مرحباً بـ قلوبكم ..
مسائكم رائع بروعتكم .. ومسائكم دفاء لـ برود الشتاء
موضوع ترددت في طرحه ولكن أيقنت انهُ لا بد ان يطرح ويناقش .
سـ اسرده بدون اي غموض لانـهُ خطر جداً ويحتاج لـ " ستره ضد الرصاص "
عائلـه ... تسكن جنوب حائـل " فقراء بعض الشي " .. الاب متزوج أمرتين
واذا ذهب الاب لزوجته الاخر .. بدأ أبنه محـمد يستدعي " عيال الحـــــــاره "
لبيتهـم بحيث يكون أبيه متغيب عن البيـــــت .. في أحدى المرات كنت اريد الخروج
مع شارع فرعي . . وودخل علي " بسياره " ددسن موديل 81 .. وو و و و " صدمني "
صدمـه " خفيييفه " جداً .. نزلـنا انا ويــاه قال " اتصل على الشرطه " قلت له لا ياخوك
مايحتـاج .. " سيارتي ماجاها شي .. ولو جاها " فدااك " فسـحب يدي " واقترب لـ " يقبل راسي "
فـ ابعتدهـ .. وقلت مايحتـاج .. ترا حنا اخوان قال لي ورب البيت " لو قايل لي صلحها لي "
كان بكرا اهلي " ماعندهم شي يأكلونه " .. أحسست بالذنب مع اني لم اخطى
قال لي هذا بيتنا ادخل اشرب فنجال واطلع .. قلت لا انا مستعجل والله .. ومن هالكلآم
بس معروفين ... الشمامره عندهم عيب اللي يرد قهوته .. " "
دخلني بيتهم بالغصـب .. تقهوينا وسولفنــا .. الا فيه اخوانه اربعه وعيال الحاره بنفس المجلس
قال " خالد " تعال ابيك براا جيته وقف عند " الددسن " قال اركب قلت امش بسيارتي قال اقول اركب
بوريك شي " انا استغربت قلت يالله " وانا اركب معه ..
المهم قال شف .. شغل " الراديو " الا اسمع سوالف اللي بالمجلس
قلت له كيف قال اصبر تشوف .. الا واسمع دقة تلفونهم الثابت
رد اخوه الصغير .. " اللي دقت صديقة محمد " ونسمع كل شي صوت اخوه وصوت صديقته
,
قال لي .. أخوي الكبير مسجون الحين قلت ليش ؟
قال والله مخترق موقع الاتصالات قلت كيف ..!!
قال والله ياخالد جاء بيتصل على المطعم الصبح من جواله الا فاصلينه قال الا بدق من جوالي
ودخل وسدد فاتورته وفاتورة ابوي وفواتير البيت كلـه
يوم جاء يسدد جوال امي " الا 15 ريال قال والله مااسدده "
قال لـ اصدقائه السالفه وكذبه واحد .. وقال له اخوي ان سددت جوالك الحين وقدامك قال لك " سيارتي "
سدد جواله واول ماسدده .. " الاستخبارات كافشينه "
ومحكوم عليه 5 سنوااااات
,
قبل فتــره .. تقريبا ً " شهرين " ولد جيراننا مخترق " موقع الراجحي " ومبرمج بطاقته يسحب بأي حساب
يبغااه .. لدرجه .. يوزع خمس ميات بالمدرسه
والحين بالسجن ومحكوم عليــه " 7 سنوات "
,
صحييح انا معترض على حركاتهم لـ انها تعتبر سرقه ..
والسرقه محرمه شرعاً وتقاليداً ..
بس بسألكم سوال صريح جداً .
هل يوجد بالسعوديــه تنميـة مواهــب ؟