محمد : الـو
خالد : هلا
محمد السلام عليكم
خالد : وعليكم السلام
محمد : كيفك خالد
خالد : بخير يا وجه الخير بس من معي ؟
محمد : أنا محمد ما عرفتني
خالد : هلا والله محمد آسف والله بس رقمك ما طلع عندي
<- - وبقلبه يقول وش يبي هالغثيث
محمد : خالد اليوم عندك شئ ؟
خالد : والله مدري يالغالي .. ليه
محمد : لا أبد بس عندي اليوم العيال بالإستراحه وأبيك تجئ معنا ترا لنا عنك مده
خالد : والله ما أعطيك موافقه
محمد : ليه
خالد : سيارتي بالورشة ويمكن ما تطلع اليوم
<- - نصاب سيارته بحوشهم
محمد : لا ما عليك أنا بمرك العصر
خالد : لا يا شيخ ما ابي أتعبك
محمد : لا يالغالي تعبك راحه .. بس تجهز العصر بمرك
خالد : إيه خلاص إن شاء الله <- - ما لقى إلا أنا يغثني
محمد : يلا خالد توصي شئ
خالد : سلامتك يالغالي
<- - قفل الخط خالد وهو يسب ويلعن أبو إلي أخترع الجوال .!
كثير من الناس يتمنى إنه ما طلع جوال وفي النفس
الوقت ما يقدر يتخيل نفسه بدون جوال
ومنهم ترد روحه لما يسمع صوت الحبيبة
منهم من يرتفع عنده الضغط والسكر بسبب هالجوال
أذكر مرة أبوي كان يكلم بالجوال وحسيت إنه
باقي شوي وينفجر عرق بوجهه من كثر ما صارخ
على عامل العمارة . طيب لو جاء لبوي شئ من
الدنيا بسبب الجوال قسمن لأفجر مصنع نوكيأ
<- - شحم الله يخليك
في أحد القنوات كان فيه برنامج يتكلم عن
الجوال وهل تقدر تستغنى عنه وكانت ردود الأفعال بين إيه ولا بالعامي
منهم من قعد يشكي ظروفه يوم نسي الجوال بالبيت ومنهم من حمد ربه
لان جواله طاح في البحر وأنا أبي أسمع رأيكم .
* هل تقدرتستغني عن الجوال ؟
* أسوأ وأجمل خبر تلقيته من الجوال ؟
* كم رسالة في جوالك ؟
/
/
,
/
الخدامه هربت !
<- - عنوان فلم أكشن .
أكثر الخادمات يحبون هوايه الهروب بسبب سوء المعامله أو بالصحيح
أم العيال الله يصلحها ما تضرب إلا بالطاوه ما عندها مزح
وهؤلاء الفئة عذرهم معهم الله ييسر دربهم
أما إذا كانت المعاله جيد والراتب زين وما فيه ورع ينغزها أجل وشوله تهرب
وبعدين إذا هربت الخادمه من البيت كأننا نقول فيه طفل ضائع في أحد الأسواق
فالخادمه ما تعرف تتكلم عربي مفهوم ولا تعرف إسم الشوارع ودرجه الحرارة 50 ْ
أجل ما فيه إلا سبب واحد بس وهو إن الخادمه تحلم بأن تصبح مطنوخه خاصه ما تسمعه من باقي الخادمات
فأكيد أنه توجد شبكات لتشغيل الخادمات الهاربات في بيوت براتب شهري 1200 أو 1800 شهريا هذا إذا ما تشتغل باليوم
وإذا نتكلم عن العقاب الذي يتأخذ ضد الخادمات
الهاربات وهو تذكرة سفر مجانية للعوده لبلادها <- - درجه أولى
ولا وبعد بكرة تلقاها راده بالرحله الثانية <- - وجهها بلك ما تستحي
والصدمه لما ندري إني يوميا يصل 150 بلاغ عن هروب خادمات فقط في الرياض !!
السؤال الأكثر أهميه ما هو العقاب المناسب أو الحل المناسب للحد من هذه الظاهره ؟
* وش إسم خدامتكم ؟
/
,
/
إذا شفت واحد من الشباب حالته حاله
يعني وزنه نقص ووجهه سمر وشهب
وصار يصرح دائما وما عاد يركز أبد
يعني تقله رح جب لي بطاقه شحن 10 ريال
يروح يجيب لك 10 صامولي !
وإذا تسأل وش فيه هذا الشخص يقولون [ يحب ]
جملة من ثلاث كلمات تقدمها لهذا الشخص [ الحبيب ] ؟
/
,
/
<= = أدري إن اللغه متداخله ما بين العربي والعربي الفصيح والعربي العامي
إليكـم
04-01-2008, 05:44 PM
.. ( بصراحـه ) .. وش إسم خدامتكــم ؟
العرض الشجري
