اليكم اعضاء منتدى القناص ..


فقـط للأيضاح ..

مع اصدق التحايا للمشرفين الأعـزاء ..


يــوزر ..

وكلمـة سـر ..


وبعــد ذلك ..



اكتب بغــباء ..
وراح تلقى من حولك اغبياء ..

يعني اطرح الموضوع ..
وحط ورده مع شموع ..
وزخرف النص ..
وآخـر حروفـك ..
اهـداء آهـ ونـص ..
تصير الناس حولك كثير ..
وتصبح في نظهرهم خطير ..
بعـدها ...
تشوف اختلاف الردود ..
مثبت مع كثرة وعـود ..
مثـبت ولي عـوده بكل تأكــيد . ..
لاجـديد يا مبدع لا جــديــد ..
مشكـور الله يعطيك العافيـه ..
لا تبتـعـد تكفـى مـره ثانيــه ..

**

قريـت كل السطـور ..
ودورت مابين السطور ..
مالقيت الا بدايــه ..
للأسف تشبـه نهـايه ..

**

الكاتب ينتظـر ..
والقاريء ينتظـر .. !!

كل الحكايه ..

حب استطلاع ..
مابين وعـي وضـياع !!!

والكل يـردد :
مابين دقيقه وثـانيه ..
زوار واعضــاء ..
يمكـن يكـون الـرد هـادف ..
ويمكن يـرد الببغــاء ..
مشكـور ويعطيـك العـافيه ..

**

القلم يسـأل ورق ..
والورق صـابه ارق ..
اوراق من كثر الجفاف ..
صارت من الأجابه تخـاف ..
واذا الأجـابه عنـد العـلم ..
ليـه القلم يســأل ..
اسـأل اللــون الأخضــر ..
تلقى الأجابــه يا قلـم .

**

لا تغيـر الموضــوع ..
ونــاتج المجمـوع ..
**
الكـاتب يسـأل ..
القـاري يــسأل ..

وين رد المثبت !!! ؟
ومن كثر ما هو ينتظر ..
صــار الفكــر ...
والله مشتــت ..

**

معـقول رد مجـاملـه ..
ولا نسـى من جـاملـه ..



الموضوع انتقل للصفحـه الثــانيــه ..
والـرد بــاقي ..
كلمـة مثبـت مع ورد ومع لي عـوده ثانيــه ..

ومـرت من الأيـام سبعـه ..
وماتت الكلمـه وذبلت الـورده ..

**

ومع الكاتب تطول الســالفه ..
ومع الأسف ماهي هـادفـه ..

**

مجـرد غباء حروف الببغــاء ..



**



وفي احــد الأيـام ..
يـومـ حضـر فيـه الذكـاء ..
مع فلسفة حـرف ودهــاء ..
كانت الفكره جميله ..
والنص حروفه قليله ..

وكان المرور اروع من الفكـره ..
وكانت ردود مانتظـر بكـــره ..
وصـار النقــاش بـدون تثبيـت ..

بس الأهم استفـدنـا ..
وامتلأ الحبـر في ورقنــا ..
وصـار لأحلى المواضيـع تصويـت ..

**

تم التصـويت وبـدون تثبيــت ..

**

مدري ..

هو التثيت مقياااس ..

**

في مـره من المــرات ..
كتب احـد عشــاق سـامي ..
وبـدأ ينثــر الآهــات ..
ســامي ياكـل الأســامي

عاشـق يحكـي القصـه ..
عـن صديـق المنصـــه ..

بالمختصـر ...

موضوع عن ســامي ..
اكيـد جــرحـه كبيــر ..
موضوع حرفـه حـزين ..
ويعزف على وتر الأنين

وياكثر الـردود ..

ومن هالــردود :

ليــه ما نغير ونجيــب مدرب جــديـد ..
ونحـط مكان المفـرج لاعـب مفيـد .

يشاهـد العنـوان ويـرد ..
ويقولك شكرا مع صادق الـود ..

***

مابين قصـة الببغــاء والمثبت الهـارب موضوع صوت له الجميـع ..

ومابعـد ذلك ..

تعليق الأعضـاء ..

ننتظـره

ادنــاه ..



نبـض مــاركه :
للبغــاء : دخيل الريشتين اللي تضفك حل عن عيني ..

..

اخوي هلالي

مادري وش اقولك والله
هي ظاهره موجوده اقولك نعم

لانه فيه ناس تحب تأخذ بس ماتحب تعطي


والله مادري وش اقولك

ماقول الا اني اتشرف او تشرفت بقرأت هذا النظم الجميل لكلمات اجمل


...// ولصاحب اجمل واجمل ...//

اخوي

كل الشكر والتقدير والمحبه اهديك اياه

وتقبل تحياتي بكل ود

اخوك:خـالد

اعجبني ذكـاءك ...


الجميع طبعــا ..

فجميعنا اعضـاء في جــسد منتدى القنـاص ..



المــزن الهــلالي :

طرح الغـايــه جريء نوعــا مـا ..

فأرجو ان تتقبلوه بصــدر رحــب ..

لأني معكم ولست ضدكــم ..

نلتقي لنرتقي ..

تحياتي لك ..

حياك الله اخـوي خــالـد ..

ان مايفقد قيمـة الموضوع هو بعض الردود التي تم توضيحها ..

وربما تكون ظـاهره حسب ماذكرت اخي الكريم ,,

وربما تـكون عـاده ..

تواجدك في هذه المسـاحه اسعدني كثيرا ..

تحياتي لـك ..

هلا وغلا اخوي عبدالرحمن ...

بعض الردود تقلل من فائده الموضوع وتطغى ببرودها على سخـونة الهـدف المراد تحقيقـه ..

فأنا طرحـت هذا الموضوع لأّذابة جليـد بعض الـردود المستهلكــه ..

نورت صفحتي البيضاء بأطلالتك الجميـله ..

تحياتي لك ..

هلا فيـك المـزن الهـلالي :

ثقي تمام الثقه اختي الكريمه بأن حرية رأيي وجرأة قلمي لـم ولن تتجـاوز الحـدود ..

فالغباء قصدت مـنه موضوع غير هـادف ...

فأذا كان الموضوع غير هـادف ...

فالـردود بلا ادنى شـك ستكون غير هـادفه ..

والببغــاء قصدت منـه الرد المستهلك الذي يكرره البعض من الأعضاء من حين لأخــر ..


قلمـي هنـا ليس للنصحـ ..


وانمـا لأيجـاد الحـلول لمثل ذلك ..

بالنقـاش الجـاد دون تأويل الأحــاديث ..

فالألفاظ طرحـت للتشبيه فقـط ..

وليست للـوصف ..


الموضوع بشكـله ومضمـونه لا يمس شخصـية الأعضـاء ..


ولكـن موجه لما يتم طرحـه منهم وليس لهـم ..


لأن مثل ذلك يخنق القيمـه الهـادفه بحـبل من الردود المتكرره ..


بأنتظـار تعليقك على المضمون ..




تحياتي لكـ ..

؟؟؟؟؟؟؟؟؟؟


مدري وش اقول؟؟!

عوافي

اميره :

شكرا علىتواجد حرفك في هذه المسـاحه ..

وتمنيت التعليق على ما كتب اعلاه ..

تحياتي ..

هلا وغلا اخوي ابراهيـم :

كان تعليقك على فقره من فقرات الموضوع ,

وسأتقبل وجـهة نظرك لا سيما بأنك من المشرفين المميزين ,

وتمتلك عقليه واعيه لمستها في تعاملك مع الأخرين ..

وكذلك جميع من يرتدي الثوب الأخضر ..

الذين يجبرون الأخرين على احترامهم ..

لا يعترض الكاتب على عبارة لي عــوده ...

او التأخير في العــوده ..

وانما في عدم العــوده في الأساس ..


شرفت مساحتي ابوخليل ..

وتمنيت ان تعليقك شمل كل الفقرات خصوصا بما يتعلق ببعض الردود ..

تحياتي لك يالغالي ..