||..Don,t worry..|| - شبكة القناص

**يــارآ** · 21-05-2008, 12:00 AM

الــسلامـ عليكمـ

|||

قـلق .. خـوف .. توتـر .. دمـوع .. تعـب ~

جـد واخـلاص في المذاكرة ...

مـرحلة لاتتحمـل مزح واسـتهتار ..!!

مرحلة كانت ومازالت مصيرية لكـل شخـص ..,

مرحلة من اروع المراحـل الدراسيه عشنا فيها اروع وامتع اللحظات من :

خـوف ورهبه وذكـريـات لاتنسـى .. خصوصا مع رهبة ((اسأله الوزارة))

الـذي كانت مثل شبح مخيف لكل طالـب وطالبه ..!!

(( |..Don,t worry..|))

مـوضوع مشترك بيني وبين الأخت الغاليه وجدان..
موضوع طـرح لعيون طلابنا اللي يمـرون بهالمرحلـة
نحـاول نخفف عليهم بالقدر اللي نقدر عليه ونخليهم يستفيدون
من تجـاربنا ..

|||

;'اسأله الوزارة!!

كان بمثابة كابـوس أعيشه قبل لاأشوف وش هي اسأله الوزارهـ !!
واجـلس ابكي واتـوتر وهذا كله من ..كلام النـاس ..
خـلوني اشوف اسأله الوزارة شي اسود شي ماله حل وقالو وقالو..والوزارة والوزارة..الخ
لكـن في النهاية كل هـذا كلام موب صحـيح ..
اتحـدي أحد يذاكر صح ؟!! ويقول انها صعـبه ؟!!
مجـرد اسأله من داخـل المنهج لكنهم يحورون شوي في الأسئله ويكثرون من الأشياء
اللي عالهامش .
يعني اللي عليكم تذاكرون وتحـفظون بأخلاص مو أي كـلام ض1
وأن اسأله الوزارة شي عادي مجرد اسأله حالها حال أي اختبار ..
لكـن للأسف نشوف معظم الأهل يعطون اولادهم افكار عن اسئله الوزارة انها شي
مهـول وهذا يأثر سلبا علـى نفسيه الطالب والطالبه .

|||

;'الأيحـاء الذاتـي ..

الأيحاء الذاتي ياطويلين العمر تجلـسون توهمون بينكم وبين نفسكم بشي مهوب فيكم
وبالأخر يصير -->اوووم الشرح ض1
مـثلا :
لو كنت جالس وانت صاحي وتقول أنا مريض انا تعبان انا مصدع ..الخ
رح تصير جد تعبان حتى لو كان مابك شي ..
لكن لو كنت تعبان ومصدع جد وتجلس تقول انا منيب تعبان انا مافيي شي
رح تحـس مافيك شي ويخف عليك المـرض

ملاحظه : اسـاس كل مرض عضوي شيء نفـسي يعني انتبهوا لعمركم ض1

المهـم واللي أبي اوصـله لكـم الحال كـذا مع اسألة الوزارة لين تحطون في بالكم انها
اسأله صعبه وأنهـا شي يخوف رح تشوفونها صعبه مهما كانت سهولتها
واذا حطيتوا في بالكم انها سهله وانها شي عادي رح تفيدكم بأشياء كثيرة :

1-يخـفف عنـكم توتركمـ وبتصيرون ريـلاكس وبكذا تحلون بهدوء
وروقان ولاكأنها اسأله وزارة ورح تصير بعيونكم اسأله سهله ..

|||

خـلونا الحـين ننتقـل لتجـارب الأعضاء في كيفيه اسعداداتهم ايام الثانويه للأمتحانات
وان شاء الله يفيدوكم ..:

س / كيف كانت استعداداتك أو طريقتك في المذاكره لإمتحاناتالمرحله الثانويه ؟

شوفي هو مب الاستعداد بوقت الامتحانات
انا كنت اذاكر كل يوم
ولين الحين
بس زي مثلاالرياضيات عشان براهين بديت فيه من قبل اسبوع
الباقي كان عادي ،
وسهل
انا نوعي اذا جا العشاء وانا ماخلصت يضيق صدري ولا اكمل
عشان كذا منب انام
ولا اخذ بريك
ولا شي
اخلص اخلص كل شي
والخص الماده قبل
ولينالحين ذي طريقتي
بعد العشاء مافي مذاكرهـ
هذا طبعن " اذا كنتوا تذاكرون اولبـ اول : $ "

س / نصيحه توجهها للأعضاء المقبلين على أمتحانات الثانويهالعامه ؟

شدوا حيلكم والله يعينكم
الله لايضيع تعب لـ احد .. ,
والله الله بـ البراشيم خخخ
امزح
قصدي اهم شي قفلواجوالاتكم
لاتسمعون ان ذي الاسئله وذي الاسئله تتلخبطون
وكولوا زين وذاكروازين
ولاتتوترون الامتحانات سهله ..
فالكم النسبه الزينه ..
وفرحه اهلكم
واذا امتحنتواخلاص انسوا الامتحان وخلاص ،
لاتفكرون بـ الاجوبه ، ولاتراجعون

A R O M A

|||

أول شيء قبل الأسئلــه ولأجوبه مسيكم بالخيرياطلاب الثانويه العامه

والله الله بالدفاره هالأسبوعين حتى أرقام الصفحه أحفظوها

شده وتزول وأنا أختكم وتذكرواأنها مرحله ولازم لازم تسوي اللي

تقدر عليه كله في هالأسبوعين لأنها نتاج عمل 12عـام,,
الثانويه العامه مثلهامثل أختبارات غيرها ويمكن أسهل بعد اللهم
أنها تبي منك [ مذاكـره + تركيـز ] وبتلقى نفسك تحل كلشيء
بسهوله وتمشي أمورك زينالزيـن,,
هالكلام للكل شباب وصبايا ومسأله الخوف مسأله أكيده حتى اللي
برابع أبتدائي واللي بأخر سمستر بالجامعه يصير عندهم رهبه بالأختبارات
وهذا شيء طبيعي لكن اللي ماهو طبيعي أنك تحس أنك داخل على شيء
غريب بالعكس شيء عادي والدليل خذ أي كتاب وشف أسئلته بالتمارين
شفت كيف بساطتها وسهولتها وفيها الحلو والصعب والزين والشين تراها
هذي هي أسئلتهم بالضبط يعني شيء عادي ويمكن تكون أسهل من أسئله بعض المدرسين والمدرسـات,,

نجي للأسئلــه:

س / كيف كانت استعداداتك أو طريقتك في المذاكره لإمتحانات المرحله الثانويه؟

أبد والله شيءعادي صحيح كان فيه خوف ورهبه لكن لازم الواحد يتفوق على نفسه علشان يتجاوز كلهالصعوبات وبالأخير ينجح وكانت مذاكرتنا مذاكره عاديه مثل مذاكرتنا كل سنه بس نزيدها حبتين تركيز ونحاول نفهم أكثر من الحفظ لأن الفهم شيء ثابت عكس الحفظ اللي معرض للنسيان,,
وأهم شيء كنا نفكر فيه ذيك الأيام هو أننا نذاكر وبس وبعدها يحلها الف
حلال والحمدلله هذانا نجحنا وتخرجنا ودخلنا الجامعه والتخصصات اللي نبي
وريحنـا وسوينا اللي نبي عقبها
وأيام الأمتحانات الله لايوريكم أعرف وأشوف بنفسي الواحد يمل ويكره المكان اللي هو فيه غرفته والمجلس والصاله لذلك كنت أذاكر بمجلس الرجال
وإلا بالحوش
علشان لارجعت لغرفتي مشتاقه لها وأقدر أنام كويس ولايجيني ملل وإلا ضيقه من المكان اللي أنافيـه,,
وهذا ترى شيء حلومايخليك على الأقل تصاب بأرق وملل من غرفتك ومكان راحتك ونومك ، خلك تذاكر بغرفه وتنام بغرفه على أساس لارجعت تصير مشتاق لها وبنفس الوقت مافيها شيء يكرهك بالنوم والراحه,,
ونفس الشيء الأكل يزيد تصير بس تبي تأكل
لاجتكم الحاله لاتخافون أنفيكم شيء لاقدر الله لا لا ترى الوضع جداً طبيعي وعادي روحوا لبنده وأدخلوا قسم الحلويات وأملوا العربيه لين أمين ومروا قسم العصيرات وجيبوا هالأكياس وخلوها معاكم وين ماتذاكرون كلوا وذاكروا
بتحسون وأنتم تأكلون بوناسه
يمكن لأن فيها تغييـر ويمكن تسليه بس شيء حلو يعني وترى الشوكولاته بشكل عام ينصح بها لتهدئه الأعصـاب وراحه البال علشان كذا دايم رجال الأعمال يأكلونها بكثره لذلك أكثروا منها وقت الأختبارات لأنها تمدكم بالطاقه والهدوء وراحـه البال وتسليـه بعد,,
والنوم أكيد تبونه بكثره بس الله الله لاترهقون أنفسكم وبنفس الوقت لاتهملون مذاكرتكم يعني خلوا نومكم طبيعي مثل باقي الأيام ولاتطفون المنبه وإلا تقفلون الجوال لارن <-- ..

س / نصيحه توجهها للأعضاء المقبلين على أمتحانات الثانويه العامه؟

هي ميب نصيحه بقدرماهي تجربه نطرحها لكم وأنتم أستفيدوا منها:

/ أول شيء الخوف ماله داعي أشوف الكل متخوف بالعكس كل دقيقه تذاكرون فيها أستمتعوا فيها بمعنى كلمه أستمتعوا تذكروا أنكم بعدين تبونتحسفون على هاللحظات الحلوه والطريفه والتجربه الغريبه بحياتك وبعمرك..
أستمتعوا بأيام الثانويه أستمتعوا بالمذاكره والكتب وشكلها وكيفيه تجزيئها لأنكم بعدين ان شاء الله أذاتخرجتوا بتشتاقون لنظام الثانوي وطريقته وكتبه البسيطه وصعوبتها وسهولتها..
/ النوم الله الله بالنوم لاتسهرون واجد ترى السهر والأرق يخليك أنسان فاضي من كل شيء سواء حفظ والأفهم وإلاأي شيء..
رتبوا وقتكم وخلوانومكم عادي وطبيعي ..
/ لاتفكرون بالجامعه والتخصص الأن خلوها بظروفها علشان ماتدري عن الظروف بعدين ان شاءالله فلا تبني شيء على شيء ماصار أصلاً كل شيء بوقـته حلو حاول قد ماتقدر تنجزالمرحله اللي أنت فيها الجاي له وقتـه
[ صدقـوني لو خيـرت بأي مرحله من حياتي ترجع بقول برجع أدرس الثانوي بكل مراحله وفصوله ومتعته وصعوبتـ هوجمال وبساطه حياته ]
( أستمتعوا وشدوا حيلكم ) ( موفقيــن يارب )

حــ سعودي ـلاها

|||

س / كيف كانت استعداداتك أو طريقتك في المذاكره لإمتحانات المرحله الثانويه ؟

اخوآني ..[ المقبلين على معانقة الحلم والتخرج بأفضل النتآئج بحول الله
الامرمتفآوت بلآ شك ويختلف من شخص لآخر ولعل هذه هي حكمة الحيآه
ولكن العمل والجهد لنتتلآشى بأي شكلاً كآن .."
..
ندخل للمعسكرآت وكيفية التحضيرللتأهل الى الاختبارات النهآئيه ==> اثرت به الكورهـ
انا بسم الله علي وحوآلي ==> بأمكآنك قضبالبآب ..
بديت ..[ فلسفة التختيم ] قبل شهر ونص من الاختبارات النهآئيه
يعني بديت اختم الموآد من الاسهل الى الاصعب تدريجياً
وحقيقةً ما اسعفني الوقت .."
..
اذكر ختمت موآد الدين والادب والمآده المعجزه ..[ الاحيآء ]
قعدت بـ الاحيآء تقريباً 20يوم وانا ادآبتس ربنا وربي الله في كتآب الاحيآء
وخلصته بعد جهداً جهيد ==>اقولـ ياعيآل الملآريا للحين عندكمـ ..
.."
كنت وانا اذآكر اخذها بكل بسآطه يعني الموضوع ماهو محتآج تعقيد
==> للحين اذكر كوب الليبتون اللي لعنت ابو خيره .. ..!
يعني اضحك وانت تذآكر وش ممكن تكون المشكله , فلّ امها
طش الكتآب , سو اللي برآسك كلّه
بس المهم ..[ حب مذآكرتك ] لآ تحس انك مجبر عليها
==>متلهفين على نسبة الفلته ذآ .. صح ..
....{ امّي} الحقيقه كنت اخذ معها احلى بريك
تجيني تقولـ ..[ ماتعرف تذآكر غير بالدورآن ] طبعاً مذآكرتي كلا
لفلفه بالحوش والمجلس .. وتقلبها تهميز ربع سآعه
ثم ارجع ادور ==> على فكره حتى الرياضيات اخذتها دورآن ..
..
بس يوم جتّ ايآم الاختبارات مآره فادني التختيم ريّحني
من اشيآء كثيره يعني ولآ يوم صآر عندي مآدتين
..
المهم انتهت بـ نسبة 89 .. والانجآز اللي حققته بـسعاده
اني جبت بالاحيآء 97 وهالشي بسطني حيل .."

بس حآب انّوه عن نقطتين ..[مهمآت ]

..(* اللي يقولك لآ تسهرايآم الاختبارات صدقوني والله ماينفعك
انا كنت اسهر والله بذيك الايآم ويعني حسيت اني افضل بكثير من اول
يعني اول تنآم والليل طويل ويروح عليك وقت انت بحآجته .."
اسهر بالليل اهم شي بس خربها مع السرير بالظهر .."..
..

..( * مرآت الله يقدر على البعض فينا تجيله مشكله وقت المذآكره وفي ذروتها
يآليت يحآول يتقرب لله وقتها يعني هذي من الله .. وعنّي انا صرآحه
صآرلـ ولد عمي حآدث يوم الجمعه من اختبار الرياضيات.. كانت ذكيّه
من ابوي انهماعلمني بس فكرت فيها حتى لو علمني
ليش اهدم مستقبلي على آمر مقدّر ومكتوب
..
فـ عشآن كذا ياليت ننتبه لذآ النقطه.."

س / نصيحه توجهها للأعضاء المقبلين على أمتحانات الثانويهالعامه ؟

الوقت والحمد لله معنا وكثير بعد نبدأ بـ شجاعه على فكره هي
صعوبتها بالبدآيه لما تبداها خلآص بتمشي كذا
ياليت نكون اكثر شجآعه ونبدأ من الحين .. المستقبل افق من الصعب انك
تلآقي له مدى يعني شي وآسع والمكان بسّ للآجدر بالجهدوالمذآكره
..
ندري والله انها صعبه وان ملهيآت الدنيا كثيره لكن عشآن ننبسط
طول العمر خلونا نكتم على انفسنا شوي .. كلها ياربي شهر وننتهي
وزيماقلت بالبدآيه حبوا المذآكره تحبكم انشالله
..
الله الله بالصلآه ..[ ياجماعه ..
..

وبالنسبه للغش ..[
لأنها قناعات ما راح اقولك .. لآ تغش
بس نبي منّك وانت تذآكر لآ تفكر بالغش لأنك بـ تتكآسل اكيد
ولآ اذا جآء الاختبارهذي حآجه بينك وبين الله
..
==> يالربع ..[ ليه احس اني .. عآيد القصيبي .." ==>
..
ايه نسيت اقولـ ..:
الحين حنّا وصلنا لـ ثآلث ثانوي اعتقد وصلناللنضج الفكري تماماً
واكيد بـ نفهم اننا لما ندج في مآده لآزم لآزم ننساها ولآبتصير مادة بكرى مثلها..
يعني خلّي المآدّه اللي ماحليت فيها صح خليها دآفعلك
ولـ مادة بكرى ..[ اتمنى فهمتوني هنآ .."
..
==> لآ بعد الاخيره هذي ..[ صآر عايد القصيبي من جد ..
..
عسى ربي يوفقكم .. قلبي معآكم والله
ولأجلنا ..[ كونوا اذكيآء

..

هلالي لاخر زفرة

|||

س / كيف كانت استعداداتك أو طريقتك في المذاكره لإمتحاناتالمرحله الثانويه ؟

* / اوووه رجعتوني لايام حلوة والله
اذكر ايام ثالث كنت متحمس عالآخر حتى النت معاد فتحته ابد وجوالي مغلق اغلب الاوقات
ولا عاد فيه الا المسجد البيت المسجد البيت هذي طلعاتي وان كثرت شطفت لي بقالة عشان اكسسوارات المذاكرة
اماطريقة مذاكرتي والله ما كان عندي طريقة محددة كلها مذكرة اصورها من واحد سوري كان عندنا الله يذكره بالخير
بس بدون توكس مااعرف اذاكر شي

س / نصيحه توجهها للأعضاء المقبلين على أمتحانات الثانويه العامه؟

مدري وش اقولهم بس ان ثالث ذكراهاحلوة مرة وبتّنحت بالقلب وبتشتاقون لها بعدين , وذكراها ما تحلى الا اذا صرت دارسهاسنة وحدة عشان كذا ركزوا وانجحوا

C L I C K

|||

س / كيف كانت استعداداتك أو طريقتك في المذاكره لإمتحانات المرحله الثانويه ؟
اولا
المرااجعه قبلالإمتحاانات بوقت كاافي لجميع الموااد وخااصة الصعبه..!!
الطريقة
1- أقرأ الماادة أو الدروس قرااءة عاامةللإلماام بكل الجواانب
مع وضع خطوط تحت الأشيااء المهمه او العناوين الرئيسيه ..!
2- المذااكرة الفعليه والتفصيليه المركزة وذلك بالفهم والإدرااك
للمحتوى والمضمون ثم احفظ جيداا ..!

3- التسميع كتاابياً لماحفظته أوفهمته وهذه مهمة جداا جداا
وانصح بها لأنها ترسخ ومن الناادر انها تطير .. ومن يشوفني
أياام الإختبااراات يتعجب من كثرة الصحاائف الورقيةالكبيرة
فأنا افترشها وأملاها بكل ما ذااكرته ...!
طبعا فيه من يحب أن يسمع شفويا مع نفسه او مع زميل ..ولكن
أنصح بالتسميع الكتاابي والصرااحة ما احب اذااكر مع أياً كاان..!

4- أخر شئ المرااجعه العاامة على كل ما درسته وذلك بالقرااءة
العاامة للماادة سوااء قبل ما اناام أوقبل الدخول للقااعة ..!

س / نصيحه توجهها للأعضاء المقبلين على أمتحانات الثانويه العامه

أقول لهم :
تمنيااتي لهم بالتوفيق والنجااح
وعليهم أن يعلموا بأن تنظيم الوقت أهم من المذااكره نفسها
ورااحة الجسم والعقل أهم وعليهم بالعناايةبالغذااء والترفيه
وعدم الموااصلة في المذاكرة ليلا وعدم النوم حتى يأتي موعد
الإختباار لأن التعب والإرهااق والجهد والقلق يضيع للكثير من
المعلوماات ويؤدي الى تدااخلها وعدم التجميع والتركيز وهذه
معروفة فالنوم ليلا يسااعد كثيراا على رااحة الجسم والعقل
مما يؤدي الى تذكر المعلوماات وترتيبها ..!
عليكم بالإجتهااد فى مذااكرتكم وتأكدوا بأن كل مجهود
تبذلونه سيعودعليكم بالنفع والخير
والله سبحاانه وتعاالى لا يضيع أجر من أحسن عملاً ..!
كل الأمنياات لجميع الطلاب والطاالباات بالنجااح والتوفيق ..

رامي السهام

|||

/ كيف كان استعدادك للأمتحان او كيف كانت طريقهمذاكرتك!؟

في البدء أقطع كل عادة لديّ من قراءة الكتب العامةومُشاهدة
التليفزيون بكثرة والذهاب للأصدقاء أو إستقبالهم،،
وأخبرهم بذلك بشكلٍ وديّ وخاصةً الأصدقاء الذين لايدرسون
أوالعاطلين ،،
وابدأ في وضع جدول للمذاكرة وبشكلٍ عام أضع الكتب الأهم
في البداية وأحدد أيام معينة لكل كتاب ،،
وطريقتي في المذاكرة قراءة الكتاب جيداً ثم البدء في تسجيل
المهم من الكتاب على شكل اسئلة وأجوبة في دفترخارجي
ولهذه الطريقة فوائد معروفة عند أهل الإختصاص،،
فالكتابة تُساهم في ترسيخ المعلومة والفائدة،،
وعلى فكرة أستمرت هذه العادة عندي مع القراءة العامة
التي أمارسها دوماً كهواية وعشق ،،
فكل كتاب أهم بقراءته اضع بجانبي دفتر واقرأ وأسجل كل
معلومة تهمني أو أعتقد أنها مُهمة ،،

س2/كلمه توجهها لطلاب الثانويه العامه ..
أحبتي أنتهم مُقدمين على أهم إمتحان وإختبار ربما في حياتكم
كلهافعلى ضوءها ربما يتحدد مُستقبلكم ،،
نعم من خلال مُعدلك الكبير تستطيع إختيار ما تريد من تخصصات وجهات
وهذا لن يتآتى إلا بالإجتهاد والمذاكرة ،،
قديقول البعض أن الجامعة والكليات تتحكم فيها الواسطات،،
وليست المُعدلات ،،
لن أنكر أو أكون مثالي في كلامي نعم هي كذلك ،،
ولك نثق ثقة تامة أن الواسطة تُساعد صاحب العلامة الأكبر
وليست العلامة الأصغر ،،
يجب أن تتحصلوا على علامات تؤهلكم لما ترغبون بهِ وما
ترونه يدعم مُستقبلكم ،،
أتركوا كل شيء في أيديكم ،،
وتذكروا أن كل شيء ملحوق عليه إلا العلامات والمُعدلات
فضعفها لا يُعوض ،،
أجتهدوا أجتهدوا ولا تنسوا الصلاة فهي الأهم الأهم

محامي المرأة
سعود العتيبي

|||

س / كيف كانت استعداداتك أو طريقتك في المذاكره لإمتحانات المرحله الثانويه ؟

الاختبارات وماادراك مالاختبارات خخخخـ
انا انسانه شطوره<- ايه هين
كنت ابدا امسك المواد قبل نزول الجدول بااسبوع
وابدى بالمواد اللي اكون شايله همها وتحتاج لفهم اكثر من الحفظ مثل الرياضيات ، والفيزياء ، والنحو
واذا انتهيت منهم ابدى بالمواد السهله لين استلم الجدول ..
وابدى بالمواد مثل ماهي واحيانا تكون مسكتي للماده كمراجعه فقط
مو مذاكره لاني مسكتها من قبل ..،
وعلى ذا الحال..

س / نصيحه توجهها للأعضاء المقبلين على أمتحانات الثانويه العامه

طلاب الثانويه اقولهم لاتشيلون هم الاختبارات ترى بتتسرب كثييييييير كلمة ان الاختبار الفلاني بيكون صعب وكذا ،
لكن اول ماتستلمون ورقة الاختبار تلقون اسهل منها مافي ..
واهم شي لاتنسون الدعاء و اذكروني وانتم تقولونه خخخخخخـ
[ اللهم لاسهل الا ماجعلته سهل وانت تجعل الحزن اذا شئت سهل ] !
والله يوفقكم

انـا انـت

|||

س / كيف كانت استعداداتك أو طريقتك في المذاكره لإمتحانات المرحله الثانويه ؟

1/

مافه استعدادات خاصه بحكم اني طالبه نجيبه اسم الله علي

انا من الناس اللي افهم بالحصه وانتهى .. مافهمت هنا المشكله بس غالبااطنش اللي ماافهمه > طلاب النسب لايسوونها خخخـ

مواد الفهم تكون وقت الاختبار مجرد استرجاع للمعلومات وتثبيتها
اما الحفظ هناالمعااااااااناة
اتعب منجد بالحفظ ..درازن دفاتر وهات يا شخبط شخابيط > حسافه ماطلعت بوقتي الاغنيه

س / نصيحه توجهها للأعضاء المقبلين على أمتحانات الثانويه العامه

/ يتوكلون على الله
يذاكرون بتررررررررركيز تاااااااااااام ..موب قلوبهم مع مهند ونور والا مع النت

فيه وصفه قد ذكرته لنا الاستاذه جواهر الله يذكرها بالخير

تقول قبل لا تفتحون دروسكم اشربوا عصير برتقال طااازج (لايتعدى نص ساعه بعد ماتعصرونه) مع ملعقة عسل ..تقول انها تفتح المخ ويسهل عليكم المذاكره ..
عاد انا طبقتها بثالث ثانوي ..مدري حالخ نفسيه حسيت ان هالطريقه مجديه والاصدز

بيلســـــان

|||

س / كيف كانت استعداداتك أو طريقتك في المذاكره لإمتحانات المرحله الثانويه ؟

ابدأ بترتيب المواد حسب الاهميه والصعوبه ، بعدها احاول فهم جميع محتويات الكتاب
وما صعب ، كان الاستاذ هو من يجيب عليه ..

س / نصيحه توجهها للأعضاء المقبلين على أمتحانات الثانويه العامه

بالتوفيق لكم جميعا ، واعلموا بأن هذه الخطوه هي اهم خطوات الحياه
في من ستقررمستقبلكم بعد الله
كونوا بحجم المسؤوليه ، واطلقوا العنان لعقولكم كي تتفوقوتكون بالقمه

A L- b e r w a z

|||

كـل شكر لكم لتفاعلكم معنا ..

هذي كـانت تجارب الأعضاء اتمنى انكم استفدتوا منها وان شاء تأثر فيكـم..

|||

كلمـه مـع الأخت وجـدان ..

أول شيء .. أهنيكم على وصولكم لهذي المرحله

أكيد .. كلكمتخطيتوا كثير من الظروف وتحديتوا الصعاب

وكلكم تعرفون أن الكثير راح وباقي القليل

يعني شدوا الهمه وعليكم بالإصرار وقوه العزيمه والإراده

ذاكروا وأتعبوا وصدقوني ربي ماراح يضيع تعبكم

والحين باقي لكم أكثر من 3 أسابيع شدوا الهمه فيها

أهم شيء سووا دليل النجاح اللي هو " جدول المراجعه "

كل يومين أوثلاثه أمسكوا فيها ماده وذاكروها لين يجي الأمتحان

بتفيدكم وتخفف عليكم كثير من قلق الأمتحانات

يعني المذاكره يومها بتصير سهله كأنها مراجعه

وقبل كل موضوع حطو جنبه بخط صغير " المهم فيه " ..

يعني .. الموجود في هالموضوع ..( تعريف / تعداد / تعليل )

لازم يكونفي ترابط وفي فهم .. عشان تقدرون تتذكرون مكانالإجابه

وفي أيام الأمتحانا تقبل كل فصل أو وحده في الماده أكتبوافيها "ساعه المذاكره"

يعني قسموا ساعات اليوم اللي بتذاكرون فيها ..على الماده مثلاً ..

الساعه 4والساعه 5 هذا الفصل الأول //

الساعه 6 والساعه 7 هذا الفصل الثاني // ,,,,,,

وبكذا .. رح ترتاحون لأنكم رتبتوا وقتكم

وأنتبهوا ..!! الحذر كل الحذر من السهر والمواصله

على الأقل ناموا لو ساعتين وقوموا على صلاه الفجر

صلوا وراجعوا حتى لو ماخلصتوا الماده

يالله من الحين ابدوا الله يوفقكم ويسهل عليكم

وتأكدوا أن قلوبنا معكم ودعواتنا لكم .

|||

نصـائـح خاصه وحـصريه مني لكمـ لا اشوفها منقوله منا ومنا

------> برا انتـي ونصايحك

يمكـن تستغربون وتقولون يـارا استجنت بس تراها بأذن الله تفيدكم :

1- كـثروا شـرب مويه وانتـوا جالسين تذاكرون حتى اذا ماكنتوا عطشانين لازم تشربون مويه
حطـوا جنبكم كراتين مويه وبين كل فترة وفترة اشربوا مويه لأنه يساعد على تصفيه الذهن
ويحرك الدم بسرعه ووو ومابي بعد ادخلكم في متاهات بغنى عنها
ومومثل مانشوف تذاكرون واللي ماسك بيبسي واللي ماسك نسكافيه وكوفي واللي واللي ..
فهمتوا مــويه وبس..

/
/

2- وقـت المذاكره ارمواكل شي ورا ظهـركم انسوا كـل شي
لاتفـكرون بشي غـير مذاكرتكم ياكثـر مانشوف طلاب يذاكرون
تفاعـلات كيميائية وهم متفاعلين بأشياء ثانيه>> اووم التشبيه اللي عندك ض1-
يعني لاتشغلون بالكم بشي صفـوا ذهنكم وأبدوا ذاكروا
مذاكره مع بال مشغول مارح تفيدكم

/
/

3- انعـزلو عن العالم واغلقوا الجوالات وشيلو الابتوبات
وابتعدوا عن مصادر الأزعاجات --> عشان السجع
يعني لاتجـلسون تذاكرون مع جمعه الأهل وعين بالكتاب
وعين بالتلفزيون والأذن مع سوالف الأهل

ملاحظـه : وقت المذاكرة لازم تكون الحواس الخمس كلها
مركزة عالمذاكرة وبس..

/
/

4-ابعدوا ثم ابعدوا عن مصادر النوم مو تجلسون لي فوق السرير والهوا البارد
يضرب فيكم والبطانية او الشرشف فوقكم ونور خفيف هذا عشان ماتشوفون نفسكم الامنخمدين
خمدتن زينه ولين يضيع الوقت عليكم تعرفون ان الله حق

/
/

5-قـبل الامتحان وفي فترة المراجعه لين يدق الجرس احذروا ثم احذروا انكم تراجعون
كذا عالسريع الحـين اقول لكم ليه ؟!!
لأن ياحلوين المخ مثل الدرج خخخـ ض1
تصـور عندك اغراض في اكثر من الدرج وتجي تفتحهم كلهم مرة وحده بسررررعه
بسررررررعه كذا رح تضيع وين تروح الدرج الفوقي او التحتي
ووين ذه ووين حطيت ذه ؟!!
ورح تتلخبط الأمور عندك !!
بعكـس لين تجي وتفتح الأدراج درج درج وبهدوء..
وتآخذ الأشياء اللي تبيها بدون لخبطه وعجله
كـذا الفرق لين تجي تراجع عالسريع قبل الأمتحان بكم دقيقه
ولين تجلس قبل الأمتحان بساعه وتراجع بروقان

ملاحظه : قـبل الأمتحان بـ 5 دقايق حاولو ماتراجعون شي
لأن المخ يخزن كل شي ووقت الأمتحان كل شي يطلع
يعني راجعو كل شي قبل ساعه ووقت الأمتحان حبيبات
نسل بتقوم بالواجب

/
/

6-اول ماتدخلون القاعه اذكروا الله سبحانه وتعالى..
وتوكلوا علـيه عز وجل..
واقـروا بعـض الآيـات وقسم لهـا تأثير
عالنـفس بشكل رهـيب رح ترتاحون وتحسون بطمأنيه

ملاحظه : اذا وقفت عند سؤال وماعرفت تحله يقولون
استغفر الله ورح تذكـر الجواب ان شاء الله..

/
/

7-الخـيال في المذاكره هذا كـان اسلوبي خخخـ
ياهو انه شي عجيب يخلي الشي يركز في المخ
ومستحيييبل انسـاه مثلا الأشياء الصعبه والتعاريف الطويله اجلس اتخيلها مثل المشهد التمثلي
واستنتج منه التعريف ---> اوب صاحيه في مذاكرتها كانت ومازالت ض1
وحتى النقاط الطويله اتخيلها مثل نقطه رقم واحد ابوي ولين تجيني في الاختبار اذكر ابوي
واكتب الجواب خخخـ اقول لكم كيف :
امممـ اذا نقطه مثلا تقول فيها صرف وتقديم معونات وفلوس ض1
اشبهها بأبوي هو يصرف علينا وكـذا خخخـ وبعدين ترسخ في ذهني
وماخلي احد في العيله ماشيه عليه يعني كله ابو دايم شبهوا الأشياء
اللي تذاكرونها بالأشياء اللي حولكم وقسم ترسخ في بالكم وماتنسوون ابد
والتعريف الطويل احاول اقسمه لنقاط عشان يسهل حفظه
وصح بعد كنت اشبه الجراثيم والطفيليات اللي بالأحياء
في بنات خالتي وعمي وبكذا ترسخ بمخي رسختن زينه

/
/

8- حلـو وجاوبو بشـويش ولاتستعجلون محد يركض وراكم
والسؤال حاولو تقرونه اكـثر من مره قبل لاتحلون وحلو اول
شي بالبنسل ((قلم الرصاص))
وبعد ماتتأكدون ان جوابكم صحيح 100% حبرو جوابكم بالأزرق
والسؤال اللي ماتعرفوهـ انتقـلوا للسؤال اللي بعدهـ وبعدين
ارجـعوا له عشان مايضيع الوقت عليـكم

/
/

9- اجـلسوا لأخر الوقت ولأاشوف احد فيكم طالع من نص الوقت
عندكـم وقت طويل وراجعوا اهم شي المراجعه تخليكم تنتبهوا
لأشياء يمكن غفلتوا عنها ومانتبهتوا لها
ولاتـراجعوا بس مرة ومـرتين راجعـوا من 10 وطالع ض1

|||

هـذا كل اللي عنـدي ,
والمطـلوب منــكم الحيـن :

تطـبعون هالنصـايح وتعلقونها بغرفكم وياليت قبل
لاتطبعـونها تطبعونها بذهنـكم اول
واللي يطبعـها يصورها ويورينا عشان نتأكد ان الفكره وصلت

|||

لكـمـ

س1/ كيــف كانت استعداداتكـ لأمتحانات الثانويه
او كيف هي طريقتك في المذاكرهـ ؟!!

س2- كلمه توجهها لطلاب الثانويه..

(( انتــهـى))

اخـواني واخـواتي طلاب وطالـبات الثانويه
العامـه خصوصاً
نتمـنى وقفـنا معكـم لو بشيء بسيـط من هالموضوع
اعتـبروا هالموضوع لعيـونكم أي شي تبون تقولونه
تبون تفضفضون حنا كلنا آذان صاغية لكلامكمـ
واللي عنده مشكله بعد يقولها يمكن في احد منا
يقدر يساعده بأي شي ..
------> مو تسألونا عن ثانوي وحنا سنين متخرجين منه
اسألو عن الجامعه اذا في بالكم قسم معين استفسار
أي شي اسدحوه والأعضاء وكل واحد وتخصصه يجاوبكم خخـ
واللي نقدر عليه بنسويه واللي مانقدر عليه بنسحب عليه

في الختـام ..

تمنـياتنا لكمـ بالتوفيـق وان شاء الله اعلـى النسب
واحلى الدرجات وارقـى المنـاصب يارب
وان شاء ترفعـون راس اهلكم فيكمـ وتفرحوهم وتفرحونا معهم
بالنـسب الحـلوة وموفقـين ان شاء الله

همـسه لكمـ :

حطـوا في بالكـم زين ان هالسنه هي اللي تحدد مصيرك

واللي من خلالها بتبدأ بمستقبل جديد

المستقبل الحين بين يدكم انتوا اللي رح تحددوه

ياابيـض يااسود

وان شاء الله كلكم مستقبل ابيض وتصيرون شي يفخر
فيه اهلكم ومجتمعكم

قلـوبنــا معكـمـ ..

يارا & وجدان

**MeSh3aL ~ 20** · 21-05-2008, 12:06 AM

موضـوع رائـع وبوقت جميـل

.. (( لا تخافون نفس ما سمعت بإن الأسئله من المدرسه نفسها )) ..

يعني أسئله الوزاره خـلاص بـح ناموا مرتاحين ..

*

لـي عـودهـ ..!

شهد الزين · 21-05-2008, 12:26 AM

هلا اختي ياااااااااارا الاسئله من نفس المدرسه ((من المعلماااات ))
وكمان الله يعينهم لانو راح يحسبوووون 30% من ثالث ثانوي و70%اختباااارات القدرااااات الي بعد الدراسه طبعاااا اختبارات القدرات تشمل اسئله من صف اول وثاني وثالث ثانوي ويجمعونها ويطلعووون النسبه ((الي هم الحين قاعدين ياخذووون تسجيل من الطلبه))
عمووووووووومااااااااا الله يعينهم
يارا مشكوره ياقلبي

wts up · 21-05-2008, 10:38 AM

.
.
.

رعــب .. ايام الامتحانات
انا اكثر وحده في العالم تعاني ايام الامتحانات حتى ينقص وزني ههههه
عنـدي عقده نفسية من المواد الحفظ ( الاجتماعيات - الاحياء - الدين )
صج انا ادرس و اتعب بس بعد الامتحان يجي صـعب

مثلا حنا بالبحرين
الوزارة تجيب الاسئلة الي بين السطور ..
الشي الي ماتتوقعهـ يجي و الشي اللي درسته مايجي
و المواد العلميه تجي فيها الافكار الصعبـه ..
والحلول محدووده فيها والوقت مايساعد خصوصا اذا كانت المادة ساعه ونص
والمواد الادبية ( الحفظ ) تجي سهله ..
لا يفوتكـم العربي يجي الامتحان 10 صفحات و ساعتين مدة الامتحان
و في هالساعتين تبي تكتب فيها التعبير ولا تحل الورقة ولا البلاغة ولا شنـو مادري ..
يتحير الطالب
ومرات يجي العربي ساعه ونص
والرياضة مايجي الامتحان من الوزارة اسهل شي
احلى شي انهم يراعون في التصحيح ..

بس يبقى القلق مسيطر على الطلاب .. خصوصا في اذا كان الامتحان في قاعه كبيرة
( الصاله الرياضية مثلا )
صج وانت تكتب ترفع راسك ماتشوف الا ناس وايده معاك كلهم يكتبون ..
هالمشهد يجيب القلق و الخوف
و يآآويلي المعدل تراكمي يحسبونه لنا من الفصل الاول الى ثالث ثانوي
بورصة يرتفع او ينزل

أقتباس-قـبل الامتحان وفي فترة المراجعه

أقتباس
لين يدق الجرس احذروا ثم احذروا انكم تراجعون

ذي احسن شي نسويهـ و يييب الفايده

بس ابي اوريكـمـ الكتب الي ندرسها ..

و في بعد كتابين ناقصين قدمنا فيهم امتحان ( الاجتماعيات و الدين )

عربي .. لاتعليق عليه

ريض .. سهل و ممتع

ثقف .. سندات وبنوك و شيكات و نقل وتخزين ..

حيا .. الحيوانات و البيئة

انج .. هم بعد سهل

بدن .. سهل و ممتع و حلو في التطبيق

فيز .. يجيب الحاله النفسية الكتب كلها نظيفة الا هو
بس سهل في المراجعه و صعب في التطبيق

---------

اخر شي
يسلمـو عمري على الموضوع و الله يوفقكم انشاءالله
و ادعـوا لي العربي ملوع جبدي وبكرا الامتحان

**GivenChy** · 21-05-2008, 11:03 AM

..

موضوعتس أفاض قريحتي وأثـار ذكرياتي

قسم بالله لو يقولون وش تمنّين ؟! غير اني بـ اقول : اسافر لندن وأقابل حقين الهلال وطارق التويجري
ونوال الكويتية و أبني مسجد وو < زحمة

..

اكيد بـ اقول : ارجع للثانوي

ندمت اني مارسبت < ابو الاحساس بس

..

لا بس الصدق .. أحلى أيام عمري عشتها في الثانوي والله العظيم كانت روعة من جدّ

ويوم جت ثالث ثانوي كانت متعة مرة .. هبالنا وهسترتنا كلها كانت بـ ثالث

* الشي اللي ذكرتيه تبع الايحاء جداً مهم انا مرة أؤمن فيه لأنه واقع ..

الحين لو انا اقنعت نفسي بـ أني ماراح أقدّم زين بالاختبارات .. كل هالشي راح ينعكس سلباً

على اختباراتي وبالتالي اكتشف فعلا إني ماقدّمت زين ..

العقل الباطن إذا خزّنـّا بداخله أشياء راح تنعكس على أسلوب حياتنا بصورة مباشرة ..

..

انتم عاد الحين ياهالجيل والله من الدلع .. لا أسئلة وزارة ولاهم يحزنون

بس اختبار قدرات طبعاً

خلّه ينخلكم نخل خخخخخخخخخ

واللي يبرد التسبد أكثر انه 30 % بس نسبة .. والله مب عشان شي اتكلم كذا بس لأنه قهر ترى

حنا على وقتنا اسئلة وزارة .. تجون انتم تاخذونها باردة مبرّدة

أحس انكم تقولون ياليت اسئلة الوزارة قعدت ولا ذا القدرات

أقتباسس1/ كيــف كانت استعداداتكـ لأمتحانات الثانويه
او كيف هي طريقتك في المذاكرهـ ؟!!

والله ياطويلين العمر انا كنت اذاكر أول بـ أول ولله الحمد .. اصلاً كان ياعومري كل اسبوع اختبار

وانتوا اصلاً من الاهتمام بتذاكرون كل شي أول بـ أول ..

ولما جت الاختبارات كنت الحمدلله مرتاحة .. الرياضيات اخذت فيها اسبوع كامل مابين دروس واسئلة وزارة

ونماذج سابقة

و يوم طلعت من اختبارهـا بكيت لين المغرب خخخخخخخ

بس الحمدلله طلعت بـ نتيجة أرضت خاطري .. وجبت نسبة ريّحتني

أقتباسس2- كلمه توجهها لطلاب الثانويه..

لا تجهدون أنفسكم ترى الدراسة وصخ دنيا

<

لا والله ذاكروا واضغطوا على انفسكم ترى راس مالها اسبوعين ان شاءالله والاكم مخلّصين وانواع

الروقان وكل اللي بـ روسكم سوّوهـ

أهم شي الشهادة .. الحين الحياة صارت صعبة شوي والانسان صار يحتاج جهد اضافي عشان يضمن له

شي يقدر يكمّل فيه حياته ويعيش منه ..

الله يوفقكم ويوفقنا حنا بعـد وكل مسلم ومسلمة ..

..

يـارا ..

أنتِ رائعة جداً

شكراً لكـ ولـ وجدان ..

**ـأَوْطَـانٌ .** · 21-05-2008, 11:24 AM

..

اهلا بأقلام المجلس الذهبية
يارا .. وجدان

س1/ كيــف كانت استعداداتكـ لأمتحانات الثانويه
او كيف هي طريقتك في المذاكرهـ ؟!!

عادي تطنيش..يعني انا افهم بالحصة والحفظ احفظه طول السنة
اذا جت الاختبارات ما اذااكر
يجيني تطنيش مو طبيعي ..
وبس ناايمة .. واروح ما قريت الا الفصل الاول <اجرام
بس الحمد لله ما جبت العيد قووة

س2- كلمه توجهها لطلاب الثانويه..

اقروا قبل الامتحانات لانه اذا جت الامتحانات بترتبكون
واذا رحتوا للمدرسة توونسوا وهيصوا وطنشوا الامتحان
اهم ما عليكم صحتكم

..

مشكورات يا قمرات على هالملف التربوي
ان شاء الله الكل يستفيد

**MeSh3aL ~ 20** · 21-05-2008, 12:05 PM

*

*

.. [[ بـــآآآكـ ]] ..

*

طبعـا ً أسئله الوزاره هي ترى بجد صعبه
يعني أنا للحين ما وصلت لأخر سنه بس أخوي
واللي قبل كلهم يقولون وينهبلون

يعني السنه اللي طافت بمدرسه أخوي واحد مع ولد عمي
أنتحروا بعد أختبار الرياضيات , وكاتبين رساله لأهاليهم
بإن السبب الوزاره والأختبـار ..

يعني للأسف ما في رحمه ولا في مقياس لعقول الطلبه
يعني إذا طالب دافـور مو شرط الثاني يكون زيه
ولا ومعقدينها بالقدرات والتحصيلي يعني بجد
الله يعين هالطالب اللي يفكر بالثلاث الإختبارات هذى

*

أقتباسس1/ كيــف كانت استعداداتكـ لأمتحانات الثانويه
او كيف هي طريقتك في المذاكرهـ ؟!!

بما أني مو آخر سنه ..
بس مستعد أستعداد تـام
يعني وينك يا ورقه الأجـابه ..

أقتباس
س2- كلمه توجهها لطلاب الثانويه..

الهمـه الهمـه .. الموعـد المدرسـه <-- ..

بالتوفيق لكم يا رب
وعساكم من أهل النسب العاليه
ويتحقق اللي في بالكم , ( ويزوجكم )
<-- ناقل هم الزواج ..

*

[[ يـــارا .. ]]

شكرا ً من القلب عزيزتي
على الموضوع الرائـع
متألقه ..

**.. فــهد الســـهلي ..** · 21-05-2008, 01:10 PM

.
.

الوزارهـ وماادراك ماالوزارهـ
أسم الوزارهـ في المرحله الثانويه
من أسمها تدخل الشخص بحاله نفسيه

أقتباس

س1/ كيــف كانت استعداداتكـ لأمتحانات الثانويه

او كيف هي طريقتك في المذاكرهـ ؟!!

كانت طريقتي أني ابدء قبل الاختبارات بشهر
وأبدء بصعب المواد عشان تسهل علي وكون بكذا تخطيت
المواد الصعبه والمواد السهله اقراها قرايه سريعه

وفي يوم الاختبار

اصحى المغرب وبدء بالمذاكرهـ وروح مواصل وذا رجعت

نمت الين المغرب وعلى هذا المنوال الين تنتهي الاختبارت
< لكن هذي الطريقه تجيب العيد بعض الاحيان
لانك بتحس بخمول بنص الاسبوع ويجيك النوم بسرعه

.,,.

أقتباس

س2- كلمه توجهها لطلاب الثانويه..

اقولهم ابدوو من اليوم بالمذاكرهـ
لان ماينفع الندم اذا جبت العيد بتقولون
ياليتنا بدينا بدري

و بالتوفيق لكم يا رب
وإن شاءالله تكونون من أهل
النسب العالية

موفقين ياربــــ

.,,.

][ يارا , وجدان ][

مشاءالله موضوع متكامل وجاء بوقتة يا أصحاب الأقلام الذهبية
موضوع رائع وومميز دمتم مبدعين دوما ً
ودام الابداع عنوانكم

تحياتي لكم (

)

~ Đ ε ε ṁ · 21-05-2008, 02:38 PM

....

يـــوه ودي اصيح
أحلى لحظات العمـر عشتها بالثانوي

بس ثالث غيــر
هستــرة ونفسيـة ع اصولها
ياما بكينا وتهاوشنـا وانضغطنــا
وحلمنــا وتزاعلنــا وتصالــــحنـــا

كله بسبب هالنسبـة وهالوزارهـ

....

س1/ كيــف كانت استعداداتكـ لأمتحانات الثانويه
او كيف هي طريقتك في المذاكرهـ ؟!!

شوفوا يا بعدي
أنا كنت اذاكر اول بأول
أساسا كان اختبـاراتنا شبه يوميـه
يعني حتكون مراجعـه
بس عـاد اذا توترتوا هنا المشكلة
راح تضيعون كل شيء

ذاكرت الاحيــاء من قلب قلب قلبــي
لأن مشكلتي الحفظ
وختمتــه قبل الامتحانات

الرياضيات خليت له اسبوع بس ما كفــى
البنات انواع الصياح وانا طلعت اضحك
فرحانة لاني افتكيت منـه

ختمت مواد الدين والنحــو

وذاكرت كم من فصل في الكيمياء والفيزيـاء

يعني الحمدلله راضيــه عن نفسي
ولا أنــا ندمــانه ع شيء

ندمانة اني ذاكرت بس
<=

....

طريقتي ف المذاكــرة
بما ان مشكلتي الحفظ
واللي الى اللحين اعانـي منها

مـا عندي حل الا التلخيص
يعني افتح ورقة واكتب عليها تعاريف
واحفظ التعريف بالشخبطـة حتى يرسخ
وارجع ادونـه بهالورقة
وكل تعريف يمر نفس الطريقة
كذا يصير جمعت التعاريف في ورقة
ونفس الشيء التعداد - التعاليل

س2- كلمه توجهها لطلاب الثانويه..

أول شيء توكلـوا ع اللـه
اذا حسيتوا انفسكم مو قادرين تكملون مذاكرة
أقروا قرآن وارجعوا كملوا
والله بتحســون براحة ونفس للمذاكــرة

هالاسبوعيــن ذاكروا
مو شرط تختمون مواد
حتى لو فصول صعبه عليكم يكفي

حددوا وقت وياليت بهالحـالة يكون جدول
واحلى لو كان أحد يمشوا معاكم ع نفس الجدول
يعنــي اقصد اصدقـاءكم

ولا تفكرون في الخصوصي ابــدا
لأن ما راح ينفعكم هالايام
راح تخربطون وتضيعون اعماركم

احصروا انفسكم في اشياء محددة
لا تجمعون اوراق وملخصات وتشتتون انفسكم
وانتـم تذاكرون خلوا ف بالكم
ان هالمادة اخر مـرة راح تذاكرها

لا تذاكرون ف مكان فيه ســاعه

***

اذا خلصتــوا اخر يوم بتجيكم حالة ودكم تصرخون
هذي حالة طبيعيـه
صــرخـوا بس شوي شوي عشان الجيوار لا يسمعونكم

أستمتعـــوا بوقتكم هذي أحلـــى الايام بتعيشوهــا

وبالتوفيق لنـا ولكم

....

يـارا ,, وجــدان

شكــرا ً لكمــا

..

**A L- b e r w a z** · 21-05-2008, 09:05 PM

.
.

موضوع عظيم وفيه تجارب رائعه ، اتمنى ان يستفاد منه

كل الشكر للقائمين على هذا الطرح

.
.

Qaswa · 22-05-2008, 02:19 AM

؛

يوووووه
حنيييت لأيآآآآم الثانوي!

من أحلى المرآحل الدراسيه..

استمتعوا فـ كل لحظه فيهآ !
...

تساهيل؛ والله يوفق الجميع~
...
يعطيكم العافية.

؛

**‏Naif AlMussaibeh** · 22-05-2008, 05:20 AM

*
*
*

أولاً انا الحمدلله يا شيشة بالمتوسط

بس كلمة لطلاب ( الثانوي ) من الحين اتركوا النت
واهتموا بدراستكم وخلصوا أول بأول ..

حتى لو كنتم أصحاب مناصب بأمكانكم
اخذ اجازة من مراقبكم وقولوا بذاكر وما أظن مراقبكم
نذل بالعكس بيهتم لمصلحتكم ..

ووووووووووبس

صعنطوطه · 22-05-2008, 05:41 AM

^^
^^

لاحضتو ان كل ابوكم علمي .. ليتني بتلت علمي

تراي دخلت دقيقه وطلعت لأقرب مخرج على يدي اليمين يوديني للأدبي

ماشاء الله ماشاء الله ..
وشذا الزين يارا \ وجدان

تمنيت اني في ثالث عشان استفيد من تجاربكم ( فيس حمار بقوه)<--

,’
وه بس ياثالث ..الله يعينكم ويسهلكم اسئله الوعين الوزاره

تراهم مهما صارو حلوين نسميهم وعين

,.. لان العاده جرت !
من جد مرحله انوع المدري وشو ..
احس جوها غير , كآبتها \وناستها \ دراستها..كل ابوها غير..,
زي جدهـ بالظبط ..مع استبعاد النافوره

<- بدت تشطح.

وشسمه هذا .. ياشين اذا صار عندك في العائله خمسه ثالث

بنتين , ثلاثه تماسيح, اربعه ببسي , وزياده كتشب وماك صوص

وبعدين انتم هالسنه حوسه واجد اختبار قدرات للبني ..وحالتكم حاله ..
بس مدري ليش متفائلهـ , ان اموركم ميسره

<- جرعه تفاؤل

,’

س1/ كيــف كانت استعداداتكـ لأمتحانات الثانويه
او كيف هي طريقتك في المذاكرهـ ؟!!

استعداداتي كانت نفسيه اكثر من ماهي فعليه

اسلوب التكرار يعلم الحمار كنت استخدمه قبل الاختبارات بفتره , لان بعض النقاط مايمديك تحفظها في وقتها

طريقه مذاكرتي مثل حركه (محامي) \ الكتابــهـ

, والله وانت تكتب تثبتها اكثر من وانت تقرا
اسأل مجرب ولاتسأل واحد مابعد جرب

, يعني بدال ماتسترجع اللي حفظته او فهمته ..ذهنيا
اكتبه في الورقه ..!!

كنت اذاكر الليل.. النهار اوعع الاشياء عندي

, الليل هدوء ومايمديك تقول بسولف مع ذا ولا ذا ولا ذا

انطق بغرفتك والكتاب امامك والدفتر امامك من اليمين ..والقلم في يدك اليمين
والجوال على نشيد المقناص

وبلا ثالث بلا هم <<----- بتخربهم

س2- كلمه توجهها لطلاب الثانويه..

(( اذكروني اذكركم))
موب اذا ركبو الفلك دعو الله ..

دعاء ( اللهم لاسهل الا ماجعلته سهلا وانت تجعل الحزن اذا شئت سهلا )..
و ( اللهم علمني مـاجهلت وذكرني مانسيت )..
خلوها كل ابو دايم معكم ..

وربكم يعين ان شاء الله ,,

وتذكرو ان درجاتكم ونسبكم ووين بتدخل واي قسم واي تخصص
مكتوبلك قبل لاتولد ..كل اللي عليك ( تسوي اللي عليك \ العمل بالأسباب )

وقدر الله ومــــاشاء فـعــل ..

,’

لاترد على احد قبل الإختبار ومن بعد الفجر ويقولك ترا الاسئله تسربت
ومدري وشو وقسم تطير كل ابو معلوماتك , وماتطلع نفس الاسئله <--لابوس يابنت عمتي

خلك في مذاكرتك وكل واحد يواجه مصير حفظه لحاله ..
’,

شريت كتب من مكتبه مدري وشو المهم انهم ملخصين كل الكتب على شكل سؤال وجواب
تراه لحسه مخ لحد يجيبها .. الله يخلي كتب الحكومه

,’

لاتطلع الا آخر واحــد

<---- انواع الاستقعاد في القاعه

::

اخر شي ..\

يارا \ وجدان ...دوكم

تسلم يمناكم على هيك شغل , مادكم تحطون للعاطلين كيف تتحمس وتكمل طراستك

ياكثري ..
سلامون عليكم
.
.

@ـلالية كيـgggت · 22-05-2008, 08:45 AM

*
*

وش نسوي حنا يعني نصيـح ؟
<--

وقسم ننرحم حنا ياحقين الثانوية لا وعلمي بعد
أحس الأدبي مرتاحين احفظ وامش
اما حنا لو نكرف كرف ابليس بخلق الله ماجبنا نسبه زينه مع هـ " المعدل التراكمي "

ظلم والله هالمعدل .. ينزل الدرجات بالحضيض..

والحين صارت الأسئلة من المدارس لكن ( بنموذج وزاري )
يعني طريقة الأسئلة كأنها وزارة تماما بس من نفس المدرسة .. !

على قولة " وليد الشامي :

(( عليـّـا بلاوي الناس والدنيا عليـّا .. وش بيديـّـا على المكتوب يادنيا وش بيديـّـا ))

<- متأثره

وشسمه موضوعكم يريح اللي مايرتاح وربي

إذا سمح لي الوقت برجع وأفصل بردي إن شاء الله..

يعطيكم ألف ألف عافيه .. ،

*
*

**أنــــا إنــــت** · 23-05-2008, 12:02 AM

^

^

يالبى هالطله بس

..
هلا وغلا يارا ووجدان ،
الاقلام الذهبيه قريبا

<- اسمع بالتشويق

موضوعكم شي والله ،
واهم مافيه طرق دراسة الدوافير خخخخخ

~
اروما

،
اجل بالحوش هاا

والله شي مو طبيعي ومع رووعة الجو ، شي يقدر الصراحه

خصوصا لمه تكون الماده حفظ بحفظ ..
..
و بالتوفيق للجميع ان شاءالله ،،
شدوا حيلكم ولاتشيلون هم الماده ، تهون بإذن الله
والله يسهل عليكم

..
~
يارا ووجدان
عوافي يابطلات

..

21-05-2008, 12:00 AM	#1
يــارآ . . : زعيم القناصين : . .	\|\|..Don,t worry..\|\| الــسلامـ عليكمـ \|\|\| قـلق .. خـوف .. توتـر .. دمـوع .. تعـب ~ جـد واخـلاص في المذاكرة ... مـرحلة لاتتحمـل مزح واسـتهتار ..!! مرحلة كانت ومازالت مصيرية لكـل شخـص .., مرحلة من اروع المراحـل الدراسيه عشنا فيها اروع وامتع اللحظات من : خـوف ورهبه وذكـريـات لاتنسـى .. خصوصا مع رهبة ((اسأله الوزارة)) الـذي كانت مثل شبح مخيف لكل طالـب وطالبه ..!! (( \|..Don,t worry..\|)) مـوضوع مشترك بيني وبين الأخت الغاليه وجدان.. موضوع طـرح لعيون طلابنا اللي يمـرون بهالمرحلـة نحـاول نخفف عليهم بالقدر اللي نقدر عليه ونخليهم يستفيدون من تجـاربنا .. \|\|\| ;'اسأله الوزارة!! كان بمثابة كابـوس أعيشه قبل لاأشوف وش هي اسأله الوزارهـ !! واجـلس ابكي واتـوتر وهذا كله من ..كلام النـاس .. خـلوني اشوف اسأله الوزارة شي اسود شي ماله حل وقالو وقالو..والوزارة والوزارة..الخ لكـن في النهاية كل هـذا كلام موب صحـيح .. اتحـدي أحد يذاكر صح ؟!! ويقول انها صعـبه ؟!! مجـرد اسأله من داخـل المنهج لكنهم يحورون شوي في الأسئله ويكثرون من الأشياء اللي عالهامش . يعني اللي عليكم تذاكرون وتحـفظون بأخلاص مو أي كـلام ض1 وأن اسأله الوزارة شي عادي مجرد اسأله حالها حال أي اختبار .. لكـن للأسف نشوف معظم الأهل يعطون اولادهم افكار عن اسئله الوزارة انها شي مهـول وهذا يأثر سلبا علـى نفسيه الطالب والطالبه . \|\|\| ;'الأيحـاء الذاتـي .. الأيحاء الذاتي ياطويلين العمر تجلـسون توهمون بينكم وبين نفسكم بشي مهوب فيكم وبالأخر يصير -->اوووم الشرح ض1 مـثلا : لو كنت جالس وانت صاحي وتقول أنا مريض انا تعبان انا مصدع ..الخ رح تصير جد تعبان حتى لو كان مابك شي .. لكن لو كنت تعبان ومصدع جد وتجلس تقول انا منيب تعبان انا مافيي شي رح تحـس مافيك شي ويخف عليك المـرض ملاحظه : اسـاس كل مرض عضوي شيء نفـسي يعني انتبهوا لعمركم ض1 المهـم واللي أبي اوصـله لكـم الحال كـذا مع اسألة الوزارة لين تحطون في بالكم انها اسأله صعبه وأنهـا شي يخوف رح تشوفونها صعبه مهما كانت سهولتها واذا حطيتوا في بالكم انها سهله وانها شي عادي رح تفيدكم بأشياء كثيرة : 1-يخـفف عنـكم توتركمـ وبتصيرون ريـلاكس وبكذا تحلون بهدوء وروقان ولاكأنها اسأله وزارة ورح تصير بعيونكم اسأله سهله .. \|\|\| خـلونا الحـين ننتقـل لتجـارب الأعضاء في كيفيه اسعداداتهم ايام الثانويه للأمتحانات وان شاء الله يفيدوكم ..: س / كيف كانت استعداداتك أو طريقتك في المذاكره لإمتحاناتالمرحله الثانويه ؟ شوفي هو مب الاستعداد بوقت الامتحانات انا كنت اذاكر كل يوم ولين الحين بس زي مثلاالرياضيات عشان براهين بديت فيه من قبل اسبوع الباقي كان عادي ، وسهل انا نوعي اذا جا العشاء وانا ماخلصت يضيق صدري ولا اكمل عشان كذا منب انام ولا اخذ بريك ولا شي اخلص اخلص كل شي والخص الماده قبل ولينالحين ذي طريقتي بعد العشاء مافي مذاكرهـ هذا طبعن " اذا كنتوا تذاكرون اولبـ اول : $ " س / نصيحه توجهها للأعضاء المقبلين على أمتحانات الثانويهالعامه ؟ شدوا حيلكم والله يعينكم الله لايضيع تعب لـ احد .. , والله الله بـ البراشيم خخخ امزح قصدي اهم شي قفلواجوالاتكم لاتسمعون ان ذي الاسئله وذي الاسئله تتلخبطون وكولوا زين وذاكروازين ولاتتوترون الامتحانات سهله .. فالكم النسبه الزينه .. وفرحه اهلكم واذا امتحنتواخلاص انسوا الامتحان وخلاص ، لاتفكرون بـ الاجوبه ، ولاتراجعون A R O M A \|\|\| أول شيء قبل الأسئلــه ولأجوبه مسيكم بالخيرياطلاب الثانويه العامه والله الله بالدفاره هالأسبوعين حتى أرقام الصفحه أحفظوها شده وتزول وأنا أختكم وتذكرواأنها مرحله ولازم لازم تسوي اللي تقدر عليه كله في هالأسبوعين لأنها نتاج عمل 12عـام,, الثانويه العامه مثلهامثل أختبارات غيرها ويمكن أسهل بعد اللهم أنها تبي منك [ مذاكـره + تركيـز ] وبتلقى نفسك تحل كلشيء بسهوله وتمشي أمورك زينالزيـن,, هالكلام للكل شباب وصبايا ومسأله الخوف مسأله أكيده حتى اللي برابع أبتدائي واللي بأخر سمستر بالجامعه يصير عندهم رهبه بالأختبارات وهذا شيء طبيعي لكن اللي ماهو طبيعي أنك تحس أنك داخل على شيء غريب بالعكس شيء عادي والدليل خذ أي كتاب وشف أسئلته بالتمارين شفت كيف بساطتها وسهولتها وفيها الحلو والصعب والزين والشين تراها هذي هي أسئلتهم بالضبط يعني شيء عادي ويمكن تكون أسهل من أسئله بعض المدرسين والمدرسـات,, نجي للأسئلــه: س / كيف كانت استعداداتك أو طريقتك في المذاكره لإمتحانات المرحله الثانويه؟ أبد والله شيءعادي صحيح كان فيه خوف ورهبه لكن لازم الواحد يتفوق على نفسه علشان يتجاوز كلهالصعوبات وبالأخير ينجح وكانت مذاكرتنا مذاكره عاديه مثل مذاكرتنا كل سنه بس نزيدها حبتين تركيز ونحاول نفهم أكثر من الحفظ لأن الفهم شيء ثابت عكس الحفظ اللي معرض للنسيان,, وأهم شيء كنا نفكر فيه ذيك الأيام هو أننا نذاكر وبس وبعدها يحلها الف حلال والحمدلله هذانا نجحنا وتخرجنا ودخلنا الجامعه والتخصصات اللي نبي وريحنـا وسوينا اللي نبي عقبها وأيام الأمتحانات الله لايوريكم أعرف وأشوف بنفسي الواحد يمل ويكره المكان اللي هو فيه غرفته والمجلس والصاله لذلك كنت أذاكر بمجلس الرجال وإلا بالحوش علشان لارجعت لغرفتي مشتاقه لها وأقدر أنام كويس ولايجيني ملل وإلا ضيقه من المكان اللي أنافيـه,, وهذا ترى شيء حلومايخليك على الأقل تصاب بأرق وملل من غرفتك ومكان راحتك ونومك ، خلك تذاكر بغرفه وتنام بغرفه على أساس لارجعت تصير مشتاق لها وبنفس الوقت مافيها شيء يكرهك بالنوم والراحه,, ونفس الشيء الأكل يزيد تصير بس تبي تأكل لاجتكم الحاله لاتخافون أنفيكم شيء لاقدر الله لا لا ترى الوضع جداً طبيعي وعادي روحوا لبنده وأدخلوا قسم الحلويات وأملوا العربيه لين أمين ومروا قسم العصيرات وجيبوا هالأكياس وخلوها معاكم وين ماتذاكرون كلوا وذاكروا بتحسون وأنتم تأكلون بوناسه يمكن لأن فيها تغييـر ويمكن تسليه بس شيء حلو يعني وترى الشوكولاته بشكل عام ينصح بها لتهدئه الأعصـاب وراحه البال علشان كذا دايم رجال الأعمال يأكلونها بكثره لذلك أكثروا منها وقت الأختبارات لأنها تمدكم بالطاقه والهدوء وراحـه البال وتسليـه بعد,, والنوم أكيد تبونه بكثره بس الله الله لاترهقون أنفسكم وبنفس الوقت لاتهملون مذاكرتكم يعني خلوا نومكم طبيعي مثل باقي الأيام ولاتطفون المنبه وإلا تقفلون الجوال لارن <-- .. س / نصيحه توجهها للأعضاء المقبلين على أمتحانات الثانويه العامه؟ هي ميب نصيحه بقدرماهي تجربه نطرحها لكم وأنتم أستفيدوا منها: / أول شيء الخوف ماله داعي أشوف الكل متخوف بالعكس كل دقيقه تذاكرون فيها أستمتعوا فيها بمعنى كلمه أستمتعوا تذكروا أنكم بعدين تبونتحسفون على هاللحظات الحلوه والطريفه والتجربه الغريبه بحياتك وبعمرك.. أستمتعوا بأيام الثانويه أستمتعوا بالمذاكره والكتب وشكلها وكيفيه تجزيئها لأنكم بعدين ان شاء الله أذاتخرجتوا بتشتاقون لنظام الثانوي وطريقته وكتبه البسيطه وصعوبتها وسهولتها.. / النوم الله الله بالنوم لاتسهرون واجد ترى السهر والأرق يخليك أنسان فاضي من كل شيء سواء حفظ والأفهم وإلاأي شيء.. رتبوا وقتكم وخلوانومكم عادي وطبيعي .. / لاتفكرون بالجامعه والتخصص الأن خلوها بظروفها علشان ماتدري عن الظروف بعدين ان شاءالله فلا تبني شيء على شيء ماصار أصلاً كل شيء بوقـته حلو حاول قد ماتقدر تنجزالمرحله اللي أنت فيها الجاي له وقتـه [ صدقـوني لو خيـرت بأي مرحله من حياتي ترجع بقول برجع أدرس الثانوي بكل مراحله وفصوله ومتعته وصعوبتـ هوجمال وبساطه حياته ] ( أستمتعوا وشدوا حيلكم ) ( موفقيــن يارب ) حــ سعودي ـلاها \|\|\| س / كيف كانت استعداداتك أو طريقتك في المذاكره لإمتحانات المرحله الثانويه ؟ اخوآني ..[ المقبلين على معانقة الحلم والتخرج بأفضل النتآئج بحول الله الامرمتفآوت بلآ شك ويختلف من شخص لآخر ولعل هذه هي حكمة الحيآه ولكن العمل والجهد لنتتلآشى بأي شكلاً كآن .." .. ندخل للمعسكرآت وكيفية التحضيرللتأهل الى الاختبارات النهآئيه ==> اثرت به الكورهـ انا بسم الله علي وحوآلي ==> بأمكآنك قضبالبآب .. بديت ..[ فلسفة التختيم ] قبل شهر ونص من الاختبارات النهآئيه يعني بديت اختم الموآد من الاسهل الى الاصعب تدريجياً وحقيقةً ما اسعفني الوقت .." .. اذكر ختمت موآد الدين والادب والمآده المعجزه ..[ الاحيآء ] قعدت بـ الاحيآء تقريباً 20يوم وانا ادآبتس ربنا وربي الله في كتآب الاحيآء وخلصته بعد جهداً جهيد ==>اقولـ ياعيآل الملآريا للحين عندكمـ .. .." كنت وانا اذآكر اخذها بكل بسآطه يعني الموضوع ماهو محتآج تعقيد ==> للحين اذكر كوب الليبتون اللي لعنت ابو خيره .. ..! يعني اضحك وانت تذآكر وش ممكن تكون المشكله , فلّ امها طش الكتآب , سو اللي برآسك كلّه بس المهم ..[ حب مذآكرتك ] لآ تحس انك مجبر عليها ==>متلهفين على نسبة الفلته ذآ .. صح .. ....{ امّي} الحقيقه كنت اخذ معها احلى بريك تجيني تقولـ ..[ ماتعرف تذآكر غير بالدورآن ] طبعاً مذآكرتي كلا لفلفه بالحوش والمجلس .. وتقلبها تهميز ربع سآعه ثم ارجع ادور ==> على فكره حتى الرياضيات اخذتها دورآن .. .. بس يوم جتّ ايآم الاختبارات مآره فادني التختيم ريّحني من اشيآء كثيره يعني ولآ يوم صآر عندي مآدتين .. المهم انتهت بـ نسبة 89 .. والانجآز اللي حققته بـسعاده اني جبت بالاحيآء 97 وهالشي بسطني حيل .." بس حآب انّوه عن نقطتين ..[مهمآت ] ..(* اللي يقولك لآ تسهرايآم الاختبارات صدقوني والله ماينفعك انا كنت اسهر والله بذيك الايآم ويعني حسيت اني افضل بكثير من اول يعني اول تنآم والليل طويل ويروح عليك وقت انت بحآجته .." اسهر بالليل اهم شي بس خربها مع السرير بالظهر ..".. .. ..( * مرآت الله يقدر على البعض فينا تجيله مشكله وقت المذآكره وفي ذروتها يآليت يحآول يتقرب لله وقتها يعني هذي من الله .. وعنّي انا صرآحه صآرلـ ولد عمي حآدث يوم الجمعه من اختبار الرياضيات.. كانت ذكيّه من ابوي انهماعلمني بس فكرت فيها حتى لو علمني ليش اهدم مستقبلي على آمر مقدّر ومكتوب .. فـ عشآن كذا ياليت ننتبه لذآ النقطه.." س / نصيحه توجهها للأعضاء المقبلين على أمتحانات الثانويهالعامه ؟ الوقت والحمد لله معنا وكثير بعد نبدأ بـ شجاعه على فكره هي صعوبتها بالبدآيه لما تبداها خلآص بتمشي كذا ياليت نكون اكثر شجآعه ونبدأ من الحين .. المستقبل افق من الصعب انك تلآقي له مدى يعني شي وآسع والمكان بسّ للآجدر بالجهدوالمذآكره .. ندري والله انها صعبه وان ملهيآت الدنيا كثيره لكن عشآن ننبسط طول العمر خلونا نكتم على انفسنا شوي .. كلها ياربي شهر وننتهي وزيماقلت بالبدآيه حبوا المذآكره تحبكم انشالله .. الله الله بالصلآه ..[ ياجماعه .. .. وبالنسبه للغش ..[ لأنها قناعات ما راح اقولك .. لآ تغش بس نبي منّك وانت تذآكر لآ تفكر بالغش لأنك بـ تتكآسل اكيد ولآ اذا جآء الاختبارهذي حآجه بينك وبين الله .. ==> يالربع ..[ ليه احس اني .. عآيد القصيبي .." ==> .. ايه نسيت اقولـ ..: الحين حنّا وصلنا لـ ثآلث ثانوي اعتقد وصلناللنضج الفكري تماماً واكيد بـ نفهم اننا لما ندج في مآده لآزم لآزم ننساها ولآبتصير مادة بكرى مثلها.. يعني خلّي المآدّه اللي ماحليت فيها صح خليها دآفعلك ولـ مادة بكرى ..[ اتمنى فهمتوني هنآ .." .. ==> لآ بعد الاخيره هذي ..[ صآر عايد القصيبي من جد .. .. عسى ربي يوفقكم .. قلبي معآكم والله ولأجلنا ..[ كونوا اذكيآء .. هلالي لاخر زفرة \|\|\| س / كيف كانت استعداداتك أو طريقتك في المذاكره لإمتحاناتالمرحله الثانويه ؟ * / اوووه رجعتوني لايام حلوة والله اذكر ايام ثالث كنت متحمس عالآخر حتى النت معاد فتحته ابد وجوالي مغلق اغلب الاوقات ولا عاد فيه الا المسجد البيت المسجد البيت هذي طلعاتي وان كثرت شطفت لي بقالة عشان اكسسوارات المذاكرة اماطريقة مذاكرتي والله ما كان عندي طريقة محددة كلها مذكرة اصورها من واحد سوري كان عندنا الله يذكره بالخير بس بدون توكس مااعرف اذاكر شي س / نصيحه توجهها للأعضاء المقبلين على أمتحانات الثانويه العامه؟ مدري وش اقولهم بس ان ثالث ذكراهاحلوة مرة وبتّنحت بالقلب وبتشتاقون لها بعدين , وذكراها ما تحلى الا اذا صرت دارسهاسنة وحدة عشان كذا ركزوا وانجحوا C L I C K \|\|\| س / كيف كانت استعداداتك أو طريقتك في المذاكره لإمتحانات المرحله الثانويه ؟ اولا المرااجعه قبلالإمتحاانات بوقت كاافي لجميع الموااد وخااصة الصعبه..!! الطريقة 1- أقرأ الماادة أو الدروس قرااءة عاامةللإلماام بكل الجواانب مع وضع خطوط تحت الأشيااء المهمه او العناوين الرئيسيه ..! 2- المذااكرة الفعليه والتفصيليه المركزة وذلك بالفهم والإدرااك للمحتوى والمضمون ثم احفظ جيداا ..! 3- التسميع كتاابياً لماحفظته أوفهمته وهذه مهمة جداا جداا وانصح بها لأنها ترسخ ومن الناادر انها تطير .. ومن يشوفني أياام الإختبااراات يتعجب من كثرة الصحاائف الورقيةالكبيرة فأنا افترشها وأملاها بكل ما ذااكرته ...! طبعا فيه من يحب أن يسمع شفويا مع نفسه او مع زميل ..ولكن أنصح بالتسميع الكتاابي والصرااحة ما احب اذااكر مع أياً كاان..! 4- أخر شئ المرااجعه العاامة على كل ما درسته وذلك بالقرااءة العاامة للماادة سوااء قبل ما اناام أوقبل الدخول للقااعة ..! س / نصيحه توجهها للأعضاء المقبلين على أمتحانات الثانويه العامه أقول لهم : تمنيااتي لهم بالتوفيق والنجااح وعليهم أن يعلموا بأن تنظيم الوقت أهم من المذااكره نفسها ورااحة الجسم والعقل أهم وعليهم بالعناايةبالغذااء والترفيه وعدم الموااصلة في المذاكرة ليلا وعدم النوم حتى يأتي موعد الإختباار لأن التعب والإرهااق والجهد والقلق يضيع للكثير من المعلوماات ويؤدي الى تدااخلها وعدم التجميع والتركيز وهذه معروفة فالنوم ليلا يسااعد كثيراا على رااحة الجسم والعقل مما يؤدي الى تذكر المعلوماات وترتيبها ..! عليكم بالإجتهااد فى مذااكرتكم وتأكدوا بأن كل مجهود تبذلونه سيعودعليكم بالنفع والخير والله سبحاانه وتعاالى لا يضيع أجر من أحسن عملاً ..! كل الأمنياات لجميع الطلاب والطاالباات بالنجااح والتوفيق .. رامي السهام \|\|\| / كيف كان استعدادك للأمتحان او كيف كانت طريقهمذاكرتك!؟ في البدء أقطع كل عادة لديّ من قراءة الكتب العامةومُشاهدة التليفزيون بكثرة والذهاب للأصدقاء أو إستقبالهم،، وأخبرهم بذلك بشكلٍ وديّ وخاصةً الأصدقاء الذين لايدرسون أوالعاطلين ،، وابدأ في وضع جدول للمذاكرة وبشكلٍ عام أضع الكتب الأهم في البداية وأحدد أيام معينة لكل كتاب ،، وطريقتي في المذاكرة قراءة الكتاب جيداً ثم البدء في تسجيل المهم من الكتاب على شكل اسئلة وأجوبة في دفترخارجي ولهذه الطريقة فوائد معروفة عند أهل الإختصاص،، فالكتابة تُساهم في ترسيخ المعلومة والفائدة،، وعلى فكرة أستمرت هذه العادة عندي مع القراءة العامة التي أمارسها دوماً كهواية وعشق ،، فكل كتاب أهم بقراءته اضع بجانبي دفتر واقرأ وأسجل كل معلومة تهمني أو أعتقد أنها مُهمة ،، س2/كلمه توجهها لطلاب الثانويه العامه .. أحبتي أنتهم مُقدمين على أهم إمتحان وإختبار ربما في حياتكم كلهافعلى ضوءها ربما يتحدد مُستقبلكم ،، نعم من خلال مُعدلك الكبير تستطيع إختيار ما تريد من تخصصات وجهات وهذا لن يتآتى إلا بالإجتهاد والمذاكرة ،، قديقول البعض أن الجامعة والكليات تتحكم فيها الواسطات،، وليست المُعدلات ،، لن أنكر أو أكون مثالي في كلامي نعم هي كذلك ،، ولك نثق ثقة تامة أن الواسطة تُساعد صاحب العلامة الأكبر وليست العلامة الأصغر ،، يجب أن تتحصلوا على علامات تؤهلكم لما ترغبون بهِ وما ترونه يدعم مُستقبلكم ،، أتركوا كل شيء في أيديكم ،، وتذكروا أن كل شيء ملحوق عليه إلا العلامات والمُعدلات فضعفها لا يُعوض ،، أجتهدوا أجتهدوا ولا تنسوا الصلاة فهي الأهم الأهم محامي المرأة سعود العتيبي \|\|\| س / كيف كانت استعداداتك أو طريقتك في المذاكره لإمتحانات المرحله الثانويه ؟ الاختبارات وماادراك مالاختبارات خخخخـ انا انسانه شطوره<- ايه هين كنت ابدا امسك المواد قبل نزول الجدول بااسبوع وابدى بالمواد اللي اكون شايله همها وتحتاج لفهم اكثر من الحفظ مثل الرياضيات ، والفيزياء ، والنحو واذا انتهيت منهم ابدى بالمواد السهله لين استلم الجدول .. وابدى بالمواد مثل ماهي واحيانا تكون مسكتي للماده كمراجعه فقط مو مذاكره لاني مسكتها من قبل ..، وعلى ذا الحال.. س / نصيحه توجهها للأعضاء المقبلين على أمتحانات الثانويه العامه طلاب الثانويه اقولهم لاتشيلون هم الاختبارات ترى بتتسرب كثييييييير كلمة ان الاختبار الفلاني بيكون صعب وكذا ، لكن اول ماتستلمون ورقة الاختبار تلقون اسهل منها مافي .. واهم شي لاتنسون الدعاء و اذكروني وانتم تقولونه خخخخخخـ [ اللهم لاسهل الا ماجعلته سهل وانت تجعل الحزن اذا شئت سهل ] ! والله يوفقكم انـا انـت \|\|\| س / كيف كانت استعداداتك أو طريقتك في المذاكره لإمتحانات المرحله الثانويه ؟ 1/ مافه استعدادات خاصه بحكم اني طالبه نجيبه اسم الله علي انا من الناس اللي افهم بالحصه وانتهى .. مافهمت هنا المشكله بس غالبااطنش اللي ماافهمه > طلاب النسب لايسوونها خخخـ مواد الفهم تكون وقت الاختبار مجرد استرجاع للمعلومات وتثبيتها اما الحفظ هناالمعااااااااناة اتعب منجد بالحفظ ..درازن دفاتر وهات يا شخبط شخابيط > حسافه ماطلعت بوقتي الاغنيه س / نصيحه توجهها للأعضاء المقبلين على أمتحانات الثانويه العامه / يتوكلون على الله يذاكرون بتررررررررركيز تاااااااااااام ..موب قلوبهم مع مهند ونور والا مع النت فيه وصفه قد ذكرته لنا الاستاذه جواهر الله يذكرها بالخير تقول قبل لا تفتحون دروسكم اشربوا عصير برتقال طااازج (لايتعدى نص ساعه بعد ماتعصرونه) مع ملعقة عسل ..تقول انها تفتح المخ ويسهل عليكم المذاكره .. عاد انا طبقتها بثالث ثانوي ..مدري حالخ نفسيه حسيت ان هالطريقه مجديه والاصدز بيلســـــان \|\|\| س / كيف كانت استعداداتك أو طريقتك في المذاكره لإمتحانات المرحله الثانويه ؟ ابدأ بترتيب المواد حسب الاهميه والصعوبه ، بعدها احاول فهم جميع محتويات الكتاب وما صعب ، كان الاستاذ هو من يجيب عليه .. س / نصيحه توجهها للأعضاء المقبلين على أمتحانات الثانويه العامه بالتوفيق لكم جميعا ، واعلموا بأن هذه الخطوه هي اهم خطوات الحياه في من ستقررمستقبلكم بعد الله كونوا بحجم المسؤوليه ، واطلقوا العنان لعقولكم كي تتفوقوتكون بالقمه A L- b e r w a z \|\|\| كـل شكر لكم لتفاعلكم معنا .. هذي كـانت تجارب الأعضاء اتمنى انكم استفدتوا منها وان شاء تأثر فيكـم.. \|\|\| كلمـه مـع الأخت وجـدان .. أول شيء .. أهنيكم على وصولكم لهذي المرحله أكيد .. كلكمتخطيتوا كثير من الظروف وتحديتوا الصعاب وكلكم تعرفون أن الكثير راح وباقي القليل يعني شدوا الهمه وعليكم بالإصرار وقوه العزيمه والإراده ذاكروا وأتعبوا وصدقوني ربي ماراح يضيع تعبكم والحين باقي لكم أكثر من 3 أسابيع شدوا الهمه فيها أهم شيء سووا دليل النجاح اللي هو " جدول المراجعه " كل يومين أوثلاثه أمسكوا فيها ماده وذاكروها لين يجي الأمتحان بتفيدكم وتخفف عليكم كثير من قلق الأمتحانات يعني المذاكره يومها بتصير سهله كأنها مراجعه وقبل كل موضوع حطو جنبه بخط صغير " المهم فيه " .. يعني .. الموجود في هالموضوع ..( تعريف / تعداد / تعليل ) لازم يكونفي ترابط وفي فهم .. عشان تقدرون تتذكرون مكانالإجابه وفي أيام الأمتحانا تقبل كل فصل أو وحده في الماده أكتبوافيها "ساعه المذاكره" يعني قسموا ساعات اليوم اللي بتذاكرون فيها ..على الماده مثلاً .. الساعه 4والساعه 5 هذا الفصل الأول // الساعه 6 والساعه 7 هذا الفصل الثاني // ,,,,,, وبكذا .. رح ترتاحون لأنكم رتبتوا وقتكم وأنتبهوا ..!! الحذر كل الحذر من السهر والمواصله على الأقل ناموا لو ساعتين وقوموا على صلاه الفجر صلوا وراجعوا حتى لو ماخلصتوا الماده يالله من الحين ابدوا الله يوفقكم ويسهل عليكم وتأكدوا أن قلوبنا معكم ودعواتنا لكم . \|\|\| نصـائـح خاصه وحـصريه مني لكمـ لا اشوفها منقوله منا ومنا ------> برا انتـي ونصايحك يمكـن تستغربون وتقولون يـارا استجنت بس تراها بأذن الله تفيدكم : 1- كـثروا شـرب مويه وانتـوا جالسين تذاكرون حتى اذا ماكنتوا عطشانين لازم تشربون مويه حطـوا جنبكم كراتين مويه وبين كل فترة وفترة اشربوا مويه لأنه يساعد على تصفيه الذهن ويحرك الدم بسرعه ووو ومابي بعد ادخلكم في متاهات بغنى عنها ومومثل مانشوف تذاكرون واللي ماسك بيبسي واللي ماسك نسكافيه وكوفي واللي واللي .. فهمتوا مــويه وبس.. / / 2- وقـت المذاكره ارمواكل شي ورا ظهـركم انسوا كـل شي لاتفـكرون بشي غـير مذاكرتكم ياكثـر مانشوف طلاب يذاكرون تفاعـلات كيميائية وهم متفاعلين بأشياء ثانيه>> اووم التشبيه اللي عندك ض1- يعني لاتشغلون بالكم بشي صفـوا ذهنكم وأبدوا ذاكروا مذاكره مع بال مشغول مارح تفيدكم / / 3- انعـزلو عن العالم واغلقوا الجوالات وشيلو الابتوبات وابتعدوا عن مصادر الأزعاجات --> عشان السجع يعني لاتجـلسون تذاكرون مع جمعه الأهل وعين بالكتاب وعين بالتلفزيون والأذن مع سوالف الأهل ملاحظـه : وقت المذاكرة لازم تكون الحواس الخمس كلها مركزة عالمذاكرة وبس.. / / 4-ابعدوا ثم ابعدوا عن مصادر النوم مو تجلسون لي فوق السرير والهوا البارد يضرب فيكم والبطانية او الشرشف فوقكم ونور خفيف هذا عشان ماتشوفون نفسكم الامنخمدين خمدتن زينه ولين يضيع الوقت عليكم تعرفون ان الله حق / / 5-قـبل الامتحان وفي فترة المراجعه لين يدق الجرس احذروا ثم احذروا انكم تراجعون كذا عالسريع الحـين اقول لكم ليه ؟!! لأن ياحلوين المخ مثل الدرج خخخـ ض1 تصـور عندك اغراض في اكثر من الدرج وتجي تفتحهم كلهم مرة وحده بسررررعه بسررررررعه كذا رح تضيع وين تروح الدرج الفوقي او التحتي ووين ذه ووين حطيت ذه ؟!! ورح تتلخبط الأمور عندك !! بعكـس لين تجي وتفتح الأدراج درج درج وبهدوء.. وتآخذ الأشياء اللي تبيها بدون لخبطه وعجله كـذا الفرق لين تجي تراجع عالسريع قبل الأمتحان بكم دقيقه ولين تجلس قبل الأمتحان بساعه وتراجع بروقان ملاحظه : قـبل الأمتحان بـ 5 دقايق حاولو ماتراجعون شي لأن المخ يخزن كل شي ووقت الأمتحان كل شي يطلع يعني راجعو كل شي قبل ساعه ووقت الأمتحان حبيبات نسل بتقوم بالواجب / / 6-اول ماتدخلون القاعه اذكروا الله سبحانه وتعالى.. وتوكلوا علـيه عز وجل.. واقـروا بعـض الآيـات وقسم لهـا تأثير عالنـفس بشكل رهـيب رح ترتاحون وتحسون بطمأنيه ملاحظه : اذا وقفت عند سؤال وماعرفت تحله يقولون استغفر الله ورح تذكـر الجواب ان شاء الله.. / / 7-الخـيال في المذاكره هذا كـان اسلوبي خخخـ ياهو انه شي عجيب يخلي الشي يركز في المخ ومستحيييبل انسـاه مثلا الأشياء الصعبه والتعاريف الطويله اجلس اتخيلها مثل المشهد التمثلي واستنتج منه التعريف ---> اوب صاحيه في مذاكرتها كانت ومازالت ض1 وحتى النقاط الطويله اتخيلها مثل نقطه رقم واحد ابوي ولين تجيني في الاختبار اذكر ابوي واكتب الجواب خخخـ اقول لكم كيف : امممـ اذا نقطه مثلا تقول فيها صرف وتقديم معونات وفلوس ض1 اشبهها بأبوي هو يصرف علينا وكـذا خخخـ وبعدين ترسخ في ذهني وماخلي احد في العيله ماشيه عليه يعني كله ابو دايم شبهوا الأشياء اللي تذاكرونها بالأشياء اللي حولكم وقسم ترسخ في بالكم وماتنسوون ابد والتعريف الطويل احاول اقسمه لنقاط عشان يسهل حفظه وصح بعد كنت اشبه الجراثيم والطفيليات اللي بالأحياء في بنات خالتي وعمي وبكذا ترسخ بمخي رسختن زينه / / 8- حلـو وجاوبو بشـويش ولاتستعجلون محد يركض وراكم والسؤال حاولو تقرونه اكـثر من مره قبل لاتحلون وحلو اول شي بالبنسل ((قلم الرصاص)) وبعد ماتتأكدون ان جوابكم صحيح 100% حبرو جوابكم بالأزرق والسؤال اللي ماتعرفوهـ انتقـلوا للسؤال اللي بعدهـ وبعدين ارجـعوا له عشان مايضيع الوقت عليـكم / / 9- اجـلسوا لأخر الوقت ولأاشوف احد فيكم طالع من نص الوقت عندكـم وقت طويل وراجعوا اهم شي المراجعه تخليكم تنتبهوا لأشياء يمكن غفلتوا عنها ومانتبهتوا لها ولاتـراجعوا بس مرة ومـرتين راجعـوا من 10 وطالع ض1 \|\|\| هـذا كل اللي عنـدي , والمطـلوب منــكم الحيـن : تطـبعون هالنصـايح وتعلقونها بغرفكم وياليت قبل لاتطبعـونها تطبعونها بذهنـكم اول واللي يطبعـها يصورها ويورينا عشان نتأكد ان الفكره وصلت \|\|\| لكـمـ س1/ كيــف كانت استعداداتكـ لأمتحانات الثانويه او كيف هي طريقتك في المذاكرهـ ؟!! س2- كلمه توجهها لطلاب الثانويه.. (( انتــهـى)) اخـواني واخـواتي طلاب وطالـبات الثانويه العامـه خصوصاً نتمـنى وقفـنا معكـم لو بشيء بسيـط من هالموضوع اعتـبروا هالموضوع لعيـونكم أي شي تبون تقولونه تبون تفضفضون حنا كلنا آذان صاغية لكلامكمـ واللي عنده مشكله بعد يقولها يمكن في احد منا يقدر يساعده بأي شي .. ------> مو تسألونا عن ثانوي وحنا سنين متخرجين منه اسألو عن الجامعه اذا في بالكم قسم معين استفسار أي شي اسدحوه والأعضاء وكل واحد وتخصصه يجاوبكم خخـ واللي نقدر عليه بنسويه واللي مانقدر عليه بنسحب عليه في الختـام .. تمنـياتنا لكمـ بالتوفيـق وان شاء الله اعلـى النسب واحلى الدرجات وارقـى المنـاصب يارب وان شاء ترفعـون راس اهلكم فيكمـ وتفرحوهم وتفرحونا معهم بالنـسب الحـلوة وموفقـين ان شاء الله همـسه لكمـ : حطـوا في بالكـم زين ان هالسنه هي اللي تحدد مصيرك واللي من خلالها بتبدأ بمستقبل جديد المستقبل الحين بين يدكم انتوا اللي رح تحددوه ياابيـض يااسود وان شاء الله كلكم مستقبل ابيض وتصيرون شي يفخر فيه اهلكم ومجتمعكم قلـوبنــا معكـمـ .. يارا & وجدان التوقيع: * ................................ التعديل الأخير تم بواسطة يــارآ ; 21-05-2008 الساعة 12:26 AM سبب آخر: انسق واتعب واخر شي الكلام يدخل عل

21-05-2008, 12:06 AM	#2
MeSh3aL ~ 20 . . : كبــار الكتـاب : . .	رد: \|\|..Don,t worry..\|\| موضـوع رائـع وبوقت جميـل .. (( لا تخافون نفس ما سمعت بإن الأسئله من المدرسه نفسها )) .. يعني أسئله الوزاره خـلاص بـح ناموا مرتاحين .. * لـي عـودهـ ..!

21-05-2008, 12:26 AM	#3
شهد الزين قنــاص مبــدع	رد: \|\|..Don,t worry..\|\| هلا اختي ياااااااااارا الاسئله من نفس المدرسه ((من المعلماااات )) وكمان الله يعينهم لانو راح يحسبوووون 30% من ثالث ثانوي و70%اختباااارات القدرااااات الي بعد الدراسه طبعاااا اختبارات القدرات تشمل اسئله من صف اول وثاني وثالث ثانوي ويجمعونها ويطلعووون النسبه ((الي هم الحين قاعدين ياخذووون تسجيل من الطلبه)) عمووووووووومااااااااا الله يعينهم يارا مشكوره ياقلبي التوقيع:

21-05-2008, 10:38 AM	#4
wts up قناص مميـز	رد: \|\|..Don,t worry..\|\| . . . رعــب .. ايام الامتحانات انا اكثر وحده في العالم تعاني ايام الامتحانات حتى ينقص وزني ههههه عنـدي عقده نفسية من المواد الحفظ ( الاجتماعيات - الاحياء - الدين ) صج انا ادرس و اتعب بس بعد الامتحان يجي صـعب مثلا حنا بالبحرين الوزارة تجيب الاسئلة الي بين السطور .. الشي الي ماتتوقعهـ يجي و الشي اللي درسته مايجي و المواد العلميه تجي فيها الافكار الصعبـه .. والحلول محدووده فيها والوقت مايساعد خصوصا اذا كانت المادة ساعه ونص والمواد الادبية ( الحفظ ) تجي سهله .. لا يفوتكـم العربي يجي الامتحان 10 صفحات و ساعتين مدة الامتحان و في هالساعتين تبي تكتب فيها التعبير ولا تحل الورقة ولا البلاغة ولا شنـو مادري .. يتحير الطالب ومرات يجي العربي ساعه ونص والرياضة مايجي الامتحان من الوزارة اسهل شي احلى شي انهم يراعون في التصحيح .. بس يبقى القلق مسيطر على الطلاب .. خصوصا في اذا كان الامتحان في قاعه كبيرة ( الصاله الرياضية مثلا ) صج وانت تكتب ترفع راسك ماتشوف الا ناس وايده معاك كلهم يكتبون .. هالمشهد يجيب القلق و الخوف و يآآويلي المعدل تراكمي يحسبونه لنا من الفصل الاول الى ثالث ثانوي بورصة يرتفع او ينزل أقتباس-قـبل الامتحان وفي فترة المراجعه أقتباس لين يدق الجرس احذروا ثم احذروا انكم تراجعون ذي احسن شي نسويهـ و يييب الفايده بس ابي اوريكـمـ الكتب الي ندرسها .. و في بعد كتابين ناقصين قدمنا فيهم امتحان ( الاجتماعيات و الدين ) عربي .. لاتعليق عليه ريض .. سهل و ممتع ثقف .. سندات وبنوك و شيكات و نقل وتخزين .. حيا .. الحيوانات و البيئة انج .. هم بعد سهل بدن .. سهل و ممتع و حلو في التطبيق فيز .. يجيب الحاله النفسية الكتب كلها نظيفة الا هو بس سهل في المراجعه و صعب في التطبيق --------- اخر شي يسلمـو عمري على الموضوع و الله يوفقكم انشاءالله و ادعـوا لي العربي ملوع جبدي وبكرا الامتحان التوقيع: Damn التعديل الأخير تم بواسطة wts up ; 21-05-2008 الساعة 12:04 PM

21-05-2008, 11:03 AM	#5
GivenChy . . : زعيم القناصين : . .	يـالبّيـهـ يالثانوي .. .. موضوعتس أفاض قريحتي وأثـار ذكرياتي قسم بالله لو يقولون وش تمنّين ؟! غير اني بـ اقول : اسافر لندن وأقابل حقين الهلال وطارق التويجري ونوال الكويتية و أبني مسجد وو < زحمة .. اكيد بـ اقول : ارجع للثانوي ندمت اني مارسبت < ابو الاحساس بس .. لا بس الصدق .. أحلى أيام عمري عشتها في الثانوي والله العظيم كانت روعة من جدّ ويوم جت ثالث ثانوي كانت متعة مرة .. هبالنا وهسترتنا كلها كانت بـ ثالث * الشي اللي ذكرتيه تبع الايحاء جداً مهم انا مرة أؤمن فيه لأنه واقع .. الحين لو انا اقنعت نفسي بـ أني ماراح أقدّم زين بالاختبارات .. كل هالشي راح ينعكس سلباً على اختباراتي وبالتالي اكتشف فعلا إني ماقدّمت زين .. العقل الباطن إذا خزّنـّا بداخله أشياء راح تنعكس على أسلوب حياتنا بصورة مباشرة .. .. انتم عاد الحين ياهالجيل والله من الدلع .. لا أسئلة وزارة ولاهم يحزنون بس اختبار قدرات طبعاً خلّه ينخلكم نخل خخخخخخخخخ واللي يبرد التسبد أكثر انه 30 % بس نسبة .. والله مب عشان شي اتكلم كذا بس لأنه قهر ترى حنا على وقتنا اسئلة وزارة .. تجون انتم تاخذونها باردة مبرّدة أحس انكم تقولون ياليت اسئلة الوزارة قعدت ولا ذا القدرات أقتباسس1/ كيــف كانت استعداداتكـ لأمتحانات الثانويه او كيف هي طريقتك في المذاكرهـ ؟!! والله ياطويلين العمر انا كنت اذاكر أول بـ أول ولله الحمد .. اصلاً كان ياعومري كل اسبوع اختبار وانتوا اصلاً من الاهتمام بتذاكرون كل شي أول بـ أول .. ولما جت الاختبارات كنت الحمدلله مرتاحة .. الرياضيات اخذت فيها اسبوع كامل مابين دروس واسئلة وزارة ونماذج سابقة و يوم طلعت من اختبارهـا بكيت لين المغرب خخخخخخخ بس الحمدلله طلعت بـ نتيجة أرضت خاطري .. وجبت نسبة ريّحتني أقتباسس2- كلمه توجهها لطلاب الثانويه.. لا تجهدون أنفسكم ترى الدراسة وصخ دنيا < لا والله ذاكروا واضغطوا على انفسكم ترى راس مالها اسبوعين ان شاءالله والاكم مخلّصين وانواع الروقان وكل اللي بـ روسكم سوّوهـ أهم شي الشهادة .. الحين الحياة صارت صعبة شوي والانسان صار يحتاج جهد اضافي عشان يضمن له شي يقدر يكمّل فيه حياته ويعيش منه .. الله يوفقكم ويوفقنا حنا بعـد وكل مسلم ومسلمة .. .. يـارا .. أنتِ رائعة جداً شكراً لكـ ولـ وجدان .. التوقيع: .. اللهـُمّ وفـّقنـِي لـِكُلِّ عمـلٍ صـالحٍ ترضـى بهـ عنّـي , وقـرّبـنِـي بهـِ إليـك زُلـفى ... أسـتغفركـ ربـّي وأتـوب إليـك ..

21-05-2008, 11:24 AM	#6
ـأَوْطَـانٌ . مشرفة قسم المجلس	رد: \|\|..Don,t worry..\|\| .. اهلا بأقلام المجلس الذهبية يارا .. وجدان س1/ كيــف كانت استعداداتكـ لأمتحانات الثانويه او كيف هي طريقتك في المذاكرهـ ؟!! عادي تطنيش..يعني انا افهم بالحصة والحفظ احفظه طول السنة اذا جت الاختبارات ما اذااكر يجيني تطنيش مو طبيعي .. وبس ناايمة .. واروح ما قريت الا الفصل الاول <اجرام بس الحمد لله ما جبت العيد قووة س2- كلمه توجهها لطلاب الثانويه.. اقروا قبل الامتحانات لانه اذا جت الامتحانات بترتبكون واذا رحتوا للمدرسة توونسوا وهيصوا وطنشوا الامتحان اهم ما عليكم صحتكم .. مشكورات يا قمرات على هالملف التربوي ان شاء الله الكل يستفيد التوقيع: صَاحِبي .. يا حبني لكـْ , ........

21-05-2008, 12:05 PM	#7
MeSh3aL ~ 20 . . : كبــار الكتـاب : . .	رد: \|\|..Don,t worry..\|\| * * .. [[ بـــآآآكـ ]] .. * طبعـا ً أسئله الوزاره هي ترى بجد صعبه يعني أنا للحين ما وصلت لأخر سنه بس أخوي واللي قبل كلهم يقولون وينهبلون يعني السنه اللي طافت بمدرسه أخوي واحد مع ولد عمي أنتحروا بعد أختبار الرياضيات , وكاتبين رساله لأهاليهم بإن السبب الوزاره والأختبـار .. يعني للأسف ما في رحمه ولا في مقياس لعقول الطلبه يعني إذا طالب دافـور مو شرط الثاني يكون زيه ولا ومعقدينها بالقدرات والتحصيلي يعني بجد الله يعين هالطالب اللي يفكر بالثلاث الإختبارات هذى * أقتباسس1/ كيــف كانت استعداداتكـ لأمتحانات الثانويه او كيف هي طريقتك في المذاكرهـ ؟!! بما أني مو آخر سنه .. بس مستعد أستعداد تـام يعني وينك يا ورقه الأجـابه .. أقتباس س2- كلمه توجهها لطلاب الثانويه.. الهمـه الهمـه .. الموعـد المدرسـه <-- .. بالتوفيق لكم يا رب وعساكم من أهل النسب العاليه ويتحقق اللي في بالكم , ( ويزوجكم ) <-- ناقل هم الزواج .. * [[ يـــارا .. ]] شكرا ً من القلب عزيزتي على الموضوع الرائـع متألقه ..

21-05-2008, 01:10 PM	#8
.. فــهد الســـهلي .. . . : زعيم القناصين : . .	رد: \|\|..Don,t worry..\|\| . . الوزارهـ وماادراك ماالوزارهـ أسم الوزارهـ في المرحله الثانويه من أسمها تدخل الشخص بحاله نفسيه أقتباس س1/ كيــف كانت استعداداتكـ لأمتحانات الثانويه او كيف هي طريقتك في المذاكرهـ ؟!! كانت طريقتي أني ابدء قبل الاختبارات بشهر وأبدء بصعب المواد عشان تسهل علي وكون بكذا تخطيت المواد الصعبه والمواد السهله اقراها قرايه سريعه وفي يوم الاختبار اصحى المغرب وبدء بالمذاكرهـ وروح مواصل وذا رجعت نمت الين المغرب وعلى هذا المنوال الين تنتهي الاختبارت < لكن هذي الطريقه تجيب العيد بعض الاحيان لانك بتحس بخمول بنص الاسبوع ويجيك النوم بسرعه .,,. أقتباس س2- كلمه توجهها لطلاب الثانويه.. اقولهم ابدوو من اليوم بالمذاكرهـ لان ماينفع الندم اذا جبت العيد بتقولون ياليتنا بدينا بدري و بالتوفيق لكم يا رب وإن شاءالله تكونون من أهل النسب العالية موفقين ياربــــ .,,. ][ يارا , وجدان ][ مشاءالله موضوع متكامل وجاء بوقتة يا أصحاب الأقلام الذهبية موضوع رائع وومميز دمتم مبدعين دوما ً ودام الابداع عنوانكم تحياتي لكم ( ) التعديل الأخير تم بواسطة .. فــهد الســـهلي .. ; 21-05-2008 الساعة 01:26 PM

21-05-2008, 02:38 PM	#9
~ Đ ε ε ṁ قلم واعد	رد: \|\|..Don,t worry..\|\| .... يـــوه ودي اصيح أحلى لحظات العمـر عشتها بالثانوي بس ثالث غيــر هستــرة ونفسيـة ع اصولها ياما بكينا وتهاوشنـا وانضغطنــا وحلمنــا وتزاعلنــا وتصالــــحنـــا كله بسبب هالنسبـة وهالوزارهـ .... س1/ كيــف كانت استعداداتكـ لأمتحانات الثانويه او كيف هي طريقتك في المذاكرهـ ؟!! شوفوا يا بعدي أنا كنت اذاكر اول بأول أساسا كان اختبـاراتنا شبه يوميـه يعني حتكون مراجعـه بس عـاد اذا توترتوا هنا المشكلة راح تضيعون كل شيء ذاكرت الاحيــاء من قلب قلب قلبــي لأن مشكلتي الحفظ وختمتــه قبل الامتحانات الرياضيات خليت له اسبوع بس ما كفــى البنات انواع الصياح وانا طلعت اضحك فرحانة لاني افتكيت منـه ختمت مواد الدين والنحــو وذاكرت كم من فصل في الكيمياء والفيزيـاء يعني الحمدلله راضيــه عن نفسي ولا أنــا ندمــانه ع شيء ندمانة اني ذاكرت بس <= .... طريقتي ف المذاكــرة بما ان مشكلتي الحفظ واللي الى اللحين اعانـي منها مـا عندي حل الا التلخيص يعني افتح ورقة واكتب عليها تعاريف واحفظ التعريف بالشخبطـة حتى يرسخ وارجع ادونـه بهالورقة وكل تعريف يمر نفس الطريقة كذا يصير جمعت التعاريف في ورقة ونفس الشيء التعداد - التعاليل س2- كلمه توجهها لطلاب الثانويه.. أول شيء توكلـوا ع اللـه اذا حسيتوا انفسكم مو قادرين تكملون مذاكرة أقروا قرآن وارجعوا كملوا والله بتحســون براحة ونفس للمذاكــرة هالاسبوعيــن ذاكروا مو شرط تختمون مواد حتى لو فصول صعبه عليكم يكفي حددوا وقت وياليت بهالحـالة يكون جدول واحلى لو كان أحد يمشوا معاكم ع نفس الجدول يعنــي اقصد اصدقـاءكم ولا تفكرون في الخصوصي ابــدا لأن ما راح ينفعكم هالايام راح تخربطون وتضيعون اعماركم احصروا انفسكم في اشياء محددة لا تجمعون اوراق وملخصات وتشتتون انفسكم وانتـم تذاكرون خلوا ف بالكم ان هالمادة اخر مـرة راح تذاكرها لا تذاكرون ف مكان فيه ســاعه ***** اذا خلصتــوا اخر يوم بتجيكم حالة ودكم تصرخون هذي حالة طبيعيـه صــرخـوا بس شوي شوي عشان الجيوار لا يسمعونكم أستمتعـــوا بوقتكم هذي أحلـــى الايام بتعيشوهــا وبالتوفيق لنـا ولكم .... يـارا ,, وجــدان شكــرا ً لكمــا** .. التوقيع: : اللهم لك الحمد كما ينبغي لَـ : جلال وجهك وَ عظيم سلطآنك :

21-05-2008, 09:05 PM	#10
A L- b e r w a z مصمم خبير	رد: \|\|..Don,t worry..\|\| . . موضوع عظيم وفيه تجارب رائعه ، اتمنى ان يستفاد منه كل الشكر للقائمين على هذا الطرح . . التوقيع: . . Withdrawa . .

22-05-2008, 02:19 AM	#11
Qaswa قناص جديد	رد: \|\|..Don,t worry..\|\| ؛ يوووووه حنيييت لأيآآآآم الثانوي! من أحلى المرآحل الدراسيه.. استمتعوا فـ كل لحظه فيهآ ! ... تساهيل؛ والله يوفق الجميع~ ... يعطيكم العافية. ؛ التوقيع: { رَبِّ اشْرَحْ ليِ صَدْرِي}

22-05-2008, 05:20 AM	#12
‏Naif AlMussaibeh . . : زعيم القناصين : . .	رد: \|\|..Don,t worry..\|\| * * * أولاً انا الحمدلله يا شيشة بالمتوسط بس كلمة لطلاب ( الثانوي ) من الحين اتركوا النت واهتموا بدراستكم وخلصوا أول بأول .. حتى لو كنتم أصحاب مناصب بأمكانكم اخذ اجازة من مراقبكم وقولوا بذاكر وما أظن مراقبكم نذل بالعكس بيهتم لمصلحتكم .. ووووووووووبس

22-05-2008, 05:41 AM	#13
صعنطوطه قنــاص مبــدع	رد: \|\|..Don,t worry..\|\| ^^ ^^ لاحضتو ان كل ابوكم علمي .. ليتني بتلت علمي تراي دخلت دقيقه وطلعت لأقرب مخرج على يدي اليمين يوديني للأدبي ماشاء الله ماشاء الله .. وشذا الزين يارا \ وجدان تمنيت اني في ثالث عشان استفيد من تجاربكم ( فيس حمار بقوه)<-- ,’ وه بس ياثالث ..الله يعينكم ويسهلكم اسئله الوعين الوزاره تراهم مهما صارو حلوين نسميهم وعين ,.. لان العاده جرت ! من جد مرحله انوع المدري وشو .. احس جوها غير , كآبتها \وناستها \ دراستها..كل ابوها غير.., زي جدهـ بالظبط ..مع استبعاد النافوره <- بدت تشطح. وشسمه هذا .. ياشين اذا صار عندك في العائله خمسه ثالث بنتين , ثلاثه تماسيح, اربعه ببسي , وزياده كتشب وماك صوص وبعدين انتم هالسنه حوسه واجد اختبار قدرات للبني ..وحالتكم حاله .. بس مدري ليش متفائلهـ , ان اموركم ميسره <- جرعه تفاؤل ,’ س1/ كيــف كانت استعداداتكـ لأمتحانات الثانويه او كيف هي طريقتك في المذاكرهـ ؟!! استعداداتي كانت نفسيه اكثر من ماهي فعليه اسلوب التكرار يعلم الحمار كنت استخدمه قبل الاختبارات بفتره , لان بعض النقاط مايمديك تحفظها في وقتها طريقه مذاكرتي مثل حركه (محامي) \ الكتابــهـ , والله وانت تكتب تثبتها اكثر من وانت تقرا اسأل مجرب ولاتسأل واحد مابعد جرب , يعني بدال ماتسترجع اللي حفظته او فهمته ..ذهنيا اكتبه في الورقه ..!! كنت اذاكر الليل.. النهار اوعع الاشياء عندي , الليل هدوء ومايمديك تقول بسولف مع ذا ولا ذا ولا ذا انطق بغرفتك والكتاب امامك والدفتر امامك من اليمين ..والقلم في يدك اليمين والجوال على نشيد المقناص وبلا ثالث بلا هم <<----- بتخربهم س2- كلمه توجهها لطلاب الثانويه.. (( اذكروني اذكركم)) موب اذا ركبو الفلك دعو الله .. دعاء ( اللهم لاسهل الا ماجعلته سهلا وانت تجعل الحزن اذا شئت سهلا ).. و ( اللهم علمني مـاجهلت وذكرني مانسيت ).. خلوها كل ابو دايم معكم .. وربكم يعين ان شاء الله ,, وتذكرو ان درجاتكم ونسبكم ووين بتدخل واي قسم واي تخصص مكتوبلك قبل لاتولد ..كل اللي عليك ( تسوي اللي عليك \ العمل بالأسباب ) وقدر الله ومــــاشاء فـعــل .. ,’ لاترد على احد قبل الإختبار ومن بعد الفجر ويقولك ترا الاسئله تسربت ومدري وشو وقسم تطير كل ابو معلوماتك , وماتطلع نفس الاسئله <--لابوس يابنت عمتي خلك في مذاكرتك وكل واحد يواجه مصير حفظه لحاله .. ’, شريت كتب من مكتبه مدري وشو المهم انهم ملخصين كل الكتب على شكل سؤال وجواب تراه لحسه مخ لحد يجيبها .. الله يخلي كتب الحكومه ,’ لاتطلع الا آخر واحــد <---- انواع الاستقعاد في القاعه :: اخر شي ..\ يارا \ وجدان ...دوكم تسلم يمناكم على هيك شغل , مادكم تحطون للعاطلين كيف تتحمس وتكمل طراستك ياكثري .. سلامون عليكم . . التوقيع:

22-05-2008, 08:45 AM	#14
@ـلالية كيـgggت قناص مميــز	رد: \|\|..Don,t worry..\|\| * * وش نسوي حنا يعني نصيـح ؟ <-- وقسم ننرحم حنا ياحقين الثانوية لا وعلمي بعد أحس الأدبي مرتاحين احفظ وامش اما حنا لو نكرف كرف ابليس بخلق الله ماجبنا نسبه زينه مع هـ " المعدل التراكمي " ظلم والله هالمعدل .. ينزل الدرجات بالحضيض.. والحين صارت الأسئلة من المدارس لكن ( بنموذج وزاري ) يعني طريقة الأسئلة كأنها وزارة تماما بس من نفس المدرسة .. ! على قولة " وليد الشامي : (( عليـّـا بلاوي الناس والدنيا عليـّا .. وش بيديـّـا على المكتوب يادنيا وش بيديـّـا )) <- متأثره وشسمه موضوعكم يريح اللي مايرتاح وربي إذا سمح لي الوقت برجع وأفصل بردي إن شاء الله.. يعطيكم ألف ألف عافيه .. ، * * التوقيع: . . after all these years it seems to be that there is a new person inside me it's same that person but with a little bit of Life experiences H.C.J

23-05-2008, 12:02 AM	#15
أنــــا إنــــت . . : زعيم القناصين : . .	^ ^ يالبى هالطله بس .. هلا وغلا يارا ووجدان ، الاقلام الذهبيه قريبا <- اسمع بالتشويق موضوعكم شي والله ، واهم مافيه طرق دراسة الدوافير خخخخخ ~ اروما ، اجل بالحوش هاا والله شي مو طبيعي ومع رووعة الجو ، شي يقدر الصراحه خصوصا لمه تكون الماده حفظ بحفظ .. .. و بالتوفيق للجميع ان شاءالله ،، شدوا حيلكم ولاتشيلون هم الماده ، تهون بإذن الله والله يسهل عليكم .. ~ يارا ووجدان عوافي يابطلات ..