وأول مجمع معترف فيه بالنسبه لي انا مااعرف شعور الباقي
لا يفوتكم تعالوا زوره حلو مرة
ياي زرته مرررة حلو عجبني في حاجه تطورا فيها
كان ودي اصورة لكم بس <====== ماجات الفكرة في بالي نسيت
طبعا بما انه مجمع حلو فأكيد في مجموعه ماصدقوا خبر فشلونا
قبل لا يفتح واقفين عند بابه الا بيدخلون <==== مطفوقين ماشافو مجمع
اول مادخلوا دخول الجيوووش المفاجأ انقضوا على الفريسه الله لا يوريكم
وصف المجمع
كان مرة حلو ديزاينه ناعم يبيله شغل الى الآن ماخلصووه هو عباره عن دورين بالدور الاول ماشالله مسوين قعده شعبية حلوة منظر طبعا <=== تبون الصراحه مااعرف اوصف تعالوا وشوفوه
.
الصراحه انا كاتبه هالموضوع ابغي اوصل لنقطه معينه ......
الشباب
( بمعنى اذا خلينا لهم اماكن رموا فيساتهم على البنات )
الى متى فئه من الأولاد اول مايشوفون عبايه ماصدقوا على الله شي اسود ياااي نظرات كلام ماله داعي يعني الى متى انهم يسون هالحركات بالعكس في ناس تنبسط لاجاهم مكان يعدون فيه بس هم مو مقدريين هالشي ..
اقلكم موقف حصلي يعني ماشابه الى اني كرهت المجمع ..
انا رايحته مع قريبتي الصباح ومافيه حد طبيعي انا جايه اتسوق مو عشان يحصلي واطلع دخلت قلت لقريبتي نبدأ بالدور الثاني اوكي صعدنا الا ولدين جايين علينا وقفي جمبي قالوا حنا اثنين وانتو اثنين يالله مع بعضنا مشينا ولا كأن احد قالنا حاجه المهم شفناهم جاين معاكسينا قلنا ننزل تحت وحنا عالدرج الا اشوف واحد جاء جمبي و يقول يالله مشينا نتقهوى سوا شاي قهوة الي تبونه والله يعني لو انا حاطه ميك اب كامل اقوله يحق له لكن لا حنا حاطين حاجه بوجهنا القهر في بنات ماشالله حاطين يعني يروحون لهم وبعد كذا وقف ماتحرك وحنا وقفنا ماقدرنا نمشي واحد تحت واحد جمبنا كل هالموقف في الدرج والله خايفين خوف مو طبيعي الا تاخذين ر قمنا اخرتها نزل تحت وقف ينتظرنا ننزل لحد مامشوا وبعد مامشوا حنا نزلنا وطلعنا من المجمع
عن جد قمه من القهر اذا هذا وضعناا اجل ليه نتسوق مايسمى مكان تسوق يسمى ....... يعني حاجه تقهر لا خلوناا نتسوق ولا حاجه )
طبعا انا مااعم على جميع الشباب على فئه يحبون الغزل
الله يهديهم ويهدي جميع المسلمين حبيت اوصل بس هالمعلومه وابارك للحساويه بالمجمع يالله انبسطوا انفتح مجمع عندكم عقبال الباقي من المجمعات ..........
وماابغي احد ياخذ كلامي بحزازيه انا حددت فئه من الشباب
مشكورين واتمنى تردون على موضوعي عالاقل احس اني لما كتبته ماتعبت
هالمرة مو منقول هالمرة مكتووووووووووووووووووب بيدي
الله يعطيكم العافيه