)
(
)
السلام عليكم ورحمة الله وبركاته
صباحكم الله بالخير والسرور
السالفه ومافيها وانا في امان الله جالسه عالمسن الا البنات كلهم شفتي هيفاء شفتي هيفاء
وش فيها هيفاء وهو موضوعنا لهذا اليوم <<<داخله حصه
يقولون ان الفنانه هيفاء وهبي ناويه تسوي فديو كليب في الثمامه
ايييه الثمامه اللي عندنا في الرياض تصوورو
تقول انها عاجبتها الثمامه وغبرتها وطعوسها
وناويه تسوي فديو كليب وتسدح على الطعووووس
وان واحد من المعجبين فيها من السعووديين متكفل بكل شي بتكاليف الفديو كليب
وبسكنها وسكن طاقم التصوير والعمل
عاد ماشاء الله ياعيالنا الحين بتوافقون على خواتكم اذا قالوا نبي نتمشى نبي نروح الثمامه
بتدقون الصدر وتوافقون عشان ذا الشينه
ابسال يعني ماملت عينها لبنان وخضرتها وعاجبتها الثمامه وغبرتها
عاد انا رحت اتحرى لصحة الخبر لقيت انه منتشر في كل المنتديات ويقولون انه طالع من كم يوم على روتانا
بس مالقيت خبر في جريده ولا شي بس يقولون اذاعوه على روتانا
عاد ماتوقع انه بيسمح لها
جلسنا محد صور عندنا فديو كليب بعدين تجينا هيفاء وهبي مرة واحده عاد كنها تستحي هي وكليباتها
لو انها مثلا اصاله كان بنرحب فيها وياهلا ومسهلا
بس هيفاء اقول طسي بس ووع
يالله اترك لكم النقاش
واذا خلصتوا حش قولوا كفارة المجلس
سبحانك اللهم وبحمدك اشهد ان لا اله الا انت استغفرك واتوب اليك