ذا الموضوع من شهر ذي القعده اذكر بنزله كتبته واختفى الملف مالقيته عاد هشـوا لقيته لأني نسيت وش بتكلم عنه <- الله من زين الدميجه ( الـ : سويرهـ فيس يناظرتس وغاشي ضحك )
..
كل وحده مصيره بهالحياهـ الزواج ان ربي كتب له هالشي .. يمكن تكون بدايه عقل ومرحله نضج لناس كثير وهم الأغلب .. وناس لا / يستمرون على هبالهم وخبالهم .. مايقّدر انه صار زوج ومسؤول عن بيت .. ! متعود ضيف شرف ببيتهم .. ولا يدري عن المسؤوليات الكبيره .. حده صامولي من اقرب مخبز كانه مار من عنده بعد .. وكنه متقضي للثلاجه .. ! * الا صدز ترى مهوب ضارك جيك لبن تدخل به اهلك يوميآ .. اكره الرجال يدخل البيت ويده فاضيه <- عز الله طفرت بالمعزب ولا البنت تقدر الرجال الشمحوط اللي قدامها / متعوده تنخدم ما تخـدم .. الحين صار هو يلبي الحاجات.. وصارت هي تدير البيت كل واحد منهم مسؤل عن الثاني ..
{ قبل الزواج .. وهي الأهم بموضوعنا ذا .. وين كان الرجال .. سمعتهـ .. اهلهـ .. اصلهـ .. ربعهـ .. صلاتهـ .. وظيفتهـ .. ! هي نفس الشي .. سمعتها .. اهلها .. اصلها .. صديقاتها .. صلاتها .. وعباتها .. !
السهر الطلعات الترفيهـ .. وين نصيب ذولا من الزوجين .. وين يقضونهم فيه ..
برضوه بتعمق الين مابوصل للي ابيه بالضبط ..
[ العلاقات النتيه ] .. !
مسن الولـد .. غالبآ فيه بنات .. ومسن البنت .. لابد فيه عيـال .. سؤاء كان واحد ولاعشره .. ! وفيه النادر اللي يخلى من العيال لظروف .. امـّا : لغيرة ( قيسها ) من العيال .. ! او وفاءها لأهلها او قناعه عندها .. ومافيه ام بالدنيا او ولي امر يقول : ايه يابنتي عادي يصير عندك عيال بالمسن تسولفين معهم وتدردشين .. ! والله لو ان سري مقطوع بمصر يوم يصيرون اهلي كذا .. ومن النادر والنااااادر جدآ وانا ماقد شفت ناس كيذا بعد .. { اخو يرضى ان اخته تكلم عيال مسن .. ! لابد يجي طاري من هنا هنا .. صوره كام تلفون .. حتى لو كانت النيّه هبال وضحك والشخص من تصرفاته يحكم .. يعني .. الولد عادي يصير عنده بنات .. والنظره له ماتتغير _ من الأهل اقصد _ بس البنت عيب وشق جيب .. يكون عندها ولـد .. ! ولا احد يرضى بهالشي .. وين الغيرّه وين الحميّه يوم يخليها تكلم شنبات وعيال .. ! ما اشكك بأن الولد دايم خاين ولعّاب .. بس الشيطان شاطر /:
من الظرافه اللي مرت علي من دخلت هالنت .. واحد اسولف انا وياه عادي جدآ .. جا الطاري وعرف ان اهلي مايدرون اني اكلم ولد مسن .. قال : لا انا بتركك عشان اهلك مايدرون لازم اهلك يرضون .. علمي اهلك واذا ما وافقو اتركيني ..
قلـت مع السلامه .. شرهتك على اللي ميت عليك .. وديليت وانتهى الموضوع ..
يعني منتب اكبر همي يوم احزن ولا اتضايق ..
صحيح اهلي معهم حق يومهم مايبون عيال .. بس انا مو اسوي دواهي يوم كلمت الولد .. اخو يكلم اخته عادي جدآ .. سواليف منتدى حتى مو سوالف مسن وخاصه .. !
بس الأهل بينظرون انه ولد وانتهى الموضوع .. ! مع انه ماقد احد سألني معك عيال من اهلي .. ولا ادري بالضبط وش رده فعلهم لكن اتوقع الرفض لكن انا هنا يجي دوري .. اوكيه كلمت ولد بس وش نقول .. ! وش نتكلم عنه .. ومن هنا يتحدد اذا انا غلطانه او لا .. .. شي حز بخاطري ويمكن يكون السبب الرئيسي لكتابه هالموضوع .. كنت بمحادثه مع شخص - احترمه وله مكانته - سألته : عندك الحين بنات مسن .. قال : ايه .. قلت : طيب لا تزوجت بتحذفهم .. قال : لا .. ! استغربت وقلت بس مجرد هياط وعشاني معه مهوب مفشلني .. لا جد .. تكلّم جد .. ! قال : لا ماراح احذفهم وليش احذفهم .. ! قلت : وام العيال .. ابجوره بالبيت .. ! قال : اصلآ مابيني وبين البنات شي .. شوفه عينك نقاش سوالف علاقات عاديه .. وطاااال الكلام ......
المهم ان الرجال مقتنع برايه وانا شفت انها مصيبه .. مالها قدر بنت الحلال يوم انه يكلم غيرها .. ! اول قبل الزواج .. لعب طيش هبال مراهقه .. بمجرد ان تتزوج كل اللي بالراس يطيح .. وهمك بيتك وحرمتك .. !
سألته .. ترضى زوجتك تكلم عيال مسن وانت معها .. ! رفْض رَفض تااام .. وقال وانا وشو قدامها صخله .. ! وهي بعد مو صخله .. ! ليش عندنا كل شي للعيال صح وللبنات خطأ .. ! ليش افعال العيال مغفور لها والبنات ذنب كبير ليش الخطأ والحرام عند العيال حلال وبارده مبرده .. ! ليش ناخذه بمبدأ عادتنا وتقاليدنا .. ولا نناظر الدين .. !
يعني زوجي بالعربي يغازل / يدردش من وراي .. يكلم بنات .. موسع صدره مع بنات بهالنت .. ! وانا ماغير اطبخ وانفخ ووجه ضاحك لامنه جا ولا منه راح وهو فاق خشته ضحك وسعه صدر مع اللي بالمسن
احس القضيه وجحمها اكبر من اني اقعد اطقطق كم حرف على هالكيبورد .. ! او نتناقش فيها .. لازم قناعه ذاتيه ..
* كل واحد مننا عنده مسن .. عنده الجنس الثاني .. لا تزّوج بيتغير شي من حياته الأوليه .. ! انتي بنت واعرستي .. بتكلمين عيال ولا لا .. وليش ! انت ولد .. تزوجت ورزقت الله ببنت الحلال .. بتبتل تكلم بنات مسن .. وليـِش !
سؤال لأي احد يمر من هنا .. سؤاء ضغط اضافه رد ولا لا .. جاوب بنفسك انا مايهمني جوابك .. قدر مايهمني قناعتك . بعيد عن الرغبه .. ! بتحذف الجنس الأخر ولاّ لا ..
اكيد انا مريت بعيال اعجبتني ثقتهم بي .. / رجولتهم .. وقفاتهم حتى لو كان مسن .. عزيزين علي بقوه .. ! ضحكهم وهبالهم ..
15-07-2008, 05:27 AM
ماسنجـري / ماسنجرهـا / ماسنجـره ..
<- عز الله طفرت بالمعزب 
! 
العرض الشجري
