|
|| مسـرح القنـاص || .. 1 ..
. . . موعدكم الليله مع مسرحية || رتـوش حـول مجتمـع || في تمام الساعه 2.3 صباحا كونوا بالانتظار P9 .. |
رد: || مسـرح القنـاص ||
السلام عليكم ورحمه الله وبركاته أعزاء وأصدقائي المشاهدين الكرام .. في منتديات اللاعب الكبير ياسر القحطاني [ القناص ] ها هو اليوم نقدم لكم مسرحيتنا الجديده وبعنوان [[ رتـوش حـول مجتمـع ]] ..! والأن نبدأ بأولى الخطوات وهي التعريف في ممثلين هذه المسرحيه والتي نال بها الجميع أدوار البطوله لما قدموه من جهود وتواجد وألتزام في الحضور لعل كلمات الشكر لا توفيهم حقهم أو أعطاءهم ما يوفيهم مخـرج المسرحيـه : أبـو مـلاك .. الأدوار ..:/ زيـآد : الأب يـارا : الأم مشعـل , هشـآم , عبدالعزيز : الأولاد فهـد : الكاشير , السواق , حارس الأمن |
رد: || مسـرح القنـاص ||
|
رد: || مسـرح القنـاص ||
http://www.yaser20.com/vb/attachment...2&d=1217434813
الشاب السعودي طفش من كلمة " عوائل " ذي الكلمة الي تطفش اي شاب سعودي فكل مكان عوائل خصوصا في المجمعات فالشاب السعودي من حقوقه انه يدخل للمجمعات وانه يتمشى ويشتري ويتقضى ولا بس الاسواق للحريم وللعوائل اي شاب سعودي يبي يفتك من كلمة " عوائل " يستنى اليوم اللي يدخل فيها سوق بدون مشاكل وبدون جملة " ممنوع دخول الشباب بدون عوائلهم " [[ في صباح يوم الخميس ]] زياد : يله سمو بالله وافطروا يا عيال العيال : بنحتريك يبه زياد : وش قلتوا العيال : سلامتك زياد وهو مصدق : الله يسلمكم هشـآم : اقول عزو تخاويني للسوق عبدالعزيز : خلاص مافيه مشاكل بس متى بنروح هشام : بعد صلاة المغرب عبدالعزيز : خلاص قدام بعد صلاة المغرب :- هشام : عزووووووو ويينك عبد العزيز : يله يله جيت بس قاعد اكشخ هشام : اقول تعال بس لو تكشخ الى بكرة الشين شين تعال بس عبدالعزيز : تكفى انت الزين هشام : اقول على تبن الحقني على السيارة بس عبدالعزيز : افا . . طيب طيب يوم وصلوا عبدالعزيز وهشام للمجمع :- فهد السكريوتي : وين رايحين يا شباب هشام : وش دخلك فهد : ايش هشام : هاه لا سلامتك بس نبي ندخل فهد : لا ممنوع يالحبيب عبدالعزيز : يعني وشو ؟ فهد : يعني يا تجيب معك اختك ولا امك ولا منتب داخل هشام : طيب ما ينفع اجيب شغالتنا فهد : مسوي تذب ؟ هشام : لا الله يسلمك معليش بس حبيت استهبل فهد : لا تستهبل مرة ثانية هشام : ان شاء الله هشام وعبدالعزيز يوم ركبوا السيارة :- هشام : والله شئ يقهر يعني انا مالنا رب ولا وشو عبدالعزيز : خلها على ربك كلش عوايل عوائل هشام : طيب ياخي نبي ندخل السوق نبي نتمشى طفشنا من الدوران في ذي الشوارع عبدالعزيز : خلاص لا تدور رح اقعد في بيتكم وتمشى في الحوش هشام : شفت ذي الزبيريية عبدالعزيز : ايه شكلها بطل هشام : بتجي تفتح شوارع في خشتك عبدالعزيز : لا خلاص اتوب آسف في مساء يوم الخميس :- زياد : يله يا عيال قوموا ناموا علشان بكرا صلاه الجمعه العيال : طيب طيب شوي بس زياد : العقال للحين فوق راسي العيال : يا حلو الفراش .. صباح يوم الجمعه :- زياد راح لغرفه العيال عشان يقومهم لصلاه الجمعه زياد : يله يله قومو الامام الحين بيخطب عبدالعزيز ناظر الساعه وشافها الساعه 11 عبدالعزيز: تونا يبه الساعه 11 هشام : ياحبك تقدم الوقت يبه زياد : وش تقول هشام : لا اقول بنصلي في أي جامع زياد : نفس المرات اللي فاتت نزلو العيال وزياد تحت ولقو يارا مجهزه الفطور ، افطرو وراحو يصلون مساء يوم الجمعه :- مشعل : عبدالعزيز، هشام عبدالعزيز وهشام : هلا مشعل : وين نروح اليوم تراني طفشت من البيت عبدالعزيز : خلنا نطلع للسوق نشتري لنا ملابس هشام : هههههههههههههههه أي سوق مصدق يدخلونا عبدالعزيز : ايه صح مشعل : طيب اجل مالنا الا ندور في الشوارع عبدالعزيز وهشام : مافيه الا هالحل الاولاد وهم في السياره :- هشام : ليه الحين احنا مظلومين كلش عوايل عوايل مشعل :- هذا النظام عبدالعزيز : وش ذا النظام اللي يحرمنا من حقوقنا هشام : الظاهر حتى المقاهي بيخلونها عوايل عبدالعزيز : اقول لاتذب ثانيه شف طريقك وانت ساكت هشام : وش اسوي والله من القهر اقول ذا الكلام مشعل : طيب الحين بفهم ليه ما يحطون اماكن خاصه للشباب هشام : ايه ان شاء الله طال عمرك بيحطون لك اماكن خاصه للشباب عبدالعزيز : الحين خلهم يدخلونك الاسواق عشان يحطون لك اماكن خاصه لك انت ووجهك مشعل : المفروض يعوضونا باماكن للشباب على الاقل تلمنا من الشوارع وضياع بعض الشباب هشام : والله مافيه احد ما يتمنى انهم يسوونه عبدالعزيز : ننتظر ونشوف رجعو الاولاد للبيت :- زياد : مبكر تجون الاولاد : تونا بدري يبه زياد : الساعه 11 وشو اللي بدري ، بسرعه تعشو ونمو الاولاد : ان شاء الله في ظهر اليوم الجديد وعلى طاوله الغداء:- يارا : يله سمو وكلوا مشعل : اجل بنحتريك يارا : وش قلت مشعل : لا اقول تسلم يدك ما قصرتي يارا : الله يسلمك هشام : اقول الحين ليه ما نتطور ويصير عندنا سينما عبدالعزيز : ايه والله احسن من مشوار البحرين مشعل : والله احس اننا بنعجز وللحين ما حطو سينما يارا : وش تبون بالسينما ، قنوات الافلام ما خلو شي ما جابوه هشام : فيه فرق بين التلفزيون والسينما مشعل : اصلا التلفزيون ما يجيبون الفلم الا لما كل الدول شافته عبدالعزيز : لا والقنوات يقولون حصريا وجديد ومدري وشو وانا مصدقين انه تو معروض هشام : اشوا ان الدول الثانيه حفظوه وانا تونا نشوفه مشعل : الله يخلف علينا بس زياد : اقول تغدو وانتو ساكتين الاولاد : كل ما قلنا اللي في قلوبنا تجون وتسكتونا ومافيه احد يسمعنا ،، لين متى بنستمر على هذا الوضع ؟! وإلى هنا لازال موقف الأمس خالد الذكرى وفي القلوب كلمه مكتومه وإذا أباحوا بها لا يجدون من يستمع .. ولكن لعل من هذا المشهد من مسرحيتنا نوصل الصوت ويبقى السؤال الوحيد في قلوبنا .. إلى متى هذا الحال ..؟! شبابنا سيضيعون ونحن لا نحرك ساكنا فلابد من معالجه الامر وتخصيص اماكن تجمع الشباب وتحافظ عليهم من الضياع التوقيع :HeShAm .. تابع |
رد: || مسـرح القنـاص ||
http://www.yaser20.com/vb/attachment...3&d=1217434813
[[ المشهد الثاني ]] حــق المرأه في قيادتها للسياره امر تهاون فيه الكثير ورفضتــه شريحه كبيره من المجتمــع ولكن نبقى هنا في خيار واحد فأن رأينا دوما ً مع الحكومه لإنها لا ترى إلا مصلحه الشعب وليس أي حكومه فـ " البطانه " الصالحه نحن خلفها .. على طاوله الغداء :- يارا : يله سموا بالله زياد : يعطيك العافيه يارا : الله يعافيك يارا : اقول زياد الحين ليه ما يخلونا نسوق زياد : هههههههههههههه عشان والله يسوون مجله كامله عن الحوادث يارا : ماتضحك زياد : اقول سلكي لي ولا بطلقك يارا : هههههههههههههههههههههههههههههههههههههههههههههههههه هه والله انك تضحك زياد : ايه اشوا هشام : اقول يبه نبي نروح للبر مشعل : ايه والله يبه من زمان ما رحنا عبدالعزيز : والله فكره مهب شينه زياد : خلاص اجل تجهزو بكره نطلع للبر يارا : ان شاء الله وهم في البر :- يارا : اقول زياد يا حياتي زياد : سمي يابعد عمري يارا : معليش تخليني اسوق زياد : وشو مابقى الا هي حرمه وتسوق وانا وشو قدامك منب رجال ، السواقه للرجال يارا : لين متى وهذا تفكيركم زياد : الحرمه مكانها بيتها وعيالها يارا : ماقلت شي بس السواقه مهمه يمكن يصير ظرف ولا شي زياد : لا ان شاء الله مهب صاير شي ، بعدين لو صار شي منب منقعطين عن العالم الحمدلله فيه جيران وفيه تكاسي ماليه الديره بعدين عندنا سواق يارا : بيجي اليوم اللي بثبت لك ان السواقه مهمه زيــاد ويارا والعيال على خط الرياض في الليل :- زياد وهو يسوق: يارا لحــقي علــي مانيب قادر يارا بصدمه : زيااد وشفيــــك ؟.!! زياد : شكل الضغــط مرتفع عندي احس بدوار واختناق مانيب قاااادراستحمل يارا : وقــف السياره تكفى ..ارتاح شوي لاتسوق ..اهم شي سلامتك هشـام بصوت خفيف: وش ذي الورطه ... طيب يما وش الحل الحيــن عزو: كيـف الحين نوصل الرياض يارا:اسكت انت وياه عمرنا كله ماوصلنا اهم شي ابوكم..حسبي الله عليكم من عيال..تعالواساعدوني ويشيلون ابوهم ويحطونه ورا السياره وزياد مازال تعبان مررره هشام : يما كلمي خالي الاسعاف أي شي خلهم يلحقون على ابوي زياد : بسرعه تكفوون ودوني المستشفى تصرفوا الحقوا علي يارا وهي تبكي : سلامتك يابوعيالي .. ليته فيني ولافيك .. وش بيدي عليك العيال يحاولون يوصلون رجلهم للمكبح السياره بس رجلهم ما توصل يارا : وخروا انت وياه..خلاص انا اسوق واللي فيها فيها ابوملاك : يما من جد لانروح بداهيه هشام : خلنا نروح بداهيه ولاابوك يصيبه شي يارا : اللي يفهم للبريك والسوالف ذي يجي جنبي تراني مافهم لها وتدعس يارا 180 وتوصل بعد ساعتين لنقطه تفتيش الشرطي فهد : ياحرمه وين انتي جالسه تسوقين..انزلي معنا ؟ يارا : يا عسكري الحق علينا زوجي مرتفع ضغطه وشوي بيموت علينا وبنص الطريق وما في احد .. مالي غير اني اسوق الشرطي فهد :اهدي اهدي .. احين نوديه اقرب مستشفى هنا .. بس انتي لازم نحولك عالقسم أبو ملاك :تخسي تودي امي الشرطه .. يعني تخلي ابونا يموت الشرطي فهد : امك خالفت القوانين ابوملاك : واي قانون ذه اللي يمنع الوحده تنقد زوجها وجت الاسعاف ونقلوا زياد لأقرب مستشفى واستقرت حالته زياد : بسم الله وش جاني هنا العيال : علمو ابوهم بالسالفه يارا : بعدك معارض على سواقه المرأه للسياره.. زياد يرفع يده : يارب اذا بيصير لكل وحده مثل اللي صار لك يارب تسوقون اليوم قبل بكرا أخواني وأخواتي ..P9 (F) لكم في هذا الحوار معنى وقيمه وهنا ليس نوضح بإننا مع أو ضد من خلال هذه القضيه ولكن لتبقى مملكتنا ورأيها السديد هو رأي شعبها الوفيه ولكـن ..:/ حالات لابد من مراعاتها ومعرفه متطلاباتها والتصرف معهم بأقرب مخرج من هذه الأمور المأسويه التي تمر علينا في كل لحظه ..! التوقيع : يارا ..:$ تابع |
رد: || مسـرح القنـاص ||
|
رد: || مسـرح القنـاص ||
[[ يوم الخميس ]] بعد أن رجعت العائلة للبيت وقـد عرفوا أن الأسعار صارت غالية بعد ما أعلن حامد الغامدي عبر القناة الأولى عن أرتفاع الأسعار فقالت يـارا لزيـآد : أبو ميشو زيـآد : سمي يا بعد طوايفي يـارا : ترى معد فيه مقاضي للبيت ما فيه ألا فطور بكرة زيـآد : وش المطلوب يـارا : نبي نروح للسوبر ماركت نتقضى زيـآد : خلاص بعد صلاة الجمعة بنروح [[ يوم الجمعة ]] بعد صلاة الجمعة " زيـآد يكلم يـارا " : ألو يـارا يـارا : ألو نعم زيـآد : يله أطلعي للشارع عشان نروح السوبر ماركت يـارا : أوكي يالله [[ السوبر ماركت ]] وعند السوبر ماركت كانوا عيال زيـآد موجودين ويحبون يخمخمون وزيـآد متضايق عشانه يدري أنهم بيضفون كثير زيـآد ويـارا راحوا ياخذون أغراض البيت وأما الأولاد دزوا عند الحلويات [[ الكاشير ]] ويوم جاء زيـآد يحاسب " يـارا " : يله يا عيالي حطوا الأغراض عند الكاشير العيـآل : أن شاءالله زيـآد : كم الحساب ؟ فهـد : 1555 ريال زيـآد وهو يصارخ : كم ؟؟ فهـد : 1555 ريال زيـآد : وليه ؟ فهـد : ما سمعت غلاء الأسعار أمس زيـآد : ألا بس مفـروضاً تنفذ السبت فهـد : والله قالوا لنا ننفذ اليوم زيـآد : الله كريم وهنا هاجت قريحه [ أبو ملاك ] الذي يملك موهبه الشعر على منصه لعرض الشنط المدرسيه وقال أبيات ما هاجت به قريحته الشعريه في هذا الموقع وإليكم الأبيات ..:/ شكرا ً يا بلادي .. شكرا ً يا بلادي واللي أستفدناه روب وعلبه زبادي وفي هذه اللحظه أتي السكريوتي يسحبون أبو ملاك براااا السوبر ماركت وهو يصرخ ويتوعد وكـ العاده ما يحب يهايط [ نتفـه خـارج النـص ] مع كل الإحترام والتقدير للشاعر / عيضه السفياني الشاعر الكبير والموهبه الشعريه اللي الكل يحترمها فله مني ومن الكل تحيه وإحترام وتقدير وبختام مشهدنا الذي يحكى واقعنا الأليم بعض الشئ من ما نراه خلال الأيام الحاليه من تدهور في المستويات وجميع الأمور الأخرى لأسباب نعرفها ولكن نقض النظر عنها فلنحسن إلى أنفسنا ونتجه إلى ربنا فهذا ليس إلا عقاب من رب الجلاله للبشر في الأرض وهو تحذير عما هو أتـى بالقريب .. ! التوقيع : C,RONA7LDO .. تابع |
رد: || مسـرح القنـاص ||
زيـآد : اسمعي .. بأعلمك كيف تبيعين الاسهم .. عشان لما اكون بالدوام تبيعين انتي . يارا : اوكي .. بس تراي صعب افهم .. شوي شوي لاتعصب زيـآد : ماهيمشكله .. اسمعي ، . قضيتنـا بسيطـه !! .. النت والبنات.. ، قضيه مهمه عندنـا .. وحتى لو كانت هاذي البنت هي حرمـة البيت " الزوجه " .. وايضاً تمشي على البنات وتوصل القضيه للطلاق القضيه كبرت .. وتزايدت لدرجة ان الاطفال يدخلون النت .. ومن المواقع الشات ، المنتديات .. وغيرها وايضاً الماسنجر .. فـ حتى الطفل صار عنده ماسنجر ويسولف مع العالم ويطالب بعد بإيميلات عشان يسولف ! لكن اذا كان تعلى الولد فـ هي شوي هينـه المشكله " البنـت " .. فـ اغلبيـة البنات " ينلعب " عليهـا بسـرعه فـ النت في بداية عمرهم مضر .. وحتى في اوساط عمرهم ما اقول امنعوا النت عن البنات .. لكن وضحوا لهم ، عشـان ما تروح بكره ضحيـه لقضيـه !! يارا : خلاص فهمت السالفه كلهـا .. زيـآد : حلو .. اجل هالحين بأودي العيال للمدرسه واروح الدوام لاتنسين الاسهم . يارا : اوكي ، يله امش دوامك لا تتأخر . زيـآد : فمان الله يارا : فمان الكريم يارا : يله ياعيال قوموا يله المدرسـه .. ابوكم ينتظركم عبدالعزيز : ان شاء الله يمه هذانا قايمين يارا : يله يله، يله مشعل مشعل : من عيوني يا ميمتي بس ثواني اكمل حلمي يارا : قم يله بس ، يله انت بعد هشام هشام : دقيقه يمه اخر لقطه بالحلم يارا : بأروح وارجع ان لقيتكم نايمين بالمويه في وجيهكم قاموا كلهم .. بعد وقت طويل ، بعد ما خلصت يارا الغدا وجهزت كلش يارا : يله خلني اجيب اللاب توب واشوف السوق .. بعد ماخلصت يارا وشافت السوق واشترت وباعت وسوت كل شيء زي ماقال لها زيـآد حست بالملل ، فـفكرت تشوف النت وتفتحه وتتعلم عليه وكعادة اول شخص في النت يفتح " قوقل " ! فـ قامت تحوس فيـه .. اكتشفت اشياء ممتعه فيه .. وهي تحوس اكتشفت [ الشـات ] .. فـ فكرت تجربه .. دخلت الشات وشافت اشياء ماتتوقعها حبت تستكشف اكثر .. كلمت وحده وسألتها لكن ماردت .. فجأه طلع لها خاص فهد : مساااء النور يا احلى نوور يارا : مساء الخير .. منو انت ؟ فهد : انا واحد حبيتك من اول نظره ! يارا : استحي على وجهك انا متزوجه فهد : وانا قلت شيء ؟ .. بس حبيت اسولف شوي يارا : عيب عليك فهد : انا قصدي شريف ، مجرد سوالف نقضي فيها وقتنا .. يارا : اكيد ؟ ترا ماعرف للكمبيوتر اول مره ادخل فهد : ايه اكيد ياعمري .. ممكن الإيميل تبعك عشان نتواصل يارا : ماعرف ايش الايميل فهد : اوكي الحين اسويلك انا ، فهد وضح ليارا كل شيء وسوا لها الايميل وضافها .. وتواصلوا فتره طويله جداً بدون علم زيـآد ، كانت كل صباح تشوف الاسهم وتكلمه في النت .. وكل وقتها على النت ماتتركه من الصباح الى ما تنام زيـآد استغرب من هالشيء .. وراح ليارا زيـآد : يارا .. وش جاتس ماتتركين هالبليه يارا : ولا شيء بس وناسه العاب واقضي وقتي فيه بدل التلفزيون زيـآد : اهاا .. اجل لا تقعدين كثير عليه ، تراه موب زين اذا قعدتي عليه طويل .. يارا : ابشر يابو مشعل لكن يارا ما سمعت لكلام زيـآد .. وجلست على النت كثير .. وامتدت السوالف بينها وبين فهد الى ما جاء ليارا السؤال القاضي والي بدا صفحه جديده بينهم ! يارا : تصدق يافهد ارتحت لك .. انت غير الناس فهد : بعض الشباب قصدهم غير .. انا بس للسوالف ونشكي لبعض يارا : ما شاء الله عليك فهد : طيب وشرايك نزيد طريقة التواصل ونخليها افضل يارا : كيف ما فهمت ؟ فهد : نتكلم بالجوال .. يارا: فهد ؟؟ا لحين تو امدحك لانك مو زي باقي الشباب والحين تعكس نظريتي !!!! فهد : لا تفهميني غلط .. شوفي يا يارا انتي فهمتيني غلط في الشات والحين عكست نظريتك .. فـ لاتفهميني غلط ! يارا : بس انامارضى بالشيء هذا وبدا يعطيها فهد من الكلام الرخيص .. الى مارضت يارا ! واقتنعت .. وكلمها بالجوال اول مكالمات بينهم كانت تستحي .. الى ماعتادت الوضع !! كان اسم فهد بالجوال .. " ريمـا " عشان ماحد يدري عنهم .. تركت يارا الجوال في الصاله وراحت تطبخ العشاء فجأه رن الجوال كان جنبه هشـآم اخذ الجوال لقامكتوب " ريمـا " .. قال يرد عليها ويقولها ان امها مو موجوده قاعده تطبخ رد هشـآم.. وتفاجأ بـ صوت رجال يرد عليه !! هشـآم : مين انت !!!!!! فهد : انا اللي مين ؟ انت الي مين !! هشـآم : بس انت اللي متصل على جوال امي ! فهد ارتبك وصكر .. هشـآم على طول راح لمشعل وعبدالعزيز وقالهم مشعل : هشـآم بلا حركات بزران مو فاضين هشـآم : صدقوني صدقوني كلمني والله عبدالعزيز : ياولد اكبر .. تراك منب بزر للدرجه هاذي !! هشـآم : طيب اتصلوا وتشوفون !! مشعل : هات .. واتصل مشعل.. شاف الرقم فهد .. مايدري هي يارا ولا الولد رد ولا تكلم فهد عشان يتأكد على طول مشعل قال الو .. فهد يبي يعدل الوضع فـ تكلم بصوت بنت فهد : الوو مشعل : الو نعم فهد : ليش صكرتوا قبل شويه مشعل : معليش بس ما كان الجوال معي فهد : اهاا .. طيب ماما وينهاا مشعل : تطبخ .. اذا خلصت اقولها انك اتصلتي فهد : اوكي .. بااي مشعل : فشلتني ياخي .. تقولي رجال وبالنهايه تطلع صديقتها وهقتني الحين تبي تفضحني قدام امي عبدالعزيز : قلتلك لا تصدقه ذا البزر هشـآم : راح غرفته وهو متألم من كلامهم .. ووده يقنعهم بس مو عارف ! ويخاف يقول لأبوه ويصير له نفس ماصار له مع اخوانه !! واستمرت العلاقه كثير .. ومازال زيـآد ما يدري باللي يصير ! يوم من الايام فتح زيـآد اللاب توب يشيك على السوق شاف ايميل يارا مفتوح .. قال يمكن فيه صديقاتهـا ولا شيء .. قام نزله تحت .. عشان اذا جت يارا ما تقوله ليش فاتح ماسنجري !! فجأه تكلم فهد وقالها اهلين يارا .. تفاجأ زيـآد بالأسم ! زيـآد : مين انت ! فهد : افا نسينا؟ زيـآد : مين انت يا ولد !!! فهد : نسينـا يا بنت نسينـا ! في اللحظه دخلت يارا وشافت اللي صاير .. راحت بسرعه وشالت اللاب توب زيـآد بعصبيه: من ذا الي تكلمينه !!! يارا : مين مين ورني يارا شافت الاسم ارتبكت .. يارا : هذا وشسمه هذا ماعرفه غلطان بالايميل يمكن زيـآد : غلطان ويقول يارا !!؟ يارا : لان ايميلي يارا زيـآد : يارا لا تلعبين فيني كذا يارا : صدقني ماعرفه وهاه شوف قدامك احذفه زيـآد : يارا انا زوجتس .. واخاف عليتس ، ارجوك لا يلعبون عليك العالم وتلحقينهم ! يارا : انت ظلمتني وفوق هذا تشك فيني بعد زيـآد : أنا اسف .. لكن اخاف عليتس ! يارا : ما توقعتك كذا .. وراحت وهي تبكي زيـآد ندم على اللي سواه .. وحب يجيب لها هديه يراضيها وشرا لها طقم ذهب راقي .. كان غالي مره .. لكن شراه يراضيها فيه وتفاجأت يارا فيه وسامحته .. مع انها هي الغلطانه !!! يارا : فهد .. زوجي اشترى لي طقم ذهب كبيير عشاني لعبت عليه فهد : هههههههههههههههههه .. صدق انه دلخ يارا : ما يفهم .. لعبت عليه لعبه بزارين وصدقها فهد : تصدقين يا يارا .. بديت احس انك توأم روحي يارا : وانا بعد .. ماقدر اتخلى عنك .. حسيتك دخلت قلبي ويعطيها فهد من الكلام الى ما صدقته واقنعها انها تاخذ فلوس من زوجها ويحطونه في حساب .. ويتزوجونوينحاشون وصدقته واقتنعت .. فتحت يارا سوقالاسهم .. وبااعت الاسهم كلها .. وطلع لها مبلغ كبيرجداً وحولت الفلوس على حساب فتحه فهد وراحت كل الفلوس فيه .. زياده على فلوس اخذتها من قبل .. وبعد باعت ذهب ماتحتاجه وحطت فلوسه بالحساب وصل الحساب مبلغ خيالي وبعد كانت كل مره تاخذ من زيـآد فلوس وتحطها بالحسابه بحجتها انها تبي الفلوس عشان اغراض تشتريها وصل الحساب لمبلغ كبير جداً تعدا الاربعه مليون فتح زيـآد سوق الاسهم يبي يشوف حال أسهمه .. دخل وتفاجأ ان محفظته فاضيه تماماً عى لطول راح ليارا زيـآد :يااااااااااااااارااااا يارا : سم يا خلفهم زيـآد : اسهمي وينها .. فلوسي وينها يارا بخوف : ايش؟ مو انت قلت لي ابيعها كلها !!؟ زيـآد : أنـا ؟؟ تلعبين علي !! يارا : بس انت قلت لي .. وبدت تبكي زيـآد : عز الله فلسنا .. ويروح غرفته يشوف وش يقدر يسوي يارا بسرعه اتصلت على فهد .. وتفاجأت بجوال فهد مغلق !؟ تحاول ولا قدرت ابد ! جلست تبكي وتصيح ما تدري وش تسوي .. مر يومين من السالفه هدت الامور بعض الشيء .. الوقت كان متأخر كانت يارا نايمـه في الغرفه .. والعيـال يطالعون التلفزيون وزيـآد على الطاوله الي جنبهم يسوي اشغال ماخلصها في المكتب رن جوال يارا اللي كان في شنطتها .. رساله .. زيـآد جاه فضول .. من مين يا ترا هالرساله في هالوقت زيـآد اخذ الجوال وفتح الرساله .. كان نصهـا / [[ اهلين يارا .. انا اسف على الي سويته بس انتي مغفله شوي ماتوقعت تنلعبعليك هاللعبه .. على كل حال انا اخذت كل الفلوس اليبالحساب والان بأركب طياره واسافر .. سلمي لي على زوجك ! " محبك / فهــد "]] زيـآد انصدم صدمه .. لدرجه انه طاح اغمى عليه على طول طبوا عليه العيال وماعرفوا وش يسوون مشعل : يبه يبه قم يبه يبه عبدالعزيز : وش فيه مشعل وش فيه مشعل : مدري بس باين انه مغمى عليه ما توقع انه مات عبدالعزيز : هشام بسرعه رح ناد امي بسرعه هشام : يمه يمه يارا : نعم نعم وش تبي هشام : يمه ابوي طاح في الصاله مدري وش فيه يمكن مات يارا : نقزت بسرعه وراحت تشوفه لقت زياد مغشي عليه يارا : زياد زياد قوم زيـآد : ........ يارا : روحوا جيبوا مويه بسرعه وتاخذ المويه وترشها على وجه زيـآد .. وبعد رشتين قام زياد قام ومسك يارا وضربها .. لا شعورياً يضربها .. ويضربها ضرب لييين ماطاحت هي مغشيعليها وتوه يستوعب الوضع وياخذها المستشفى لما قامت وصحصحت زين .. دخل عليها زيـآد زيـآد : يارا .. انا عرفت كل شيء .. من رساله " فهد " الي وصلت لك وعرفت انك بعتي الاسهم عشان تعطينه الفلوس وعرفت كل شيء .. يارا : زياد انا اسفـه ماكان ... زياد يقاطعهـا: انتي طالق طالق طالق ! وطلع زيـآد من الغرفه وراح لبيتهم اما يارا .. جلست تبكي مصدومه .. وبعد ماطلعت من المستشفى كملت بقيـه حياتها في بيتاهلها تشوف عيالها من فتره لفتره .. زيـآد قدر يسترجع حياته ويشتري اسهم من جديد وتزوج مره ثانيه بـ حرمه من اصل معروف .. كملت تربيه عياله .. وجابت له ولد وبنت . * إلى هنا وتكتمل لكم الصوره من خلال هذا المشهد بإن يوجد في هذا العالم الكبير أصدقاء وأوفياء ولكن نُدر ويوجد الكثير من الوحوش تحت أقنعه تمسى أقنعه الحب الكاذب فلكم أخواتي من أخ " أنـا " عرف ما معنى الشبكه العنكبوتيه بأصلها وفصلها من عده تجارب وصلت لـ 9 سنوات أو أكثر ..:/ أحـذروا ..! ( نبـره أخيـــره ) ( تــابـع ) |
رد: || مسـرح القنـاص ||
وفـي ختـام مسرحيتنـا التي أتمنى أن لاقت على إستحسان من قبل الجميع وكانت للواقع كـ لحظات مرت سريعه وطيوف تجذب خلفها رمق الحياه فمن رأي بإن المسرحيه تستحق التصويت فلا ينسى التصويت لنا ومن لا يعتقد بإنها وصلت لحد الطموحات ينتظر القروبات الأخرى ويصوت للأفضل دعواتنا الصادقه لأخواننا في القروبات الأخرى بالتوفيق في عروضهم وتميزهم فلا يهم من " الخاسر " أو " الفائز " ولكن الأهم هو " الحب الأخوي " والتجمع والتكاتف والنقطه الأهم " التعارف " على أخوان لم تلدهم أمهاتنا أشكر جميع قروب المسرحيه الموقره وأشكر الحاظر الغائب والعضو الأميز معنا " تمـيـم " على فواصله الفذه وأيضا ً أشكر الأخ العزيز والمميز دوما ً " السيــف " على التصميم والخشبه التي أعطت لون آخر للمسرحيه شكرا ً للجميع .. مـع تحيـات ..:/ قـروب [[ دموع 21 يناير ]] |
رد: || مسـرح القنـاص ||
يعطيكم الف الف الف عافيه
حسيتها مسلسل والله بس خل عنكم والله رووعه ابو ملاك يارا فهد هشام زياد عبدالعزيز مشعل الله يعطيكم الف عافيه فهد اربعه مليون يالظالم اقول وش رايك تصير صديقي خخخخ صراحة قصصكم احسها واقعيه من جد يعني دائما واحد مطرود من السوق ووحده انضحك عليها عبر النت يعطيكم العافيه ماقصرتوا |
رد: || مسـرح القنـاص ||
مسرحيه رائعه بكل ماتحمله الكلمه من معاني
اشكركم كثيراً على الجهد الجبار قروب دموع 21 يناير ابو ملاك يارا زياد فهد عبد العزيز والشكر موصول لتميم والسيف مسرحيه تكلمت عن الواقع تكلمت عن مجتمعنا السعودي ابدعتوا بجد يعطيكم الف عافيه لاعدمناكم حبايبي |
رد: || مسـرح القنـاص ||
*
* مسرحيه من جد اكثر من رئــعه وتحكي واقعنا بكل تفاصيله وفيها كثير من العبره ][ زياد ][ . ][ يارا][ . ][مشعل][ . ][ هشام][ . ][ عبد العزيز ][ .][ فهد][ صدقوني مبدعين كلكم وبالتوفيق للجميع وخصوصا ][ ابــو m مــلاك ][ ماشاء الله تبارك الله الفكره لها دور كثير في حلاوة المسرحيه |
يالبيهـ نبي نسوق صدق خخخ
.... يالبيــــــــهـ يـ [دموع ا2 يناير ]P9 :$ شو هالإبداع ياخطيريـــــنP9 (F) مسرحيهـ حلوهـ وذوق رووووعهـP9 والأهـم هــــادفهـP9 ولاتخلو من المرح المحببp13 P9 :d هشام :أجل بشوف آخر لقطة بالحلم خخخخخخخخخخ:d واحلى مشهـد وأروع مشهد >>تحمست مشهـد قيادة المرأة للسيارة:TN P9 شايفين كــــيف الإيجابيات تعبنا من مجتمع مايشوف الا السلبيات :(: وعقليات متحجرة تأبى أن تلينp18 أهم شيء زياد اقتنع :d >>دخلت جوخخخخ ومشعل خطير يوم يدافع عن يارا قدام الشرطي:d خخخخ يـــــارا منتي هينه أجل أخير جربتي السواقهP9 :d >>عقبال الرخصة ان شاء اللهp13 وبقية المشاهـد ايضا جميلة لكن هذا المشهد هو الذي سرق لبي:d >>تحمست .... [دموع ا2 يناير ]P9 P9 إبـــداع P9 ارفع القبعة إحترامـا لحضوركم المختلف والى مـزيد من الإبداع P9 (F) .. |
رد: || مسـرح القنـاص ||
مسرحيه نآقشة أغلب الهموم اللي تشغل مجتمعنآ السعودي ..
بصرآحه استمتعت بعرضكم .. وكل التوفيق لكم يآرب .. عوآفي يآ أبطآل .. .. |
رد: || مسـرح القنـاص ||
ماشاء الله على هالابداع بقى تصوير بس :d والله مبدعين انا ابي اعرف فهد شلون لعبت بعقل يارا :d جعلي ما اعرفكـ اجل :d جميعكـ ابدع( فرداً فردا ) P3 تمنياتي لكم بالتوفيق دمتم بود P9 |
| الساعة الآن 08:53 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0