*
*
حلمه يبي يكبرويمســك الطـارة..
وعـد امة رح يسوقهاداخل الحارة..
بعد شهر كبر الولد وكبرت افكاره..
قام يسرع ويقطع كل اشاره..
اصحابه فخروا فيه على هالشطاره..
الكل يجي ينافقه بكم عباره..
كبرراس الولد وقام يفحط بالسياره..
يسرع..يستعرض..يفحط..ليماصدم بأقرب عماره..
حلمه صار له اكبرخساره..
رح يعيش طول حياته بمرارة..
اكتشف اللي سواه مجرد حقاره..
ليتني يايمه وفيت بالوعـد..وماتخليت عن العهد
وش يفيد التمني دامها راحت ايام السعد
*
*
خــلاص يكفي..؟!!
السرعه ..كم من الشباب ضيعت
السرعه..كم من الاطفال يتمت
السرعه..كم من الأسر اخـذت
ظــاهره الاستعراض ..التفحيط..والسباق بين الشباب
متى رح نقضي عليها؟!!
ودي اعرف اللي يتسابقون واللي يفحطون...الخ
وش يحسون به؟!!
وانتم جالسين تسرعون وتفحطون وتسابقون مافكرتوا قبل لاتسوون
هالشي بخطورته؟!!
مافكرتوا انكم احتمال تقتلون احد وتروحون بداهية؟!!
ماتخافون على ارواحكم تراكم مسئولين عليها قدام خالقكم؟!!
ماتحسون بقلوب اهلكم لين يقولون لهم ولدكم صابه حادث؟!!
ماتحس بأبوك لين يجي بكبرة للشرطه عشان يطلعك من التوقيف؟؟!!
ماتخافون بالمستقبل ربي يعاقبكم بعيالكم مثل ماتسوون بأهلكم يجي ولدك يسوي فيك مثل ماسويت؟!!
تجـلس تدعس بذيك السياره ولاهمــك شي..
وقلب امك يتقطع عليك..
تجلس تهيص وتصدم ولايهمك شي..
ايه ماهمك شي؟
انت وش عليك متى ماصدمت بالسيارة
الوالد المسكين اللي يشتغل ليل نهار عشانك
رح يصلحها لك وتطلع لك احسن من اول
وانت ترجع اعظم من اول
//
متـى رح يستوعب الشباب خطورة السرعه؟!
طيب انت بايع حياتك؟!
وش ذنب الناس تعرضها للخطر معاك؟!
هالايـام اذا انت تعرف تسوق..
ماتضمن اللي يسوق جنبك
تسوق بأمان الله وماتشوف الاواحد
متهور يخبط بسيارتك
اتـركوا عنكم السرعه
اتـركوا عنكم التفحيط
اتـركوا عنكم قطع الاشاره
احصائيه الوفيات بسبب الحوادث لعام 1428
خسارة الوطن لأكثر من 6300 متوفى بسبب الحوادث المرورية حيث تبيّن الأرقام الإحصائية للحوادث المرورية في عام 1428هـ أن هناك 2226 متوفى داخل المدن بنسبة 35%، وخارج المدن 4132متوفى بنسبة 64%، في حين بلغ عدد الحوادث المرورية 435.264 حادثاً منها 372.724 حادثاً داخل المدن، و 62.540 حادثاً خارج المدن من إجمالي الحوادث، مما يوضح أن عدد الحوادث المرورية خارج المدن مقارنةً بداخلها يعد قليلاً بنسبة تصل إلى 14.37 %، بينما عدد المتوفين خارج المدن مرتفع جداً تقارب ضعفي ما يقع داخلها.
[ربي ارحمهم جميعا]
*
*
*
*
كاركتير
*
*
انتهيت بس في كم سؤال..
س1/هل انت من هواة السرعه او التفحيط..الخ؟
س2/هل انت من النوع اللي مايهتم بالاشاره خضرا حمرا صفرا؟!
س3/كم مره حصلت على مخالفه وايش سببها؟!
س4/في مره خلوك بالتوقيف؟!
اذا عندك قصه سالفه مغامره مع المرور او اي شي يتعلق
بالموضوع ياليت تسدحه لنا عشان نستفيد
ايه صح بقا سؤال..
يالشباب وانتم تسرعون وتفحطون وش تحسون به بالظبط..
تحياتي
yaRa
12-03-2008, 02:46 PM
ٍٍ ٍٍ ٍ لاتــسرع فالمــوت اسرع ٍٍ ٍ ٍ
العرض الشجري
