السلام عليكم


قبل اسبوع تقريبا سمعت عن قصة انتشرت بـ الصحف تحديدا صحيفة الرياض
بعنوان ("الهيئة" تخلص فتاة من شاب "ماكر"ابتزها "14" عاماً)


الي ما قرأ القصة شاب يهدد بنت من يوم انها بالجامعه بصور لها عنده
وصار ياخذ كل مكآفأتها الجامعية مقابل التهديد بالصور...
بعدين تطور الأمر يوم توظفت فتحت له وهي مجبورة حساب بالبنك وصارت تحول
راتب الوظيفة كااااامل له!!!
تطور الشاب وصار يسافر لأوروبا على حساب المسكينه
البنت لا تقدر تقول لأهلها وتخاف منه ومن تهديده
وهذا الي خلاه يأخذكل فلوسها غصب عنها
ووصلت فيه الدناءة انها حرمها من الزواج
كل ما تقدم لها خطيب قالها الصور!!وهي مجبورة تقول لا لكل من خطبها
استمرت على هالحال وفاتها قطار الزواج الى 14 سنة
تخيلو 14 سنة والظالم ياخذ حلالها إلين ما أخذ 800 الف ريال سعودي
الى هنا ماعاد فيها صبر راحت للهيئة بحي الربوة شرق الرياض
وعلمت بكل شي وتم القبض عليه وحكم عليه السجن 14 سنه المده نفسها الي
سجن فيها البنت وإرجاع المبلغ كامل.


انا مابي اناقش الغلط عليها هي الي عطته الصور
او هي ما تخاف ربها أو أو أو....


البنات عموما لو طات فريسة شي طبيعي ما تقدر تصارح اهلها بأي مشكلة
وماني قايلة ليه؟؟ معروف حنا هنا شعب محافظ ,,غيور,,قبائل,,الخ


عندي حل فكرت فيه يوم قريت القصة:
وهو ان الهيئة هم الحل الأمثل بحيث اي واحدة يصير لها تهديد
تتوجه لهم مباشرة علشان مايصير لها زي الي صار بالقصة الماضية
والأهم ان اهلها ما يدرون يعني مثلا رقم خاص للهيئة (يكون بين البنت والهيئة) وهذا له دور في ردع الشباب


لكن بالمقابل فكرت بجانب سلبي ان البنات راح تكون لهم جرأة أكثر
لو ضمنت ان الهيئة موجودة وممكن تكذب عليهم وينقذونها.

تعليقكم على الحل,,,

والله قهر

وهذه الهيئة الي يطالبوون فيها كثير من السفهاء بان تغلق ابوابها

الهيئة لهم الفضل الكثير في الكشف عن الكثير من المجرمين الذين يستغلون الفتيات والشباب في اشياء سيئه

وانصح كثير من الشباب والبنات [ واركز ع البنات ] ان اذ فيه احد يستغلهم ويهددهم باي شكل من الاشكال تبيلغ الهيئه لان الهيئة هدفهم الوحيد هو المساعدة وردع المجرمين وكل هذا لوجه الله

والي يميز الهيئة ان كل يصير يحصل بالكتمان والسر ..

[ومااقول الا الله يديم الهيئة ]

اخوكم عبدالله العضياني

لا حول ولا قوة الا بالله

والله مشكلة

انا اتمنى ان كل بنت ما تحاول انها تعطي صورها اي واااحد مهما كااان

واذا حصل لها اي شي -لا سمح الله- ليه ما تقول لا خوها ولا تستحي ابدا

كل انسان معرض للخطأ ولكن الاستمرار في الخطأ هو الخطأ .......

والهيئة ايضا ما يقصروون وكم من قصة اظهرت ابطال الهيئة في مواقف جميلة
ومواقف رجولية

وان شاء الله ما يقصروون
ولكن المشكلة الكبرى هي من بعض -الواسطات- اللي يطلعون من المشكلة زي الشعرة من العجينة
-لا اكثرهم الله -

فهؤلاء هم سبب انتشار مثل هذه العلاقات الغير صحية


وختاما يا ليت كل بنت تفكر زين بمستقبلها قبل ما تتعرف على اي وااااحد ,,
ومو كل واحد تتعرف عليه على طوول تثق فييه

والسلام ختام .

الله يهدي بنات المسلمين
الحين خلاص ماعاد فيه أمان مثل أول
كل شيء يمشي بالتهديد

الله يحفظ الهيئة
لولاالله ثم هم كان كيف البلاوي والمصايب
لكن بوجودهم كل شيء سهل

عالي شموخي
يسلمو ع الموضوع

لاحول ولاقوه الابالله..
مبادره حلوة من الهـيئه..

انا بالنسبه لي انت تقول اخوي اي مشكله نلجأ للهيئه..

انا عن نفـسي اقول الجأ لأمي وابوي الله يحفظهم لي..

ماأعــتقد في احد بهالحياه بيخاف علي أكثر منهم..

واذا بصـارح بصارح امـي موب الهيئه..

مع هذا ماننكـر اهميه الهيئه وفضلها في كثير من المشاكل والقضايا

ملاحظه: وجهه نظري ورأيي الشخصي



والله يبعدنا عن هالمشاكل يارب ويستر علينا..

ألف شكر ..
اخوي الغالي ..
والله الهيئه لها دور كبير بالمجتمع والمحافظه على بنته ..
لكن حسبي الله ونعم الوكيل على من يحاول ان يضعف كلمتها ..
وتحياتي العطرة لك ..

الهيئه رجال أوفياء بس عندنا
تشوف الواحد مايستحي على
وجه قالب نفسة بنت ولا قال الهيئة
ماتخلينا نطلع والهيئة ماتخلينا نسوي
كذا ياخوي شف نفسك شف الغلط الي
مسويه تتكلم وإنـــت ما تدري وش مسوي
النقطه الثانيه رجال الهيـــــئه هم الاوفياء
والله مافيها شيء تروحلهم تكلمهم
راح يستقبلونك احسن إستقبال بس
االي بيقعد في بيته راح ينهبل وهو
ماستفاد ومقهور الهيئه هم اجمل حل
والله ما فيها شي وما اقول إلا الله
لايكثر من امثال هاذا الشخص........
مشـكووووووور اخوي اخوك لقنا20

طيب اغلب البنات هم السبب ليش ماتخاف من الله الواحد الديان
قبل ان تخاف من اشباه الرجال
تعجب بشاب من اجل صورته!!!
او من اجل كلامه!!!

هي تعرف يقين ان الذئاب لاتريد الزواج وانما العب بعواطف الفتيات

ولسان حالها يقول اصدق الحب الذي لايجمع بين اثنين
اي حب هذا
ماسمعت به في الاولين ولاالاخرين

الله اعطها المال لتشتري به الجوال وهو نعمه
فتدهب لتعصي الله به

الله اكبر ما عبدنا الله حق عبادته

وجزاء ربي رجال الهيئه خير الجزاء

الله يعطيك العافيه اخوي
انا برأيي الغلطانه البنت ليه تعطيه صورتها
انا بالنسبه لي اذا صارت لي مشكله او شي اقول لاخوي هو اللي يحل لي مشاكلي
الله يستر علينا وعلى بنات المسلمين
تقبل مروري اختك/قحطانيه كيووت

اول شي بخصوص القصة
البنت غلطة مرتين اول شي بقصة الصور وثاني شي لما سكتت14 سنه والله انها صبوره لدرجه خياليه
وعدين الغلط كمان على الاهل يعني وينهم مانتبهو على البنت ماسالوها عن راتبها مالاحظوعليها شي كل هذي السنوات والله غريبه
والمجرم الاكبر بهاي القصة طبعا الولد يعني قمه بالاستغلال بس مع هيك انا ضد تسمية الشباب بالذئاب البشرية
وبالنسبة لالحل الي اقترحتيه حلو واكيد الهيئه قبل ماتعمل شي حتتحرى منيح وتشوف اذا كان الغلط من البنت او الشب
وتسلمي حبيبتي عالموضوع واسفة اذا كنت طولت الرد

انا قايل من زماان الهيئه مالها داعي و البنت محد قالها تعطيه صورها .. و العيال ما يتأمنون..مو انا