صباااح الخير يااحلى اعضــــــاء ..

كالعــــــاده لابــــــد عند دخولي ان اشرككم معي بالاستمتاع بقصيـــــدة هي قصة لعاشق محرووووم,,

فاليـــــكم القصيده ..::: .. فهي كما وصفها ,,’’’قصــــة جرح ثمـــــان سنين’’’

لهدرجه ثمان سنين ومقدر ينسى... حب ناااااااااادر!!!!!!


تقووول القصيـــــده:::....

على الموعد ب(لهفة) جيت لا مانع ولا تأخير
لفيت من العصر هايم مع ان الموعد المغرب

وجتني بس مدري ليه شعرت الجيّة هذي غير
وهي تقرب من عيوني شعرت ان الممات اقرب

وقلت الله يهوّنها عسى في جيّتك لي خير
انا من شفتك أقبلتي وانا خايف ومستغرب

على كثر الحكي مدري كأنّه خانها التعبير
وقالت لي جمل وأشياء لا تكتب ولا تعرب

هدت فجأة تطالعني وأنا في حاجة التفسير
لجل نحكي بهدوء اكثر سألت: الحلوة وش تشرب

فصاحت بي انا احبك ولك في هالحشا تقدير
وتدري ان المثل فينا وفي احساسنا يُضرب

وكنت انت الوفي وانت البري من تهمة التقصير
ولكن ذي عوايدهم من ايام وزمن يثرب

تكون البنت لابن العم ورغبات الكبار تصير
وتدري الاقربون اولى .. مع انك للخفوق أقرب

وتدري للقدر كلمة.. لعادات الأهل تأثير
لذا أرجوك تتركني وانا من واقعك باهرب

شعرت بحكيها كنّه قصاص وامر بالتعزير
شعرت الدنيا ضاقت بي من المشرق إلى المغرب

مشت خلّت وراها طفل ما يدرك وش التدبير
يحسب ان الغرام ابيات شاعر واغنية مطرب

ضحكت وماقدرت اني ألاقي لضحكتي تبرير
من اللي بوقتنا مرّه ضحك من لدغة العقرب

رفضت أستوعب اللي صار ولا استسلمت للتغيير
ثمان سنين اجي نفس المكان بساعة المغرب

برغم ان الثمان سنين جرح وكلّفتنيي كثير
أنا لليوم أجي وأدعي.. تجي يارب .. تجي يارب
:::
:::
:
:


تدرون وش يقول بعدها ::: يقول ولازلت الى هذه اللحظه اردد..:: يارب تجي ... تجي يارب...!!!!!!!!!!!!!!!!

معقوله الى الان يا شاعرنا...!!!!


على العموم اتمنى ان تكون محل اعجابكم ويرضي ذوقكم ياحبايبي..