((السلا م عليكم ورحمة الله وبركاته ))
مســـــــــــــــــــــــــاء / صباح (الخير)CC
بما هذه أول مشاركه لي أتمنى أن تعجبكم
البدايه:
((اللزقه))..هو الشخص البثر اللي مايمديك تصرفه الا وهو ناشب لك من جديد
وراجع لك فاقن خشته ..
و((السبيكه))وهو الشخص اللي يدربي راسه ولايدري وين ربي حاطه..
وينضحك عليه مرة.. واثنين.. وثلاثه ..وعادي عنده
هاالصفتين هذي نقدر نطلقهم على برنامج ((ستار أكاديمي))وجماهيره المصوتين بـ (كسافه).
فما يمدينا نخلص من حنة ورنة ها البرنامج وغثاه الا وهو راجع لك مرة ثانيه يكمل ما بدأه من أزعاج وغثا وشوية قلة حياء..
واللي اردى من ها البرنامج .زهم جموع( السبايك)من المصوتين اللي لازالوا يعتبرون التصويت لابن البلد نوع من أنواع الولاء .. رغم ان نصهم لو تقول سمع النشيدلي الوطني ما عرفه ..
وعندهم ان عدم التصويت جريمه يعاقب غليها القانون ..وتصير شخص منبوذ لانك مادافعت عن ابن البلد ..
ولاصوت له ..وياخوفي يجي وقت وتلقى نفسك يوم من الايام في الشارع محد يبيك ولاأحد يوظفك ولاأحد يزوجك بنته...وجريمتك هي انك ماصوت لابن البلد
ميزة هاالبرنامج هو انه يكشف واقع الكثير مننا..ويثبت لنا اننا شعب يموت في الاشاعات ويقدسها..
ويقدر الحش(وجه يناظر نفسه)..وينلعب عليه بسهوله ..وفوق كذا.. لايمكن يعترف ان الخطأ منه!!
يعني عادي تلقى شخص ..يتابع ستار..ثم يصورون له بطريقه تمثليه ان ابن البلد في خطر ..وانه راح يطلع لو ماصوت له..
وان البلدان الثانيه راح تتشمت في ابن بلدك ..وان فيه اشاعه ان ادارة البرنامج
راحت وتكلفت وجابت ابن بلدك علشان تعذبه في الاكاديميه وتنتقم منه ..
فتلقاه ياخذ الجوال وهو يصرخ ..وااستارااه ويبدا حملة التصويت بـ(كسافه)..
وفي اخر الشهر تنتهي الامور ..وينتهي البرنامج..
وتصدر الفاتورة.. فيطلف صيحته السنويه المعتاده..(سرقونا ولاد الكلب) ..
والمشكله كل سنه يتكرر نفس السيناريو ..بنفس الطريقه ..ونفس الكذبه ..
يعني اذا ستـــــــــــــــــــــــــار <<لزقه>>..
لاتصير <<سبيكه>>!!
18-01-2008, 10:44 PM
ستاار ياستاار!!
..
..وياخوفي يجي وقت وتلقى نفسك يوم من الايام في الشارع محد يبيك ولاأحد يوظفك ولاأحد يزوجك بنته...وجريمتك هي انك ماصوت لابن البلد 
..وانه راح يطلع لو ماصوت له..
ويبدا حملة التصويت بـ(كسافه)..
العرض الشجري
