعدها عرفت أن أبوها ماقدر يجيلامريكا فقام ارسل يده بالفاكس السريع....

البنات:ياحظك يا مملكه عمري بصراحه حنا نحسدك......
مملكه عمري :على ايشحاسديني لا يكون عالكف اللي جاني......
قالوا:ايه،أنتي الحين افتكيتي وخلصتي ولاتحاتين شئ , الدور والباقي علينا احنا.....
وتقوم" نسايم " تبي تصكر الدريشه لان البرد ذبحها الا ذاك العقال الطاير
ويكفخها على رقبتها ... أثر أبوها مرسل عقاله من السعوديه الى امريكا ......
نعنبوك عقال .. والله وسمه في رقبتها " وسمه " تقولون كأنه وسمالبعارين.....
شمس :أكيد أبوي ما درى ولا كان أول من يكفخني....
مملكه عمري : أناو نسايم خلصنا من أهلنا , أجل بنروح نجيب لكم أكل ....

وطلعوا من الشقه...ويروحون السوبرماركت ...
ويشترون لهم شيء يوكل على قدهم لان الفلوس على وشكتخلص....
كملواالدرب وراحوا للشقه...يوم دخلوا على البنات
كانت أشكالهم تكسر الخاطر من التفكيربأهلهم..

راما · 03-08-2008, 02:55 AM

جاء اليوم اللي بعده و"قرباع" ما جاء ولا طل عليهم....

نسايم : خلونا ننزل لشارع نتمشى .....

وأن شاء الله نشوف "قرباع" في دربناونرجع لديرتنا...

يوم نزلوا,,الا ذولاك البنتين..واقفات لابسات مرايل مدرسه ياحراام....!

ويقربون منهم الا هم من بنات مدرستهم...........!!!!!

و الطااااامه الكبرى طلعت اخت النظره الخجوله

اللي اصغر منها مشوته الورعان وصديقتها راما ..

ولما شافوهم قاموا يصارخوون ويضمونهم مثل: السيلانياااات اذا لقوا بعض ....

وتقوم مشوته الورعان أخت النظره الخجوله من الفرحه وتحب رأسها..

طبعاً هذي أول مررة تسويها .. والظاهرأنها آخر مررره))

شمس : مشوته من اللي جابكم هنا.....؟؟

مشوته الورعان : والله مدري وشسمه.. واحد يطلع من ابريق..هوووع هااااع

راما : ذا الله لا يبلانا واحد شيفه يخرررع أسمه مرباع مدري قرباااااع...

النظره الخجوله: الله يسترمن قرباع لايجيب كل بنات المدرسه والفراشه معهم...

شمس : والله لا اوريه بس خلووني اشوفه .....

يعرف يجيب بنات ,,, بس ما يعرف يودينا في طريقه.......!!!!

المهم .. أخذوهم معهم وضموهم لشله ....

وكل يوم ينتظرون "قرباع" يتذكرهم ويرجعهم للديره......

راما: إلا صدق بنات كم صااار لكم وأنتم هنا ؟؟؟؟؟؟

النظره الخجوله: عدي وأغلطي اتوقع بالأنجليزي شهر...

وبالعربي شهرين هههههههههههههههه

مشوته الورعان: كيف يعني ما فهمت.......هوووووع هااااااع

نسايم :أصلاً ما راح تفهمين ... لأن البنات جتهم

حاله هستيريه يتحلموون ويخربطوون بالكلام....

مملكه عمري : بصراحه أحس أني بستخف أبي ارجع للسعوووديه....

يوم قالت كذا حزنووا البناات واللي تحط يدها على خدها واللي تمسح دمووعها...

أم علوش : بنات تدرون وش نفسي فيه ؟؟ !!!

البنات : وش نفسك فيه !!

أم علوش : نفسي في كبسه....

أما البنات من سمعوا طاري الكبسه اختبصت اشكالهم ...
اللي نقزت من مكانهاواللي بققت عيونها@.......
واللي فتحت فمها وهي تـتـذكر شكل الكبسه.........

مملكه عمري :يــــــا الـلـّه ..والله من زمان عن الكبسه واللبن والشطه...

نسايم: خلاص بنات ماأقدر أتحمل لا تعذبوني زيااااده.. ..

أم علوش: ((وهي تبي تلطف الجو)) بنات وش رأيكم أعشيكم اليوم كبسه...

النظره الخجوله : من جد والله بس من وين بتلقين كبسه هنا.......

نسايم:يمكن نلقى لان الكبسه صارت طبخه عالميه مشهورهههههههههه....

شمس : بنات بكيفكم تبون كبسه ولا هونتم ترى إذا هونتم يكون اوفر...

عشان المصاااريف وبما أن حنا زاد عددنا لازم نوفر....

نسايم : لا ..لا..من قالك هونا والمصاريف الله يلحقنا خيـــــــر...

راما : الــــلــــه كبسه ..زين انها ما فاتتنا حظنا حلووووو...

مملكه عمري: ما اظن انحظكم حلو وقرباع هو اللي جاااايبكم...

وقاموا البنات يستعدوون عشان الطلعه..ولما جوينزلون..
مشوته تبغى تفتح الباب..........

مسكتها شمس مع شوشتها وقالت: الأخت وين رايحه؟؟؟؟؟

مشوته الورعان: هوووع هاااع ..وش فيك مو حنا بنزل نتعشى برا .. !!!!

شمس :ايه بننزل نتعشى..بس مو من عند الباب بننزل...!!

مشوته الورعان: ليش..... ؟؟؟!!!

النظره الخجوله: لأن صاحب الشقه يستنى تحت عند البوابه

وحنا ياحلوة ما دفعنا الإيجااار صارلنا شهرين....

راما: طيب من وين بننزل...؟؟!!!!

قامت مملكه عمري أشرت لهاعالشبااااك...

راما : تمزحين صح!!!!!

مملكه عمري: لا والله ما امزح ما لناغير هالطريقه

والا انثبري ما له داعي تعشين بره.........

راما: لا عاااد ماني منثبره يلاّ خلينا ننزلوالله يستر لا أطيح على خشتي ...

المهم نزلوا للشارع.......

مشوته الورعان: الحمد الله أن حنا ساكنين في الدور الثاني ......

ولا كاااااان قلنا على الدنيا السلام... هوووع هااااع

قعدوا يمشون بشوارع امريكا ويدورن باااص يوديهم

وكل ما مروا من جنب احد قعد يطااالعهم بإستغراااب

ما ينلام شايفينهم جيش التتااااااااار((المغوول)) خخخخخخ

مملكة عمري · 03-08-2008, 03:10 AM

المشهد السادس

النظره الخجوله: هااااااه يانسايم دوري لنا مطعمٍ زين يسوى كبسه أو رزبخااري
نسايم : طيب بس أنتظروا خلوني ادور لناسياره توصلنا ...............
وبعدين نسأل عن مطعم نبلع فيه......@

راحت ((نسايم والنظره الخجوله)) يدورون ويسألون...
والبنات الباقيات جالسات عالرصيف على الرصيف
وكل ما مر عليهم أحد كسروا خاطره رمى عليهم قرش والاقرشين
و(( أم علوش )) قاعده تجمع القروش وتعدهااااا.......

أمعلوش: شمس شوفي هذا القرش كم يساوي بالسعودي...
شمس: عطيني اشووف قامت تضحك شوفي .....
كل قرش يساوي عندنا بالسعوديه ريال واحد........!

مملكه عمري : يا ماااال الفقر خير انشاء الله شايفينا جيش,,,,,
وكل واحد يعطينا ريال واحد بس.............!!
راما : بنات عيب عليكم تاخذون القروش كنكم شحاذات...
شمس : اقوول اسكتي واللي يرحم والديك صرنا طقاقات ’’’’’’’
وما تبين نصيرشحاااااااذاات ...........
وبعدين هذا مجتمع مايعرف العيب يعني أخذى راحتك عالاخر....

مشوته الورعان: (((وهي قاعده تعد القروش )))
والله حنا ما طلبنا منهم شي هم اللي عطووناااا.....هوووع هااااع
مملكه عمري : على قولت المثل (( اللي يجي من الله حياااه الله ))....

راما : بنات أناجووعانه خلونا ناكل أي شيء مولازم كبسه...
وتقووم مشوته الورعان وتطقها على رأسها..
راما : وجع وش فيك يا الدبه...........!!!
أم علوش : ايه اكيد الاخت شبعانه من الكبسه مالك الا يومين في امريكا
اما حنا الله يرحم حالنا صار لنا شهرين نشفنامن كثرما كلينا ذاالنواشف...

مملكه عمري : بنات من جد هذي امريكا والله ماني مصدقه ....!!!!!!
وتدور على نفسها .. مصدقه انهاهااااايدي...
مشوته الورعان: والله يووم قال لناهذاااااااااااااا وشسمه
راما : قرباع
مشوتهالورعان: ايه صح قرباع..يوم قالنا بيودينا امريكا توقعت انه يكذب علينا
بيحذفنافي اقرب طعـــس هووووووع ها ااااااااااع...
راما: وأنا بعد ماصدقت قلت اكيد يبي يسكتنا بيحذفنا وراء مدرستنا...

وشووي الانسايم تناقز وسط الشاارع تبي توقف البااااص اللي اقبل عليهم.....
ولما وقف الباص عندهم..لفت على البنات وقالت: يلاّ لايروح ويخليكم.....
وقاموا معها وركبواالباااااااص،،،،،،
وكاان راعي الباص مشغل أغنيه كلاسيكه هااادئه ...... ’’’’’

مشوته الورعان: ((وهي طربااانه))هيه يالمترجم ((تقصد نسايم ..))
لفت عليهانسايم: والله المترجم له اسم...!!
مشوته الورعان: ((وهي قاعده تدق رقبه)) طيب نسايم ولا تزعلين..
تكفين قوولي للسواق يشغل لنا شيء يرقص ,,,, يعني نقاااازي
وياليت يكوون للطقااااقه موووضي يعجبني طقها... هووووع هااااااع

مملكه عمري : اقوول انثبري بس..تبين تفضحينا عندهالاجااانب...
هم اشكالناويالله ابلعوووها وانتي جايه تبين تسوين ,,,,
...(( فلكلووور شعبي )) اقووووول انطقي مكانك...........

اما (( النظرهالخجوله وشمس ))كانوا ملزقين وجيهم بالشباااك
ويسولفوون وكل السوالف تعليق على خلق الله...
وشوي الا قعدوايصارخوون ويناقزون في اماكنهم,,,,,
ويقولون للسواق (( (( stooooop-stoooooop............

وتنقزأم علوش معهم وهي ما تدري وش السالفه .. .. ..
بس البنت حقت فزعااات وتحذف جزمتها (( تكرمووون)) على السواق
وتصكه مع رأسه وهناااوقف السواق - وهو مختلع -.... !!
وينط من مكانه ويفتح الباب ويهج ركض من الخلعه....
مملكهعمري : حسبي الله عليك ياأم علوش وراك اخلعتي الرجااال....
أم علوش: لا بس كنت ابغاه يووقف....
نسايم: الله يعينا اندور باااص ثاني يودينا...
مشوتهالورعان: ندور أحسن ,, وشورانا...هووووع هااااااع

وكملوا طريقهم ومهمه البحث عن مطعم يسوي كبسه....
ألين تعبوا وقرروايرتاحون وجلسوافي زاويه الشارع من التعب
يهوجسون بالكبسه اللي بياكلونها الا والله ويمرعليهم ذاك الرجااال الكاااشخ...
(( لابس بنطلون جينزموديل شارلستوون + لابس قبعه فوقها نظاره شمسيه
+ الشوارب كنها قرون ثور + وحاط على ظهرهربابه ))) .....

قامواالبنات يضحكون على شكله...’’’’’’
راما : اخص وش ذاالكشخه وخروا عنه بس...
شمس : شكله والله من بدو امريكا اللي توهم يتحضرون..

أمعلوش : والله كنه واحد من ربعناكاشخ...
انا اعرف اشكال وراعينا اذا كشخوا مثل ذا والعن بعد....

والرجاال في حاااله يمشي.. .. ..

مملكه عمري : بنات مو يشبه قرباع.....!!!!!!

النظره الخجوله: الاوالله يشبهه مرررررره...
نسايم : وانا اقووول وين شفت ذي الربابه؟؟؟؟
شمس :يا بنااات هذا قربااااع الحقووووووووووووووووووه ......

**النظرة الخجوله** · 03-08-2008, 03:13 AM

وما شاء الله هجووووا البنات وراه ,,, يركضون كأنهم قطيع غنم ...
ويوم التف يشيك عالوضع الا لقاهم يلحقونه ,,,,
ويقط القبعهويحط رجله يركــــــــــــــــض....................
هو يركض وهمورااااه الين ما دخل ذاك المتحف و كان المتحف شبه فاااضي...
واخيراً وصل ((قرباع)) عند زاويه في المتحف وماله مجاال يهرب
أم علوش : هدووني عليه هذا اللي قاااهركم !! والله لاعلمه الصراطالمستقيم...
قرباع : حرام عليكم وش تبون فيني ؟؟؟ هذا جزايانيقاعد امشيكم ......
اهلكم اللي هم اهلكم ما مشووكم ولا فكروا اصلاً يسفرونكم برهتتمشون...

مملكه عمري : الحين حنا اللي حرام علينا واللي سويته انت فينا مو حرامهااااااه؟؟؟
قرباع : وش سويت فيكم؟؟؟
نسايم : سؤالوجيه..!! جاوبوا عليه بس باختصار لاني ذابحته ذابحته....

شمس : انااللي بجاوبه مو قلت لكم من قبل لاشفت وجهه بوريه الشغل زيــن...
تمسكه منالكرفته اللي لابسها برقبته وتخنقه وهو يصااااارخ
وعيونه تناقزت منمكااانها....و مشوته تشوته و راما تصفقه ..
النظره الخجوله: بنات فكووه لايموت الرجاااال ونتوهقبه....
قرباع : حسبي الله عليكم بغيت امووت.. ..
أم علوش : ليتك مت... عشان تعرف تكذبعلينا ..
قرباع : بصراحه نسيتكم وبعدينكنت مشغوول مرررررررره....

مملكه عمري : الله والشغل عااااد..تعرف تجيب بنات ,,,,,,
بس ماتعرف ترجعنا للسعوديه وانت راجع صح والا... .. ..
قرباع : خلاص حصل خير آمروا انتمبس وتدللوا بعد..........
نسايم : ما نبي نتدلل بس نبي ترجعنا اللحين للسعوديه...
النظره الخجوله: أيه .. نبي ترجعنا للسعوديه ...
قال قرباع: متى تبون ترجعووون؟؟؟؟

مملكه عمري : الحين يعني متى؟؟
قرباع : لا لا الحين مااقدر عندي شغل مهم......!!
شمس : ((وهي معصبه)) قلنا اللحين يعني اللحينوالا
قرباع : خلاص ان شاء الله اللحين اوديكمبس أسمعوا مو كلكم بتروحون!!!!!!
شوفوا انا راح اوديكم علىدفعات لان ظهري يعورني مايستحمل ناس كثيره
أول دفعه أربع بنات بس ,..........
وكانوا (( شمس , أم علوش , مشوته الورعان, راما ))
إلتفت قرباع على البنات الأربعه وقال: يلاّ غمضواعيونكم...
وشوي إلا البنات مختفين وقرباع معهم....

******وقعدوا ساعتين ينتظرون متى يرجع قرباع ******

نسايم: ياربي متى يرجع قرباع؟؟!! والله شكل قرباع صار خبر كان......
مملكه عمري :يمكن قرباع غرس بالطريق أو نشب فى شجره هههههههههه ....
النظره الخجوله: بناتخلونا نرجع للشقه ترى مافيه أمل قرباع يرجع...

مملكه عمري: صحصحي زين نسيتي أنا مادفعنا الأيجار....
النظره الخجوله: طيب اللحينوين بنام لا تقوولون بالشاارع...!!!
نسايم: خلونا ننتظره شووي.. يمكن نكسرخاطره ويرجع لنا..

مملكه عمري: صدقوني ما راح يرجع..
آآآآآآآآه ليتني رحت مع خوياتييوم رااااحوا..
النظره الخجوله: ترى شوي وبيقفل المتحف..
مملكه عمري : خلونا نطلع لا يقفلون علينا ونتحنط هنا ,,

راما · 03-08-2008, 03:15 AM

طلعوامن المتحف وقعدوا يمشون ويدورن لهم مكان يرقدون فيه
وهم يمشون بالشارع لقوا مكان ما فيه غيره عشان ينامون فيه
وكان لعبه كبيره على شكل بيت في حديقه بيت فخمه

وبعد معاناه ... دخلوا في اللعبه وخمدوا فيها ..
النظره الخجوله سمعت صوت بس اكيد ما فهمت كان انجليزي
وتنادي البنات وتقومهم بس لا حياة لمن تنااااادي......

وفجأة زاد الصوت وكأن احد يتكلم بميكرفون
نسايم بعد ماصحت : وش هالصوووووووت؟؟؟؟

النظره الخجوله تقوم مملكه عمري...........
مملكه عمري : بسم الله وش فيكم قامزين مع ذا الفجر...؟؟!!!!!
قالوا : فيه صوت بس ما ندري وشهو...؟؟
مملكه عمري : طيب ما فيه وحده منكم ذكيه تكلف على نفسها شوي
وتطل مع الشباك وتشوووف وش صاير!!!!

وتقوم مملكه عمري وتطل من الشباك الا شرطه " FBI "
محوطين المكان وكانوا موجهين الرشاشات عليهم...
(( والسالفه ان اهل البيت بلغوا ان فيه ارهابين في حديقتهم))

مملكه عمري : بنات رحنا فيها.......!!!
نسايم: لا شكلهم ماسكين حراميه اسمعيهم يقولون سلموا انفسكم....
مملكه عمري : وكانت تترجف من الخوف هذا احنا يالغبيه..

ويقومون البنات ويطلون من الشبابيك واللي تطل من الباب
وشافواوتاكدوا ان الوضع صدق

نسايم : بنات يا ويلنا ويلاه خلونا نسلم انفسنااحسن من يداهمونا
ويطلقون علينا الرشاشات.......
مملكه عمري : انا ما راح اتحرك من مكاني...
النظره الخجوله : خلونا نطلع زي ما قالت نسايم ونفهمهم السالفه...
نسايم: اللي عند الباب أول وحده تطلع خلونا نلحق على اعمارنا...
وكانت مملكه عمري اللي عند الباب.....

مملكه عمري : انا ما راح اطلع اول وحده...
النظره الخجوله : شوفوا انا عن نفسي اخر وحده بطلع سمعتوا..
مملكه عمري : (( وهي تتراجف )) وأنا قبل الاخير..
نسايم: ما شاء الله عليكم طابورمدرسه......!!!!

****

وشوي الا بصوت يتكلم انجليزي وهم ساكتين
عشان نسايم تستوعب وش يقولون.....
وبدأ العد التصاعدي 1 2 3...
التفتوا على نسايم....(( يعني وش السالفه)) ؟؟!!!!!!!

نسايم: بنات هم بيعدون للعشره, واذا ما طلعنا بيرمون بالرصااااص...!!
النظره الخجوله : يا ويلنا والله ما لقينا من وراء قربااع خير ...
مملكه عمري : خلاص بنات انا بطلع توكلت على الله ....
وطلعوا وراها البنات وكل وحده رافعه يدها مستسلمات..!!
مملكه عمري : والله ما سوينا شئ بس ((سليب sleepسليب))...
قام قائد الشرطه يتكلم ......

ويجي الشرطي عند مملكه يبي يكلبشها وكان قاعد يتلوا الشروط عليها
وهي اكيد ما تدري وش يقول.....!!!
مملكه عمري : اقوووول لا تكثر حكي كلبش وانت ساااكت....
نسايم : يقولك تقدرين تحطين لك محامي - - - - - وإلى اخره..
مملكه عمري : آآآآه على اول شبابي اصير راعيه سوابق يا حظي الردي...

شوي الا شئي صقع مملكه عمري على وجهها والنظره الخجوله بعد معها
النظره الخجوله : وش ذا اللي صقعني...... ؟؟!!

كان فيه ولد (( فاحط)) يبكي ويتكلم ويحذف عليهم
ومعه امه وابووه يهدونه

مملكه عمري : هذا وش يبي ؟؟ والله لا اقوم اصفقه...
النظره الخجوله :والله يبي له تربيه.....!!!
نسايم: بنات حرام عليكم هذا الولد اللي نمنا في لعبته البيت...
مملكه عمري : أمحق بيت ........!!
النظره الخجوله تتكلم مع الولد تقوول له: معليش حبيبي
ابشر بالعوض وانااختك بس خلهم يفكونا وانااشتري لك لعبه وش كبرها....
الله لا يوريكم ويقوم الورع ويرفسها ذيك الرفسه على ساقها وتصاااارخ:آآآآآآآه

المهم خذتهم شرطه " FBI " في سيارتهم اللي كنها سياره الموتى..
مملكه عمري : الله وناسه كنا في فيلم اجنبي......
النظره الخجوله: وانا البطله ههههههاي..
نسايم: آه وش الله بلاني مع ذاالمبزره اللحين هم يحسبونا ارهابين
وانتي ووياها مستانسات....
مملكه عمري : يعني يحسبونا من جماعة اسامه بن لادن..

قام الشرطي والتفت عليهم ويطالعهم بنظرات
نسايم: بصوت واطي يالحماره لا عااد تجيبين طاري ذا الاسم مره ثانيه فااهمه..
مملكه عمري : لا انا اقصد اسامه ولدعمي...<<<< (( تبي تكحلها عمتها ))

ولف الشرطي مرره ثانيه يناظرمملكه عمري وهو معصب
نسايم: اقوول يا زينك سااكته..
النظره الخجوله : الحين صدق أن حنا إرهابين كله من لسانك الطويل..!!
نسايم: والله شكلكم بتجيبون العيد في التحقيق...
مملكه عمري : بنات شوفوا في التحقيق قولوا الصراحه إلاسالفه قرباع
لأنهم ما راح يصدقونا......

النظره الخجوله: وش نقول كيف جينا لامريكا ..؟؟؟؟؟؟
وحنا لا معنا جواز ولا فيزا ولا هم يحزنون..!!
نسايم: صح اللحين يحسبونا " مهاجرين غير شرعيين "...
مملكه عمري : بنات تشهدوا على ارواحكم حنا رحنا فيها يعني رحنافيها.......

**النظرة الخجوله** · 03-08-2008, 03:29 AM

** المهم خذوهموحطوهم في زنزانه فاضيه **

وبعد نوووم عميق جاهمالشرطي الساعه6 الصبااااح
وقعد يضرب الباب بعصاااااه ويقوووول" Stand up " وقامواكلهم ..!!
مملكه عمري : وش يبي هذا مصبحنا مع صباح الله خير....
نسايم: لا بس جااي يعزمنا على الفطور.....
النظره الخجوله: الله جوعانه يمكن صدق حاطين فطور..

***قامالشرطي يضرب الباب ويقوووول (( كويكلي )).....
******المهم سحبوهموحده وحده ودخلوهم بغرفه
وهم قاعدات يستنون الفطووووور****
وشوي يدخلونعليهم جيش محققين ومعهم مترجم " مصري "
وقعدوا يقزونهم ويتكلمون بينهموبدأتاسئلتهم.....

المترجم : تعرفون احمد عبدالله..؟؟؟
مملكه عمري: ايه اعرفه لا يكون صاير فيه شئ..!!
المترجم : ايه يا بنتبتئوووولي ايه بتعرفيه؟؟؟
** كل المحققين يطاالعونها والشرر طالع من عيونهم **
مملكه عمري: ايه والله اعرفه هذا ولد جيرانا عمره خمس سنوات
اسمه "احمد" وابوهاسمه "عبدالله"...

المترجم : بوصي يا بنت احمد اللي بنسالكعنو هو ارهاابي......!!
مملكه عمري: ارهابي !!! يمين بالله ما اعرفه.....!!
**** انتهت الاسئله وانتهىالتحقيق ... ورجعوهم لزنزانه ****
النظره الخجوله : جوعانه ياربي وش اسوي يعني اكل ثيابي...
مملكه عمري: بنات شوفوا انا بغني وانتم ردوا ورااي علشان ننسىالجوع ...طيب

مملكه عمري (( يا ماال فرقى العين يوم حبسوني ))...والبنات وراها يرددون.......
***ويجي الشرطي ويهاوشهم ***
النظره الخجوله: يا وجهه الله ما يخلي احد يستانس او يفضفض عن نفسه شوي...
نسايم : ترىاذا سوينا ازعاج راح يحطون كل وحده بسجن انفرادي
مع الفيران يعني اسكتوا......!!
**الشرطي رجع عليهم بس ذا المره جاااي ومعاه صينيهكبير**
***ويوم حط الشرطي الصينيه على الارض وشافوه وش جايبلهم...
تلفتوا على بعض من زود الصدمه ,,,,,

***** الفااااااجعه *****
كا ن جايب لهم (( عشر حبات زيتون اسود + حبه جبن + خبزه وحده ))
النظره الخجوله : اظن هذا فطوري وانتم للحين ما جاء فطوركم...
مملكه عمري: تنكتين ,,, هذا فطورنا كلنا.....!!
النظره الخجوله : وجع .. وش ذا الفقر......!!
نسايم : اقول احمدوا ربكم والله شيء احسن منلاشيء .
النظره الخجوله : يا ربي ما شبعت جووعانه مررررره.
نسايم: ما عليكم بنات خلوا السفاره السعوديه تجي وابشروا بالخير..
مملكه عمري :( ايهانطر يا حمار الين ما يجيك الربيع)
يعني السفاره بتخلي اشغالها وبتجيعشانااقوول تحلمي بس لا يكثر....

*** ومشت الساعات والدقايق ولما جت الساعه 3 العصر
جاء الشرطي وفتحعليهم الباب***
مملكه عمري : وخروا جاكم عنتر زمانه...........
** قعد الشرطي يناظر البنات بنظرات غضب و يتكلم مع نسايم**
نسايم: بنات ابشركم السفاره السعوديه جت وطالبينا اللحين...
مملكه عمري : واللهوناااسه صرنا شخصيات هاامه ...!!
النظره الخجوله :وناسه اللحين بيفزعون لنا وبيرجعونا للسعوديه...

** تناقزوا البنات ورحوا معالشرطي للغرفه اللي فيها السفاره **..
السفير: يلاّ علموني وش سالفتكم وبدون كذب عشان نساعدكم..

*** قعدوا يعلمونهم السالفه من طق طق للسلام عليكم,,,,***
السفير : تقدرونتروحونلبيتكم الحين بس بدون مشاكل...
مملكه عمري : بنروحالسعوديه...!! " يا سلامي عليكم يالسعوديه - - - "
السفير :اي سعوديه اقصد تقدرون تروحون المكان اللي جيتوامنه...!!!!
وطلعتهم السفاره على كفالتهاااا وقالوا للشرطه (F.B.I)
ان هالبنات مجانين وهربانين من مستشفى الامراض النفسيه..,,,,
النظره الخجوله : والله انا توني اكتشف ان عندي انفصامبالشخصيه..!!
يعنى مره مجنونه ومره ارهابيه ................!!!!!!
مملكه عمري :بسم الله علينا من الجنون ليشيقولون عنا كذاااااا
حرام عليهم انا عاقله وعقلي يوزن بلد ..........
نسايم: واضح العقلاقول احمدي ربك بس طلعوناااا ...............
يقولون مجانين مهابيل اهم شى نطلع من السجن .....

(((((((وهم طالعينمن السجن))))))))
لقوا بالطريق شايب معه ونيت وقاعد يحمل شعير وقربوا منعنده ...
مملكه عمري : نسايم جاء شغلك ترجمي وخليه يركبنا .....
الشايب يسألهم ....... نسايم : بنات وين تبغونتروحون؟؟؟؟؟؟؟؟
النظره الخجوله : نبغى هوليود تكفون خلونى اشوفها هاذي امنيهحياتي....!!
مملكه عمري : اقول ياكثر امنياتكبس ...!!!!!
**********وركبواالبنات بالحوض وراء مع الشعير************

مملكة عمري · 03-08-2008, 03:39 AM

المشهد العاشر

ويوم وصلوا لهوليودنزلوا البنات وريحتهم شعير....

وهم يمشون لقوا مهرجان لمشاهير هوليودراحوا يركضون ويصارخون من الفرحه
وكان مره زحمه وقعدوايطالعون الفنانين ويدفونهم الناس على السجاد الاحمر
ويلقون " اوبره " .......
مملكه عمري : عوبره مدرى اوبره .....!!
وقعدوا البنات يسلمون عليها ,,,
النظرهالخجوله تمسك شعرها وتقول : ماشاءالله وش هالزين ...؟؟!!
بأي مشغل ملستي شعرك ...!! وهي تضحك على بالها يمدحونها ......!!

وبعدها جاء ( البدى قار) حق اوبره وطردهم ......
وقعدوا يمشون ويتمشون بالشارع ................
نسايم:بنات حرام شوفواشحاذ يكسر الخاطر
مملكه عمري : وينه ..؟؟ اي والله حرام بنات يكسرالخاطر احد معه قرش
النظرهالخجوله : القروش مع شمس خذتهامعها لسعوديه
مملكه عمري : وش رايكم بنات نصف جمبه ترى والله اشكالنا اشكال شحاذات......

))))))) وقربواااااااااااااا من عنده ,,, لماقربوااااااااااااااااااا(((((((
النظره الخجوله : ق ق ققربااااااااع
قامواكلهم يصرخون بصوت واحدقربااااااااااااااااع......!!
ويوم شافهم قعديبكي ويتمسكن..
مملكه عمري :وين العز..؟!! وين العشاء مع بوش دبليو..؟!!
قرباع : ايه ياحظكم الحين قاعدين تششمتون فينى ...!!!!
النظره الخجوله : بنات حرام هذا مهماكان اخونا المسلم..!
نسايم: وشدراك انه مسلم يمكن يكون مسيحي ...!!
قرباع : مسحوا فيكم الارض ان شاءالله انتي وياهاانا مسلم ونص
نسايم: والله يسب بعد ....!!

النظره الخجوله : طيب وشفيك؟!.. وش اللي خلاك بهالحاله ..؟!!
قرباع : ضاع ابريقى وهو راس مالى
مملكه عمري : افاااااااااااااااااااااااا ياذا العلم
نسايم: شفت ياقرباع كما تديت تدان......
قرباع : بنات تكفون سامحوني انا عارف اني غلطت بحقكم بس مالي غيركم
مملكهعمري : وش تقصد بهالكلام ليكون بتخاوينا بعد.... !
قرباع: ايه..تكفون والله لاصير لكم خدام بس لاتخلونى لحالنا ماحب الوحده
مملكه عمري : اهااا الحين جربت كيف الوحده ,,
لامستحيل ناخذك معنا بعد كل اللي سويته فينا .....

نسايم: بنات تعالواجلسه مغلقه نتشاورفيها
النظره الخجوله : بنات حرام خلونا ناخذه معنا
نسايم: خلي قلبك طيب يامملكه عمري وخلينا ناخذه معنا ويكون لنامحرم
النظره الخجوله :صح يعنى مو حلو نمشي شله بنات مامعنا رجال!!!!
مملكه عمري : استريحى انتى وياهامترتوا شوارع امريكا مامعكم رجال
والحين مالقيتوا غيرقرباع .........!!!!!

*****وقعدواالبنات يقنعون مملكه عمري********
النظره الخجوله : حرام شوفي شكله ماعنده احد ......
نسايم: ياغبيه الحين هو معه فلوس من وظيفه الشحاذه
يعنى راح يفيدنا وخاصه ان حنا جوعانين....!
مملكه عمري : خلاص موافقه بس بشرط ونقز قرباع وكان يسمع كلامنا
قرباع : موافق موافقعلى شروطكم....$$$
النظره الخجوله : خوش جلسه مغلقه .........!!!!!

مملكه عمري اسمع اولشروطنا:
اولاً: تعشينا..وثانياً :ادبر لنا وسيله نرجع فيها لسعوديه..!
قال: موافق..!!

وراحوا مطعم وطلب لهم قرباااع,, ويوم كلوا و شبعوا
مملكه عمري : قرباع ترى باقى نص الاتفاق مانفذته...
ويقعد قرباااع يفكرررر وهم ينتظرونه وشوي يقوم ينقز,, ويقول لقيتهالقيتها
نسايم: يالله قرباع وش اللي لقيتهاا تحفنا
قرباع: نخطف طياره رايحه لسعوديه ........!!!!!!

×××××البنات اسكتووووووووووو من الصدمه مومصدقين×××××
مملكه عمري تبلع ريقها : لا لا ياقرباع ماتفقنا كذا....!!!!!!!
نسايم: بصراحه هذاشيء كبير مافى غير ذي الفكره .... !!
مملكه عمري : قايله لكم هذا ماينفع بشي غير الفضايح @

النظره الخجوله : ممكن توضح كيف نختطف طياره؟؟
مملكه عمري : النظره الخجوله متاثره بهالافلام الاجنبيه الى تشوفينها
نسايم: طيب يعنى كيف نركب طياره وحنااصلاً مامعنا لاجواز ولا فيزا؟؟
قرباع : اسمعونى عدل ماعليكم انا راح ادبرلكم الجوازات وكل شئ
نسايم: طيب مدام انك راح تسوي لنا جوازات ليش نلف وندور
مو لازم نخطف الطياره نروح كنا مسافرين ....
حالنا حال الناس والا انت تحب تسوى اكشنات ترى والله مو لايق عليك !!

اسمعوعدل انا راح ازور الجوازات والتذاكر وبعد مانركب الطياره
وتقلع بساعتين راح يكتشفون ان حنا مزورين فهمتوووووووووووووووووااا
مملكه عمري : شوف انت المزور مو حنا لاتحطها براسناترى محنا ناقصين.
النظرهالخجوله : الله اكشن ووووووناسه.....@

ويوديهم قرباع لاقرب مصور ويصورهم هذيك الصور
ويبدا قرباع مهنته فى التزوير وصارت الجوازات جاهزه وكنها حقيقيه
نسايم: شكله والله من اكبرالمزورين فى العالم ..
مملكه عمري : خلونى بس ارجع السعوديه والله لاعلم عليه
علشان يعطونى جائزه ههههههه @@

النظره الخجوله : يالله مانى مصدقه بنسرق طياره ..!!
نسايم: وانتي الصادقه نخطف طياره مو نسرق ياحلوه ..!!
قرباع: وقص السانك انتي وياها قصروا اصواتكم لاحديسمعنا وتخرب الخطه
مملكه عمري : وعععععع من زين الخطه عاد ...@

راما · 03-08-2008, 03:43 AM

المهم راحوا وركبوا الطياره وكل وحده قاعده على اعصابهاااااا
النظره الخجوله : لوسمحت يامستر قرباع وش نوع السلاح الى راح نستخدمه ..؟!!
قام قرباع يتخبط قال هاه وش تقولين سلاح اصلا نسيت سالفه السلاح ....!!!!

وهناااااا شهقوووووو البنات كلهم

مملكه عمري :حسبى الله عليك ياقرباع والله انك بتجيب لى الضغط هذا شئ ينسئ..!!

نسايم: وهى معصبه اجل بأي شيء نخوف الركاب...؟...بالربابه حقتك..!!
قرباع : خلاص لاتخافون راح ادبرها يعنى ادبرها ........

ومرت ساعه وقرباع يفكر ومترالطياره ياما راح وياما جاء

نسايم: بنات بقى ساعه على مايكتشفون السالفه....

النظره الخجوله قاعده تاكل وتقول : يازين اكلهم زيناه.......

مملكه عمري : الحين حنا بورطه وانتى قاعده تبلعين.

النظره الخجوله : اقول حنا ممسوكين يعنى ممسوكين خليهم يمسكونى شبعانه

احسن من اكون جوعانه ولانسيتى وش صار فينا بالسجن من الجوع

نسايم : فال الله ولا فالك لاان شاء الله مايمسكونا ولانرجع للسجن

وشوى جاء قرباع يركض وقعد بسرعه وقام يتلفت وراءه

قال : الحمدلله ماشافونى ....!

مملكه عمري : وش فيك تركض و خايف......؟؟!!!!

قرباع : لقيت بزارين يلعبون ومعهم مسدسات مائيه سرقتها منهم خخخخخخ

النظره الخجوله : ليكون هذا السلاح امحق سلاح بس طيب وينه ..؟!!

قام يطلعها من بطنه وكانت ثلاث مسدسات ويقول شوفوا

هذا واحد لى لانى راح اروح لجهه الكابتن

واحد لـ نسايم والنظره الخجوله علشان تستأسرون الركاب فى الدرجه الاولى

واحد لـ مملكه عمري علشان بتكون فى أخر الطياره ..............

النظره الخجوله : طيب .. وين سلاحي ...؟؟!!!!!!

قام قرباع يطالع شعرها وكلهم لفوا عليها وكانت لابسه شباسه وشكبرها .....

النظره الخجوله :خير وش فيك تطالع شعرى لايكون معجبتك الصبغه

قرباع : اى صبغه انتى وجهك من زين صبغتك الى كنها عجوز محنيه شيبها

قاموا البنات يضحكون ههههههههههههههااااااااا

النظره الخجوله عصبت وقالت: شف من الى يتكلم الى يسمعه يقول ,,

شعره شعر فلبينى وسايح من النعومه000

قرباع: اقول عطينى الشباصه الى لابسته وانتى ساكته,,,,,,

واى وحده لابسه شباصه تعطينى اياها ...

واكيد البنات فى سبيل النجاه نزلواالشباصات اللي لابسينها وكل وحده انتفشت شوشتها
**يعنى الحين صدق صارواارهابيات**

النظره الخجوله : والله مانزلها يمسكونى ولا انفش شوشتي ..!!!

وقعدواالبنات يحاولون معها نص ساعه وفى النهايه!!

وافقت بشرط انها تخليه بشعرها واذا جاء وقت الجد بتنزله ..

وبعدها انتهت الساعتين........

قرباع : النظره الخجوله تعالي معى والباقين توزعوا بالطياره

وانتبهوا ..لا .. احد يشوف الشباصات كل وحده تمسكها بيدها ولا تخليه يبين

علشان الركاب يحسبونها انها عبوه ناسفه o.kقالوا كلهم o.kkkkk

قامت النظره الخجوله و نسايم يتناقزون ويقولون يه يه يه

مملكه عمري : وجع .. وش فيكم خضيتواالطياره...؟!

نسايم: ياغبيه علشان نخوف الركاب...!!

مملكه عمري : وش دعوه ماخوفتوهم بهالشوش ...!!

وراح قرباع والنظره الخوله يستاسرون الكابتن ومساعده

وكانوا الركاب خايفين ويبكون ويصارخون<<<كانوا يكسرون الخاطر

الا صوت قرباع بالمكرفون مصدق عمره يقول:هنا الكابتن قرباع

يحييكم ويتمنى لكم رحله سعيده

وعلى الاخت نسايم التوجه الى الكابتن قرباع

وكان قرباع يبغى نسايم تتترجم للكابتن بس

ورجعت النظره الخجوله مكان نسايم....

(( مملكه عمري ))مستأسره المضيفات ومشغلتهم سوى قهوى سوى شاى خخخخ

النظره الخجوله: كانت تتفرج على التلفزيون وفجاءه شافت صورهم

قامت تركض بالطياره وتصارخ انفضحنا انفضحنا صدق الحين خوفت الركاب

مملكه عمري : وش فيك .........؟؟؟!!!!!!!

النظره الخجوله : صورنا بالاخبار ياويلى من ابووووووووووى..!!

مملكه عمري : حرام عليك ياقرباع ضاع مستقبلي والسبه خططك الفاشله
كنت ابغى اصير دكتوره ...............

والقهر انه هو الوحيد الى ماطلعت صورته ........!!

النظره الخجوله : خلينى اروح اقول لزهور وقرباع الخبر الشين

ويوم دخلت غرفت الكابتن لقت كرسي الكابتن ومساعده فاضيه

***نسايم تتصفح مجله أمريكيه وقرباع نايم ***

النظره الخجوله : وين الكابتن ومساعده ..؟؟؟؟!!

نسايم : الله لايعمينا ... شوفيه وتاشر على زاويه الغرفه

وكان مربوط هو ومساعده فى الزاويه ........

النظره الخجوله : طيب من اللي الحين يسوق الطياره ..؟؟!!!

نسايم: مو لازم احد يسوقها هى تسوق بنفسها ’’

انا مره شفت طياره كذا بالتلفزيون....................!!!!

قامت النظره الخجوله تمسك المكرفون وتنادينى(( الحقينا يا مملكه عمري))

ويوم سمعت صوتها تناديها وتجئ عندهم وهي مفحطه...

النظره الخجوله : شوفى هالخبلان وش مسوين مربطين الطيار ومساعده

والطياره طايره لحالهااااا .......!!!

مملكه عمري : حسبى الله على ابليسكم فكوهم بسرعه لاتطيح الطياره.....

× ويفكونهم ويقعد الكابتن ومساعده في اماكنهم × .....

**النظرة الخجوله** · 03-08-2008, 03:52 AM

*** وبعد ساعات طويله وصلوا اخيررررراً لسعوديه***
وقفت الطياره بمطار الدمام وماشاء الله مابقىشرطى بالمملكه ماجاء فى المطار
ويقعدون البنات يطلون من الشباك واللي تبكى والليتمسح دموعها
مملكه عمري : ياويلى كيف انزل الحين ياليتنى جبتمعى برقعى (الصقر)
النظره الخجوله:الله يقطع شرك ياقرباع حنا الاغبياء الى سمعنا كلامك وخططك الفاشله

وجاءقرباع وقال: انا عندى خطه وش رايكم بنات انزل نص الركاب...!!!
نسايم: انت ماتبتمن هالخطط وبعدين ليش ننزل نص الركاب؟؟؟
قرباع : والله مدرى بس دائما اسمعانهم ينزلون نص الركاب <<((يبى يسوى حركه))

المهم من شده غبائهمللمره المليون سمعوا كلامه ونزلوا نص الركاب0
وشوى جت نسايم وقالت: بنات وينقرباع احد شافه ....!!!
كل البنات قالوا لا ,,ولا احد شافه ويقعدون يدورن قرباع ......@

ووشوي قعدت النظره الخجولهتصارخ وتاشر على التلفزيون وتقول شوووفواااااا
×××وهنا كانت الفاجعه ×××
كان قرباعطالع فى الاخبار ومكتوب تحت فى الشريط
((( انه من احد الناجين من الركاب )))
وكان قرباعيتكلم ويقول ان هالبنات ارهابيات ,,,
ومعهم اسلحه خطيره وفتاكه وقنابليدويه...........!!!!!

)))والبنات من هول الصدمه قعدو يبكون وحالتهم حاله
والى جاتها حالههستريه قعدت تبكى وتضحك(((

نسايم: الله لايوفقك ياقرباع النذل00
مملكه عمري :انا قايله لكم هذا ماله امان بس ماصدقتونى
النظره الخجوله : حرام عليه وين الاسلحهالفتاكه والله ماعندنا الا شباسات
خساره بس فكيت شوشتي وتحط الشباسه بشعرها وهيتبكى ’’
نسايم: وحتى المسدسات اللي معنا مائيه وتضغط عليه ويرشبعينهااااااا
ويقعدون البنات يبكون وكل وحده تندب حظهااااااااااااا
وشوى طفتانوار الطياره وكانت الدنيا ظلام وصارت مداهمه قويه بالطياره
وطلق نار وصراخ,,,وشووووووى تررررررررررررندق جرس الفسحه
وتقوم مملكه عمري مختلعه
النظره الخجوله : وش فيكماشبعتى نوم .......!!!!
لك ثلاث حصص نايمه وشكلك تتحلمين حلم رهيب
مملكه عمري: قربااع وين قرباااع
نسايم :اي قرباع سمله عليك قايله لك انك تتحلمين واللهشكله حلم مشوق
قوليه لي بعد الفسحه اوكيهوطلعوا من الفصل
وهي قاعده تحمد ربهاعلى انه حلم
ولما طلعو البنات من الفصل للفسحه ومابقى غيرها00
سمعت صوت عندالدولاب وكان صوت قرباع يغني
((ياسامعين الصوت ردوا عليا))
وتنقز من مكانهاوتتلفت بالفصل وتقول ليكون اتخيل
ان شاء الله انى اتخيل
وتقرب جمب الدولاب وتفتحهوهنااااااااااا لقت ابريق قرباااع
وكان صوت قرباع طالع منه وهي تجمدتفي مكانها
قرباع :هاه مملكه عمري ماتبين تروحين لامريكا مره ثانيه
وتقعدتصرخ وتقول لا لا مابى اروح ,, وتطلع من الفصل تركض
((خرج ولم يعد)) .................

(( النــــهـــــــــايــــــه))

02-08-2008, 03:55 PM	#1
..: قسم المجلس :.. اليوزر الإداري لقسم المجلس	\|\| مسـرح القنـاص \|\| .. 2 .. . . . موعدكم الليله مع مسرحية \|\| سعوديات في امريكا \|\| في تمام الساعه 2.3 صباحا تقريبا كونوا بالانتظار ..

03-08-2008, 02:08 AM	#2
الـ وجدآن ( بصْمة بيضَاء )	رد: \|\| مسـرح القنـاص \|\| .. 2 .. بطوله .... مملكه عمري النظره الخجوله شمس الحقيقه نسايم الهلال مشوته الورعان أم علوش رامـــا إشرافـ فهـد السهـلي & وجـدان تمنيااتنا لكم بقضاء وقت جميل مع مسرحيتنا

03-08-2008, 02:18 AM	#3
مملكة عمري قناص مميــز	رد: \|\| مسـرح القنـاص \|\| .. 2 .. أهـــــــلا وســـــهلا ســــمـــــوا لــكم كل أبوكم و أ مكم

03-08-2008, 02:29 AM	#4
مملكة عمري قناص مميــز	رد: \|\| مسـرح القنـاص \|\| .. 2 .. في صباح يوم من أيام الدراسه كانت مملكه عمري صاحيه من صباح الله خير و رايحه للمدرسه وتنتظر في الفصل .. متى بتجي الشله المرحه..... وطبعاً كالعاده مملكه عمري أول وحده تجي من الشله لأن بيتها قريب..... وهي قاعده في الفصل وشوي الا صوت واحد قاعد يغني وطربان حده.... وكنه يغني((نحمد الله)).. ومملكه عمري تتنافض من الخوف ,, وقامت تسمي وتتعوذمن ابليس..وماتدري وش قرت من الخرعه ....... اختبصت الحروف في بعضها ، وكانت بتنحاش من الباب ,, ..... الا (( النظره الخجوله و شمس )) طالعين بوجهها ... وصرخت عليهم وخرعتهم,, .......!!! مملكه عمري : الحمد لله أنكم جيتوا، ليش تأخرتوا.....؟؟!!! قالوا: ليه وش فيك اليوم...!! حنا كل يوم نتأخر.......!! شمس وهي "تستهزء": السنه على وشك أنها تنتهي ,, ولا تعودتي علىتأخيرنا.... مملكه عمري : الا اليوم في الفصل شئ غريب ,,,........ وهي تعلمهم السالفه ,,, الا بقيه الشله داخلين عليهم وهم : ((نسايم الهلال و أم علوش ))جايات في باص واحدكعادتهم.. النظره الخجوله علمتهم السالفه وقاموا يضحكون عليها .. نسايم : تعوذي من ابليس يامملكه عمري أكيد هذا تاثير السهر ,,, ولا الفيلم الأجنبي اللي شفتيه أمس مأثرفيك.... مملكه عمري :لا،،والله أني ما اكذب عليكم.....!! ولما كانوا يتطنزون وكل وحده تقط عليهاكلمه ... وفجأأأأأأأأأأأأأأأأأأأأة رجع الصوت مره ثانيه وكان يغني(( لرابح صقر ))............. "يا دار لا هنتي ولا هان راعيك"...... وكل وحده تطالع الثانيه ولفوا على مملكه عمري .......... على بالهم أنها جايبه راديو جدتها وأنها قاعد تسوي فيهم مقلب مملكه عمري : شفتواياكلاب لندن، صدقتوا الحين.. النظره الخجوله : أكيد أنه راديو ولا مسجل.... أم علوش :الله وناسه يالله خلونا نرقص ونهستر.. :الله ياذا الراديواللي يشتغل ويطفي على كيفه......!! أما الباقين سكتوا دروا أن فيه بلاء في السالفه ...... نسايم : هذا مو وقت مزاح خلونا نطلع من الفصل ,,,, لا يحطونها فيناويقولون جايبين معكم مسجل.......!!!! وتعهدات ويكلمون أهالينا على شئ ماسويناه........ شمس :لا،،لا،،يا أغبياء - يعني عاد هي الذكيه....!! خلونا نتبع الصوت ونشوف وش مصدره’’’’.......!!!!! المهم قعدوا شوي يستوعبون الموقف,, وبعدين تبعوا الصوت .... الا هو في أخر الفصل من صوب الدولايب..توزعوا كل وحده تدور في دولاب,, ولا لقوا شي غير- ابريق - كلهم استغربوا الصوت كان طالع منه..’’’’’ نسايم :اسمعوا يابنات اذا طلعوا بنات الفصل للطابور ......... نأخذ الأبريق ونشوف وش سالفته.......... شمس :أي والله صادقه عشان محد يعلم علينا ,, خبركم بنات فصلنا .. وكاله آنباء احسن من((CNN)).. .. النظره الخجوله :والله مافيني صبر انتظر خلونا الحين نشوف وش السالفه.. مملكه عمري :أنا رأيي من رأي نسايم .. وحنا ترى مو ناقصين مشاكل.. المهم قعدوا في الفصل ونفذوا الخطه وكل وحده تشغل نفسها بأي شئ .... اللي تحل الواجب واللي ماسكه كتاب يعني أنها بتذاكر على آخرالسنه،,.... واللي ماسكه مرايا وتتكشخ وعلى ذا الحال....... بنات الفصل استغربوا مو من طبعهم يجلسون في الفصل هادين.. دايماً يجتمعون الصباح يدّوجون في أسياب المدرسه ويتلقفون على هاذي و ذيك... واللي فيها حره من وحده تبي تكفخها يفزعون لها......... أما بنات الفصل يسألون وش عندكم جالسين في الفصل؟؟!!!!!! أكيد مسوين شئ وما تبون أحد يمسكم..والاناوين على شئ .. الشله اشتغلوا أعذار عالبنات اللي تقول نبي ننجح واللي تقولنبي نسبه .. واللي تقول زهق بره---------------------------ألخ وأخيراً: دق الجرس بنات الفصل "عله" ماطلعوا ألا بعد مانشفوا حلوقهم ويوم طلعوا بقت وحده"نشبه"تقول تعبانه ماني نازله....تشلخ!!مافيها الا العافيه ... كنها حاسه أنهم بيسون شيء وماتبيه يفوتها.....!! قعدوا يفكرون وسووا خطه ((أنما أيه)) على قولت أخوانا المصريين...... قامت شمس وطلعت برا الفصل وتأخرت شوي وبعدها دخلت علينا.. قالت للبنت : اليوم المديره بتكرم البنات المتفوقات ,,....... ...أكيد أنتي منهم لأنك ماشاء الله عليك متفوقه...... البنت نقزت من الفرحه كنها ثور هايج تركض للطابور.... النظره الخجوله:الله وأكبر على التعبانه......... وبعد عناء طويل ضفوا بنات الفصل ولا بقى أحد غيرهم ......... شمس :يالله نفتح الدولاب ونشوف سالفه الأبريق.....!! وكل وحده منهم تقول أنا مراح امسكه المهم تجمعت الأراء وقالوا... أنتي يا((مملكه عمري)) بايعه الدنيا يالله روحي جيبي الأبريق.. وهي مسويه نفسها قويه عليهم ومن داخلها ميته من الخوف.. مملكه عمري : تعالوا معاي لعند الدولاب وأنا بطلعه لكم.. النظره الخجوله :لا لا...لا يكون خايفه............... مملكه عمري :معصي ((مو مملكه عمري اللي تخاف من شيء سخيف)).. أم علوش :أجل روحي لحالك..... مملكه عمري توهقت ماتدري وش تقول بس عزت نفسها وكابرت,,......... مملكه عمري :عادي أروح لحالي أحسن ماأخذ معاي بنات خوافات... نسايم :لوسمحتي لا تعممين اصلاً أنامو خايفه..(تكابر) وعادي بروح معاك.. شمس : وأنا بعد أبد ماني خايفه وبروح معاكم.. وكلهم قرروا يجون معاها.. التعديل الأخير تم بواسطة مملكة عمري ; 03-08-2008 الساعة 02:42 AM

03-08-2008, 02:36 AM	#5
نسايم الهلال . . : زعيم القناصين : . .	رد: \|\| مسـرح القنـاص \|\| .. 2 .. المهم راحوا لما قربوا من الدولاب زاد الصوت,, وكأنهم قاعدين في عرس.. تشجعت مملكه عمري وفتحت الدولاب ,, وطلعت الأبريق وقعدت تطالعه ,,........ مملكه عمري : الصراحهذكرني بأبريق كان عند جدي ومحتفظ فيه ,,.. لأنه على قولته يذكره بطفولته "اللهيالخيره"..... الأبريق كان مليان غبره و مسوي ضجه في الفصل ,,... قعدت مملكه عمري تنفضالأبريق من الغبار...الا دخان كثير يطلع منه....... والبنات يصارخون عليها يبونها توقفالنفض... النظره الخجوله:حرام عليك هيضتي علي حسسيتي....... مملكه عمري : الله يلعنكمهذا مو غبار ذا الدخان طالع من الأبريق يالهنود...!! كلهم تصنموا يطالعونها وهي منالخرعه قطت الأبريق على الأرض وتخبت وراء البنات...والدخان كل مالهيزيد...والفصل فجأه ظلم عليهم ,, .. وزادت الرهبه في قلوبهم كلهم..اللي تكح واللي تعاطسواللي جاها الربو ..... وحالتهم حاله..وشوي وسط الظلام والدخان كان فيه عيون " تلمع" وبدأ الدخان يخف شوي ومع خفت الدخان الا ذاك الرجال اللي يروع ... وشواربه تقولون شوارب الوجه اللي على "برينجلز"..... ولابس له ثوب وغتره والعقالمايل ,,,......... وكلهم بصرخهوحده(يمااااااااااااااااااااااااااااااااااااااااااا ااااااااااااه).. قال :وجع يا قليلات الأدب وش يصارخبكن.......!! شمس :من أنت..؟!!! "وهي ترجف من الخوف"... قال :لا والله ,,,"يعنيماتعرفين".......!! نسايم :لا والله ما نعرف من أنت....! النظره الخجوله : وش شايفناعباقره ذا الزمن..... قال :يمكن أنتم ماتعرفون بس ذي تعرف..يأشرعلى" "مملكه عمري"........ مملكه عمري : أنا ,,,,, ياكذبك والله أنك كذوب .....!! قال :موأنتي اللي نفضتي الغبارعن الأبريق........ مملكه عمري :ايه كنت انظفه ولا حرامبعد.... قال :خلاص أجل...أنا المارد اللي فيه وأنتي ناديتيني... نسايم :يعني زيالمارد اللي مع علاء الدين... المارد :ايه ,, ولا مش مالي عيونكم..... نسايم :الا ماليعيوننا ونص بعد... أم علوش :وراك مهمل بنفسك وليش ماتكشخت زين أحسن من كشختك ذي ,, ....يعني تلبس بنطلون وتيشيرت وتقص فرزاتشي وتسوي حركتات...... المارد :ليه شايفتني من شبابالراشد ,,...أصلاً تدرون أن هذا الثوب والغتره ,, من عصر الملك عبدالعزيز -اللهيرحمه- وارثه أباً عن جد........ شمس :عز الله ماورثت خير...... مملكه عمري : هيهأنت ,, الحين بتجي الأستاذه والبنات بعد.. لوسمحت .. أدخل في أبريقك الله لايهينك,, لا تسوي لنا مشكله معالمدرسه ترى بلاوينا كثيره.... مملكه عمري : هيهأنت ,, الحين بتجي الأستاذه والبنات بعد.. لوسمحت .. أدخل في أبريقك الله لايهينك,, لا تسوي لنا مشكله معالمدرسه ترى بلاوينا كثيره.... النظره الخجوله :وش رأيك تفسح معنا بعد أحسن... ياالله ضفوجهك......!!!!! المارد :أفا... والله ماهقيتها منكم بس عناد فيكم,,,........... مراح أروح ..أنسوا .. لين تطلبون لكم طلبوااااااااحد بس.. شمس الحقيقه :وبتنفذه الحين....... المارد :وش رأيك بعد،أخلصوا أطلبواولا ترى بهون...... قالوا طيب وقعدوا يتشاورون وهم قاعدين يفكرون ويتناقشون.... قام المارد وطلعدلته وفناجيله اللي معفنه ومعها الربابه..وقام يشب الحطب... ويتقهوى ويغني أغاني من زمان مغبره مررررررره مايدرون من وينمطلعها... قاعدين يفكرون اللي تبي فلوس واللي تبي تصيرمشهوره ,, واللي تبي شباسات........ مملكه عمري :يا بنات وش رأيكم نطلب طلب يبقى ذكرى بيننا ...... ترى الفلوسوالشهره ماراح يدومون لكم,,أما الذكرى تبقى معنا طول حياتنا ..... نسايم : والله منتي بهينه وش ذي الفلسفهالحلوه،طيب مثل ايش...؟؟!!!!! مملكه عمري :مثل,, نروح أمريكا.........!! أم علوش :وناسه نروحنهستر ونستانس على كيفنا.. وهم قاعدين يناقشون الموضوع كان هو مسوي ضجه وازعاجبهالربابه...’’’’’ شمس : ياأخي اسكت شوي خلنا نفكر زين....... !! المارد :"الهمام" أخلصوا عليترى ماني فاضي لكم عندي اشغال كثيره عجلوا علي...... النظره الخجوله:والله ماردخطير عنده اشغال بعد ,,........... قعدوا دقايق يفكرون في قضيه روحتهم لامريكا وكل مايطالعونه إلا وهو يحرك شنباته وهو يقول"الهماااااام خلصوني".............. المهم ,, قرروا يروحونأمريكا................. المارد :يا الله غمضوا عيونكم وفي خمس دقايق تكونون فيأمريكا............. شمس :لحظه لحظه بروح أجيبعباتي... قالوا : ليييييش.... شمس :والله لويشوفني أبوي يذبحني بالفرد الليعنده....... النظره الخجوله :بلا غباء حنا بنروح أمريكا ..... يعني لا أبوك ولاأخوك ولا قبيلتكم كلها بتكون هناك...... نسايم :بس يا بنات حرام مايجوز ,, قالوا: والله أنك صادقه..... وكل وحده خذت عباتها واللي خذت معاها قفازاتها بعد،,..... ويوم جوا عنده ..... قال :خيييييييييييييير ان شاء الله جايبين عباياتكم معكم.......؟؟!! أنا يا الله أشيلكم يالخمسهعلى ظهري تبون بعد عباياتكم معكم.....!! مملكه عمري : الله ..!! يعنى عباياتنا بتثقل عليك عطناغيرها..... المارد : والله هاه شوفوني حلفت أني ما أوديكم الا لين تحذفون عباياتكم النظره الخجوله :حذف ربي رأسك .... المارد :شوفي أنتي "يقصد النظره الخجوله" ..ترى بخليك تنثبرين ... اذاطولتي لسانك علي مره ثانيه سمعتي...... النظره الخجوله بعد مابققت عيونها: ايه سمعت..... المهمنزلوا عباياتهم ورجعوا له........ المارد : يالله غمضوا عيونكم .. واللي بتفتح عيونها ترىياويلها مني"يهدد"......... غمضوا عيونهم وطول هم مغمضين ......... مملكه عمري: ياللهياأخي بسرعه عورتني عيوني........ المارد : خلي الملاعين اللي وراك يغمضون عيونهم وبعدينأوديكم...... يوم لفت مملكه عمري عالبنات الا((النظره الخجوله و نسايم )) ... فاتحين عين ومصكرينالثانيه , يبغون يشوفون كيف بيروحون لامريكا..... مملكه عمري :بنات وجع غمضوا زين علشان يوديناأمريكا ..... والله ماني مصدقه أني بروح لها والا ترى بنروح ونخليكم.... قالوا:لالا خلاص بنغمض زين.....وصكروا كلهم عيونهم ,,.. وشوي خبط ولزق الا وهم فيأمريكا......ما سمعوا الا صوت المارد ’’’’ يضحك عليهم يقول :يله ياأغبياء أفتحواعيونكم.........

03-08-2008, 02:40 AM	#6
راما قناص مميــز	رد: \|\| مسـرح القنـاص \|\| .. 2 .. الكل فتح عيونه ’’’’’’ وكانوا بالفعل هم في أمريكا وكانت أشكالهم غلط ... بهالمرايل المعفنه ,, وكل واحد يمرعليهم يطالعهم بتعجب(((لعنبوا لايمه))) واللي زاد الطين بله ....أن " المارد " صاف جنبهم يعني ... هم ياالله ينبلعون جاي هو يكمل بعد......!! البنات تصنموا من زود الصدمه وماتوقعوا أنالسالفه بتصير صدق....... وشوي قام المارد يطالعهم وقال :وش بلاكم أول مره تشوفون ديره زي امريكا ... والله شكلكم بنات فقر ,, أول مره تسافرون........!!!!! أم علوش : شوفوا عادمن يتكلم يعني تبي تقول أنك قد رحت امريكا من قبل..... قال : اصلاً توني قبل أمس متغدي مع بوش دبل يو....... النظره الخجوله : الله يا "دبل يو" طيب وش كان غداكم؟! لا تقولمفطح... هاهاهاااااااااااااااي قاموا يضحكون ويتلفتون عليه........ شمس : بصراحه أنا أول مره أشوف مارد،لا بعد مو أي مارد راعي صواريخ .... المارد : والله بكيفكم تصدقون ولا أنقلعوا المهم بعد ثلاث أيام بنلتقي علشان أرجعكم.... مملكه عمري : يا أخي خلها أسبوع... المارد : ليه..تحسبوني فاضي ترا وراي مشاوير ....... نسايم : ليه معزوم على غداءبعد.... شمس : لا يكون غداء عند أوبرا...... قعدوا يتطنزون عليه وهو ناقدعليهم يطالعهم بنص عيييييييين..... المارد : تطنزوا بوريكم يالملاعين هين هين...... النظره الخجوله : هيه أنت أنا برجع معاك مقدر أنام بره بيتنا....... المارد :أ ولاً "أنا مو أسمي هيه" ثانياً أنقلعي دبري عمرك أنا ماني مكلفٍ فيك تبين ترجعين أركبي الطياره وأرجعي بيتك...... ام علوش : طيب ,,,, وش أسمك....؟؟!!! المارد : أسمي"قرباع"....... هوقال أسمه ولا ماقال فقعوا البنات ضحك عليه أنه منجده..... شمس : ترقع السالفه بعد ماحست أنه يتكلم من جد: والنعم والله ,,, .....هذي الأسامي ولا بلاش.......... المارد "قرباع" تشقق من الوناسه وهو يقول:ماعليك زود هذي الناس اللي تفهم .. قرباع : ياالله أنا رايح اللحين.... نسايم : تعال يا"قرباع" وين بتروح وتخلينا حنا ما معانا فلوس .....!! علشان نأكل ونشتري لنا ملابس و علشان بعد ندور لنا بيت نسكن فيه.... النظره الخجوله : ايه تكفى لازم تعطينا فلوس أمريكيه علشان ندبر أنفسنا..... قال : أسمها دولارات... مملكه عمري : ايه،المهم بس تكون $$ فلوس$$ وعطاهم فلووووووووس...... أم علوش : أنا أشهد أنك رجال شهم,,,.......... وانقلع قرباع وضف وجهه..... :::::: النظره الخجوله و نسايم هم المترجمين لهم ......... قاموا يبربرون مع الأمريكان ألين ماعرفوا مكان شقه يمسون فيها........ ومن الفرحه لأنهم في امريكا قعدوا يومين ماطب النوم في عيونهم وش عليهم على قولت قرباع "بنات فقر" ماشافوا خير....!! مملكه عمري : يا بنات كلها ثلاث أيام ونرجع لديرتنا خلونانستانس... .. ولا نخلي شارع ما ندج فيه والله ما صدقوا خبر،,,,, التعديل الأخير تم بواسطة راما ; 03-08-2008 الساعة 02:46 AM

03-08-2008, 02:46 AM	#7
نسايم الهلال . . : زعيم القناصين : . .	رد: \|\| مسـرح القنـاص \|\| .. 2 .. ’’’’’.......وهم يتمشون شافواذاك الكازينو......’’’’’’ نسايم : خلونا ندخله ونتفرج......... شمس :ليش شايفته محلملابس....!!!!! النظره الخجوله: أنا خايفه ومراح أدخل...... شمس :أنا معك مراحأدخل.... أم علوش :وش فيكم مكبرين السالفه .......!!!!!! خلونا ندخل ونشوف وش فيه أن أعجبنا والاطلعنا..... النظره الخجوله :يعني نرقص ونغني،،........ مملكه عمري"أنا"بدخل واللي تبي تدخل تجي وراي دخلوا كلهم وقعدوا وهم مسكرين خشومهم,,,,,, من ريحه الوسكي اللي يتسكبونه"جعل يوسكهم السلال"...... وكان فيه مغنيه قاعده تغنيأغنيه ترفع الضغط وتجيب الهم... الأغنيه هاديه مرررررررررررررره تقولون قاعده ترقدلها بزران.... ورقدتهم خصوصاً أن لهم يومين مارقدوا ........ ومملكه عمري ماتبي تنام لأن وراها مشاوير توهاماجت ربع أمريكا قعدت تقوم البنات وكل وحده تقول :وش تبين..قالت:يا الله قومواتنشطوا..... قالوا:أنقلعي ...بس هذا اللي تبينه.... !!! مملكه عمري :أنا بروح ارقص من اللي بترقصمعاي.... وكل وحده فتحت فمها ,,,,,,,,,,,!!!!!!!! شمس :أنابرقص معك.. بس ما فيه أغنيه ترقص لراشد ولا نبيل والا الجسمي.... النظره الخجوله :أنا ماأعرف أرقص بس صوتي حلو بغني لكم أغنيه ترقص.... ((نسايمو أم علوش )) : وحنا بعد بنرقصمعكم....... المهم نفذوا اللي في رؤسهم وقعدوا يغنون أغاني مقطنهمرررررره "ما هم بعيدين من قرباع" مثل((يا سلامي عليكم يالسعوديه)) وفلوها رقص وهبال ,,,, ومابقى شخص- في ذا الشارع الاجاء.... ومن خبالهم ربّحوا راعي الكازينو .................. واتفق معاهم يجيه بكره ويغنونفي الكازينو’’’’’’’’’ ويعطيهم ذيك الفلوس مقدم"يعني عربون"..... وهم من الفرحه ما صدقوا وافقواعلى طول....... النظره الخجوله :ياأغبياء الحين بنشتهر ويوصل الخبر لأهالينا فيالسعوديه... أم علوش :والله أن شافني أخوي أنه يذبحني....... نسايم :يا أغبياءبكره بيجينا المارد وبيأخذنا وبنروح السعوديه يعني لا من شاف ولا من درى......... مملكه عمري :طيب.. وإذا طلعت صورنا.......!!! شمس :عادي بنقول ناس يشبهونا......... وأصلاً وش جاب صورنا في المجلات السعوديه ........!!! واذا افترضنا أنها بتجي ماراح تجيالا في المجلات الأجنبيه وأنتم خابرين أهلنا حَدهم مجله فواصل وأن أكشخوا أشتروازهره الخليج"من المحيط الى الخليج"........... جاء اليوم الثالث وهو أخر يوم لهم فيامريكا.... راحوا للكازينو ويوم دخلوا الكازينو الا والله ما بقى أحد في أمريكا عربي الاجاء وقعدوا يغنون مصري على لبناني على سعودي على كويتي حتى العراقي غنوه ’’’’ المهم ما خلوا شيء ماغنوه .. والناسرقص ودنيا وما خلصوا الا الفجر ...... وكل وحده تهوس وراحوا لشقتهموعلى طول حطوا روؤسهم ورقدوا,,,, وجاءت الساعه"6 الصباح" الا جرس الشقه يدق..,,,,,, ولا وحدهمن البنات قامت تفتح الباب كلهم دايخين.. والجرس نرفز مملكه عمري ما عرفت تنام منه وتقوم منالنوم وهي "معصبه" وتوها فاتحه الباب لا ذاك الشي الطويل اللي شلخشمها معه.... وتطالعه زين الا هو""""ميكرفون"""" كانوا الصحفيين عند الباب ... يصورون ويتكلمون عاد هي مافهمت ولا شيء من اللي يقولونه,,,, وتصكر الباب بسرعه ..وتروح تقوم البنات ((يا ويلناويلاه عز الله أنفضحنا..... عز الله تعلقت أرقابنا في المشانق....قوووموا يابنات شوفواوش صار...!!!))) البنات قاموا مختلعين على صياحها قالت لهم السالفه الين ما استوعبوا.... وكلوحده خايفه ماتدري وش تسوي... شمس :اسكتوا ولا تطلعون صوت علشان يروحون ... قعدوا عشردقايق يتسمعون عند الباب ما سمعوا شيء .... أم علوش :روحي يا مملكه عمري طلي من عندالباب شكلهم راحوا... وهي تمشي بهدوء وتطل من العين اللي في الباب وشوي ,,, ألاصوروا عينها بسررررررعه عاد تخيلوا شكل عيونها مطبقه من النوم ...... وتقوم" النظره الخجوله" تبيتصكر الدريشه الا ظلها جاء عالجدار ويصورونه.... ويصورون أي أي شئ يتحرك ..المهم ذاك اليوم ماطلعوامن الشقه .. لأنهم مسنترين عند باب الشقه , وحتى عند بوابه العماره... شمس :وشنسوي والمارد قرباع للحين ما جاء.... النظره الخجوله: صدق وش فيه"قرباع"ما جاءيأخذنا... أم علوش:أكيد أنه مضيع الدرب.... نسايم:والله حنا اللي نضيعالدرب... يا حبيبتي هذا مارد يعني يعرف العالم كله وأكيد أنه ما خلى ديره الا مازارها.. وهم في الشقه محبوسين الا المجله مدخلينها عليهم من تحتالباب..... وتقوم مملكه عمري تركض وتجيب المجله وتفتحها تفرج فيها إلا صراخها ’’’’’’ ..........شوفوا عيني يا بنات صوروها.....!!!!! النظره الخجوله:حتى ظلي اللي على الجدار صوروه.... مملكه عمري :جعلهم المرض وش يبون بعيوني يومهم يصورونها .... ياليتني كنت مكحلتها كان تهون ,,,,,, شمس :يا اختيمحد يعرفكم((ذي ظل وأنتي عين)) والله مايعرفونكم... أم علوش:والله أنهاصادقه...كملوا يتفرِجون للمجله الا المصيبه الكبرى ..!!!!!!!! صورهم كلهم وهم يرقصونويغنون....’’’’’’’’ النظره الخجوله :ياسلام هذي فيها قص رقاب وقالت عطيني المجله وقعدت تقرأ العنوانالا مكتوب((فتيات عربيات يغنون في أمريكا))... خافوا البنات وكل وحده تفكر وش راح يسوونفيها أهلها اذا دروا...... وكلهم على أعصابهم وكل وحده تقول للثانيه أبوك يهون ولاأبوي.... المهم ويجيهم ذاك الفاكس .......... مملكه عمري :بنات غريبه جانا "فاكس" من اللي يدري أن حناهنا... شمس :أكيد أنه من معجبين امريكان ........ تعرفون الامريكيين ما يتخبى عليهمشيء.... قامت مملكه عمري لعند الفاكس .. بتشوف من اللي مرسل لهم .. الا والله ذيك الأصابع الي تطلع منالفاكس .....!!!!!!! وشوي الا ذراع أبوها وهي واقفه من الصدمه الا و يد أبوها تعطيها ذاك الكف ,,,, والبنات قاعدين يصارخون وبنفس الوقت يضحكون عليها ....’’’’’ وبعدها عرفت أن أبوها ماقدر يجيلامريكا فقام ارسل يده بالفاكس السريع.... البنات:ياحظك يا مملكه عمري بصراحه حنا نحسدك...... مملكه عمري :على ايشحاسديني لا يكون عالكف اللي جاني...... قالوا:ايه،أنتي الحين افتكيتي وخلصتي ولاتحاتين شئ , الدور والباقي علينا احنا..... وتقوم" نسايم " تبي تصكر الدريشه لان البرد ذبحها الا ذاك العقال الطاير ويكفخها على رقبتها ... أثر أبوها مرسل عقاله من السعوديه الى امريكا ...... نعنبوك عقال .. والله وسمه في رقبتها " وسمه " تقولون كأنه وسمالبعارين..... شمس :أكيد أبوي ما درى ولا كان أول من يكفخني.... مملكه عمري : أناو نسايم خلصنا من أهلنا , أجل بنروح نجيب لكم أكل .... وطلعوا من الشقه...ويروحون السوبرماركت ... ويشترون لهم شيء يوكل على قدهم لان الفلوس على وشكتخلص.... كملواالدرب وراحوا للشقه...يوم دخلوا على البنات كانت أشكالهم تكسر الخاطر من التفكيربأهلهم..

03-08-2008, 02:55 AM	#8
راما قناص مميــز	رد: \|\| مسـرح القنـاص \|\| .. 2 .. جاء اليوم اللي بعده و"قرباع" ما جاء ولا طل عليهم.... نسايم : خلونا ننزل لشارع نتمشى ..... وأن شاء الله نشوف "قرباع" في دربناونرجع لديرتنا... يوم نزلوا,,الا ذولاك البنتين..واقفات لابسات مرايل مدرسه ياحراام....! ويقربون منهم الا هم من بنات مدرستهم...........!!!!! و الطااااامه الكبرى طلعت اخت النظره الخجوله اللي اصغر منها مشوته الورعان وصديقتها راما .. ولما شافوهم قاموا يصارخوون ويضمونهم مثل: السيلانياااات اذا لقوا بعض .... وتقوم مشوته الورعان أخت النظره الخجوله من الفرحه وتحب رأسها.. طبعاً هذي أول مررة تسويها .. والظاهرأنها آخر مررره)) شمس : مشوته من اللي جابكم هنا.....؟؟ مشوته الورعان : والله مدري وشسمه.. واحد يطلع من ابريق..هوووع هااااع راما : ذا الله لا يبلانا واحد شيفه يخرررع أسمه مرباع مدري قرباااااع... النظره الخجوله: الله يسترمن قرباع لايجيب كل بنات المدرسه والفراشه معهم... شمس : والله لا اوريه بس خلووني اشوفه ..... يعرف يجيب بنات ,,, بس ما يعرف يودينا في طريقه.......!!!! المهم .. أخذوهم معهم وضموهم لشله .... وكل يوم ينتظرون "قرباع" يتذكرهم ويرجعهم للديره...... راما: إلا صدق بنات كم صااار لكم وأنتم هنا ؟؟؟؟؟؟ النظره الخجوله: عدي وأغلطي اتوقع بالأنجليزي شهر... وبالعربي شهرين هههههههههههههههه مشوته الورعان: كيف يعني ما فهمت.......هوووووع هااااااع نسايم :أصلاً ما راح تفهمين ... لأن البنات جتهم حاله هستيريه يتحلموون ويخربطوون بالكلام.... مملكه عمري : بصراحه أحس أني بستخف أبي ارجع للسعوووديه.... يوم قالت كذا حزنووا البناات واللي تحط يدها على خدها واللي تمسح دمووعها... أم علوش : بنات تدرون وش نفسي فيه ؟؟ !!! البنات : وش نفسك فيه !! أم علوش : نفسي في كبسه.... أما البنات من سمعوا طاري الكبسه اختبصت اشكالهم ... اللي نقزت من مكانهاواللي بققت عيونها@....... واللي فتحت فمها وهي تـتـذكر شكل الكبسه......... مملكه عمري :يــــــا الـلـّه ..والله من زمان عن الكبسه واللبن والشطه... نسايم: خلاص بنات ماأقدر أتحمل لا تعذبوني زيااااده.. .. أم علوش: ((وهي تبي تلطف الجو)) بنات وش رأيكم أعشيكم اليوم كبسه... النظره الخجوله : من جد والله بس من وين بتلقين كبسه هنا....... نسايم:يمكن نلقى لان الكبسه صارت طبخه عالميه مشهورهههههههههه.... شمس : بنات بكيفكم تبون كبسه ولا هونتم ترى إذا هونتم يكون اوفر... عشان المصاااريف وبما أن حنا زاد عددنا لازم نوفر.... نسايم : لا ..لا..من قالك هونا والمصاريف الله يلحقنا خيـــــــر... راما : الــــلــــه كبسه ..زين انها ما فاتتنا حظنا حلووووو... مملكه عمري: ما اظن انحظكم حلو وقرباع هو اللي جاااايبكم... وقاموا البنات يستعدوون عشان الطلعه..ولما جوينزلون.. مشوته تبغى تفتح الباب.......... مسكتها شمس مع شوشتها وقالت: الأخت وين رايحه؟؟؟؟؟ مشوته الورعان: هوووع هاااع ..وش فيك مو حنا بنزل نتعشى برا .. !!!! شمس :ايه بننزل نتعشى..بس مو من عند الباب بننزل...!! مشوته الورعان: ليش..... ؟؟؟!!! النظره الخجوله: لأن صاحب الشقه يستنى تحت عند البوابه وحنا ياحلوة ما دفعنا الإيجااار صارلنا شهرين.... راما: طيب من وين بننزل...؟؟!!!! قامت مملكه عمري أشرت لهاعالشبااااك... راما : تمزحين صح!!!!! مملكه عمري: لا والله ما امزح ما لناغير هالطريقه والا انثبري ما له داعي تعشين بره......... راما: لا عاااد ماني منثبره يلاّ خلينا ننزلوالله يستر لا أطيح على خشتي ... المهم نزلوا للشارع....... مشوته الورعان: الحمد الله أن حنا ساكنين في الدور الثاني ...... ولا كاااااان قلنا على الدنيا السلام... هوووع هااااع قعدوا يمشون بشوارع امريكا ويدورن باااص يوديهم وكل ما مروا من جنب احد قعد يطااالعهم بإستغراااب ما ينلام شايفينهم جيش التتااااااااار((المغوول)) خخخخخخ التعديل الأخير تم بواسطة راما ; 03-08-2008 الساعة 02:59 AM

03-08-2008, 03:10 AM	#9
مملكة عمري قناص مميــز	رد: \|\| مسـرح القنـاص \|\| .. 2 .. المشهد السادس النظره الخجوله: هااااااه يانسايم دوري لنا مطعمٍ زين يسوى كبسه أو رزبخااري نسايم : طيب بس أنتظروا خلوني ادور لناسياره توصلنا ............... وبعدين نسأل عن مطعم نبلع فيه......@ راحت ((نسايم والنظره الخجوله)) يدورون ويسألون... والبنات الباقيات جالسات عالرصيف على الرصيف وكل ما مر عليهم أحد كسروا خاطره رمى عليهم قرش والاقرشين و(( أم علوش )) قاعده تجمع القروش وتعدهااااا....... أمعلوش: شمس شوفي هذا القرش كم يساوي بالسعودي... شمس: عطيني اشووف قامت تضحك شوفي ..... كل قرش يساوي عندنا بالسعوديه ريال واحد........! مملكه عمري : يا ماااال الفقر خير انشاء الله شايفينا جيش,,,,, وكل واحد يعطينا ريال واحد بس.............!! راما : بنات عيب عليكم تاخذون القروش كنكم شحاذات... شمس : اقوول اسكتي واللي يرحم والديك صرنا طقاقات ’’’’’’’ وما تبين نصيرشحاااااااذاات ........... وبعدين هذا مجتمع مايعرف العيب يعني أخذى راحتك عالاخر.... مشوته الورعان: (((وهي قاعده تعد القروش ))) والله حنا ما طلبنا منهم شي هم اللي عطووناااا.....هوووع هااااع مملكه عمري : على قولت المثل (( اللي يجي من الله حياااه الله )).... راما : بنات أناجووعانه خلونا ناكل أي شيء مولازم كبسه... وتقووم مشوته الورعان وتطقها على رأسها.. راما : وجع وش فيك يا الدبه...........!!! أم علوش : ايه اكيد الاخت شبعانه من الكبسه مالك الا يومين في امريكا اما حنا الله يرحم حالنا صار لنا شهرين نشفنامن كثرما كلينا ذاالنواشف... مملكه عمري : بنات من جد هذي امريكا والله ماني مصدقه ....!!!!!! وتدور على نفسها .. مصدقه انهاهااااايدي... مشوته الورعان: والله يووم قال لناهذاااااااااااااا وشسمه راما : قرباع مشوتهالورعان: ايه صح قرباع..يوم قالنا بيودينا امريكا توقعت انه يكذب علينا بيحذفنافي اقرب طعـــس هووووووع ها ااااااااااع... راما: وأنا بعد ماصدقت قلت اكيد يبي يسكتنا بيحذفنا وراء مدرستنا... وشووي الانسايم تناقز وسط الشاارع تبي توقف البااااص اللي اقبل عليهم..... ولما وقف الباص عندهم..لفت على البنات وقالت: يلاّ لايروح ويخليكم..... وقاموا معها وركبواالباااااااص،،،،،، وكاان راعي الباص مشغل أغنيه كلاسيكه هااادئه ...... ’’’’’ مشوته الورعان: ((وهي طربااانه))هيه يالمترجم ((تقصد نسايم ..)) لفت عليهانسايم: والله المترجم له اسم...!! مشوته الورعان: ((وهي قاعده تدق رقبه)) طيب نسايم ولا تزعلين.. تكفين قوولي للسواق يشغل لنا شيء يرقص ,,,, يعني نقاااازي وياليت يكوون للطقااااقه موووضي يعجبني طقها... هووووع هااااااع مملكه عمري : اقوول انثبري بس..تبين تفضحينا عندهالاجااانب... هم اشكالناويالله ابلعوووها وانتي جايه تبين تسوين ,,,, ...(( فلكلووور شعبي )) اقووووول انطقي مكانك........... اما (( النظرهالخجوله وشمس ))كانوا ملزقين وجيهم بالشباااك ويسولفوون وكل السوالف تعليق على خلق الله... وشوي الا قعدوايصارخوون ويناقزون في اماكنهم,,,,, ويقولون للسواق (( (( stooooop-stoooooop............ وتنقزأم علوش معهم وهي ما تدري وش السالفه .. .. .. بس البنت حقت فزعااات وتحذف جزمتها (( تكرمووون)) على السواق وتصكه مع رأسه وهناااوقف السواق - وهو مختلع -.... !! وينط من مكانه ويفتح الباب ويهج ركض من الخلعه.... مملكهعمري : حسبي الله عليك ياأم علوش وراك اخلعتي الرجااال.... أم علوش: لا بس كنت ابغاه يووقف.... نسايم: الله يعينا اندور باااص ثاني يودينا... مشوتهالورعان: ندور أحسن ,, وشورانا...هووووع هااااااع وكملوا طريقهم ومهمه البحث عن مطعم يسوي كبسه.... ألين تعبوا وقرروايرتاحون وجلسوافي زاويه الشارع من التعب يهوجسون بالكبسه اللي بياكلونها الا والله ويمرعليهم ذاك الرجااال الكاااشخ... (( لابس بنطلون جينزموديل شارلستوون + لابس قبعه فوقها نظاره شمسيه + الشوارب كنها قرون ثور + وحاط على ظهرهربابه ))) ..... قامواالبنات يضحكون على شكله...’’’’’’ راما : اخص وش ذاالكشخه وخروا عنه بس... شمس : شكله والله من بدو امريكا اللي توهم يتحضرون.. أمعلوش : والله كنه واحد من ربعناكاشخ... انا اعرف اشكال وراعينا اذا كشخوا مثل ذا والعن بعد.... والرجاال في حاااله يمشي.. .. .. مملكه عمري : بنات مو يشبه قرباع.....!!!!!! النظره الخجوله: الاوالله يشبهه مرررررره... نسايم : وانا اقووول وين شفت ذي الربابه؟؟؟؟ شمس :يا بنااات هذا قربااااع الحقووووووووووووووووووه ...... التعديل الأخير تم بواسطة مملكة عمري ; 03-08-2008 الساعة 03:18 AM

03-08-2008, 03:13 AM	#10
النظرة الخجوله قلم ياسري مميز	رد: \|\| مسـرح القنـاص \|\| .. 2 .. وما شاء الله هجووووا البنات وراه ,,, يركضون كأنهم قطيع غنم ... ويوم التف يشيك عالوضع الا لقاهم يلحقونه ,,,, ويقط القبعهويحط رجله يركــــــــــــــــض.................... هو يركض وهمورااااه الين ما دخل ذاك المتحف و كان المتحف شبه فاااضي... واخيراً وصل ((قرباع)) عند زاويه في المتحف وماله مجاال يهرب أم علوش : هدووني عليه هذا اللي قاااهركم !! والله لاعلمه الصراطالمستقيم... قرباع : حرام عليكم وش تبون فيني ؟؟؟ هذا جزايانيقاعد امشيكم ...... اهلكم اللي هم اهلكم ما مشووكم ولا فكروا اصلاً يسفرونكم برهتتمشون... مملكه عمري : الحين حنا اللي حرام علينا واللي سويته انت فينا مو حرامهااااااه؟؟؟ قرباع : وش سويت فيكم؟؟؟ نسايم : سؤالوجيه..!! جاوبوا عليه بس باختصار لاني ذابحته ذابحته.... شمس : انااللي بجاوبه مو قلت لكم من قبل لاشفت وجهه بوريه الشغل زيــن... تمسكه منالكرفته اللي لابسها برقبته وتخنقه وهو يصااااارخ وعيونه تناقزت منمكااانها....و مشوته تشوته و راما تصفقه .. النظره الخجوله: بنات فكووه لايموت الرجاااال ونتوهقبه.... قرباع : حسبي الله عليكم بغيت امووت.. .. أم علوش : ليتك مت... عشان تعرف تكذبعلينا .. قرباع : بصراحه نسيتكم وبعدينكنت مشغوول مرررررررره.... مملكه عمري : الله والشغل عااااد..تعرف تجيب بنات ,,,,,, بس ماتعرف ترجعنا للسعوديه وانت راجع صح والا... .. .. قرباع : خلاص حصل خير آمروا انتمبس وتدللوا بعد.......... نسايم : ما نبي نتدلل بس نبي ترجعنا اللحين للسعوديه... النظره الخجوله: أيه .. نبي ترجعنا للسعوديه ... قال قرباع: متى تبون ترجعووون؟؟؟؟ مملكه عمري : الحين يعني متى؟؟ قرباع : لا لا الحين مااقدر عندي شغل مهم......!! شمس : ((وهي معصبه)) قلنا اللحين يعني اللحينوالا قرباع : خلاص ان شاء الله اللحين اوديكمبس أسمعوا مو كلكم بتروحون!!!!!! شوفوا انا راح اوديكم علىدفعات لان ظهري يعورني مايستحمل ناس كثيره أول دفعه أربع بنات بس ,.......... وكانوا (( شمس , أم علوش , مشوته الورعان, راما )) إلتفت قرباع على البنات الأربعه وقال: يلاّ غمضواعيونكم... وشوي إلا البنات مختفين وقرباع معهم.... ****وقعدوا ساعتين ينتظرون متى يرجع قرباع **** نسايم: ياربي متى يرجع قرباع؟؟!! والله شكل قرباع صار خبر كان...... مملكه عمري :يمكن قرباع غرس بالطريق أو نشب فى شجره هههههههههه .... النظره الخجوله: بناتخلونا نرجع للشقه ترى مافيه أمل قرباع يرجع... مملكه عمري: صحصحي زين نسيتي أنا مادفعنا الأيجار.... النظره الخجوله: طيب اللحينوين بنام لا تقوولون بالشاارع...!!! نسايم: خلونا ننتظره شووي.. يمكن نكسرخاطره ويرجع لنا.. مملكه عمري: صدقوني ما راح يرجع.. آآآآآآآآه ليتني رحت مع خوياتييوم رااااحوا.. النظره الخجوله: ترى شوي وبيقفل المتحف.. مملكه عمري : خلونا نطلع لا يقفلون علينا ونتحنط هنا ,, التعديل الأخير تم بواسطة النظرة الخجوله ; 03-08-2008 الساعة 03:18 AM

03-08-2008, 03:15 AM	#11
راما قناص مميــز	رد: \|\| مسـرح القنـاص \|\| .. 2 .. طلعوامن المتحف وقعدوا يمشون ويدورن لهم مكان يرقدون فيه وهم يمشون بالشارع لقوا مكان ما فيه غيره عشان ينامون فيه وكان لعبه كبيره على شكل بيت في حديقه بيت فخمه وبعد معاناه ... دخلوا في اللعبه وخمدوا فيها .. النظره الخجوله سمعت صوت بس اكيد ما فهمت كان انجليزي وتنادي البنات وتقومهم بس لا حياة لمن تنااااادي...... وفجأة زاد الصوت وكأن احد يتكلم بميكرفون نسايم بعد ماصحت : وش هالصوووووووت؟؟؟؟ النظره الخجوله تقوم مملكه عمري........... مملكه عمري : بسم الله وش فيكم قامزين مع ذا الفجر...؟؟!!!!! قالوا : فيه صوت بس ما ندري وشهو...؟؟ مملكه عمري : طيب ما فيه وحده منكم ذكيه تكلف على نفسها شوي وتطل مع الشباك وتشوووف وش صاير!!!! وتقوم مملكه عمري وتطل من الشباك الا شرطه " FBI " محوطين المكان وكانوا موجهين الرشاشات عليهم... (( والسالفه ان اهل البيت بلغوا ان فيه ارهابين في حديقتهم)) مملكه عمري : بنات رحنا فيها.......!!! نسايم: لا شكلهم ماسكين حراميه اسمعيهم يقولون سلموا انفسكم.... مملكه عمري : وكانت تترجف من الخوف هذا احنا يالغبيه.. ويقومون البنات ويطلون من الشبابيك واللي تطل من الباب وشافواوتاكدوا ان الوضع صدق نسايم : بنات يا ويلنا ويلاه خلونا نسلم انفسنااحسن من يداهمونا ويطلقون علينا الرشاشات....... مملكه عمري : انا ما راح اتحرك من مكاني... النظره الخجوله : خلونا نطلع زي ما قالت نسايم ونفهمهم السالفه... نسايم: اللي عند الباب أول وحده تطلع خلونا نلحق على اعمارنا... وكانت مملكه عمري اللي عند الباب..... مملكه عمري : انا ما راح اطلع اول وحده... النظره الخجوله : شوفوا انا عن نفسي اخر وحده بطلع سمعتوا.. مملكه عمري : (( وهي تتراجف )) وأنا قبل الاخير.. نسايم: ما شاء الله عليكم طابورمدرسه......!!!! **** وشوي الا بصوت يتكلم انجليزي وهم ساكتين عشان نسايم تستوعب وش يقولون..... وبدأ العد التصاعدي 1 2 3... التفتوا على نسايم....(( يعني وش السالفه)) ؟؟!!!!!!! نسايم: بنات هم بيعدون للعشره, واذا ما طلعنا بيرمون بالرصااااص...!! النظره الخجوله : يا ويلنا والله ما لقينا من وراء قربااع خير ... مملكه عمري : خلاص بنات انا بطلع توكلت على الله .... وطلعوا وراها البنات وكل وحده رافعه يدها مستسلمات..!! مملكه عمري : والله ما سوينا شئ بس ((سليب sleepسليب))... قام قائد الشرطه يتكلم ...... ويجي الشرطي عند مملكه يبي يكلبشها وكان قاعد يتلوا الشروط عليها وهي اكيد ما تدري وش يقول.....!!! مملكه عمري : اقوووول لا تكثر حكي كلبش وانت ساااكت.... نسايم : يقولك تقدرين تحطين لك محامي - - - - - وإلى اخره.. مملكه عمري : آآآآه على اول شبابي اصير راعيه سوابق يا حظي الردي... شوي الا شئي صقع مملكه عمري على وجهها والنظره الخجوله بعد معها النظره الخجوله : وش ذا اللي صقعني...... ؟؟!! كان فيه ولد (( فاحط)) يبكي ويتكلم ويحذف عليهم ومعه امه وابووه يهدونه مملكه عمري : هذا وش يبي ؟؟ والله لا اقوم اصفقه... النظره الخجوله :والله يبي له تربيه.....!!! نسايم: بنات حرام عليكم هذا الولد اللي نمنا في لعبته البيت... مملكه عمري : أمحق بيت ........!! النظره الخجوله تتكلم مع الولد تقوول له: معليش حبيبي ابشر بالعوض وانااختك بس خلهم يفكونا وانااشتري لك لعبه وش كبرها.... الله لا يوريكم ويقوم الورع ويرفسها ذيك الرفسه على ساقها وتصاااارخ:آآآآآآآه المهم خذتهم شرطه " FBI " في سيارتهم اللي كنها سياره الموتى.. مملكه عمري : الله وناسه كنا في فيلم اجنبي...... النظره الخجوله: وانا البطله ههههههاي.. نسايم: آه وش الله بلاني مع ذاالمبزره اللحين هم يحسبونا ارهابين وانتي ووياها مستانسات.... مملكه عمري : يعني يحسبونا من جماعة اسامه بن لادن.. قام الشرطي والتفت عليهم ويطالعهم بنظرات نسايم: بصوت واطي يالحماره لا عااد تجيبين طاري ذا الاسم مره ثانيه فااهمه.. مملكه عمري : لا انا اقصد اسامه ولدعمي...<<<< (( تبي تكحلها عمتها )) ولف الشرطي مرره ثانيه يناظرمملكه عمري وهو معصب نسايم: اقوول يا زينك سااكته.. النظره الخجوله : الحين صدق أن حنا إرهابين كله من لسانك الطويل..!! نسايم: والله شكلكم بتجيبون العيد في التحقيق... مملكه عمري : بنات شوفوا في التحقيق قولوا الصراحه إلاسالفه قرباع لأنهم ما راح يصدقونا...... النظره الخجوله: وش نقول كيف جينا لامريكا ..؟؟؟؟؟؟ وحنا لا معنا جواز ولا فيزا ولا هم يحزنون..!! نسايم: صح اللحين يحسبونا " مهاجرين غير شرعيين "... مملكه عمري : بنات تشهدوا على ارواحكم حنا رحنا فيها يعني رحنافيها.......

03-08-2008, 03:29 AM	#12
النظرة الخجوله قلم ياسري مميز	رد: \|\| مسـرح القنـاص \|\| .. 2 .. المهم خذوهموحطوهم في زنزانه فاضيه وبعد نوووم عميق جاهمالشرطي الساعه6 الصبااااح وقعد يضرب الباب بعصاااااه ويقوووول" Stand up " وقامواكلهم ..!! مملكه عمري : وش يبي هذا مصبحنا مع صباح الله خير.... نسايم: لا بس جااي يعزمنا على الفطور..... النظره الخجوله: الله جوعانه يمكن صدق حاطين فطور.. *قامالشرطي يضرب الباب ويقوووول (( كويكلي ))..... **المهم سحبوهموحده وحده ودخلوهم بغرفه وهم قاعدات يستنون الفطووووور وشوي يدخلونعليهم جيش محققين ومعهم مترجم " مصري " وقعدوا يقزونهم ويتكلمون بينهموبدأتاسئلتهم..... المترجم : تعرفون احمد عبدالله..؟؟؟ مملكه عمري: ايه اعرفه لا يكون صاير فيه شئ..!! المترجم : ايه يا بنتبتئوووولي ايه بتعرفيه؟؟؟ كل المحققين يطاالعونها والشرر طالع من عيونهم مملكه عمري: ايه والله اعرفه هذا ولد جيرانا عمره خمس سنوات اسمه "احمد" وابوهاسمه "عبدالله"... المترجم : بوصي يا بنت احمد اللي بنسالكعنو هو ارهاابي......!! مملكه عمري: ارهابي !!! يمين بالله ما اعرفه.....!! انتهت الاسئله وانتهىالتحقيق ... ورجعوهم لزنزانه النظره الخجوله : جوعانه ياربي وش اسوي يعني اكل ثيابي... مملكه عمري: بنات شوفوا انا بغني وانتم ردوا ورااي علشان ننسىالجوع ...طيب مملكه عمري (( يا ماال فرقى العين يوم حبسوني ))...والبنات وراها يرددون....... ويجي الشرطي ويهاوشهم النظره الخجوله: يا وجهه الله ما يخلي احد يستانس او يفضفض عن نفسه شوي... نسايم : ترىاذا سوينا ازعاج راح يحطون كل وحده بسجن انفرادي مع الفيران يعني اسكتوا......!! الشرطي رجع عليهم بس ذا المره جاااي ومعاه صينيهكبير ويوم حط الشرطي الصينيه على الارض وشافوه وش جايبلهم... تلفتوا على بعض من زود الصدمه ,,,,, ** الفااااااجعه * كا ن جايب لهم (( عشر حبات زيتون اسود + حبه جبن + خبزه وحده )) النظره الخجوله : اظن هذا فطوري وانتم للحين ما جاء فطوركم... مملكه عمري: تنكتين ,,, هذا فطورنا كلنا.....!! النظره الخجوله : وجع .. وش ذا الفقر......!! نسايم : اقول احمدوا ربكم والله شيء احسن منلاشيء . النظره الخجوله : يا ربي ما شبعت جووعانه مررررره. نسايم: ما عليكم بنات خلوا السفاره السعوديه تجي وابشروا بالخير.. مملكه عمري :( ايهانطر يا حمار الين ما يجيك الربيع) يعني السفاره بتخلي اشغالها وبتجيعشانااقوول تحلمي بس لا يكثر.... * ومشت الساعات والدقايق ولما جت الساعه 3 العصر جاء الشرطي وفتحعليهم الباب* مملكه عمري : وخروا جاكم عنتر زمانه........... قعد الشرطي يناظر البنات بنظرات غضب و يتكلم مع نسايم نسايم: بنات ابشركم السفاره السعوديه جت وطالبينا اللحين... مملكه عمري : واللهوناااسه صرنا شخصيات هاامه ...!! النظره الخجوله :وناسه اللحين بيفزعون لنا وبيرجعونا للسعوديه... تناقزوا البنات ورحوا معالشرطي للغرفه اللي فيها السفاره .. السفير: يلاّ علموني وش سالفتكم وبدون كذب عشان نساعدكم.. * قعدوا يعلمونهم السالفه من طق طق للسلام عليكم,,,,* السفير : تقدرونتروحونلبيتكم الحين بس بدون مشاكل... مملكه عمري : بنروحالسعوديه...!! " يا سلامي عليكم يالسعوديه - - - " السفير :اي سعوديه اقصد تقدرون تروحون المكان اللي جيتوامنه...!!!! وطلعتهم السفاره على كفالتهاااا وقالوا للشرطه (F.B.I) ان هالبنات مجانين وهربانين من مستشفى الامراض النفسيه..,,,, النظره الخجوله : والله انا توني اكتشف ان عندي انفصامبالشخصيه..!! يعنى مره مجنونه ومره ارهابيه ................!!!!!! مملكه عمري :بسم الله علينا من الجنون ليشيقولون عنا كذاااااا حرام عليهم انا عاقله وعقلي يوزن بلد .......... نسايم: واضح العقلاقول احمدي ربك بس طلعوناااا ............... يقولون مجانين مهابيل اهم شى نطلع من السجن ..... (((((((وهم طالعينمن السجن)))))))) لقوا بالطريق شايب معه ونيت وقاعد يحمل شعير وقربوا منعنده ... مملكه عمري : نسايم جاء شغلك ترجمي وخليه يركبنا ..... الشايب يسألهم ....... نسايم : بنات وين تبغونتروحون؟؟؟؟؟؟؟؟ النظره الخجوله : نبغى هوليود تكفون خلونى اشوفها هاذي امنيهحياتي....!! مملكه عمري : اقول ياكثر امنياتكبس ...!!!!! ******وركبواالبنات بالحوض وراء مع الشعير**********

03-08-2008, 03:39 AM	#13
مملكة عمري قناص مميــز	رد: \|\| مسـرح القنـاص \|\| .. 2 .. المشهد العاشر ويوم وصلوا لهوليودنزلوا البنات وريحتهم شعير.... وهم يمشون لقوا مهرجان لمشاهير هوليودراحوا يركضون ويصارخون من الفرحه وكان مره زحمه وقعدوايطالعون الفنانين ويدفونهم الناس على السجاد الاحمر ويلقون " اوبره " ....... مملكه عمري : عوبره مدرى اوبره .....!! وقعدوا البنات يسلمون عليها ,,, النظرهالخجوله تمسك شعرها وتقول : ماشاءالله وش هالزين ...؟؟!! بأي مشغل ملستي شعرك ...!! وهي تضحك على بالها يمدحونها ......!! وبعدها جاء ( البدى قار) حق اوبره وطردهم ...... وقعدوا يمشون ويتمشون بالشارع ................ نسايم:بنات حرام شوفواشحاذ يكسر الخاطر مملكه عمري : وينه ..؟؟ اي والله حرام بنات يكسرالخاطر احد معه قرش النظرهالخجوله : القروش مع شمس خذتهامعها لسعوديه مملكه عمري : وش رايكم بنات نصف جمبه ترى والله اشكالنا اشكال شحاذات...... ))))))) وقربواااااااااااااا من عنده ,,, لماقربوااااااااااااااااااا((((((( النظره الخجوله : ق ق ققربااااااااع قامواكلهم يصرخون بصوت واحدقربااااااااااااااااع......!! ويوم شافهم قعديبكي ويتمسكن.. مملكه عمري :وين العز..؟!! وين العشاء مع بوش دبليو..؟!! قرباع : ايه ياحظكم الحين قاعدين تششمتون فينى ...!!!! النظره الخجوله : بنات حرام هذا مهماكان اخونا المسلم..! نسايم: وشدراك انه مسلم يمكن يكون مسيحي ...!! قرباع : مسحوا فيكم الارض ان شاءالله انتي وياهاانا مسلم ونص نسايم: والله يسب بعد ....!! النظره الخجوله : طيب وشفيك؟!.. وش اللي خلاك بهالحاله ..؟!! قرباع : ضاع ابريقى وهو راس مالى مملكه عمري : افاااااااااااااااااااااااا ياذا العلم نسايم: شفت ياقرباع كما تديت تدان...... قرباع : بنات تكفون سامحوني انا عارف اني غلطت بحقكم بس مالي غيركم مملكهعمري : وش تقصد بهالكلام ليكون بتخاوينا بعد.... ! قرباع: ايه..تكفون والله لاصير لكم خدام بس لاتخلونى لحالنا ماحب الوحده مملكه عمري : اهااا الحين جربت كيف الوحده ,, لامستحيل ناخذك معنا بعد كل اللي سويته فينا ..... نسايم: بنات تعالواجلسه مغلقه نتشاورفيها النظره الخجوله : بنات حرام خلونا ناخذه معنا نسايم: خلي قلبك طيب يامملكه عمري وخلينا ناخذه معنا ويكون لنامحرم النظره الخجوله :صح يعنى مو حلو نمشي شله بنات مامعنا رجال!!!! مملكه عمري : استريحى انتى وياهامترتوا شوارع امريكا مامعكم رجال والحين مالقيتوا غيرقرباع .........!!!!! *****وقعدواالبنات يقنعون مملكه عمري****** النظره الخجوله : حرام شوفي شكله ماعنده احد ...... نسايم: ياغبيه الحين هو معه فلوس من وظيفه الشحاذه يعنى راح يفيدنا وخاصه ان حنا جوعانين....! مملكه عمري : خلاص موافقه بس بشرط ونقز قرباع وكان يسمع كلامنا قرباع : موافق موافقعلى شروطكم....$$$ النظره الخجوله : خوش جلسه مغلقه .........!!!!! مملكه عمري اسمع اولشروطنا: اولاً: تعشينا..وثانياً :ادبر لنا وسيله نرجع فيها لسعوديه..! قال: موافق..!! وراحوا مطعم وطلب لهم قرباااع,, ويوم كلوا و شبعوا مملكه عمري : قرباع ترى باقى نص الاتفاق مانفذته... ويقعد قرباااع يفكرررر وهم ينتظرونه وشوي يقوم ينقز,, ويقول لقيتهالقيتها نسايم: يالله قرباع وش اللي لقيتهاا تحفنا قرباع: نخطف طياره رايحه لسعوديه ........!!!!!! ×××××البنات اسكتووووووووووو من الصدمه مومصدقين××××× مملكه عمري تبلع ريقها : لا لا ياقرباع ماتفقنا كذا....!!!!!!! نسايم: بصراحه هذاشيء كبير مافى غير ذي الفكره .... !! مملكه عمري : قايله لكم هذا ماينفع بشي غير الفضايح @ النظره الخجوله : ممكن توضح كيف نختطف طياره؟؟ مملكه عمري : النظره الخجوله متاثره بهالافلام الاجنبيه الى تشوفينها نسايم: طيب يعنى كيف نركب طياره وحنااصلاً مامعنا لاجواز ولا فيزا؟؟ قرباع : اسمعونى عدل ماعليكم انا راح ادبرلكم الجوازات وكل شئ نسايم: طيب مدام انك راح تسوي لنا جوازات ليش نلف وندور مو لازم نخطف الطياره نروح كنا مسافرين .... حالنا حال الناس والا انت تحب تسوى اكشنات ترى والله مو لايق عليك !! اسمعوعدل انا راح ازور الجوازات والتذاكر وبعد مانركب الطياره وتقلع بساعتين راح يكتشفون ان حنا مزورين فهمتوووووووووووووووووااا مملكه عمري : شوف انت المزور مو حنا لاتحطها براسناترى محنا ناقصين. النظرهالخجوله : الله اكشن ووووووناسه.....@ ويوديهم قرباع لاقرب مصور ويصورهم هذيك الصور ويبدا قرباع مهنته فى التزوير وصارت الجوازات جاهزه وكنها حقيقيه نسايم: شكله والله من اكبرالمزورين فى العالم .. مملكه عمري : خلونى بس ارجع السعوديه والله لاعلم عليه علشان يعطونى جائزه ههههههه @@ النظره الخجوله : يالله مانى مصدقه بنسرق طياره ..!! نسايم: وانتي الصادقه نخطف طياره مو نسرق ياحلوه ..!! قرباع: وقص السانك انتي وياها قصروا اصواتكم لاحديسمعنا وتخرب الخطه مملكه عمري : وعععععع من زين الخطه عاد ...@** التعديل الأخير تم بواسطة مملكة عمري ; 03-08-2008 الساعة 04:44 AM

03-08-2008, 03:43 AM	#14
راما قناص مميــز	رد: \|\| مسـرح القنـاص \|\| .. 2 .. المهم راحوا وركبوا الطياره وكل وحده قاعده على اعصابهاااااا النظره الخجوله : لوسمحت يامستر قرباع وش نوع السلاح الى راح نستخدمه ..؟!! قام قرباع يتخبط قال هاه وش تقولين سلاح اصلا نسيت سالفه السلاح ....!!!! وهناااااا شهقوووووو البنات كلهم مملكه عمري :حسبى الله عليك ياقرباع والله انك بتجيب لى الضغط هذا شئ ينسئ..!! نسايم: وهى معصبه اجل بأي شيء نخوف الركاب...؟...بالربابه حقتك..!! قرباع : خلاص لاتخافون راح ادبرها يعنى ادبرها ........ ومرت ساعه وقرباع يفكر ومترالطياره ياما راح وياما جاء نسايم: بنات بقى ساعه على مايكتشفون السالفه.... النظره الخجوله قاعده تاكل وتقول : يازين اكلهم زيناه....... مملكه عمري : الحين حنا بورطه وانتى قاعده تبلعين. النظره الخجوله : اقول حنا ممسوكين يعنى ممسوكين خليهم يمسكونى شبعانه احسن من اكون جوعانه ولانسيتى وش صار فينا بالسجن من الجوع نسايم : فال الله ولا فالك لاان شاء الله مايمسكونا ولانرجع للسجن وشوى جاء قرباع يركض وقعد بسرعه وقام يتلفت وراءه قال : الحمدلله ماشافونى ....! مملكه عمري : وش فيك تركض و خايف......؟؟!!!! قرباع : لقيت بزارين يلعبون ومعهم مسدسات مائيه سرقتها منهم خخخخخخ النظره الخجوله : ليكون هذا السلاح امحق سلاح بس طيب وينه ..؟!! قام يطلعها من بطنه وكانت ثلاث مسدسات ويقول شوفوا هذا واحد لى لانى راح اروح لجهه الكابتن واحد لـ نسايم والنظره الخجوله علشان تستأسرون الركاب فى الدرجه الاولى واحد لـ مملكه عمري علشان بتكون فى أخر الطياره .............. النظره الخجوله : طيب .. وين سلاحي ...؟؟!!!!!! قام قرباع يطالع شعرها وكلهم لفوا عليها وكانت لابسه شباسه وشكبرها ..... النظره الخجوله :خير وش فيك تطالع شعرى لايكون معجبتك الصبغه قرباع : اى صبغه انتى وجهك من زين صبغتك الى كنها عجوز محنيه شيبها قاموا البنات يضحكون ههههههههههههههااااااااا النظره الخجوله عصبت وقالت: شف من الى يتكلم الى يسمعه يقول ,, شعره شعر فلبينى وسايح من النعومه000 قرباع: اقول عطينى الشباصه الى لابسته وانتى ساكته,,,,,, واى وحده لابسه شباصه تعطينى اياها ... واكيد البنات فى سبيل النجاه نزلواالشباصات اللي لابسينها وكل وحده انتفشت شوشتها يعنى الحين صدق صارواارهابيات النظره الخجوله : والله مانزلها يمسكونى ولا انفش شوشتي ..!!! وقعدواالبنات يحاولون معها نص ساعه وفى النهايه!! وافقت بشرط انها تخليه بشعرها واذا جاء وقت الجد بتنزله .. وبعدها انتهت الساعتين........ قرباع : النظره الخجوله تعالي معى والباقين توزعوا بالطياره وانتبهوا ..لا .. احد يشوف الشباصات كل وحده تمسكها بيدها ولا تخليه يبين علشان الركاب يحسبونها انها عبوه ناسفه o.kقالوا كلهم o.kkkkk قامت النظره الخجوله و نسايم يتناقزون ويقولون يه يه يه مملكه عمري : وجع .. وش فيكم خضيتواالطياره...؟! نسايم: ياغبيه علشان نخوف الركاب...!! مملكه عمري : وش دعوه ماخوفتوهم بهالشوش ...!! وراح قرباع والنظره الخوله يستاسرون الكابتن ومساعده وكانوا الركاب خايفين ويبكون ويصارخون<<<كانوا يكسرون الخاطر الا صوت قرباع بالمكرفون مصدق عمره يقول:هنا الكابتن قرباع يحييكم ويتمنى لكم رحله سعيده وعلى الاخت نسايم التوجه الى الكابتن قرباع وكان قرباع يبغى نسايم تتترجم للكابتن بس ورجعت النظره الخجوله مكان نسايم.... (( مملكه عمري ))مستأسره المضيفات ومشغلتهم سوى قهوى سوى شاى خخخخ النظره الخجوله: كانت تتفرج على التلفزيون وفجاءه شافت صورهم قامت تركض بالطياره وتصارخ انفضحنا انفضحنا صدق الحين خوفت الركاب مملكه عمري : وش فيك .........؟؟؟!!!!!!! النظره الخجوله : صورنا بالاخبار ياويلى من ابووووووووووى..!! مملكه عمري : حرام عليك ياقرباع ضاع مستقبلي والسبه خططك الفاشله كنت ابغى اصير دكتوره ............... والقهر انه هو الوحيد الى ماطلعت صورته ........!! النظره الخجوله : خلينى اروح اقول لزهور وقرباع الخبر الشين ويوم دخلت غرفت الكابتن لقت كرسي الكابتن ومساعده فاضيه *نسايم تتصفح مجله أمريكيه وقرباع نايم * النظره الخجوله : وين الكابتن ومساعده ..؟؟؟؟!! نسايم : الله لايعمينا ... شوفيه وتاشر على زاويه الغرفه وكان مربوط هو ومساعده فى الزاويه ........ النظره الخجوله : طيب من اللي الحين يسوق الطياره ..؟؟!!! نسايم: مو لازم احد يسوقها هى تسوق بنفسها ’’ انا مره شفت طياره كذا بالتلفزيون....................!!!! قامت النظره الخجوله تمسك المكرفون وتنادينى(( الحقينا يا مملكه عمري)) ويوم سمعت صوتها تناديها وتجئ عندهم وهي مفحطه... النظره الخجوله : شوفى هالخبلان وش مسوين مربطين الطيار ومساعده والطياره طايره لحالهااااا .......!!! مملكه عمري : حسبى الله على ابليسكم فكوهم بسرعه لاتطيح الطياره..... × ويفكونهم ويقعد الكابتن ومساعده في اماكنهم × .....

03-08-2008, 03:52 AM	#15
النظرة الخجوله قلم ياسري مميز	رد: \|\| مسـرح القنـاص \|\| .. 2 .. * وبعد ساعات طويله وصلوا اخيررررراً لسعوديه* وقفت الطياره بمطار الدمام وماشاء الله مابقىشرطى بالمملكه ماجاء فى المطار ويقعدون البنات يطلون من الشباك واللي تبكى والليتمسح دموعها مملكه عمري : ياويلى كيف انزل الحين ياليتنى جبتمعى برقعى (الصقر) النظره الخجوله:الله يقطع شرك ياقرباع حنا الاغبياء الى سمعنا كلامك وخططك الفاشله وجاءقرباع وقال: انا عندى خطه وش رايكم بنات انزل نص الركاب...!!! نسايم: انت ماتبتمن هالخطط وبعدين ليش ننزل نص الركاب؟؟؟ قرباع : والله مدرى بس دائما اسمعانهم ينزلون نص الركاب <<((يبى يسوى حركه)) المهم من شده غبائهمللمره المليون سمعوا كلامه ونزلوا نص الركاب0 وشوى جت نسايم وقالت: بنات وينقرباع احد شافه ....!!! كل البنات قالوا لا ,,ولا احد شافه ويقعدون يدورن قرباع ......@ ووشوي قعدت النظره الخجولهتصارخ وتاشر على التلفزيون وتقول شوووفواااااا ×××وهنا كانت الفاجعه ××× كان قرباعطالع فى الاخبار ومكتوب تحت فى الشريط ((( انه من احد الناجين من الركاب ))) وكان قرباعيتكلم ويقول ان هالبنات ارهابيات ,,, ومعهم اسلحه خطيره وفتاكه وقنابليدويه...........!!!!! )))والبنات من هول الصدمه قعدو يبكون وحالتهم حاله والى جاتها حالههستريه قعدت تبكى وتضحك((( نسايم: الله لايوفقك ياقرباع النذل00 مملكه عمري :انا قايله لكم هذا ماله امان بس ماصدقتونى النظره الخجوله : حرام عليه وين الاسلحهالفتاكه والله ماعندنا الا شباسات خساره بس فكيت شوشتي وتحط الشباسه بشعرها وهيتبكى ’’ نسايم: وحتى المسدسات اللي معنا مائيه وتضغط عليه ويرشبعينهااااااا ويقعدون البنات يبكون وكل وحده تندب حظهااااااااااااا وشوى طفتانوار الطياره وكانت الدنيا ظلام وصارت مداهمه قويه بالطياره وطلق نار وصراخ,,,وشووووووى تررررررررررررندق جرس الفسحه وتقوم مملكه عمري مختلعه النظره الخجوله : وش فيكماشبعتى نوم .......!!!! لك ثلاث حصص نايمه وشكلك تتحلمين حلم رهيب مملكه عمري: قربااع وين قرباااع نسايم :اي قرباع سمله عليك قايله لك انك تتحلمين واللهشكله حلم مشوق قوليه لي بعد الفسحه اوكيهوطلعوا من الفصل وهي قاعده تحمد ربهاعلى انه حلم ولما طلعو البنات من الفصل للفسحه ومابقى غيرها00 سمعت صوت عندالدولاب وكان صوت قرباع يغني ((ياسامعين الصوت ردوا عليا)) وتنقز من مكانهاوتتلفت بالفصل وتقول ليكون اتخيل ان شاء الله انى اتخيل وتقرب جمب الدولاب وتفتحهوهنااااااااااا لقت ابريق قرباااع وكان صوت قرباع طالع منه وهي تجمدتفي مكانها قرباع :هاه مملكه عمري ماتبين تروحين لامريكا مره ثانيه وتقعدتصرخ وتقول لا لا مابى اروح ,, وتطلع من الفصل تركض ((خرج ولم يعد)) ................. (( النــــهـــــــــايــــــه))