السلام عليكم ورحمة الله وبركاته،،، بصراحة هالموضوع صاير لي فترة وأنا أبي أكتب عنه،،، بس بما إني في المنتصف فبكتب عنه الحين وبكمل لكم الأحداث لو في أشياء جديدة،،، أنا من 2004 وأنا أشتغل،،، ومن أول ماتوظفت إلى قبل اسبوعين ولا عمري أخذت إجازتي السنوية ودايمًا أبيعها لأني ماحد أقعد في البيت صراحة ولا أحب أقعد بدون شغل،،، المهم،،، حصل وربي كتب إن هالسنة يكون فيها إنهاء عقود <<<<<<< واللي يعرف هالسالفة بيعرف وين أشتغل واجبروني الشركة إني آخذ إجازتي اللي هي بتكون 34 يوم،، تصوروا 34 يوم في البيت لا شغل ولا مشغلة،،، بس انظف المواعين والصالة والمطبخ؟؟ أطبخ الغدا والعشا؟؟؟ بس هذا هو اللي أسويه؟؟؟؟ ليش ياربي ليش؟؟؟ اللهم لا إعتراض،، اللهم لا إعتراض يعني من جد حسيت نفسي متزوجة وعندي ستين طفل،،، <<<<<<<< حشى مو بطن المهم،،، سوينا صيانة دورية بعد ماقعدت في البيت،،، تفرجت على التلفزيون وتابعت النت وتابعت منتدى القناص بطريقة مملة،،، لدرجة إني صرت ادور في مواضيع المجلس القديمة،،، في مسلسل حلو توني مخلصة منه اسمه "جوهرة القصر" يجي على قناة دبي،،، مسلسل صيني والله حلو،،، بس في مشكلة،،، بديت أحس إن عيوني صغرت ،،، بس بصراحة بصراحة،، الشي الوحيد اللي استفدت منه في إجازتي إنها قربتني من أهلي وبالذات من أمي أكثر.... صرت أقعد معاها اكثر واسولف معاها اكثر الحمد لله... وبعد صرت ألعب رياضة <<<<<<<<<<<< امممممممممممممممممم وشنو بعد <<<<<<<<<< خلصينا إن شاء الله المهم،،، إجازت الحين في منتصفها،، باقي لي اسبوعين بالضبط وأرجع للدوام،،، والله ماودي،، بصراحة أحس إني استانست في الإجازة مع إني في البداية تحطمت كوني قاعدة في البيت،،، حتى أمي لاحظت هالشي وتقول لي إنها اكتشفت عني اشياء أول مرة تعرفها،،، أولها إني لوسة (لوسة بالبحريني يعني الشخص الحركي الشيطان اللي مايخلي أحد مايتحرش فيه) وإني كنت مضيعة ومفرغة شحنة الشيطانة اللي فيني في العمل،<<<<<<<< مستانسة إنها لوسة ؟؟ المهم،،، بصراحة في البداية حسيت إجازتي تمضي بشوييييييييييييييييييش والحين صرت أحسها تمشي بسرعة،، ومابي أرجع الدوام،،، مابي مابي مابي تسلموني لي على المتابعة،،، ودمتم سالمين CC ملاحظة: بما إن الحين حزة صلاة الفجر،،، في شي اكتشفته من قعدتي في البيت،،، أكتشفت إن جنب بيتنا واحد يأذن في نص ساعة،،، على مايقول أشهد أن لا إله إلا الله،،، بقية المساجد أقاموا الصلاة وخلصوا وقعدوا يقرون قرآن هههههههههههههههههههههههههههه
25-12-2007, 05:04 AM
إجازتي السنوية،،، من 2004...
العرض الشجري
