السلام عليكم ورحمة الله وبركاته
الأعزاء هنا ..
أصافح قلوبكم بهذه القصيدة ..
و أتمنى أن تنال على جزء يسير من إعجابكم..
ــــــــــــــــــــــــــــــــ
لك الله يا قصيد أحضر وزلزل خافقي بالنص
و أبيك تـفصل المـعنى وترمـي بالـحشـا نصـه
أنا مليت من همي عقب ماكـنت بـه مختـص
ودرس الحب طنشته وأحـاول أنهـي الحصـه
لأني لو نظرت بعين جرحي لو نويـت أبـص
لقيت الحزن أستاذي ودمـع العيـن مغتصـه
خلقت بعزتي ماأرضى إهانه جاتني مـن لـص
يحاول يسرق الخاتـم ويخفـي بالخفـا فصـه
وإذا زاد الغلا فينـي أحـاول دوم ماينقـص
وشريط الغدر لوجاني حلفت اليـوم لأقصـه
ورزقـي كاتبـه ربـي ولـقمـه بـالحـرام تـغــص
وأنا ماني ضعيف العزم لأجل العيش والغصـه
ولا أدخل في سوالف مالنا فيها صلاح وخص
لإني مارضيت يقال عني مـد خلـن عـصــه
أضم النفس وأحفظها وأضـم بقوتـي وأرص
وأحاول في يديني لاتهـاوت تحكـم الرصـه
وهذي قصتي أن جيت تقراهـا أمانـه بـص
تعلم من حكاية شفـت فيهـا عالمـي نصـه
مؤلف حارب الكذبه ومونتاج الحكايه لـص
يلقب دوم (بالنوفي) وحـاول تفهـم القصـه
ــــــــــــــــ
كل الود لقلوبكم
نايف السعود