انتشـرت بالآونـة الآخيـرة قصص وروايات بـ عالم النت
اللي يجي يتفلسف ويقول مب الاخيرة اقوله طيب مبروك ..
انا اكتشفتهـا بـ الآخيرة .. <- جايه تهاوش
روايـات عشنـا معهم حياتهـم تأثرنـا معهم صحنا معهم وبدونهم ..
وكانـت طويلـة مره وبعضهـا وصل لـ 1000 صفحـة بالورد ..
وكـان أغلب اللي مريت عليهـا باللهجـه العاميـه
واتوقـع هو اللي سبب نجاحهـا
بهالموضوع راح نتبـادل القصص اللي قرأنهـا
كل واحد يحط القصص والروايات اللي قرأهـا
أي روايـه حطهـا لا تبخـل علينـا ..
" بالعاميه / فصحى "
يوم تحط الروايـه في شروط ..
1 / الروايـه حطوهـا بالمفكره ونزلوهـا بالموضوع
لاحد يسوي نفسه نبيه ويحط لنا رابط موقـع ثاني طيب. !
2 / وتحطون لنـا نبدة مختصره عن الروايـه .
انا ببدأ انا بـ روايات اثرت فيني ولا قدرت انساهم ..
" بشروه إنـي أبرحـل "
روايـه اتوقـع ما بقـى أحد من قرائهـا ..
واللي للحين ما قرأها لا تفوتـه ..
بجد اتعـس روايه قراتها واروعهـا
نبدة عنها هذا يقولكم ياطويلين العمـر ..
القصه تصير بين الكويت والرياض ..
تصير بـ بطلـه الروايه واهلها حادث
بـ طريقهـا للرياض ..
ويموتون كلهم وتبقـى مهـا لحالها ..
مها طبعاً البطلـة ..
ويجي فيصل يشوف الحادث ويسعفهـا
للمستشفـى ..
وبعد فتره يتزوجهـا وامه مب راضيـه عليه
وتبدأ الأم تحرض فيصل على مهـا
هل بتنجح ولالا ..؟!
وش بيصير لـ مها ؟!
كلهـا راح تكشفهـا لكم الروايـه عندما تقرئونهـا
ابطالهـا خالد ومها
خالد الولد الثري يروح يخطب مها
اللي شافتهاعمتـه وعجبتها وكانت حالتها الماديه عادي
مبسوطه لكن مب مثل خالد ..
وخالد كانت بـ ايام الثانوي يحب سلمي بنت عمه وكذا
وتصيـر احداث وبلااوي مره حلوه بعد لا تفوتكم ..
" قُمر خالد "
هذي باللهجه الكويتـه ..
ابطالها خالد و قُمر ..
خالد يحب ندى اللي عاش معها ايام دراسته بـ لندن
وقُمر انسانه طموحـه ما تفكر بالزواج وتبي تكمل تعليمهـا
وصارت مشاكل بين الأهل وماراح ترجـع العلاقات كويسـه
الا بـ زواج ..
وكان الضحايـا قُمر وخالد .. تزوجوا الاثنين وانغصبوا على بعض
وش بيصير بعدين راح يحبون بعض .؟!
وش بيصير بخالد .. بيرجع لندى ولا يضيعها ويروح لـ قمر اللي ماتبي هالزواج .؟!
واحداث غيـرها كثيـــره ومثيره لا تفوتكم ..
هذي طوووويلـة مره ..
لكنهـا رووعـه ..
القصـة تدور حول عدة شخصيات
بيت ابو ناصر بعد اكثر من عقد يكتشون ان معهم بنت عم " شوق "
يجبونها البيت .. اللي تتفاجأه يوم تجي ان معهـا عيال ..
ومن بينهم فهد اللي يحب شذى .!
وش رراح يصير بينهم .!؟
وندى اللي تحب ولد خالتها وهو ما يدري عن هوا دارهـا .
وواحداث كثير راح تشوفنها معهم