نُسّـقـت على شكل مواضيع متفرقة .. أتمنى أن تنال استحسانكم ..
هي لكــم ..
صديقتــي وبس ... والباقي !!
في الثانوي .. وفي الكلية وحتى أيام المتوسط شفت بنات اعتبرهم غريبين رغم كثرتهم !! تجيك الوحده من تصرفاتها تقول صديقتي هي أحسن شي و أهم شي والباقي غير موجودين ..!! حتى أخلاقها .. مع صديقتها تجيك مافيه احسن منها لكن تجي بنت ثانية تكلمها ....... تقول تشحذ منها !!
أقولها مثلاً .. : لو سمحتي بأمرّ و هي جالسة في الطريق .. تطالع بطرف عينها وتقول : يوووه كل شوي وحده تمر << طيب الطريق للجميع مو لك ترى .. و تجي صديقتها قايمه تفز لها ذيك الفزّه !! طيب والبشريه اللي يمرون !!
ماعندي مشكله في علاقتها مع صديقتها .. هي حرّهـ .. عتَـبــي ليه مدام تعرف الأخلاق تطلعها مع ناس وناس !!
اسلوبـــــ !!
قناة فضائية كنت اتابعها سابقاً .. لازلت أمر عليها احياناً إذا فضيت .. هي تعتمد كثيراً على الرسائل النصيه .. طلبات فساتين .. سؤال عن محلات .. سؤال عن خلطات تهـم الحريم .. حل مشاكل .. تفسير أحلام و غيرها و غيرها .. اللي يضايقني فيها .. بعض الرسايل اللي تعبرعن زعل بعض المشاهدين يجي هجوم من بعض الناس .. مضمون رسايلهم ليه تهتمون بالدنيا ؟! .. الدنيا فانيه بنموووت خلااااص قوموا صلوا ما ينفعكم اي شي .. اتركوا كل شي روحوا استغفروا .. ؟!!!! صحيح الإستغفار مهم .. صحيح إن الصلاة عماد الدين .. لكن مو بهذي الطريقه النصح .. والتذكير .. مو كذا .. هذا تنفير .. و الناس ما سووا منكر .. وش صار لو وحده سألت عن محل ذهب ؟! ولا كوافيره .. ولا خلطه شعر ؟!!
تبغى الخير للجميع .. الله يجزاك خير .. انصح ذكّـر .. بطريقة واسلوب افضل .. بس لا تخوف الخلق كذا ..
حزنـي فـراق أقـارب راحـوا مـراح بلا رجـوع !! اسكنتـهـم عهـد الثـرى و أحبّــهم (( قـبــر ))(( قـبـــر )) ..
لكل من مر في حياتنا .. ترك بصمة ولو كانت قديمة .. بعض الشيء .. قوية .. أو مجرد مرور .. إذا اعتقدنا إننا نحبهم فعلاً .. وشعرنا بمكانهم اللي ماحد ملاه بعدهم .. أقل ما نقدم لهم .. دعوة صادقة .. تصلهم إن شاء الله .. اذكرهم بالخير حولك .. إنسى أي شي يضايق سووه .. تعذّر لهم عما فعلوه .. لأن عملهم انقطع الحين .. وباقي عملنا .. وش يجيهم منا ؟! هل نستحق معرفتهم .. ووجودهم اللي منّ الله علينا به ؟! ولا احنا بمجرد ان يحجب شخص عن نظرنا ننساه !!.. هنا يطلع الصدق .. فلنثبت الحب .. أمواتنا ينتظرون دعائنا فلا ننساهم ..
خــلـــوة مع النفس ..
عند الإنفراد بالذات .. نتأمّـل .. نفكّــر .. ندعي .. نتذكّـر .. قليل منّا يراجع نفسه ويحاسبها .. على كلمة ضايقت اللي حوله .. تصرف بقصد أو من غير قصد .. كل ماقد يجرح ويضايق أهلنا .. أخواننا .. أصدقائنـا .. أو من نحبــ يمكن يجي يوم ومانشوفهم .. نحاول أن نوصّــل اصواتنا لهم .. نحاول أن نتعـذر .. نبـرر .. ما نقـدر ..
قلّــه .. الذين يبحثون و يعترفـون و يعتـذرون ..
قد يكون الطرف الآخر ينتظر مبادرتك فلا تتأخر ..
لكم حرية التعليق والرد و الإعتراض على كـل ماكتـب ..
(( كل ما كتب يحمل فكري ..و تعبيري .. عذراً على التقصير فهذا أول موضوع لي ))
24-05-2008, 01:09 PM
بـأطّـوع الحـرفــ العنـيـــد ..
العرض الشجري
