بسم الله الرحمن الرحيم 
يالله حي كل الشباب والبنات الموجودين ,,
وكل عام وأنتم بألف خير ,,
وعيدكم مبارك ,,
أنـا صراحـه بدخل بالموضوع علطوووول !!
أنا داري أن وقت الموضوع باايخ !!
لكـــــن !! خلاااص ما عاد قدرت أتحمـل !! قلت لازم أكتب هالموضوع نشوف لنا حـل !!
الموضوع يتكلم عن ( الزحمـــــــــــة في مدينـة العوايل الرياض ) !
[ طبعـأً سلكـوا الأخطـاء الإملائيـة وتداخل الكلام على بعضه لأن بتفلٌت شوي )
الصراحـه شباب الرياض اللي هم حنا يعني ,, مدري وشلون عاشين صراحه
يعني قسم بالله الرياض الآن طلعـت زحمـه زحمـه زحمـه موب طبيعيه !!
يعني وشلون يبونـا نمشـي !!
قسـم بالله أروح لي مشوار قريب والله أقعـد ساعه أو أكثـر !! !! !! !!
أنا أقعـد العاده عند الإشاره الوحده تولع وتطفي أكثر من 5 أو 8 مرات !!!!!!!
منها قسم بالله أقرأ الجريدة ! أتعشى بعض الاحيان عند الإشاره ! أشرب الشاهي ! اسوي اللي أبي !
صراحـه طفش طفش طفش !!
زحمـة × زحمـة !!
وين ما تروح زحمـة ! سواقين ! بزراين أعمارهم على 10 سنوات ويسوقون !!!!! شباب متخلفين ( المهجولين ) !! شيـاب !!!
يعني الوضع ما عاد يطـاااااااق !!
يعني أنـا أبغـى أسأل وفي نفس الوقت آخذ وجهـات نظـر شباب المدن الأخرى !؟ جده والشرقيه وكل عيال السعوديه ( غير اهل الرياض ) ؟
عندكـم زحمـة زينـا !؟
وهل عمرك زرت الرياض وشفت الزحمـة !؟ وهل تقارنهـا بالزحمـة اللي بمدينتك !؟؟ ( إذا كان في مدينتك زحمة أصلاً ) !
ومعليش على تداخل الكلام على بعضهتعرفون الساعه 3 الليل الواحد مواصل وفاقد شوي
.............
الحين أبي أتكلم عن موضوع العوايل بالرياض !!!
صراحـه انا كشاب بالرياض مدري وين أروح !!
أقسم بالله يوم من الأيام بفكر أني أنتحـر الظاهر من الطفش اللي حنا فيه !!
يعني طفشنـأ كلش عوايل عوايل عوايل !!!
أي مكااان تروح له مع أخوياك عواايل ( ممنـووووع ) ( عوائـل ) !!!!
أبغـى أفهـم وين يبغونـا نروح طيب !؟؟!؟!؟!؟!
يبغونا نطلع محششيـن !!
ولا إرهابيـن !!
ولا مفسدين في البلد !!
يعني أقولها وبصريح العباره ما طلع المحششين وحقين الخراب والجنس الثالث والهجوله والخرابيط هذي كلها الا بسبب ( نقص الأماكن الترفيهية [ للشبـااااااااب ] بالرياض )
وين يروحون الشباب !!
( التلحيـة - الممشى ( الحوامل ) - مقهـى - مطعـم - أسواق - ثمـامـه - بـر - مخططـات - دوران دوران دوران دوران إلييييين بكره !! )
وبعدين طفشـنا قسم بالله طفشنـاااااااا !!
حتى بالعيد ما فيه عندك شي !!
أمس جالس أدور انا وخويي بالعيد أو يوم يالعيد تخيلتوا معي !! ما فيه شي كل المحلات الأسواق الأماكن الترفيهية مقفلـه !!
يعني طفشت وكل الشباب طفشوا !!
أنا أكلم واحد من العيال اليوم ! قلت له خلاااص بأنفجـر مدري وين أروووح طفشـت !! قلت يلعن أم اللي ما يدز الشرقيه !!
أبي أسااافر !
طفشـت من ذا الرياااض
وياأهل الشرقيه وجده .. لا تلومنـا اذا جينـا عندكـم كل عطلـه ! قسم بالله من الطفش اللي نعيشـه في الرياض ( عاصمـة الزحمـة + العوايل ) !!
ع العمـوم أنا معليش طولت عليكم ,,
<<<< إذا مسـك خط ما يوقـف
وصراحـه أنا أبي حـل من جميـع الأجنـاس الشباب والبنات لمشكله ( الزحمـة + قل الأماكن الترفيهية للشباب ) [ بالريـاض ] ,,
لكـم منـي كل الـود والتقدير على دخولـكم لموضوعي وقرائتـه 
أتمنى منكم التفاعل والمشاركه ,, 
تحياتي 
24-12-2007, 07:43 PM
[ الزحمة والعوائل ] ( دعوة للنقاش ) ...!
العرض الشجري
