مساكم خير
ما سأتحدث به ليست قصة نقلتها من احد المنتديات ولا من خيالي الواسع إنما سمعتها من قريبي
الذي حدثت له شخصيا يقـــــــــــول:
في احد الايام وبعد الغداء اشارت علي زوجتي بطلعة للبر ...مشينا وطلعنا بر يبعد بالكيلوات عن الرياض
المهم انو حول الغروب وانا اطالع للشمس تبي تغرب جبت الطبل من السيارة وقعدت
اطبل ( فلها اخونا بالله)
جتن زوجتي وقالت فلان الله يخليك نزل الطبل شوي وخلنا نقرا المعوذات
هنا انا استحيت ونزلته وقعدت اقرا المعوذات الاخلاص والفلق والناس ....
قعدنا الى بعد العشاء بعدين مشينا راجعين
وهنا صارت الطامة!!! ياليت كل واحد يحط نفسه مكاني
مستعدين تراه قوية
وحنا ماسكين الخط الا فيه سيارتين وحدة على يميني والاخرى باليسار
وملياناتن ملي شباب (هنا انا حسيت بالخوف بس ما بغيته يوضح علي قدامها)
اثناء خوفي هذا سمعت صوت كسر بزجاج سيارتي اللي جنب زوجتي وهي صرخت
(انا هنا حسيت الموت جاني من القهر كيف يتعدون علي وعلى عرضي؟؟
من سمح لهم يخوفون زوجتي وانا معها؟؟؟ شعور مهما قلت مراح اوصفه !!!!
اتوقع اللي يقرا كلامي راح يعرف الشعور الي ما قدرت اوصفه
بالبداية قلت حطو انفسكم مكاني مو الموت بعينه؟؟)
معهم عصيان وبدوا يكسرون سيارتي من كل جهة
انا اسرعت سرعة جنونية (بالليل وخط ما فية الا انا وهاللي ما يخافون الله والمسافة بعيدة عن الرياض
والكثرة تغلب الشجاعة من لي؟؟؟)
لاحظتو الظروف اللي حولي كلها وزيادة اني ما كنت مركز ابدا يعني
لو لا قدر الله لفيت يمين او يسار على طول حادث شنيع ووفاة!!
واساسا ما ادري شلون سقت السيارة والله كان شي حامينن ومثبتن
واني انا ما لي لا حول ولا قوة بس تمسكت بي زوجتي بقوة
وانا اسرعت شلون طلعت منهم؟؟ شلون ما صدمت؟؟
شلون وصلت؟؟ ما دري اللي اعرفه شي واحد هو ان
لي الله الي حفظن لي الفلق اللي قريته المغرب مع اني كنت ناسي اقرا الاذكار
تدبروا معي معنى كل آية من الفلق :
(قل أعوذ برب الفلق) أي استعيذ بالله الذي يخرج النور من الظلام الدامس بقدرته(وقت الفجر)
(من شر ما خلق) أي من شر الناس والجن والوحوش والكائنات وكل شئ خلقة اللع في هذا الكون الكبير
(هذه الاية من انقذتني من قهر الرجال)
ما اعظمها وما اعظم ربا امرنا بقراءتها!!!
شايفين كيف اهمية الاذكار والمعوذات بحياتنا؟؟؟
لا تقول انا شجاع وتغتر بنفسك ترى ما تحت الله قوي