جمل دافئة مطبوخة على نار هادئة بكلمات بسيطة تعبر عن مشاعر جياشة ..
كتبتها إجابة لسؤال صعب وملح في نفس الوقت !!
اهديها الى احبابي في منتدىات ياسر القحطاني ....


سألني خلي وش ودك
تدلل ما أحد قدك
تبي عمري أنا عمرك
تبي روحي خذه تعذر
عطيتك لو تبي أكثر...!!

*****

حبيبي تدري وش ودي
تمر اليوم من عندي
تسلم تاخذ بيدي
على فعلك ترى تؤجر
وربي ما أبي أكثر ...

*****

حبيبي صحبتك متعه
في حياتي أنت لي شمعه
إذا ماجيت للجَمعه
تصير الملح والسكر
وربي ما أبي أكثر...

*****

بودي تكون شخصيه
كلامك ميه من ميه
ورأيك له أهميه
ماودي تضعف أو تصغر
وربي ما أبي أكثر ...

*****

بودي تكون معي صادق
كلامك كله متناسق
تجي والوعد مطابق
ماعمرك يوم تتأخر
وربي ما أبي أكثر ...

*****

حبيبي ودي تذكرني
رساله والله تجبرني
وإذا انك تكلمني
حياتي كلها تخضر
وربي ما أبي أكثر ...

*****

حبيبي ودي تقراني
قصايد كلها معاني
أنا المجروح والجاني
ملامح ماتبي دفتر
وربي ما أبي أكثر...

*****

حبيبي يالغلا ليتك
تجيني مثل ماجيتك
وبيتي يالقمر بيتك
ياليتك دوم تذكر
وربي ما أبي أكثر...

*****

حبيبي تدري أتمنى
أشوفك واحد منا
نقضى العمر في جنا
شجرها ياقمر أثمر
وربي ما أبي أكثر ...

*****

حبيبي ودي تتبسم
تقول أي شي تتكلم
وإذا سمعتك أقول تسلم
ووجهك كالقمر يظهر
وربي ما أبي أكثر...

*****

حبيبي تدري ليه ازعل
إذا شفتك حزين منذل
يفور الدم يتغلغل
أبيك ترضى وتتأمر
وربي ما أبي أكثر...
*****


حبيبي الدنيا ماتسوى
بدونك مابها مأوى
وغيرك في البشر بلوى
على فرقاك أنا ماقدر
وربي ما أبي أكثر...

*****

حبيبي هذا مرسولي
كتبته ماهو منقولي
فيه مطلوبي ومأمولي
ختامه مسك أو عنبر
وربي ما أبي أكثر ...


*****************************************