شبكة القناص - الموقع الرسمي للاعب ياسر القحطاني

بسم الله الرحمن الرحيم

كيف حالكم جميعآ ... عساكم بخير أنشآء الله

اليوم جايب لكم قصيدتين من الارشيف

واتمنى أن تحوز ع رضاكم

[ زماني ]

اللة أكبر يازمانـي كيـف غيـرت النفـوس .....صرت بنفوس البشر تقـدر تبيـع وتشتـري
تشتريهـا بالأراضـي والمبانـي والفلـوس .....صار ميـدان الصداقـة بالبشـر متبعثـري
وانت يلي كل ما غنيـت سريـت الهجـوس .....مادريـت ان الليالـي بعضهـا ماينـسـري
يوم عسيتك ولديـت النظـر يـم العسـوس .....قالوا انك في المواقف ياولد عظمـك طـري
تحسبنك شيـخ قومـن للعـدا قطـاع روس.....وانت جدك في طرف جـدة يبيـع القنبـري
مادريت ان السهم ماينرمي مـن دون قـوس......ومادريـت ان الربابـة قوسهـا ماينـبـري
مايداوي الضرس الأقشر كود قلاع الضروس ....أقلعه لـ/ أوجعك راسك لا تشوف وتحتـري
والفتاة ألي تعـزوا جدهـا شيـخ المجـوس.....بركـوا ألهـا الذلـول ولبسوهـا الغنـدري
والفتـاة ام العيـون الناعسـات العيطمـوس....شفتها من قبـل عـام وقـام حالـي ينهـري
لبسوها ثوب عرس وصارت الليلة عـروس.....والعـذارى حولهـا يالبنـدري يالبـنـدري
ياوجودي وجد من راحت حياتة في الحبوس.....فوق راسة في قصاصة صك جرمة ينقـري
صح من قال الهوى للنـاس تعليـم ودروس.....قالوا انه في دروبـه يمكـن يجـرّي جـري

=======================

[ سبعة أيام ]

هم السنة ياعبيد فـي سبعـة أيـام....لاجيت أبا أمرح تالي الليل مغبـون
أسهر طوال الليل ياعبيد مـا نـام....مغير أهوجس وأرفع الصوت بلحون
كني سجين ساجنة حكـم الأعـدام....جاله ثمان سنين ياعبيـد مسجـون
حكم القدر حطه على كف الاجـرام....ماهوب مجرم لا كن أبليس ملعـون
بحر الشقا في وصطها صار عـوام....بالصبح عاقل وأخر الليل مجنـون
قالوا هل المذبوح من دونـه أيتـام....ما رضـوا ولا رضينـا بمليـون
حكم الولد كنة علـى حكـم صـدام....عايش يتيم وداخل الحقـد مكنـون
صارت نجاتـة ماتـردد بالأوهـام....والناس قامـوا بالوصـاة يتنـادون
لفوا علية الأسلسـة بيـن الأقـدام....ينخا هل المذبـوح تكفـون تكفـون
قالوا وصاتك قبل تشهـد بالأسـلام....يبكي عيالة وأغلب الخلـق يبكـون
على ألذي لا شفت زولة بالأحـلام....أفز من نومي كما شخص مطعـون
ماكنة ألا واحدن مـن هـل الشـام...غرون ذبحني ناعس الطرف مزيون
لجلة نسوم الروح ونزيـد الأسـوام...من نظرتة ياعبيد أمسيـت مفتـون
لو شفت غيرة طاح حظي ولا قـام....تدري أحبة وأكثر النـاس يـدرون
أطبع حروف الزين من قبلة العـام....أسمة ثلاث حروف والرابع النـون

==============================

وسلامتكم