قصيدة بمناسبة فـوز الزعيم بكاس الدوري .. للشاعر عبدالله التميمي
 

القصيدة للشاعر عبدالله التميمي .. .. ..



(( الزعامة مالها غير الزعيم ))

الهلالي دائماً فوق العلالي
والعلالي ماله غير الزعيم

والزعيم اليوم من الفرحه ينادي
من يلاقيني ترى جاه الجحيم

وللبطوله منت كفوٍ يا اتحادي
توك صغّير تعلم يا غشيم

ومن تحداني ترى يلقى عنادي
ودايم ( الأول) وهذا من قديم

رغم كيد وغش من اللجنة وهادي
فيصلا لاقى من الأزرق حميم

وكثرت الأعداء ولكن ما أبالي
العقل والجسم في الأزرق سليم

من يلاقي الموج يغرق في المجاري
الزعيم اليوم في القمة مقيم

ويا بلادي افرحي ذا الموج عالي
والزعامة ما لها غير الزعيم

وبندقي جاهز ويدّي في زنادي
والأعادي صابها السهم الأليم

وزادت الألقاب وحبي في ازديادي
وأحمدك ياربي المعطي الكريم

وسبعة مع أربعين وزاد زادي
وازديادي زاد لي كأس عظيم

وإن تصدّقنا ترى هذا حلالي
قد تصدقنا على (النصر) العقيم

ويا الهلالي لا يهمك من يعادي
ما يلاقي الموج سوى الغرّالسقيم

والهلالي دائما فوق العلالي
و الزعامة مالها غير الزعيم

و التميمي جاء يهني كل هلالي
ويطلب الله فرحة عسى تديم

والزعامة في الرياضة للهلالي
والزعامة في الشجاعة لتميم
<!-- / message --><!-- sig -->

رد: قصيدة بمناسبة فـوز الزعيم بكاس الدوري .. للشاعر عبدالله التميمي
 

اريد قصيده عن كل لاعب هلالي مجموعه في قصيده واحده والى الامام و مشكور على الجهد الكبير

رد: قصيدة بمناسبة فـوز الزعيم بكاس الدوري .. للشاعر عبدالله التميمي
 

[QUOTE]وإن تصدّقنا ترى هذا حلالي
قد تصدقنا على (النصر) العقيم[/QUOTE]

صح لسان من قالها ويعطيك العافيه صاحب الموضوع

رد: قصيدة بمناسبة فـوز الزعيم بكاس الدوري .. للشاعر عبدالله التميمي
 

رغم كيد وغش من اللجنة وهادي
فيصلا لاقى من الأزرق حميم
صح لسانك يابطل
والبطل ثابت والبقية متحركون رغم انوفهم
يعطيك الف مليون عافية يالغالي

رد: قصيدة بمناسبة فـوز الزعيم بكاس الدوري .. للشاعر عبدالله التميمي
 

صح لسانك..

ومشكور على القصيده الحلوه

ودمتم...

رد: قصيدة بمناسبة فـوز الزعيم بكاس الدوري .. للشاعر عبدالله التميمي
 

مشكوووووور

من زماااااان واناااا

ادووور القصيده

رد: قصيدة بمناسبة فـوز الزعيم بكاس الدوري .. للشاعر عبدالله التميمي
 

صح لسانك ياعبداله التميمي
ويعطيك العافيه
وتسمحلي ألحنها
ههههههههههههههه