رسالة من بنت خليجيه لبنات السعودية (أنتم أميرات ..!!)



" كتبت هذه الكلمات اخت لكن ...!!!"

اصبحكم بالخير واقول السلام عليكم ورحمة الله وبركاتة كيفكم يا حلوات اعرفكم على نفسي انا اختكم من قطر احنا البنات الكيوت ودي اسولف معاكم شوية واثبت لكم كيف انتو اميرات ودي اسولف معاكم عن رخصة القيادة اللي انتو رافعين مليون راية مطالبة فيها ولسان حالكم يقول يعني اشمعنى احنا مش مثل بنات الخليج
ليتكم تعرفون النعمة اللي انعم الله فيها عليكم تراكم اميرات وانتو مش حاسين واقولها من خبرة

لان اختكم المسكينة اخذت الرخصة من اكثر من خمس سنين ومن يومها وانا احسدكم على النعمة اللي انتو فيها لحد ما الله انعم علي وجبت السواق وتنازلت عن كل المفاتيح وعن كل المطالبات بالتفحيص والمناور يا حبيباتي يا اميرات خلوني اعطيكم برنامج ليوم واحد من حياة سواقة او بالفصحة السائقة اصحي الصبح صحي الاولاد جهزي الفطور لحد الان كله عادي

نجي هون للجد طلعي الحوش ولاويش تسمونه يا اميرات عموما طلعوا هذا اللي ماله اسم واللي فية نبركن السيارة وسخنوها يعني شغلها وخلوها لحد ما تسخن دخلوا البيت وجهزوا الاولاد ويلا بينا بعد ماتلبسي انتي طبعا وبدون دلع باقصى سرعة ممكنة

عندك يلا بينا على السيارة علشان انتي يا هانم ياسواقة حتوصلي العيال على المدارس وبعدين روحي لشغلك يامدام ودوري لك على بارك ( موقف) واحنا يالنسوان لو لقينا بارك وحسينا بصعوبة شوية فيه نسيبة للشاطر وهو الراجل بالطبع ...!!

خلصي الشغل ركبي السيارة ان كنت في الشتاء سخنيها تاني

وان كنت في الصيف الله يعينك على السكان وهو ساخن الا انتو بتسموه إيه ونعود لموال الظهر لما تجيبي الاولاد من المدارس والزحمة اللي تنحشري فيها انتي والسيارة وخناقة العيال وزحمة يا دنيا زحمة اكمل ولا لسة تاني اقول لكم لو لقيتكم مقتنعين ولو حبتين بكلامي اكمل مشوار بعد الظهر والحين ....
مع الف الف سلامة يا كل اميرة ما عندها رخصة سواقة ..!!!!!

هاه وش رايكم ياللي تطالبون بالسواقه هذي بنت تحسدكم بس ما يحس بالنعمه الا فاقدها وكل ممنوع مرغوب