|
جار القمر../..الشاعر:محمد بن جارالله السهلي..
http://www.yaser20.com/vb/attachment...6&d=1199994833
حين يحضر الابداع.. يقف التعبير..صامتاً..مندهشاً.. فيتشنج القلم ../انبهاراً.. وتبدأ الذائقه بالحديث.. بين يدي الآن لآلئ نادرة من قاع "بحر" نادر ايضاً.. بحر/عذوبته ونقاءه ..تشبه عذوبة ماءه تماما.. لكي لا اطيل.. شاعري وشاعركم جار القمر/محمد بن جارالله السهلي(F) فلنقرأه بذوائقنا واحساسنا فقط.. شاعرنا.. شاعر اشبه بــ [الكاميرا مان]..! فهو مصور مبدع ..فالشعر طبعاً.. شاعر..له ثقله وشعبيته الجارفه رغم ازدحام الساحه الشعريه في فترة انطلاقته.. الا انه حجز له مكان بين"الكبار".. وهو منهم بلا شك..! شاعر ..عُرف اكثر وازداد جمهوره بعد امسية احياها العام قبل المنصرف في منتزه الواحه في منطقه الثمامه "الرياض"..P9 بمشاركه الشاعر مدغم بوشيبه.. حيث كان الحضور الجماهيري لتلك الامسيه غفير ومذهل.. مما ادى بعد توفيق الله لنجاح تلك الامسيه بنجاح شاعرها.. شاعر اعترف بهلاليته وعشقه للزعيم..p30 وكتب قصيده في الامير راشد بن عبدالعزيز"عضو شرف الهلال".. بعد خروجه الموسم الماضي بلا ادنى بطوله..p7 شاعر قصائده مليئه بالحزن والدموع وسرعان ما تصل لشغاف القلوب.. فها أنا انثر بين يديكم بعض من لآلئ هذا البحر وبإذن الله تحوز على اعجابكم.. ..اصعب سؤال.. اصعب سؤال ) اللي جوابه للأسف مثله ( سؤال ) !! ...................... ما هو تفلسف !! الا موقف صار واسمع " ثاني بيت" : البارحه يومه سأل : ( وش ذكرك ذيك الليال ؟ ) ......... كان الجواب بكل بساطه : ( من متى اصلا نسيت ؟ ) ادري بان جمع ( الصعوبه والبساطه ) شي محال !! .............. لكنها صارت كذا ! واللي (( اهم )) اني دريت : ان الحياه فبعد احبابك اذا جف الوصال .......... اتعيشها لو تقتنع انك خلااص اصبحت ( ميت !!) يا صاحبي لو كل شي يمر بالخاطر يقال .............. ما كانت العبره تــــولجني اليامنك طريت ؟! شفني قدرت احبس دموعي بس ( دمع القاف ) سال .................. ويا كبرها ساكت ولكن داخل اوراقي بكيت !! عمر الحكي ما كان دافي لاابتدى بقولة تعال ............... لجل اتجاهل رجفة حروفي اليامني حكيت .. الحال في بعدك قسم بالله ما اسميه حال ......... انوي على الضحكه واحس كلي خطا لاني نويت؟! اتصور انك من رحلت اشوفك لجسمي ظلال .............. لا شفتهامشي ببتعد واثره معي مهما مشيت !! مدام يعني في بحرك لفرحتي مليون جال ......... وش فيه موجك ما ركد ؟ قربت اموووت وما رسيت .. يرضيك ما عادت معي تفرق اذا جالك مجال .............. لاني اقتنعت انك نهايه واني ببطي ما بديت !! صرت ( اعقد حجاجي ) اذا جابوك باطراف الجدال ............... وانا قبل لاقالوا اسمك كني : ميت ثم حييت .. تعبت اعيش الدور وافتح للمعاذير الخيال .............. واتخيل اني جيت في بالك وبانك استحيت .. وتردلي كلك (( وله )) وتقول : ( كن البعد طال ؟ ) ............... ومن الفرح ما عاتبك واقول : ( ياخي مابغيت ! ) حتى وانا تخيل حشمتك ! لن قلبي لا يزال .............. يكرراسمك داخل اعماقي بنبضه لا سهيت .. قلي شسوي فيك ؟ وانت بداخلي اصدق مثال ........... للحب واحساس القصيد ان عانق الليل وسريت .. ربي يصبرني على الفرقا مدام الحظ مال .......... وانت بيجيلك يوم تعرف ليه في بعدك شكيت .. واذا بلاك الله وعذبك اشتياقك (( بس تعال )) ...... واقرى القصايد في غيابك كلبوها بيـــت ... بيـــت .. بتدرى ان ( اصعب سؤال ) اللي يجي رده ( سؤال ) ....... لا قلتلي ( وش ذكرك ؟ ) ثم قلتلك ( متى نسيت ؟ ) |
رد: جار القمر../..الشاعر:محمد بن جارالله السهلي..
http://www.yaser20.com/vb/attachment...6&d=1199994833 ..طمني عليك.. يا الغايب اللي غابت سنيني معـاك يا جعل ما جاني من الفرقـا يجيـك استغفر الله !! جعل ماجانـي فـداك حتى لو ان نهايتي .. على يدييـك! مسامحك .. واللي بقوله فـي قفـاك خيرك كثير .. ويرحم الله والديـك ماصار شي ابلا رضاي الا رضاك اللي ماهو فيني وابيه القـاه فيـك! كنت السما في عيني وعيني سمـاك كانت حياتـي كلهـا منـك واليـك كنت بيديني مير مدري من خـذاك حسبي على تقصيري وحسبي عليك علمتني.. وش الحياه مـن الهـلاك في موادعك هذا وفي جيّتـك ذيـك ياكيف ابلقى شخص يسواني سـواك كل مانويت انهيك في شخص ابتديك! أبـدى أقـارن مستـواه بمستـواك واخاف لاتزعل وابيعـه واشتريـك والمشكله : رغم محبتـك وغـلاك واني رغم كل شيّ مشتـاق وابيـك ما هوب من حقي يضايقني جفـاك ولااعشقك ولاالمحك ولااحتريـك!! لكن ما يخفانـي ولا اظـن يخفـاك حقي عليك .. انّك تطمنّي عليك...:( |
رد: جار القمر../..الشاعر:محمد بن جارالله السهلي..
زعيم الانديه..P9 البارحه مـن حزنهـا ضاقـت جماهيـر الهـلال وانا على شان الهلال اشعر مـن البـارح بضيـق شاعر ولا ادري ليه ماجاله على شعـري مجـال وانا اعشقه عشق الملوك لخدمة البيـت العتيـق اشجعـه مـن قبـل لبسـي للعمامـه والعـقـال ويصير شعري عقد من لولـو وياقـوت وعقيـق بـدت علاقتنـا مـن ايـام الغـزو والاحـتـلال يعني هو : أول حـب واول تجربـة واول رفيـق اجامـل احيانـاْ لكـن اليـا اشغلونـي بالجـدال ابـلا تـردد اتمـادى عشـق واولـع حـريـق اعلن (( هلاليتي )) واماريبه على روس الطـوال من قمة الضلع المويـق لقمـة الضلـع المويـق مع احترامي للجميع من الجنـوب إلـى الشمـال يبقى زعيم الأنديـه والمجـد والصيـت العريـق ماكنه الا ابداعي بقصيدتي (( أصعـب سـؤال )) من بحرها لأفكارها لإحساسهـا العـذب الرقيـق سـؤال لايمكـن يحلونـه ولـو طـال المـطـال لـو يحذفـون اجابتيـن ويستعينـون بصـديـق كن المحـال يمـر موسـم فيـه ماحقـق محـال وهذا هو اللي صعـب نرضابـه وفينـا مايليـق ياليلـه الجمعـه تغيرتـي عـن كــل اللـيـال فيك السعـاده مـرت وتاهـت وظـل بهالطريـق بين الضياع وصدمه الموقـف وحسـرة وانفعـال وصدر يضيق به الزفيـر اليـا تقفـاه الشهيـق اغتيلـت الفرحـة عبـث باللخبطـة والاختـلال كنها المحيط اليا انتحر موجه على جال المضيـق ومن قال لي وشلون والآ كيف صـار الاغتيـال ؟ اقوله وانا ابتسم مـن شـدة الحـزن العميـق : جانا (( بكيتا )) من فشـل أبوظبـي والمونديـال واللي محطم منتخب سهلـة يحطـم لـه فريـق وانا اقسم بالله مافينـي علـى الصبـر احتمـال بارد على عـد الأمانـي وارتـوي وابـل ريـق يـادوي اتجـرد مـن الواقـع واسافـر للخيـال ويادوي اغفى (( خمسة وعشرين عام )) وثم افيق ويصير ذاك اليـوم لامـن فقـت رئيـس الهـلال (( راشد بن عبدالعزيز )) المجد والفعـل الطليـق وانا اشهد ان لامن ترأس مجلسه نسـل الرجـال صار الهـلال بوقتهـا فريـق عـن ميـه فريـق |
رد: جار القمر../..الشاعر:محمد بن جارالله السهلي..
جروح الاماني إستريـح شـويّ .. واسمعنـي ثوانـي بعدها مسموح .. قول اللـي تقولـه .. جيت لك والقلـب ماهـو بالمحانـي ! شف قبل لوصلك سابقنـي وصولـه !! ووالله ان لو لا الغلا مـا جـاك عانـي يا بعـد منهـم بكولـه و ضحكولـه .. عاشقك سـوّاح !! وعيونـك موانـي : اخذني ّ .. من الحزينه .. للخجولـه !! أبتسم خلنـي افضفـض لـك عشانـي الحكي غصن ٍ عجز صوتي يطولـه .. تعقد احجاجك وتعقـد لـي لسانـي !! المطر يـا غيـم ضميّـان لهطولـه !! خاطري مكسـور مـن قسـوة زمانـي وانت ( كنْك إياااه ) وفعولك فعولـه !! تعتبرني .. شخـص مغـرور وأنانـي واعتبرك .. الكون في عرضه وطوله .. آآه لـوّ تحـسّ بـجـروح الأمـانـي كان ما تزعـل علـي ّ بهالسهولـه !! حط ( عمرك ) يابعد ( عمري ) مكاني وان لقيت قصور ؟؟ قول اللي تقولـه .. وأنتبـه يـا سيّـد الغـيـد الغـوانـي التشّـره والمعاتـب لـه أصـولـه .. لا تساومـنـي ولا تـجـرح كيـانـي كل شـي ّ إلا ّ الكرامـه والرجولـه !! |
رد: جار القمر../..الشاعر:محمد بن جارالله السهلي..
http://www.yaser20.com/vb/attachment...6&d=1199994833 اسبوع..!! أسبوع مرّ !! ولاوصل منك مرسـال ياقوّ قلبك كيـف تقطعنـي أسبـوع ؟! الجوع كافر ! وانت ماترحـم الحـال وانا عليك مـن الولـه ميـت ٍ جـوع ياللي غيابك صعب يطري على البـال تركتنـي ضايـق وحايـر ومفجـوع ماكنّـي الا: شايـب ٍ فاقـد عـيـال وماكنك الا: محرم ٍ حق مشـروع !! يفوع لـك قلبـي ليـا مـر الاطـلال ياليت مالـي قلـب يشتـاق ويفـوع حسبي عليك شلـون قطعـت الامـال بآآآموت لاصار الامل فيـك مقطـوع ياصاحبـي ماكـل نـزّال رحّــال انت الحيّا من وين مارحت متبـوع !! نسيانـي لـزول ٍ بالاعمـاق يختـال اصعب على صاحبك من حبة الكـوع لو الثمن في شوفتـك عمـر رجـال كان الثمن من يوم ماغبت مدفـوع !! ولو القدر مـا تـم قولـه ليـا قـال ماضاق صدر ولا انحنى راس مرفوع ياصاحبي عشقتنـي فعـل وخصـال وانا عشقتك شعر واحسـاس وطبـوع وشلون تتركني كذا لا اشهـب الـلال وقدّام عيني تجف ينبوع .. ينبـوع !! وانا عشانـك جيـت والغيـم همّـال اسيّـل الوديـان واداحــم جـمـوع ماردّنـي عنـك سوالـيـف عــذال تزعل عليّ ربوع وتقـدّر ربـوع !! كان المهم اعيشـك جنـون ووصـال ويكون لي كلمه ولـي راي مسمـوع واليوم ضاقت بي من الجـال للجـال فرقاك تقصـم ظهـر وتحـز وتلـوع لو جيت شفت الحال ماسـرّك الحـال في غيبتك ضايـق وحايـر ومفجـوع هذا غياب اسبوع وشلـون لـو طـال طالبك .. لايطوّل غيابك عن اسبوع !! |
رد: جار القمر../..الشاعر:محمد بن جارالله السهلي..
http://www.yaser20.com/vb/attachment...6&d=1199994833 اخيــــراً/بحة الشوق تـعـال اغنيـلـك الـمـوال وغيـابـك للشـوق ( بحـه ) تميـز نبـرة اشعـاري زهبـت عـذري وردي لاابتـدى عتابـك كم لي افكـر شقـول ان قلـت شالطـاري بقـول مشتـاق للطعنـه مــن اهـدابـك ومشتـاق اكثـر لقولـة باخـذ بثـاري !! وبقـول مليـت مـدري ملـنـي بـابـك من غبت دونه وقـف عمـري ومشـواري مغير اسولف لـه اللـي صـار باسبابـك وارمـي عليـه الشقـا والهـم واعـذاري من غير لا ادري اجي وان قال وش جابك ؟ قمت اتساقط علي مـن ( غيمـة افكـاري) ليـن اتبلـل (( ولـه )) واطيـر اسرابـك وتـروى عصافيـر فرقانـا مـن انهـاري وارد ميـت عـطـش واقـلـب كتـابـك واقرى حكايـة سـراب ٍ عـذب ازهـاري شفنـي ذبلـت وطفيـت وجيـت ابحيابـك عمـري دفعتـه ثمـن دربـي ومسيـاري امـا تخلينـي احـيـا فـيـك وابقـابـك ولا تـاكـد وفـاتـي آخــر اخـبـاري ابك انت مـره طرالـي احـرق اعصابـك طاوعت فكري عليك وجيـت لـك سـاري فكـرت ابيعـك وابعثـر بالمـدى اطيابـك عقلي نواها وقلبـي قـال انـا ( شـاري ) ورديت احسك بصدري واحسـب احسابـك انـي زرعتـك لقـا وابقطـف اثـمـاري والـيـوم دام المـسـا تــوه تغـنـابـك اقـررب مدامـك لحـن تشتاقـه اوتـاري ابعـزفـك للقصـيـد الـلـي تسمـابـك وشب لـك داخـل بحـور الشعـر نـاري واسمعـك مـا كتبتـه لـيـن ( ينتـابـك غرور ) واسمـع كـلام ٍ عـده اجبـاري لاصـرت انـا والقلـم والدفتـر احبابـك يحـق لـك لـو تقـول ان الشعـر داري ما قلتهـا قصـدي انـي اكسـب اعجابـك لكنـي بـهـذي ادري ويــش مـقـداري الصعب جـذاب وانـت الصعـب يزهابـك وانا علـى الكايـده يـا عاشقـي ضـاري وان جات للجـد لـه لـذه تـرى غيابـك شف ( بحة الشوق ) كيف تميز اشعاري ؟؟ مع خالص تحياتي.. P9 (F) |
رد: جار القمر../..الشاعر:محمد بن جارالله السهلي..
ياحبي لمحمد شااااااااااعر فنان وكلمه فنااااااااااان قليله بحقه
مشكوووووووووووووووورة اختي ع القصايد .........تحيات محبك..... المغرم في هوى نوووووووووف &راكان& |
رد: جار القمر../..الشاعر:محمد بن جارالله السهلي..
:
شاعر غني عن التعريف P9 شاعر رائع ومبدع ما شاء الله عليه .. ملائكيه :: شكراً لـ هذا الجمال (F) : |
رد: جار القمر../..الشاعر:محمد بن جارالله السهلي..
مشكوره اختي ع القصايد الجميله ...
تسلم يمينك ويمين من كتبها والشاعر محمد يستاهل هالحب واكثر مشكوره مره ثانيه ... تقبلي مروري.....(F) |
رد: جار القمر../..الشاعر:محمد بن جارالله السهلي..
يعطيكم الف عافيه..
يشرفني مروركم..(F) |
رد: جار القمر../..الشاعر:محمد بن جارالله السهلي..
بن جارالله
شااعر مبدددع ومبددددع وخلوق جدآ .. اتمنى له التوفيق ... واشكرك على تميز موضوعك ... واختيارك الموفق ... تحيتي |
رد: جار القمر../..الشاعر:محمد بن جارالله السهلي..
اقتباس:
الف شكر.. |
رد: جار القمر../..الشاعر:محمد بن جارالله السهلي..
الف شكر لك ع القصائد الرائعه ..
|
رد: جار القمر../..الشاعر:محمد بن جارالله السهلي..
صح لسانك
|
رد: جار القمر../..الشاعر:محمد بن جارالله السهلي..
يعـــجز لســاني عن شكــرك....
وتعــجز كلمــاتي عن وصــفك... ابــدعتــي غــاليتي فأستحــقيتي مانلــتي.... شكــرا من اعمـــاق قـلبي ولواني ارى الشكـــر قليلاً في حقــك’’’’’ مـع تحيــات: بنـــت الـــريــاض,,, |
| الساعة الآن 10:18 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0