ذاك اليوم سألت واحد .. جبنا طاري المشي وفوايده .. قلت يابو فلان انت تمشي ؟؟
قال والله يوميا ً الحمد لله امشي .. بس بالسياره
بالسعودية نسبة المصابين بمرض السكري 25% !! تدرون وش معنى هالنسبة ؟؟ معنااااته واحد من كل اربعه .. مصاب بهالمرض !!! الله يكفينا وياكم الشر ..
ومعروف ان احد اسباب الاصابة بهالمرض .. السمنه !
بوه ناس تفهم النحف غلط !! يحسب انه لازم يفطر حبة زيتونة ويتغدا تفاحة ويتعشى روب ( زبادي ) مب روب حمام << والا بعد
لا يابعدي .. ماقلنا لك صر فار ! كل واستانس .. بس امش .. تحرك ..
يقولي واحد من الشباب سالفة .. يقول كان يعرف واحد مهب يتحرك ابد .. كل شي عنده بحياته ( توصيل ) ان بغى اكل .. دق على المطعم او وقف في طلبات السيارة .. ان بغى شي من البقالة .. يضرب بوري للعامل ويناديه ويخليه يجيب .. ان بغى يمر احد مافيه امل ينزل يدق الجرس .. يضرب بوري او يعطيه رنه .... الخ
اعرف انه .. اذا بغى يغير الغاز ,, متعاقد مع العامل اللي بالمحل .. يغير له الغاز وله عموله ( ياحبنا للعمولات حنا .. ندفع اللي ورانا ودوننا بس ما نتعب ابدددد ) ( بيني وبينكم فله )
الحاصل .. ذاك اليوم خلص الغاز ,, والعامل اللي متعاقد معه .. مسافر
قال مالي الا اني اشيله واغيره وارجع .. يوم شاله من البيت طبعا خفيف بحكم انه فاضي .. ويحطه بشنطة السيارة ومير ينقطع نفسه .. !! وماركب الموتر الا هو يرافس من الشهاااق !!
ضاااق صدره المسيكين !! حس انه مهب يتحرررك ابد .. ومن هاك اليوم قرر انه مايترك الرياضة والمشي والحركة .. أكاد أجزم << اتعب يا أكاد ..
ايه اقولكم اكاد اجزم .. بوه عضلات بأجسادنا < كلاكيت ثاني مرة .. ايه بوه عضلات ماقد تحركت ابد !!
تلقى الواحد يفطر متأخر .. ولاجاء وقت الغداء .. تلقاو يتغدا وهو مامن شهوه ,, بس لأنه وقت غدا .. وبين المغرب والعشاء .. يتقهوى ولزوم الجوكليت والحلى .. وعقب صلاة العشاء .. يا يخلص كم مشوار .. همن يتعشى !! والصبح بالدوام .. وجلسة بهالكرسي .. وقضينا !!
مب لازم تسجل بنادي .. تطف اسبوعين وتسحب عليه << صارت له ,, رح عندك ممشى .. عندك شواارع .. وأنتي يا سيدتي .. اذهبي الى فناء المنزل والحوش .. اصعدي الدرج وانزلي كنك مهبولة .. بس ولو .. تحركي !!
عندنا كمية شحوم غير طبيعية .. يالله يتنفس الواحد .. نحتاااااااج للمشي والرياضة
احس انكم تقولون شكله ذا دبببببببب .. المشكلة بوه ناس بالمنتدى شايفينن .. والا تسان اقولكم ان وزني في منتصف الخمسينات !!!! << ردد
لا تراي منب دب ولا عصل .. يسمونن بالحارة أبو جسم جميل خخخخخخخخ ..
اخبر ان غازنا يبي له تغيير .. شكلي ابغيرررره ,, كوده يصير نقطة تحول .. ولاتنسون تغيرون اسطوانات الغااااز عندكم