يابنت لاتفضحيني (( قصة حقيقية لخروفين واحد نعيمي وواحد نجدي ))
بدون مقدمات :) أنقل لكم القصة كما هي القصة : طبعاً القصة لصديق إنتري في المسنجر تطورت العلاقة وأصبح صديق عبر شبكة الجوال المهم هذا الإنسان كل ما افتح المسنجر أحصله قدامي مدمن إنترنت وكل يوم له علاقة عاطفية شكل حتى أن شركة الهوتميل إذا تعطل عندهم السيرفر شالوا همه وقالوا الحين وش يسوي إذا سوينا صيانة من شان كذا يخلونه يشتغل على السيرفر الإحتياطي هالإنسان كل ما أفتح مربع الحوار معه بالمسنجر ألقاه حاطن صورته مكان الصورة الرمزية وصورته الستايل حقها قديم من اللي يصور في مكتب وراه علم السعودية وأصبعه على خده وقدامه أقلام وكتاب طبعاً من حقه يتميلح ويدلع لأنه الحريّة الشخصية مانقدر نناقشها طبعاً وفي كل مرة أتكلم معه يذكر لي مغامراته اليومية اليوم تعرفت على وحدة وضعها فري وبعد يومين يقولي كفشوها أهلها ومرة يقول تعرفت على وحدة بنت عز وبالآخر يقول طلعت تبي بطاقة ومرة يقول لي تعرفت على وحدة رومنسية وبالآخر طلعت مريضة نفسية ومن هالقصص اللي دايم تبوء بالفشل وأكيد أغلب الشباب اللي يعيش هالمغامرات عارفها لأنها صارت مستهلكة الولد في يوم من الأيام قال لي بالمسنجر خلاص لقيت اللي تفهمني وأفهمها حصل ببيننا توافق وشفتها وشافتني طبعاً عن طريق رسائل الوسائط هي شافت شكله في المسنجر بس مو واضحة وما أعيره ولد الناس شكله أقل من عادي المهم قام يسولف فيها ويتكلم عن رومنسيتها وأسلوبها الحلو وصوتها ورقتها ونعومتها لدرجة أنه أنفتحت نافذة حوار في مخيلتي وطلعت صورتها قدامي حورية صراحة الولد من يوم تعرف عليها صارت حالة المسنجر مشغول بيني وبينكم انبسط إذا شفت مشغول بس لابد أعرج على صورته اللي حاطن أصبعه على خده مرت الأيام والحالة مشغولة لاصار يسلم ولا شيء قلت مرة خلني أخش عليه أبي أعكر جوه الولد رد عليّ بدون نفس حسيت أنه بمشكلة من خلال ردوده الجافة قال لي راح اتصل عليك رديت على الجوال قال ياولد البنت اللي أعرفها انفضحت قلت أفا شلون قال تخبر يوم قلت لك إنها أرسلت صورتها لي قلت أيه قال أظن هكروا على موقع mms وطلعوا صورتها وفضحوها أنا صراحة تأثرت قلت وين لقيتها قال في منتدى وحدة حاطة صورت خويتي تحت اسمها قلت عطني رابط المنتدى قال لا اسمح لي ما أقدر وش اللي ما تقدر آلاف شافوها خايف أشوفها أنا اقنعته وبالآخر على المسنجر عطاني الرابط وهذي هي الصورة ياجماعة للأسف ماقدرت أحملها شكله فيها عطب ضحكت واتصلت عليه قلت يابو الشباب هذي الصورة من عرفتي للنت وهي موجودة البنت تنصب عليك هو ما استوعب حتى اقنعته طبعاً الموضوع اهتميت فيه وصرت اتابعه قلت اتصل عليها وهزأها ليش تنصب عليك اتصل عليها أبو الشباب وكلمها وقال أنتِ ضحكتي عليّ وهذي مو صورتك إلخ ردّت عليه وقالت لا تطول صوتك عليّ يامغفل يقول أنا انصدمت هنا قالت شوف أنا ما أبغا أضرك لكن إذا أنت تتعامل معي بهالأسلوب ترى صورك اللي أرسلتها لي راح انشرها في النت وفي الأسواق حتى يوصل البلوتوث المدينة اللي أنت فيها طبعاً أنا متابع الموضوع من خلال الاتصالات اللي تدور بيننا نقل لي الكلام أعلاه قلت ياولد وش خايف منه خليها تنشر صورك خير ياطير قال لي راح أنفضح هنا قلبي عورني قلت ليش قال مرة قالت لي صور شعر صدرك وارسله لي وسائط وخلي وجهك ظاهر عشان أتأمله وصورة صورها وهو لابس فنيلة كت وكاتب أسمها على كتوفه وصور من هالشاكلة المهم حسيت بوضع الولد ومدى دلاخته قلت له ياخي سايسها تفاهم معها اتصل عليها وقال يابنت الناس أنا ما ضريتك بشيء ياليت تحذفي الصور قالت أحذفها بشرط أشحن لي بطاقة سوا أم 100 قال أبشري من عيوني شحن لها واتصل مرة ثانية وصرات تعطيه مشغول وما تكلمه وأرسلت له مسج تقول كل أسبوع يا خروف أبغا بطاقة ولا راح أفضحك هنا الولد صار يسألني وش أنسب طريقة قلت مالك إلا واحد أسلوبه حلو يتفاهم معها عطه رقم جوالها ويقنعها بالتي هي أحسن قال تفاهم معها أنت قلت لا حبيببي خرجني من الموضوع المهم فهم ولد عمه الموضوع لأنه ذاك متعلم وأسلوبه حلو أتصل على البنت وقال لها أنه ماله داعي هالتصرفات إلخ من أساليب الإقناع العقيمة البنت قامت تعطيه ريق حلوووو وقالت له وهو تبلاني وتلفظ علي لكن باين من أسلوبك أنك أنت اللي أبحث عنه أظن ولد عمه تشربك وذاب مع صوتها وصار يعطيها ليونة وقلب على ولد عمه الخروف الأول وقال هو صراحة همجي وأسلوبه جاف صارت بينهم سوالف آخر الليل وفجأة أتقفل الخط أتصل عليها وعطته مشغول وبعدها بفترة ارسلت لولد عمه الخروف الثاني رسالة قالت اسمع تراني ماسكة عليك تسجيل كامل لصوتك وأنت تغازلني وراح أحذف صوتي وأخلي صوتك الخروف الثاني دخل في اللعبة وطلبت منه شحن بطاقة أم خمسين وشحن لها ونقل لي الخروف الأول اللي صاير كله وتهاوش مع ولد عمه لأنه البنت البرجسية أرسلت له رسائل وسائط فيها مقاطع من صوته وهو يسب الخروف الأول ولا يومك هذا ومشكلتهم ما انحلت وكل أسبوع هالخرفان تشحن ومو قادرين يتصرفون مع البنت الغاية من طرح الموضوع : حتى حنّا يالشباب نخاف منكم يابنات يامتوحشات يابرجسيات . تحيتي بابتسامة |
رد: يابنت لاتفضحيني (( قصة حقيقية لخروفين واحد نعيمي وواحد نجدي ))
موضوع قيم أخوي زوبعة فكر بصراحة الألعيب والأساليب الخداعة مثل هذي مسؤولية الطرف اللي يرضى فيها وأعتقد أن بعض البنات الآن صارت لهم قوة تحكم بالأمور مثل ما ذكرت هالقصة بالكامل ولكن بالنهاية العقليات السليمة ( تفرق ) كثير ..! فالعقل الي يفكر بشكل ممتاز , ما أعتقد تمشي عليه مثل هالأمور لأن بالنهاية فيه فرق بين ذكاء الرجل وذكاء المرأة .. !! ( زوبعـة فكـر ) ..(F) ! مروري هذا لتسجيل الإعجاب الشديد بمستواك الفكري بالمنتدى وخلال فترة وجيزه كونت قاعدة جماهيرية خاصة فيك .. واللهم زد وبارك وبالتوفيق لك ..! |
رد: يابنت لاتفضحيني (( قصة حقيقية لخروفين واحد نعيمي وواحد نجدي ))
ههههههههههههههههههههههههههههههههههه
ههههههههههههههههههههههههههههههههههه ههههههههههههههههههههههههههههههههههه وتقولون انكم حنونات :d قسمن مالها داعي هالبنت .. لعبت فيهم لعب !!! p6 وعيالنا خرفان ماشاءالله عليهم .. ماغير ملاحق p7 زوبعه .. قصه فيها عبره لكل خروف انتبهوا لنفسكم p7 شكراً يامزوبع P9 (F) 9 |
رد: يابنت لاتفضحيني (( قصة حقيقية لخروفين واحد نعيمي وواحد نجدي ))
من جنبها ياشيخ .. شويه لعبت فيهم ؛؛ هلا زوبعه (F) مشكوور على الطرح .. قصه بالعفل فيها عبرهـ .. ننتضر جديدك .. تقبل مروري .. اخــ( ماف )ـوك |
رد: يابنت لاتفضحيني (( قصة حقيقية لخروفين واحد نعيمي وواحد نجدي ))
\ \ اخخخخخخخخخخخخخخخخخخخخخخخخ انقلبت الايه من اول الولد اللي يفضح البنت ويهدده بصورتهـ الحين البنت تهدد الولد ومن اول الولد يعاكس البنت الحين البنت تلحق ورا الولد الحمد لله الشكر على النعمهـ كل ماله والايات تنقلب الله يستر من اللي جاي جد زمن يخوف اجل تهددكم بنت من جد رخوم ::D من جد خروفين بس مايصلحون لعيد الضحيه ::D <<على تراب p6 زوبعه الله يعافيك P9 (F) \ \ |
رد: يابنت لاتفضحيني (( قصة حقيقية لخروفين واحد نعيمي وواحد نجدي ))
p74 ههههههههههههههههههههههههههp74
والله لعبت فيهم لعب بس هذا جزاء أي واحد يفكر انه يحتك بالجنس الناعم::G> - |
رد: يابنت لاتفضحيني (( قصة حقيقية لخروفين واحد نعيمي وواحد نجدي ))
.. " ان كيدكن عظيم"... الشر يعم والخير يخص.. وأصابع اليد مب وحدة.. شوي شوي علينا..p6 تقل ماصدقتوا خبر..p6 يعني لهدرجة العقول ماتفكر...! يعني يكونون "إمعة " ورى "إمراة" وبس هذي غايتهم ! إنشاءالله يكون عضة.. مشكور زوبعة..(F) .. |
رد: يابنت لاتفضحيني (( قصة حقيقية لخروفين واحد نعيمي وواحد نجدي ))
من قلب ما صدقنا مو شوي ’’’ بصراحه عيالنا ما شاء الله عليهم في قمه ( الذكاء ) يعني لهدرجه وصلت عندهم أما ( الأول ) وين العقل لعنبو حيك تصور كتوفك وشعر صدرك و ( الثاني ) يعني صايد الموقف بأسلوبه <= = بدأ يخاف .. ::D ’’’ موضوع نستنتج من عنده الهدوء والروقان والتفكير السليم إلى متى مجتمعنا ملأ بالآفات <= ( القصد من الجنسين ) وحنا يا غافلين لكم الله ما ندرى وش القصه ما غير هاك بوسه وبعدها هاك طراق ’’’ زوبعـه فكـر أسجل أعجابي الشديد بك وبطريقه طرحك وحده الذكاء بالفعل قلم مميز وفكر راقي ألف شكر لك يا بطل |
رد: يابنت لاتفضحيني (( قصة حقيقية لخروفين واحد نعيمي وواحد نجدي ))
ههههههههههههههههههههههههههههههههههه محد يقدر ينكر او ينفي الخبث والذكاء عن البنات .. ومذكور في القرآن " ان كيدهم عظيم "..مثل أن محد يقدر ينكر ان فيها أشباه رجل وهو الغالبية مع الآسف :d بس مو الكل لكل قاعدة شواذ .. شكراً زوبعة سرد رائع (F) وعيدك مبارك .. |
رد: يابنت لاتفضحيني (( قصة حقيقية لخروفين واحد نعيمي وواحد نجدي ))
هههههههههههههههههههههههههههههههههههههههههههههههههه هههههههههههه
والله ماحد قاله يطلع ثور <<<<<<<<<< ما الإحترام الكبير للثيرانpp51 ويتصرف هالتصرف... لا الأول ولا الثاني... بعدين تعال ،،،،، شنو سوالف آخر الليل؟؟؟ pp12 خخخخخخخخخخخخخخخخخخخخخخخخخخخخخخخخخخخخخخpb034 ثم حرام عليكم البنات ترى مو بهالصورة البشعة اللي مصورها في القصة؟؟؟pp23 يعني حتى الشباب يسوون حركات ألعن... على الأقل البنات جايين على شحن بـ 100 وبـ 50 <<< تقول تكرونية عند الحرمpp25 لكن الشباب يسوونها على ألعن وأكبر من كذا بكثييييييييييييييير |
رد: يابنت لاتفضحيني (( قصة حقيقية لخروفين واحد نعيمي وواحد نجدي ))
إبراهيم عاشق الزعيم المسببات كثيرة ومن أهمها الفراغ الذي يملأ بالعاطفة المصطنعة وأحياناً يكون الجو المحيط سبب لتفشي هذه الظاهرة بعض الفتيات أصبحن على دراية تامة بأساليب الاستغلال فهم يدركون مبتغاهم لذا يسهل عليهن السيطرة . صدقني الفروقات تصبح مذللة عندما يخوض ذاك المستعشق هذه التجربة وفي النهاية يستحق ما أصابه فالعاطفة لا تستحضر الله يجزاك خير وصدقني هذه القاعدة نشأت بسبب قلوبهم البيضاء التي تحتوي كل من ينضم إلى هذا الصرح لذا من القلب شكراً تعقيبك يطيب به الخاطر ويسعد له الناظر سلمت ودمت بود تحيتي بـ :) |
رد: يابنت لاتفضحيني (( قصة حقيقية لخروفين واحد نعيمي وواحد نجدي ))
زيـآد مدري بس مع ذلك هم حنونات :) ولكل قاعدة شواذ ربّما الحنية اللي في سياق القصة أعلاه :) كانت لغاية لذا أتت مصطنعة :d يستاهلون لأنهم أعطوها مساحة من السيطرة عليهم :) وخوفهم كان مغري لها تتوقع يضحون بالعيد ولا لا :d سررت بتعقيبك أنرت متصفحي سلمت ودمت بخير تحيتي بـ :) |
رد: يابنت لاتفضحيني (( قصة حقيقية لخروفين واحد نعيمي وواحد نجدي ))
اقتباس:
هلابك أكثر (F) أسعدني إطلاعك صفحتي تزين رونقاً وألقاً بك سلمت ودمت بخير تحيتي بـ :) |
رد: يابنت لاتفضحيني (( قصة حقيقية لخروفين واحد نعيمي وواحد نجدي ))
هههههههههههههههههههههههههههههه
الصرااحه مع احترامي لكم بس دلووخ :d ولا ذي تسوي فيكم كذااا p18 ما اقوول الاالله يهديهم ولا يبلانا p7 |
رد: يابنت لاتفضحيني (( قصة حقيقية لخروفين واحد نعيمي وواحد نجدي ))
اقتباس:
الله يسلمك للأسف مفهومنا للتطور أصبح مقتصر بتبادل الأدوار :) فالزمان يعيد سرد تفاصيل الماضي بقلب الآية وكأنه ضريبة متأخرة ونتمت بالتطور :) راح يجي وقت :) ما يمشي الواحد إلا معه محرم :) سررت بتعقيبكِ سلمتِ ودمتِ بنقاء تحيتي بـ :) |
الساعة الآن 11:28 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0