شبكة القناص - الموقع الرسمي للاعب ياسر القحطاني

.. ..

سلام عليكـم .. ورحمة الله وبركاتـه ..
في عام 2007 طرحت بين إيديكم .. الجزء الأول من :
~ (1) MMS + SMS ...*

والحيـن صرنا 2008 .. ومن جديد أطرح بين إيديكم الجزء الثاني ..
ولا أزال لا أمتلك المزيد من الوقت لـ تصميم أكبر قدر من الإم إم إس .. :TN
لكن هالمرهـ 8 حبـات .. لأجلكم أنتم .. وأنتم فقط ! :d

* ترا إذا ظغطتوا على الكلمة بيطلع لكم المووضوع ! :d

مالكم بالطويلات النايفات .. هاكم :

=================

http://www.yaser20.com/vb/attachment...5&d=1201206821

ماني خيالٍ .. لا بغيته !
طرى لكـ .. ،
يجيبني عندك .. ليا من بغيته
لا يبعدك ذاك الشعور ..
بـ خيالـك !
لا ياخذك .. وتقول :
حلمي .. لقيته

لا تقول :
قلبي من جروحه شكى لك !
لا تلتفت للجرح .. ليا من شكيتـه ..
لا ترتجي قلبٍ .. بـ حبه [ وفى لك ] !
بعض الأمل .. لو كان بيدك .. عميته !

لقيت من يفهم شعوري ..
بدالكـ !
هـذاك .. لو يطلب
[ حياتي ]
عطيتـه !
رضيت بعدك .. يوم جرحي رضى لك ..
[ الله يسهل .. دربك اللي مشيته ] !

خلك مع ‘ أوهــامك ..
بعيدٍ .. لـ حااااالـك ..
[ الحلم .. ما يصدق ] !
ترا .. لو رجيتـه ..

والله !
ما أذكـر لك .. قديمٍ
مضى لك !
وإن كان لك ماضي ..
تراني نسيته !
كانك تقول :
إسمك بقلبي .. بقى لك !
أسمك كتبته " بالرصـاص " ..
ومحيتـه !

http://www.yaser20.com/vb/attachment...6&d=1201206821

غنوا لـ حبيبي | وقدموا له التهانـي ..
في :
[ عيد ميلاده ] ، عساها 100 عام ..
إفرح حبيبي ،
وأطلب أغلى الأماني ..
الليلة يا عمري .. تناديك الأحلام !

ودعت عام .. وقابلك عام ثاني
تعال نقضي العمر في :
[ حب / وهيام ] ..
أنسى الهموم اليوم .. وإضحك عشاني !
والله إبتسامك منك .. تسعدني أعوام ..

http://www.yaser20.com/vb/attachment...7&d=1201206821

أنانيه !
تحسب أني أناني ..
أنانيه !
بها ربي بلاني ..

أنانيـه .. تبي تاخذ وأنا أعطي !
محبتها غدت .. غلطة زماني ..
أنانيـه .. تبي ترتاح وأنا أشقى !
تعرف الحب .. لكن بلا معاني ..

تحسب إني :
" على وجهي " .. ما أدري !
عن اللي قلبها .. جاحد نواني ..
وأنا أرسم لها في العين صورة ..
تبدل كل شيء .. في ثواني !

أفكرهم ملاذي .. عن همومي ..
أحسب أنها تبادلني بـ حناني !
رماها الحظ الأقشـر .. في طريقي !
ألا ياشين .. تخيب الأماني ..
أنانيه !
بها ربي .. بلاني ،

http://www.yaser20.com/vb/attachment...8&d=1201206821

ضاقت .. مساحات الرجى في كلامي !
قلي أجيك منين ؟ .. ودي أراضيك
ربكتني .. وألهيتني عن سلامي !
مدري ..
وش اللي بآخذه منك .. وأعطيك

حاولت أداري في سكوتي .. هيامي
أثري نسيت ..
وطحت كلي .. بأياديــك ..
أخاف صمتي .. لا يبوح إنهزامي
وتاخذني العزة ..
بـ نفسي .. وأخليـك ..

مليون حاجة .. بك
تزيد إحترامي !
خلتني أترك كل شيء ..
لـ معاليـك ..
الله يعلم .. كم تثير إهتمامي
يخلف علي الله ..
ما أطيع أنا فيك !

قلي ..
بربّك .. هو يهمك غرامي ؟!
وإلا أنا .. مالي مكان بأراضيك ..
على كثر ما أذكر وجيه .. وأسامي ..
معهم نسيت إسمي !
عسى الله .. يجازيك ،

يحق لك !
تضحك .. وتقطع كلامي ..
" يسعد لي هالضحكة "
مُنايا .. أراضيــك .. !

http://www.yaser20.com/vb/attachment...9&d=1201206821

هذا إنت ؟!
وإلا .. طلوع الشمس
يا حيّ هالنور .. واليمّه
عليك يا حمس قلبي .. حمس
ويا وِجد عيني ..
على اللمّه

أبطيت .. والوقت من قبل أمس
ماعاد يخجل .. على دمّه
وأقبلت للخاطر ..
اللي عمس
تهدي له العيد .. وتضمّه

ما يطمس الهم كله .. طمس
كود الغلا ..
اللي على الذمّه
يا ورد ..
يثـّر عليه .. اللمس
طول العمر .. ليت من شمّه

احتجت حبّ ..
وصباح .. وهمس
و ورّدتني .. صافي الجمّه
و إرتاح كفي ..
بذيك .. الخمس
راحة رضيعٍ بحضن أمـّه !

http://www.yaser20.com/vb/attachment...0&d=1201206821

تزعل .. وأراضيك
وأتلذذ بتزعيلك ..
تبي الصراحة ؟
أنا
" مجنون زعلاتك "

لا قمت تبعد ..
وأنا أقرب .. وأدني لك ..
وأمسك طرف غترتي
وأمش دمعاتــك ..
وتبدي تعاتب .. وأنا
كل أنتباهي .. لك !
مانيب يمّك ..
أنا عيني على .. شفاتك !

وتعيد حكيك .. وتفرك حيل
منديـلك ..
وتخالطت صادق حروفك ..
بـ وناتـك ..
وأحاول أرضيك ؟!
مدري منين .. أنا أبدي لك ..
وأحتار !
وأذكرك بـ بعض زلاتـك ..

وأسمعك ..
ما كتبته بك .. وأغني لك
طاروقك الي تحبه ..
وأكسر سكاتك !
وأستسمحك ..
وأعذرك.. وأسمعك .. وأشكيلك ..
وأتلهف لبسمتك .. وأرد ضحكاتك ..

يسرقني الوقت ..
ولا يمديني أحكي لك ..
كلامي الي تحفظته لـ شوفاتك !
وقت الوعد .. فات
وعيوني .. تراعي لك !

واقفيت .. وأشغلت قلبي
بـ إلتفاتاتك ..
عيني على خطوتك ..
والقلب يدعي لك :
الله يحفظـك .. من الحاسد وشماتك !

تزعل ؟
وأراضيك .. وأتلذذ بتزعيلك ..
تبي الصراحة !
أنا :
" أعشق كل حالاتك "

http://www.yaser20.com/vb/attachment...1&d=1201206821

ياللي تعيش بهنا .. حس بشعوري : أنا !
لمحت لك .. ألف مره
وأنته .. ولا أنته هنا !

جيتك ، وكلي غرام ..
وسمّعتك .. أحلى الكلام !
وأنته ؟
ولا ملتفت لي ..
يا سيدي ! والله .. حرام !

طوّلت بالي عليك .. لكن تعبت أرتجيك
مدري ؟
أبيك .. وتبيني
أو بس .. أنا اللي أبيك !

ياللي العمر .. ما كفاك
متى تحس بغلاك ؟!
أموت ،
وأعرف حبيبي .. ؟!
إيش آخرتهـا .. معاك !

http://www.yaser20.com/vb/attachment...2&d=1201206821

ودك تناميــن ؟!
نامي
يا بعـد ‘ عيني ..
باين عليك التعب
من أمس سهـرانه ..

من ليلة البارح .. وإنتي أتداريني
شوفي المراية !
اعيونك .. حيل تعبانـه ..

نامي لك .. شوي
لو ساعة .. وخلينـي !
يا بنت .. عمر السهر ما يغمض أجفانه
ولاني بـ طاير من أيدك ..
هذي أيدينـي ..

ما دام فكري معاك .. أختل ميزانه
لو ترخي الشال لعيوني .. وتنخيني !
أجيــك ..
فزعة أخو .. ذباح لأخوانه !

صومي عن الناس ..
سمّي
وأفطري .. فيني !
يفداك قلب ..
تربى بـ .. طيب جدانه

أنا ظلالك .. ما دام الله معافيني ..
الله عطاك الغلا .. المعبود سبحانه
أنا أدري أنك نسفتيني ..
وتلفتينـي ..

مهما خسرتي معايه .. دوم ربحانه !
نامي .. وباكر بكيفك
طلعي عينــي !
القلب شرّع لـ همك .. كل بيبانه ..
وأذا غفيتـي .. أمانه ..
حيل غطيني ..
بـ رموشك اللي ..
من الأشـواااق .. رويانـه !

=================

كما لا يسعني في النهايـة .. إلا أن أشكر كل من رد في موضوعي السابـق ..
وأقولهم أحتاج لـ ردودكم وآرائكم هنا .. كلكم فرداً فرداً .. :TN

على فكــرة .. فيه أحد يتبرع لي الجزء الجاي وينسـق عني ؟! :d
التنسيق متعب .. خصوصاً بالفيستا .. :(:

هذا والله أعلى .. وأعلم
وشكراً .. :f:

.. ..