أم شريحتين شريحة تحت البطارية وشريحة فوق البطارية - شبكة القناص

زوبعة فكر · 30-11-2007, 06:21 AM

السموحة الموضوع شوي حساس وحاولت أجمع بعض المعلومات عن بنات الجامعة واللي حاصل هناك
في الوقت اللي لابد تكون فيه البنت بكامل نضجها وتخطت سن المراهقة نلقى المصيبة أن المرحلة الجامعية
أرض خصبة للتمرد على العادات والتقاليد وقرنت هالمرحلة بالجامعة لأنقل لكم ما يحدث داخل أسوار الجامعة من بعض الفتيات اللي تطمح تكون معلمة واللي تطمح تكون طبيبة إلخ صعقت لمّا عرفت بعض المعلومات مثل شرائح الجوال
بتأكيد في كل جامعة أو كلية للبنات حارسات أمن المهم ماعلينا
دور هالحارسات مراقبة الفتيات داخل الجامعة وتحول من تخالف الأنظمة إلى هيئة التحقيق أو المراقبة المهم ضيّعت الاسم
وتكون هذه الهيئة موجودة في كل جامعة من المخالفات الشائعة في الجامعة أجراء المكالمات أثناء المحاضرات يعني
لمّا تشوف حارسة الأمن بنت تمشي في الأسياب وتكلم تجي عندها وتقول مين تكلمين وإذا شافتها مرتبكة أو إذا كانت
الحارسة رايقة تاخذ منها الجوال وتشوف آخر رقم إذا رد رجال تحولها إلى التحقيق وهم يكتشفون الأمر هو قريبها ولا لا
من خلال الاتصال بالأم أو أحد أقاربها المهم ما علينا
المصيبة اللي حاصلة أنه لمّا تمسك بنت ويفتح جوالها يلقون شريحتين شريحة أسفل البطارية وهذي للأستخدام الأسري
وكل أهلها عارفين هالشريحة والشريحة اللي فوق البطارية هذي للحبيب أو للغزل من شان كذا الأنظمة تحتم فصلها ترم
إذا لقوا معها شريحتين
طبعاً الجامعات والكليات سمحت بالجوال وطبعاً منعت جوال الكاميرا والمسموح فقط استخدام الجوال في نهاية الدوام
عشان تتصل على ولي أمرها يجيها وهذا السبب الرئيسي
المصيبة أنه جامعات وكليات البنات يناقضن هالأنظمة من خلال التسويّق لبطايق سوا وموبايلي وهذا الشيء تأكدت منه
في أحد كليات البنات يعني أسياب الكلية صارت كلها بطايق شحن مستخدمة
والمصيبة الكبرى أن اللي تبيع عليهن بطايق شحن موظفة في الكلية وعميدة الكلية عارفة هالشيء
أنا الحين مستغرب إذا كانوا متشددين على البنات وخايفين عليهن
من باب أولى منع بيع هالبطايق يعني البنت الواعية ماراح تجي للكلية إلا جوالها مشحون وفيه رصيد
أمّا اللي دايم تشتري من الكلية بطايق هذي اللي تحط قدامها أكثر من علامة تعجب يعني أهلها لنفرض عارفين
أنه جوالها مشحون وإذا مافيه شحن راح يشحنونه لها ويحاسبونها على الرصيد لأنه في الغالب مكالمات البنت محدودة
أنا كل اللي يثير استغرابي بيع هالبطايق داخل أسوار الكلية بشكل عادي
كانوا قبل الجوالات يبيعون بطايق زجول ويقولون تبين أبوكِ اتصلي على جوال ببطاقة زجول لكن الحين
سوا ومويايلي جوا في الخط
الله يجزا الكليات والجامعات كل خير على حرصهم على بناتنا
لكن فيه حاجات يناقضونها بأنفسهم

الغاية من طرح الموضوع استقطاب آراء الفتيات اللي بالجامعات والكليات
ياترى صحيح أنه البطايق في الأسياب صارت منتشرة ؟
وتباع في الكلية والجامعة بشكل صريح ؟
وياترى لوحة العقوبات في الجامعة فيها عقوبة تسمى قضية أم شريحتين ؟

تحيتي بابتسامة

**يــارآ** · 30-11-2007, 10:32 AM

السلام عليكم

على سالفه الشريحتين ذي صارت قديمة ان البنت تشيل شريحه وتركب الشريحه الثانيه
اللي اشوفه انا ان البنت صار عندها جوالين جوال للأهل وجوال على قولتك للحبيب
وعلى طاري ذولي بتاع الامن اللي بالجامعه تراهم لايهشون ولايوشون وعلى قوله المثل
حاميها حراميها ..يسوون فيها بس بتاع الامن وهم ورا كل شي ممنوع
او مثل ماتقول ان هم بيحطوا عقوبات ..ترا البنات اللي بالجامعه ولاهمهم شي
اذا بغت شي تسويه يعني لاقانون بيمنعها ولاشي ..
ولاتفكر لوحه العقوبات على قولتك احد بيلتزم بها ..تراها محطوطه بس شكل بالجامعه

بوضح نقطه...

تقول ان البنات مكلماتهم محدوده ..من قال لك مكلماتهم محدوده بالعكس مكلماتهم بلا حدود
لوتخلينا نجلس يوم كامل عالتلفون ماعدنا مانع..وكل هذا على هدرة فاضيه ولافيها مايستفاد
صح بنات؟

مشكور اخوي عالموضوع

ام متعب التميمي · 30-11-2007, 11:58 AM

حبيت اعقب ع الموضوع

اول شي لاتعم بنات الجامعه كلهم

وممكن معاها شريحتين مو شرط وحده للاهل وحده للحبيب

انا اعرف كثير بنات معاهم شريحتين
بس وحده تكون خاصه لبنات الجامعه
لانهم مايوثق فيهم
وخاصه انها راح تتعامل معهم
في سالفة عطيني ملزمتك اصورها ومدري كيف
واقلها لو يصير بينهم مشكله تلقى وحده ماعندها ضمير تنشر رقمك او تعطيه خوييها
والثانيه تتورط وتاكلها

اما الامن
احنا بجامعةالملك سعود ماعندنا امن زي الكليات يعني الحمدلله في حوريه
خلاص البنت بالجامعه وصلت لكامل عقلها
ماتحتاج مراقبه

والجامعه ماراح تصير خايفه على لبنت اكثر من اهلها
والي قدرت تغش اهلها وهم في بيت مافي الاعدد قليل
كيف الجامعه بتسيطر عليها وتربيها في مكان فيه امه من البنات

اماسالفةالبطاقات وانتشارها
والله احنابالجامعه عندنا البطاقات بالهبل

بس مهم انهم يبيعونها
موعشان تشحن تكلم
لا
مثلاانا مره انقطع جوالي وكان ودي اكلم البنات اشوفهم وش سويت
رحت لسوق الجامعةوشحنت
شفت كيف مهم انهاتنباع

وصراحه احس انكم تخلقون مشكله من لا شيء

والله الي بتغازل بتغازل
سواء عند اهلها او برى بشريحتين او بشريحه

والدليل اول قبل الجوالات
كان متشر المغازل
وهم على الثابت

يعني الي في راسه شي بيسويه

نواااااف11 · 01-12-2007, 03:03 AM

مو كل اصابعك سوا ومو كل من معها شريحتين
تكون الثانيه للغزل
جايز تكون انها ماتبي تعطي رقمها العام احد
لان فيه بنات عادي توزع رقم خويتها في حال صار بينهم خلاف اوتهاوشوا
عشان كذا تلجأ انها تستعمل شريحه ثانيه
او تصير شريحة فزعه في حال انقطع جوالها والواحد يحسن الظن

واللي براسها شي ماحد راح يردها لاوكيله ولامديره

والله يعطيك العافيه

زوبعة فكر · 01-12-2007, 01:22 PM

اقتباس:

المشاركة الأصلية كتبت بواسطة يـارا

السلام عليكم

على سالفه الشريحتين ذي صارت قديمة ان البنت تشيل شريحه وتركب الشريحه الثانيه
اللي اشوفه انا ان البنت صار عندها جوالين جوال للأهل وجوال على قولتك للحبيب
وعلى طاري ذولي بتاع الامن اللي بالجامعه تراهم لايهشون ولايوشون وعلى قوله المثل
حاميها حراميها ..يسوون فيها بس بتاع الامن وهم ورا كل شي ممنوع
او مثل ماتقول ان هم بيحطوا عقوبات ..ترا البنات اللي بالجامعه ولاهمهم شي
اذا بغت شي تسويه يعني لاقانون بيمنعها ولاشي ..
ولاتفكر لوحه العقوبات على قولتك احد بيلتزم بها ..تراها محطوطه بس شكل بالجامعه

بوضح نقطه...

تقول ان البنات مكلماتهم محدوده ..من قال لك مكلماتهم محدوده بالعكس مكلماتهم بلا حدود
لوتخلينا نجلس يوم كامل عالتلفون ماعدنا مانع..وكل هذا على هدرة فاضيه ولافيها مايستفاد
صح بنات؟

مشكور اخوي عالموضوع

هي قديمة بالنسبة للمبتدئة وأقصد اللي تحاول الخروج عن نطاق الخصوصية والمثالية وتحاول ممارسة
طقوس الغزل دون علم أو شبهات تظهر للأهل وهنا تحاول إخراج شريحة تظن من خلالها أنها تمارس
حريّتها الزائفة
أمّا الفتاة التي يكون لديها أكثر من شريحة وجوال بعلم الأهل بتأكيد هي أوكلة الثقة
وفي الغالب ولي الأمر لا يعطي الحريّة للفتاة إلا إذا وجد بوادر الثقة متبادلة بينهم

أمّا عن محدودية الاتصال كنت ولا أزال أتصور أن المكالمات محدودة

في الجوال
وفي الغالب بسبب التكلفة لذا الهاتف الثابت ربّما يكون استهلاك الفتاة عليه أكثر

سررت بتعقيبكِ
تحيتي بـ

زهور الريف · 03-12-2007, 01:59 AM

مشكوووووووووورة اختي بس كلامك موصحيح
البنت لما تاخذ شريحتين وحدة للاهل وحدة للصديقااااات
انا بالنسبة لي معي شريحتين للجميع عام وموبايلي اتكلم مع اللي ابغى موبايلي مخصصتها للمغرب اكلم هناء ........كذا يعني ولا رسايل الشات

شــذا الـروح · 03-12-2007, 08:32 AM

السلام عليكم ورحمة الله وبركاته
حبيت اعلق على موضوعك ياليت تتقبل مروري
اولا كلامك فيه الصحيح وفيه الغلط
من واقع تجربتي بأول سنه جامعه انه مو شرط كل بنت تمتلك اكثر من جوال طيب ويمكن كل بنت ماتحب انه السمعه السيئه تجي فيها
يعني انا لما اكون اكلم صديقتي وقاعده اتمشى مو معناه اني .............. كل الناس تفكيرهم خاطئ يظن اني اكلم
تفكير الناس تفكير متخلف رجعيث وحنا البنات على فكرة نحب لما نتكلم نسولف ومايحوشنا احد اذا قعدنا بالتلفون خربناهاغ وايش بالك اذا جوال وعلى كيفي ومااحد يقولي قفلي يعني شي حلو مرة
ثانيا الي عندها شريحتين في بنات تستخدم شريحتين استخدام هي محددته يعني في بنات تقول انا استخدم شريحه حق اللعب والوناسه والثانيه حق الاهل
وفي بنات لا يمكن ماخذه شريحه سوا وموبايلي ويكون بعلم اهلها وعادي يعني اذا اهلها عارفين وواثقين فيها مااظن انهم بيقولوا حاجه
ثالثا اقول عن بطايق الشحن فعلا
انا اشوف العاملات تبع الجامعه ماشالله ماخذين جوا حق البطايق ماشالله جد ياخذون عليك عر العمله الدبل يعني 10 سوا ب12 ريال وهكذا
واحب اقولك مو شرط لما يكون بطاقه الشحن فاضيه انو مااناخذ الا من بره الجامعه
بعض الاحيان تحدك الظروف
خلص الشحن وانا بالجامعه راح اكون مضطرة اني اشحن بالجامعه لانو حنا البنات بالجامعه كل البنات يعني الي كانو معنا بالثانوي نقولهم وينكم بنتلاقى ونقعد سوالف يعني لحد ماالاقيها يعني طبيعي انها تخلص اذا شاحنه بعشره
لكن انا الحمدالله ماقد جربت اني اشحن بالجامعه رصيدي دووووم ملين >>>>>قولو ماشالله مو ناقصه عين واصير مفلسه
دايما اقول لو مابقى بطاقه الا بالجامعه والله مااشحن من عندهم
ادري اني طولت وتقبلواا مرووري
مشكور عالموضوع الحلو

دمها ازرق. · 10-12-2007, 03:45 AM

النك بحد ذاته شدني ..
بالنسبه للموضوع فانا ابصم بالمليون انه واقع مليوون بالميه
اخ زووبعه لما تركز على مجتمع مثل الجامعات بتتعب
لانو الوضع ماصار جوالات وشريحتين وبس
الوضع تأزم لما هو اكبر واهو الحشيش واللي البنات يوزعونه لبعض في الجامعات
وانا اتكلم وانا صااادقه ومن واقع تجربه
اخي العزيز..
انت لو تدقق بتصرفات البنات تعرف انو بنات السعوديه
لايكبرون الا بعد سن الثلاثين ولا اعم بها الكلام الكل بس تقدر تقول 75%
مادري احس اني طوولت واخذت الموضوع لمنحى ثاني
بس لو فكرنا في سوالف البنات ترى بتتعب
وفيه اللي اهو اكبر من الشريحتين
تقبل تحيااتي .....

حقل الدموع · 10-12-2007, 08:36 AM

سؤال بس؟؟

المواضيع

حقل الدموع · 10-12-2007, 08:37 AM

سؤال بس؟؟؟

المواضيع كلها تكررت ولا بس مواضيعك أخوي زوبعة فكر؟؟

وتقبل مروري.

ملاحظة:

سبق إني رديت على هالموضوع إن مو كل البنات نفس الشي ولا كل اللي عندها اكثر من شريحة تستخدمها بسوء.

أعرف بنات عندهم فوق الأربع شرايح وأهلها يعرفون عن جميع الأرقام ولا يستخدمونها في أمور مشينة.

هلاليه 20 · 10-12-2007, 04:35 PM

يعطيك العافيه أخوي زوبعه وكلامك فيه من الصحه كثير
انا في أول سنه لي في الجامعه ذُهلت بالي شفته الموضوع صار جدا عادي عند كثير من البنات
مو شريحتين جوالين مره وحده وعيني عينك يعني الي عارف انه على غلط ويجاهر فيه ويدعو له
وليتها وقفت على شرايح وبس والله اشياء تروع أول كنت أستغرب لما أشوفها الحين صارت ماتهمني تقدر تقول عادي مع انها عظيمه
أما بالنسبه للأمن فما منهم فايده وحتى لو مسكو أحد يمررونها تقدر تقول حاميها حراميها وصدقني أخوي الي في راسها شي بتسويه بتسويه في الجامعه في بيتها في أي مكان ثاني
أنا ماأعمم الحمد لله للحين وبكثره في البنات الي فيهم من الخير كثير والله يزيدهم يارب

أتمنى تتقبل مروري تحياتي

30-11-2007, 06:21 AM	#1
زوبعة فكر مطرود من الملعب	أم شريحتين شريحة تحت البطارية وشريحة فوق البطارية السموحة الموضوع شوي حساس وحاولت أجمع بعض المعلومات عن بنات الجامعة واللي حاصل هناك في الوقت اللي لابد تكون فيه البنت بكامل نضجها وتخطت سن المراهقة نلقى المصيبة أن المرحلة الجامعية أرض خصبة للتمرد على العادات والتقاليد وقرنت هالمرحلة بالجامعة لأنقل لكم ما يحدث داخل أسوار الجامعة من بعض الفتيات اللي تطمح تكون معلمة واللي تطمح تكون طبيبة إلخ صعقت لمّا عرفت بعض المعلومات مثل شرائح الجوال بتأكيد في كل جامعة أو كلية للبنات حارسات أمن المهم ماعلينا دور هالحارسات مراقبة الفتيات داخل الجامعة وتحول من تخالف الأنظمة إلى هيئة التحقيق أو المراقبة المهم ضيّعت الاسم وتكون هذه الهيئة موجودة في كل جامعة من المخالفات الشائعة في الجامعة أجراء المكالمات أثناء المحاضرات يعني لمّا تشوف حارسة الأمن بنت تمشي في الأسياب وتكلم تجي عندها وتقول مين تكلمين وإذا شافتها مرتبكة أو إذا كانت الحارسة رايقة تاخذ منها الجوال وتشوف آخر رقم إذا رد رجال تحولها إلى التحقيق وهم يكتشفون الأمر هو قريبها ولا لا من خلال الاتصال بالأم أو أحد أقاربها المهم ما علينا المصيبة اللي حاصلة أنه لمّا تمسك بنت ويفتح جوالها يلقون شريحتين شريحة أسفل البطارية وهذي للأستخدام الأسري وكل أهلها عارفين هالشريحة والشريحة اللي فوق البطارية هذي للحبيب أو للغزل من شان كذا الأنظمة تحتم فصلها ترم إذا لقوا معها شريحتين طبعاً الجامعات والكليات سمحت بالجوال وطبعاً منعت جوال الكاميرا والمسموح فقط استخدام الجوال في نهاية الدوام عشان تتصل على ولي أمرها يجيها وهذا السبب الرئيسي المصيبة أنه جامعات وكليات البنات يناقضن هالأنظمة من خلال التسويّق لبطايق سوا وموبايلي وهذا الشيء تأكدت منه في أحد كليات البنات يعني أسياب الكلية صارت كلها بطايق شحن مستخدمة والمصيبة الكبرى أن اللي تبيع عليهن بطايق شحن موظفة في الكلية وعميدة الكلية عارفة هالشيء أنا الحين مستغرب إذا كانوا متشددين على البنات وخايفين عليهن من باب أولى منع بيع هالبطايق يعني البنت الواعية ماراح تجي للكلية إلا جوالها مشحون وفيه رصيد أمّا اللي دايم تشتري من الكلية بطايق هذي اللي تحط قدامها أكثر من علامة تعجب يعني أهلها لنفرض عارفين أنه جوالها مشحون وإذا مافيه شحن راح يشحنونه لها ويحاسبونها على الرصيد لأنه في الغالب مكالمات البنت محدودة أنا كل اللي يثير استغرابي بيع هالبطايق داخل أسوار الكلية بشكل عادي كانوا قبل الجوالات يبيعون بطايق زجول ويقولون تبين أبوكِ اتصلي على جوال ببطاقة زجول لكن الحين سوا ومويايلي جوا في الخط الله يجزا الكليات والجامعات كل خير على حرصهم على بناتنا لكن فيه حاجات يناقضونها بأنفسهم الغاية من طرح الموضوع استقطاب آراء الفتيات اللي بالجامعات والكليات ياترى صحيح أنه البطايق في الأسياب صارت منتشرة ؟ وتباع في الكلية والجامعة بشكل صريح ؟ وياترى لوحة العقوبات في الجامعة فيها عقوبة تسمى قضية أم شريحتين ؟ تحيتي بابتسامة

30-11-2007, 10:32 AM	#2
يــارآ . . : زعيم القناصين : . .	رد: أم شريحتين شريحة تحت البطارية وشريحة فوق البطارية السلام عليكم على سالفه الشريحتين ذي صارت قديمة ان البنت تشيل شريحه وتركب الشريحه الثانيه اللي اشوفه انا ان البنت صار عندها جوالين جوال للأهل وجوال على قولتك للحبيب وعلى طاري ذولي بتاع الامن اللي بالجامعه تراهم لايهشون ولايوشون وعلى قوله المثل حاميها حراميها ..يسوون فيها بس بتاع الامن وهم ورا كل شي ممنوع او مثل ماتقول ان هم بيحطوا عقوبات ..ترا البنات اللي بالجامعه ولاهمهم شي اذا بغت شي تسويه يعني لاقانون بيمنعها ولاشي .. ولاتفكر لوحه العقوبات على قولتك احد بيلتزم بها ..تراها محطوطه بس شكل بالجامعه بوضح نقطه... تقول ان البنات مكلماتهم محدوده ..من قال لك مكلماتهم محدوده بالعكس مكلماتهم بلا حدود لوتخلينا نجلس يوم كامل عالتلفون ماعدنا مانع..وكل هذا على هدرة فاضيه ولافيها مايستفاد صح بنات؟ مشكور اخوي عالموضوع التوقيع: * ................................ التعديل الأخير تم بواسطة يــارآ ; 30-11-2007 الساعة 10:34 AM

30-11-2007, 11:58 AM	#3
ام متعب التميمي قناص جديد	رد: أم شريحتين شريحة تحت البطارية وشريحة فوق البطارية حبيت اعقب ع الموضوع اول شي لاتعم بنات الجامعه كلهم وممكن معاها شريحتين مو شرط وحده للاهل وحده للحبيب انا اعرف كثير بنات معاهم شريحتين بس وحده تكون خاصه لبنات الجامعه لانهم مايوثق فيهم وخاصه انها راح تتعامل معهم في سالفة عطيني ملزمتك اصورها ومدري كيف واقلها لو يصير بينهم مشكله تلقى وحده ماعندها ضمير تنشر رقمك او تعطيه خوييها والثانيه تتورط وتاكلها اما الامن احنا بجامعةالملك سعود ماعندنا امن زي الكليات يعني الحمدلله في حوريه خلاص البنت بالجامعه وصلت لكامل عقلها ماتحتاج مراقبه والجامعه ماراح تصير خايفه على لبنت اكثر من اهلها والي قدرت تغش اهلها وهم في بيت مافي الاعدد قليل كيف الجامعه بتسيطر عليها وتربيها في مكان فيه امه من البنات اماسالفةالبطاقات وانتشارها والله احنابالجامعه عندنا البطاقات بالهبل بس مهم انهم يبيعونها موعشان تشحن تكلم لا مثلاانا مره انقطع جوالي وكان ودي اكلم البنات اشوفهم وش سويت رحت لسوق الجامعةوشحنت شفت كيف مهم انهاتنباع وصراحه احس انكم تخلقون مشكله من لا شيء والله الي بتغازل بتغازل سواء عند اهلها او برى بشريحتين او بشريحه والدليل اول قبل الجوالات كان متشر المغازل وهم على الثابت يعني الي في راسه شي بيسويه

01-12-2007, 03:03 AM	#4
نواااااف11 قنــاص فعــال	رد: أم شريحتين شريحة تحت البطارية وشريحة فوق البطارية مو كل اصابعك سوا ومو كل من معها شريحتين تكون الثانيه للغزل جايز تكون انها ماتبي تعطي رقمها العام احد لان فيه بنات عادي توزع رقم خويتها في حال صار بينهم خلاف اوتهاوشوا عشان كذا تلجأ انها تستعمل شريحه ثانيه او تصير شريحة فزعه في حال انقطع جوالها والواحد يحسن الظن واللي براسها شي ماحد راح يردها لاوكيله ولامديره والله يعطيك العافيه التوقيع: طال ليلي انا وينه ابيه النهار وضاعت خطاي ..حتى الدرب عيا يودي . . . nwaaaf_11@hotmail.com

03-12-2007, 01:59 AM	#6
زهور الريف قناص مميــز	رد: أم شريحتين شريحة تحت البطارية وشريحة فوق البطارية مشكوووووووووورة اختي بس كلامك موصحيح البنت لما تاخذ شريحتين وحدة للاهل وحدة للصديقااااات انا بالنسبة لي معي شريحتين للجميع عام وموبايلي اتكلم مع اللي ابغى موبايلي مخصصتها للمغرب اكلم هناء ........كذا يعني ولا رسايل الشات

03-12-2007, 08:32 AM	#7
شــذا الـروح قناص جديد	رد: أم شريحتين شريحة تحت البطارية وشريحة فوق البطارية السلام عليكم ورحمة الله وبركاته حبيت اعلق على موضوعك ياليت تتقبل مروري اولا كلامك فيه الصحيح وفيه الغلط من واقع تجربتي بأول سنه جامعه انه مو شرط كل بنت تمتلك اكثر من جوال طيب ويمكن كل بنت ماتحب انه السمعه السيئه تجي فيها يعني انا لما اكون اكلم صديقتي وقاعده اتمشى مو معناه اني .............. كل الناس تفكيرهم خاطئ يظن اني اكلم تفكير الناس تفكير متخلف رجعيث وحنا البنات على فكرة نحب لما نتكلم نسولف ومايحوشنا احد اذا قعدنا بالتلفون خربناهاغ وايش بالك اذا جوال وعلى كيفي ومااحد يقولي قفلي يعني شي حلو مرة ثانيا الي عندها شريحتين في بنات تستخدم شريحتين استخدام هي محددته يعني في بنات تقول انا استخدم شريحه حق اللعب والوناسه والثانيه حق الاهل وفي بنات لا يمكن ماخذه شريحه سوا وموبايلي ويكون بعلم اهلها وعادي يعني اذا اهلها عارفين وواثقين فيها مااظن انهم بيقولوا حاجه ثالثا اقول عن بطايق الشحن فعلا انا اشوف العاملات تبع الجامعه ماشالله ماخذين جوا حق البطايق ماشالله جد ياخذون عليك عر العمله الدبل يعني 10 سوا ب12 ريال وهكذا واحب اقولك مو شرط لما يكون بطاقه الشحن فاضيه انو مااناخذ الا من بره الجامعه بعض الاحيان تحدك الظروف خلص الشحن وانا بالجامعه راح اكون مضطرة اني اشحن بالجامعه لانو حنا البنات بالجامعه كل البنات يعني الي كانو معنا بالثانوي نقولهم وينكم بنتلاقى ونقعد سوالف يعني لحد ماالاقيها يعني طبيعي انها تخلص اذا شاحنه بعشره لكن انا الحمدالله ماقد جربت اني اشحن بالجامعه رصيدي دووووم ملين >>>>>قولو ماشالله مو ناقصه عين واصير مفلسه دايما اقول لو مابقى بطاقه الا بالجامعه والله مااشحن من عندهم ادري اني طولت وتقبلواا مرووري مشكور عالموضوع الحلو التوقيع:

10-12-2007, 03:45 AM	#8
دمها ازرق. قناص جديد	رد: أم شريحتين شريحة تحت البطارية وشريحة فوق البطارية النك بحد ذاته شدني .. بالنسبه للموضوع فانا ابصم بالمليون انه واقع مليوون بالميه اخ زووبعه لما تركز على مجتمع مثل الجامعات بتتعب لانو الوضع ماصار جوالات وشريحتين وبس الوضع تأزم لما هو اكبر واهو الحشيش واللي البنات يوزعونه لبعض في الجامعات وانا اتكلم وانا صااادقه ومن واقع تجربه اخي العزيز.. انت لو تدقق بتصرفات البنات تعرف انو بنات السعوديه لايكبرون الا بعد سن الثلاثين ولا اعم بها الكلام الكل بس تقدر تقول 75% مادري احس اني طوولت واخذت الموضوع لمنحى ثاني بس لو فكرنا في سوالف البنات ترى بتتعب وفيه اللي اهو اكبر من الشريحتين تقبل تحيااتي .....

10-12-2007, 08:36 AM	#9
حقل الدموع قنــاص فعــال	رد: أم شريحتين شريحة تحت البطارية وشريحة فوق البطارية سؤال بس؟؟ المواضيع التوقيع: امسح دموعك بحسن الظن بربك، واطرد همومك بتذكُّر نعم الله عليك.

10-12-2007, 08:37 AM	#10
حقل الدموع قنــاص فعــال	رد: أم شريحتين شريحة تحت البطارية وشريحة فوق البطارية سؤال بس؟؟؟ المواضيع كلها تكررت ولا بس مواضيعك أخوي زوبعة فكر؟؟ وتقبل مروري. ملاحظة: سبق إني رديت على هالموضوع إن مو كل البنات نفس الشي ولا كل اللي عندها اكثر من شريحة تستخدمها بسوء. أعرف بنات عندهم فوق الأربع شرايح وأهلها يعرفون عن جميع الأرقام ولا يستخدمونها في أمور مشينة. التوقيع: امسح دموعك بحسن الظن بربك، واطرد همومك بتذكُّر نعم الله عليك.

10-12-2007, 04:35 PM	#11
هلاليه 20 قنــاص فعــال	رد: أم شريحتين شريحة تحت البطارية وشريحة فوق البطارية يعطيك العافيه أخوي زوبعه وكلامك فيه من الصحه كثير انا في أول سنه لي في الجامعه ذُهلت بالي شفته الموضوع صار جدا عادي عند كثير من البنات مو شريحتين جوالين مره وحده وعيني عينك يعني الي عارف انه على غلط ويجاهر فيه ويدعو له وليتها وقفت على شرايح وبس والله اشياء تروع أول كنت أستغرب لما أشوفها الحين صارت ماتهمني تقدر تقول عادي مع انها عظيمه أما بالنسبه للأمن فما منهم فايده وحتى لو مسكو أحد يمررونها تقدر تقول حاميها حراميها وصدقني أخوي الي في راسها شي بتسويه بتسويه في الجامعه في بيتها في أي مكان ثاني أنا ماأعمم الحمد لله للحين وبكثره في البنات الي فيهم من الخير كثير والله يزيدهم يارب أتمنى تتقبل مروري تحياتي التوقيع: غـزّة . .لَها ربّ العِزّة