في زمن التجاره على القوافل والجمال طلعو ناس للتجاره من ضمنهم هذا الغني والفقير وكانو ما يعرفون بعض المهم كان فيه اماكن مخصصه تريح فيها القوافل الغني فلوسه كثيره مثل ما انتم عارفين المهم الرجال ساكن في استراحه لوحد ومبسوط الفقير المسكين ما يمديه ياخذ استراحه لوحد لانها غاليه عليه المهم صارو الفقراء يتجمعون وياخذون استراحه وحده لهم كلهم المهم الغني هذا طلع يوم من الاستراحه وهو طفشان وزهقان وده يحصل واحد يجلس معه المهم حصل هذا الفقير وجلس يسولف معه المهم الغني ارتاح للفقير هذا وحبه وطلب من الفقير انه يسكن معه الفقير قال انا ما اقدر ادفع نص الايجار معك لكن خلني مع اخوياي احسن الغني اصر على الفقير وقاله تعال اسكن معي انا مابيك تدفع شي ابي الجلسه معك بس المهم الفقير وافق وسكنو مع بعض مرت الايام وخلصو تجارتهم وحان وقت الوداع تفارقو الغني راح لهله والفقير كمان راح لهله المهم الغني قعد يكلم ابوه عن خويه ذا ويحكيه عنه الابو طلب من الغني انه يعزم خويه الفقير عشان يجيهم يزورهم ويتعرفون عليه الغني ارسل رساله لخويه الفقير وقاله نبيك تجينا المهم الفقير رد على رسالة الغني وقاله انا بجيكم في يوم كذا المهم الغني جلس يحضر لليوم ذا ورتب حفله لخويه كانت حلووه مرررررررررره المصيبه في نفس اليوم الي بيجي فيه الفقير مات ابو الغني فالغني طلب من جماعته انهم ما يقولون له ان ابوه مات لانه مايبي ينكد على خويه وقالهم انا حزن ابوي في قلبي لكن الحفله لازم تتسير على وضعها المهم وصل الفقير واستقبلوه ورحبو فيه بعد كذا راح الغني والفقير يتجولون في المدينه حقت الغني واثناء هم يتجولون الفقير شاف بنت حلوه واعجبته وطلب من صاحبه انه يخطبها له علما بان البنت هي خطيبة الغني وبنت عمه لكن الغني قال ما تغلى على صاحبي من شدتت حبه في الفقير المهم تزوج الفقير وانتهت ثلاثه ايام حقت الضيافه الحين الفقير قال لخويه اسمحلي انا لازم اسافر وارجع لهلي قال الغني بس قبل ما تروح بقولك شي قاله هذا نص الورث الي ورثته من ابوي لك انا ما ابغى من الحياه هذي شي ابوي ومات وخطيبتي وزوجتك اياها وخلاص مابي شي من الحياه ذي الفقير اخذ الفلوس وراح ديرته وكون نفسه وصار كبير التجار في ديرته المهم الغني جلس لوحد وطفش وبدا يفكر في شي يودي الطفش المهم صار الرجال يشرب خمر عشان ينسى همومه من يوم الى يوم خلصت فلوس الغني وجلس يفكر من يعطيه فلوس قال مالها الا اروح لخويي واطلب منه المهم راح الرجال يوم وصل لديرت خويه وسال عنه قالوله من انت عشان تسال عن كبير التجار يعني تحاقروه بالعربي ماهم شايفينه شي المهم وصل لقصر خويه ودخل عليه وجلس ينظر الا خويه نازل ومعه زوجته الي هي خطيبت الغني سابقا المهم قاله انا جارت على الايام وانا الحين محتاج فلوس وابي فزعتك قاله خويه من انت انا اصلا ما اعرفك وطرده من البيت الغني المسكين طلع مقهور وبيموت من الحزن كيف خويه الى فزع له والحين يوم احتاجه يطرده المهم طلع الغني طفشان وراح وجلس تحت شجره وقال ابجلس انتظر موتي مابي شي من هذي الحياه المهم وهو جالس الا فيه عبدين جايين ومعهم تابوت وحفروله في الارض ودفنوه بعد ايام الغني قال انا بروح افتح التابوت واجلس فيه عشان اذا مت اموت في هذا القبر وارتاح المهم راح فتح التابوت الا حصله مليان ذهب يوه فرح المسكين بالذهب بس جلس يفكر كيف يشيل الذهب الي حصله الا ربي رازقه بحمار يشيل الذهب عليه مفلوت في الصحراء اخذ الحمار وشال الذهب عليه وراح يمشي حصل بيت راح له وحصل فيه عجوز وطلب منها تعطيه مويه المهم العجوز دخلته البيت وهي مستغربه تقول كيف حالتك كذا تعبانه وشكلك قبيح ومعك الفلوس ذي كلها المهم قالها سالفته وانه خويه غدربه المهم العجوز طلبت من المسكين ذا انه ما يضيع فلوسه ولازم يتاجر ويكون نفسه المهم الرجال فعلا بدا يتاجر وبناله مدينه تجاريه وراح عند العجوز وقالها الحين كل التجار يعرفون ذاك انا محد يعرفني قالتله سوي دعايه لمدينتك التجاريه واعزم التجار واتعرف عليهم قال خلاص قالت العجوز وش رايك تتزوج تعزم التجار منها يحضرون حفل زواجك ومنها دعايه لك قال ما عندي مانع بس من الي بترضى فيني قالت العجوز انا ازوجك بنتي المهم العجوز وقفت معه وقفة العمر الرجال سوى حفل زواجه وعزم التجار المهم جو التجار عنده المهم في الموضوع انه خويه الي طنشه جاء وحضر الزواج وهو ما عزمه اول ما شافه قام وقاله اطلع برا انت وزوجتك محد عزمكم قامو التجار وقالو لا ما يطلع برا كيف هذا كبيرنا واذا طلع كلنا بنطلع معه قال طيب خلوني اقولكم ويش سوى معي قالهم:
هذا الرجال انا قلبت عزا ابوي وحزنه فرح عشانه ، وزوجته خطيبتي ، واعطيته نص ورثي ،
ويوم احتجته طردني.
قالوا التجار : لا اذا السالفه كذا اطلع برا وما راح نعترفبك من اليوم .
قال خويه طيب انا راح اطلع برا بس بعد ما تسمعوني :
قالو طيب هات وش عندك قال:
هو صح جاني محتاج وانا طردته عشان ابيه يعرف قيمة الفلوس لاني لو اعطيته كذا بسهوله لعب فيها لكن على العموم انا سويت معه كذا :
التابوت الي حصله مليان ذهب انا الي ارسلت العبدين وحطوه قدامه ، والحمار انا الي فاكه له عشان يشيل عليه الذهب ، والعجوز الي ساعدته هي امي ، والبنت الي زوجته اياها العجوز اختي .
النهــــــــــــــــــــــــــــــــــــــــــــــ ــــــــــــــــــــــــــــــــــايه !
تم نقله للفائدة
منــقوول
30-05-2008, 10:32 PM
قصـه عجيبه قصة الغني والفقير
رد: قصـه عجيبه قصة الغني والفقير
العرض العادي
