|
كلمات البوم روح روحي لملك الفن ( خالد عبدالرحمن ) كاملة
السلام عليكم لا يكفي ان اقدم او اذكر من هو هذ الفنان يكفي ان اسمه خالد عبدالرحمن ملك الطرب وللفن عنوان بالعربي سيد هذا الزمان أغاني الألبوم : روح روحي كلمات /خالد بن سعود الكبير الحان / خالد عبدالرحمن توزيع / ابراهيم الراديو ياروح روحي عليك الروح متولعه والزمن جاير لاجيت يمك ابي اروح حظي وقف لي على العاير اسهر واعد النجم وانوح والقلب من لوعته طاير ياليت عين الرقيب تشوح وياليتني عندكم زاير افرح بشوف الرشا المملوح اللي عليه البها حاير البعد بلوه على المجروح والحظ يااهل الهوى باير وداعك حي كلمات / مخاوي الليل الحان / خالد عبدالرحمن توزيع / خالد عبدالرحمن وداعك حي ولاتحصى الخساير خطية ياليتني امحي اثرها انا ماسقت لفراقك بشاير ديار الحب قلبك ماعمرها ابرحل واعتبرني طيف زاير سبع ليلات لعيونك سهرها وروّح ماترك غير العباير ودمعات الالم تجرح نظرها بـ امنك العيون ولا انت جاير ثمار العاطفه احفظ ثمرها حداني ماحدا بحت السراير وبحت السد ماهمي خطرها حبيبه قلتها بإحساس ثاير رجل يقنع فتاته ماقدرها على هالحب اسدلت الستاير تغيب الشمس ماعوض قمرها جت يداعبها كلمات / سمو الأمير محمد بن عبدالعزيز الحان / احمد الفهد توزيع / عمرو عبدالعزيز جت يداعبها الخجل قبل الكلام لين ضاعت سالفتها من الخجل عز في همسة شفايفها السلام كيف باقي سالفتها تكتمل في ملامحها تفاصيل الغرام وصمتها شوق واحاسيس وغزل جت تصب النور في وجه الظلام تهدي الخفاق لحظات الامل في شفايفها حديث الصمت دام في حشاها جمر الاشواق اشتعل ودها مره تنادي للهيام ودها لكن يعاندها الثقل غيمة العشاق وبروق الغمام لهفة المشتاق احلى من العسل http://www.arb-up.com/files/arb-up-2008-1/XWJ14493.gif ياهلا كلمات / مخاوي الليل الحان / خالد عبدالرحمن توززيع / خالد عبدالرحمن ياهلا باللي ينور دنيتي صوته كيف لو جيتني وشحال هالدنيا ان هرجلي يريح نفس مكبوته وان ضحك لي يزف الروح للعليا انت ياحب قلبي صرت له قوته وانت يانور عيني اجمل الطريا صورتك ياحسين الوصف منحوته يااكمل الناس عندي واجمل الحليا http://www.arb-up.com/files/arb-up-2008-1/XWJ14493.gif صغير السن كلمات /خالد بن سعود الكبير الحان/ نبيل الغانم توزيع / نشوان انا لاشفت وجه البدر كامل خفوقي من تحت ضلعي نهسني ذكرت اللي جماله مايجامل على الزينه حسنه زاد حسني صغير السن تو الغصن حامل غريب السحر شيطانه لبسني نحيل الخصر فيه الملح شامه فتور الحظ والاجفان وسني غرير شايش بالزين عامل على معلوق قلبي ماعمسني نهبني نهبة السارق الهامل وفي بحر الهوى راح وغمسني انا الغرقان في حبه وآمل يجيني منه عطف يلتمسني وينقذني بغصات الانامل الى جاني وبيدينه لمسني http://www.arb-up.com/files/arb-up-2008-1/XWJ14493.gif اغار كلمات / مخاوي الليل الحان / خالد عبدالرحمن توزيع / ابراهيم الراديو اغار والغيره تحكم المشاعر سلطانها اقوى من احساس واثق ياكل الغــرام انت ياكل الثقـــــه انت ومافي الحب اي تعريـــف يعفينا من الغيـــــــره بيني وبينه شك موت الف حساد والشك عندي مات والوقت شاهد وكل مافي الامر اغار قلتها بـ إحساس واثق ياكل الغرام انت ياكل الثقه انت ومافي الحب اي تعريف يعفينا من الغيره ذوق روحي كلمات / مخاوي الليل الحان / خالد عبدالرحمن توزيع / طارق عاكف لياك تستكثر علي جيتك لي ادري مثل مااشتقت لك انت مشتاق احسن لك احضر يالغظي واعترف لي وانا بسامح والعتب حر الاشواق عسى وصالك بالهوى ينكتب لي يبل روحي بالوصل بل الارياض ترى العمر من دون قربك تعب لي ياذوق روحي انت يارمز الاذواق وابيك لاقلت اعشقك تستمع لي صحيح مشتاقك مثل ماانت مشتاق الهوى والنور كلمات / مخاوي الليل الحان / خالد عبدالرحمن توزيع / وليد فايد جميل الصدفه اللي جابتك حي الهوى والنور عليك اجمل مسى مسيت عطني منه قنطاره احيي فيك ذكرك قبل شوفك والنبا مغمور واحيي فيك عطرك واسمك اللي ماليٍ داره انا من مات حي لا طعن ولا منحور صويب العين مايبرى غدى قلبي لك الشاره بغيت امشي واحس انه غدا مني القدم مبتور بغيت اقف واشوف عظام كل الجسم منهاره انا من خانته عبرة فرح ولا ضحك مسرور يضيق به النفس وده يقول من الحكي خياره اشيل غناي لك عرضه وابدل به على المجرور وامول من طواريقي على عشاق سماره ابكتب من قصيد الوزن وغيره من شعر منثور انا لك شاعر يكتب وشعره نقوة افكاره الا ياغايب عني مع حاضركم الدستور خيالك مايفارقني بفكري دق مسماره الى من ضقت اسولف بك على نفسي وانا مقهور واقول الوقت مايعطي على مااريد واختاره عليك اقبل ومنك اقفي ولا بينت لك محظور اخاف عيون بعض الخلق ترقبنا وسباره وجدك الله ياحسن كما التحفه وانا جمهور انا المبهور من حسنك وانا من خطفت ابصاره ومنك العين تامرني وانا لك طايع مامور على وصلك غدا حظي هوين وقصرت اشباره اشوف ان الحسن عقبك ولو يذكر غدا مكبور يقال انه حسن والا انت كل الزين وابهاره لا يابو عيون حق وبعض الوصف خرس حور عليك الصوت ماهو صوت كما ترنيم قيثاره بقى قصرك على فالك عساه بطلتك معمور تمشى بردهته حافي وتحيا عقبك ازهاره بريح المسك والعنبر تخالطهم زراق بخور الى اقبلت جا قبلك ولا اقفيت عدا استاره على هالبوح والتلميح راس المال صدق شعور وصدقني ترى فكري عقب طيفك محد زاره انا باسالك تعذرني عساي بطلبتي معذور اشوف الوقت مايعذر ولا في الناس عذاره ذكرت اليوم والساعه ورحلة عمر يامستور ذكرت الله في خلقك خلقه الزين واسراره اعرف اني مـ انا بـ اول ولا اخر واحد ماسور واجمل ماملكته منه طيف دام تذكاره الا ياليت لي قلب يطيع الراي واهل الشور ضحية موقف عابر ورحلة سفر طياره وكان الوقت عصريه تعدينا حدود السور ويم القاهره طرنا بجو حافل اخطاره مقاعدنا باخر صف ومقعد سيدي مشغور على يسراي كان هناك اشوف اطباع جباره اشوفه كل هالفتنه ثقل عقل وسلوك طهور حصين محصن شامخ يبيّن كبر مقداره واشوفه ديمتن تحيي نابت الارض بالممطور بغيث يوم اشاهدها وجرفني فيه تياره ذهل لي مبرم العاتق وشلال الشعر موفور وذاك المبسم الوردي بلون الزهر قطاره وقد اطرق هايف رشيق وخاصر مضمور قوام اعتدل طوله يثير قلوب جباره اغني واعتني بذكره ولا اطمع كورد بالميسور وعودي كم شكى مني بعزفي تبكي اوتاره احبك والهوى جاير وبحت السر لك بسطور وقلبي ماسلا عنك ولو يتعبه مشواره ابرسل لك مع النسمه سلام الخافق المكسور عسى يجبر عزاه انك تجيه وتنطفي ناره اعرف النفس تواقه واعرف اني مـ انا مسحور ولكن سحر زينه صار ياخلق الله شعاره انا والليل والهاجس قطعنا بالخيال بحور ابي منهو يوصلني ومن يعطيني اخباره اخوكم علي القحطاني |
رد: كلمات البوم روح روحي لملك الفن ( خالد عبدالرحمن ) كاملة
انا ما احب خالد عبد ارحمن بس عشانك برد:d
مشكور على الكلمات تحياتي لك p13 |
رد: كلمات البوم روح روحي لملك الفن ( خالد عبدالرحمن ) كاملة
ياروح روحي عليك الروح متولعه والزمن جاير لاجيت يمك ابي اروح حظي وقف لي على العاير اسهر واعد النجم وانوح والقلب من لوعته طاير ياليت عين الرقيب تشوح وياليتني عندكم زاير افرح بشوف الرشا المملوح اللي عليه البها حاير البعد بلوه على المجروح والحظ يااهل الهوى باير سمعت ذي الآغنيه بس مرررهـ ضعيفه والله :d انا مااحب خالد عبدالرحمن << واحد قال حبي خالد !! :d عوآفـي يا هلالي بس لاتمدح خالد كثير (F) (F) :d |
رد: كلمات البوم روح روحي لملك الفن ( خالد عبدالرحمن ) كاملة
والله الصراحه
ماسمعت الا أغنية وحدها اللي هي روح روحي والأغنية أقل ما يقال عنها بطلة احس ان الكلمات حلوه لاكن راح اسمع الشريط وارجعلك عوآفي هلالي من ميلادي |
رد: كلمات البوم روح روحي لملك الفن ( خالد عبدالرحمن ) كاملة
http://gigaup.net/uploads/03c51ae2ff.jpg P9 :$ مااره شكله خيااال ................ خالد هو الفن ( فنان العرب P9 باقي ماسمعت الشريط اذا خلصت امتحاناتي بسمعه http://www.yaser20.com/vb/images/icons/icon7.gif واكيد حلو مافيه كلام هلالي من ميلادي شكرا على هالموضوع الخياال CC لكـ |
رد: كلمات البوم روح روحي لملك الفن ( خالد عبدالرحمن ) كاملة
:
يعطيك العافية هلالــي ماقصرت (F) الالبوم سمعته مرتين تقريباً .. بس للآسف ماجاز لي :(: اعتقد ان هالالبوم هو مواصله لفشل ابونايف باخر 3 او 4 البومات :(: بالالبوم كله ماتلقى الا اغنيتي او ثلاث حلوات .. والباقي × بااايخه جدا ً .. احلى مافيها انها بالعود P9 P9 ليت كل الالبوم بالعود P9 حليوه ومش بطاله .. حلوه P9 بطله كم جد P9 حلوه كثير .. كلمات ولحن P9 اقدر اقول انها .. احلى اغنيه بالالبوم P9P9 يعني عاديه .. مش بطاله اوي .. عاديه جدا ً بايخه p7 طويله على غير سنع p6 اللحن بايخ .. .. الالبوم بشكل عام .. اقل من عااادي .. واقل من مستوى ابونايف بكثيير .. كـ كلمات حلوه .. لكن الالحان وآداء خالد فيها اقل من عاادي .. باخر ثلاث او اربع البومات .. صحيح انها بايخه .. لكن تلقى اغنيه او ثنتين تصير حلوات P9 وتصير توب .. وتصير حديث الناس لفتره .. مثل " حظ عينــي " بالالبوم اللي راح .. لكن هذا ماشوف فيه اغنيه توب .. كل الاغاني مستواها قريب من بعض .. ابونايف الله يصلحه كل ماله يدحدر p13 عوافي هلاليه مره ثانيه (F) |
رد: كلمات البوم روح روحي لملك الفن ( خالد عبدالرحمن ) كاملة
صحيح انا من معجبين خالد بس بصراحة البومه ابدا مايليق باسم خالد ..
تبون خالد عبدالرحمن من جد اسمعوه اول .. مشكلة ابو نايف مايغير على رتم واحد :/ انا انصحة يعتزل عشان يحافظ على اللي قدمة اول :/ عوافي خيو (F) |
رد: كلمات البوم روح روحي لملك الفن ( خالد عبدالرحمن ) كاملة
p7 ولا زال مسلسل السقطات مستمر أبو نايف وش ذا وش صار لك هذا رابع ألبوم ينزل ومو بمستواك p7 أنا ما أعجبني إلا أغنية صغير السن و وداعك حي والباقي عااااااادي أبو نايف ::G> متى ترجع زي أول عوافي هلالي (F) |
رد: كلمات البوم روح روحي لملك الفن ( خالد عبدالرحمن ) كاملة
ماعندي تعليق عالألبومات لأني ما أسمع لخالد
هههههههههههههههههههه وين راح فنان العرب محمد عبده .. |
رد: كلمات البوم روح روحي لملك الفن ( خالد عبدالرحمن ) كاملة
اولا اهنئ الكيان الخالدي بالالبوم الجديد ((روح روحي)) بصرااااااحه االالبوم بشكل عام رائع وملك الفن بيض الوجه وكانت مصافحه حلوه مع جمهور طبعا انا بتكلم عن الاغاني بالنسبه ل روح روحيP9 اعتبرها حلوه من نايحه اللحن والكلمات * وداعك حيP9 هذي توب واقول بوسه ع الرأس يابو نايفP9 ويكفي انها كلمات ولحن وعزف ملك الفنp13 * جت يداعبهاP9 اغنيه خورااااااااااااافيه ((جونان))P9 بالعربي توب التوب يعني اكيد راح تنافس الاغاني بالتوبات * الهوى والنورP9 بصراااحه ككلمات هي قووويه بس تمنيت ابو نايف كان نوع باللحن فيها لانها طويله واصبح اللحن ملل على لحن واحد بس انها حلووووهp13 * صغير السنP9 هذي طلعه قوووويه وخطييييره منك ياخالدP9 يعني الاغنيه بطله من جميع النواحي ::D * اغارP9 الاغنيه هذي انا سمعتها على العود وكانت افضل بكثير * ذوق روحيp7 كلمات حلوه ولكن لحن وتوزيع اقل من عادي ابو نايف بصراااحه ماجازت لي ذا الاغنيهp7 * ياهلاP9 كلمات ولحن وصوت ابو نايف فيها خقق رجعتنا على ايام ضويت واهلا هلابك بصرااااحه توب ذا الاغنيهP9 وبالاخير اتمنى لملك الفنP9 التوفيق بالايام القادمه واقول ابو نايفP9 ماقصرت البوم يبيض الوجه (F) |
رد: كلمات البوم روح روحي لملك الفن ( خالد عبدالرحمن ) كاملة
يعطيك العافية
|
رد: كلمات البوم روح روحي لملك الفن ( خالد عبدالرحمن ) كاملة
مشكووووور
تغطية رائعة تحياتي QNAS 20 QNAS |
رد: كلمات البوم روح روحي لملك الفن ( خالد عبدالرحمن ) كاملة
الالبوم روووووووووووووووووعه وكل الاغاني حلوه ويكفي انه اسم صاحب الابوم هو ملك الفن والاحساس خالد عبدالرحمن
|
رد: كلمات البوم روح روحي لملك الفن ( خالد عبدالرحمن ) كاملة
روووووووعه تقبل تحياتي
جمس بوند |
رد: كلمات البوم روح روحي لملك الفن ( خالد عبدالرحمن ) كاملة
ياهلا باللي ينور دنيتي صوته كيف لو جيتني وشحال هالدنيا ان هرجلي يريح نفس مكبوته وان ضحك لي يزف الروح للعليا انت ياحب قلبي صرت له قوته وانت يانور عيني اجمل الطريا صورتك ياحسين الوصف منحوته يااكمل الناس عندي واجمل الحليا يــالبى قلبكـ يابونآيـــف pb189 |
| الساعة الآن 11:51 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0