|||||||
يوم اللقاء .. تخيلوا .. !!
مالي حبيبٍ احضنه .. !!
ومالي صديقه احكي لها ..
عاللي جـــرى .. !!
تخيلوا .. !!
كل العيون معلقه ..
تناظر الطفله ( المره )
وتحتري .. زولٍ يطل ..
وبدون ما يحكي احد ..
تدري الجموع الحاضره ..
عن قصة اثنين بغوّا ..
في وسط هذي المعمعه ..
يبنون بيت وعايله ..
باحلام حلوه مجمعه ..
تخيلوا .. !!
مع كل نظره خاطفه ..
من عين تستغرب وقوفي ..
يمرني موتٍ عظيم .. !!
موقف عظيم .. !!
وزودٍ على هذا الشعور ..
تهديني العين الغريبه ..
ربكه وخوف ..
بدون ما تقدر ظروفي .. !!
تخيلوا .. !!
صديقتي تعتب عليّ ..
تقول لي تكلمي ّ..
علّ .. وعـســـى ..
يوصل له بعض هالحكي ..
ويجيك في وقت المساء ..
وتفرحين ..
وتنسين كرهك للغروب ..
ومافيه من معاني الأســـى .. !!
تخيلوا .. !!
جلست انتظره سنين ..
ومع كل ناسٍ جديدين ..
اقول محبوبي بيجي .. !!
تخيلوا .. !!
للحين ماجا ما وصل .. !!
للحين وأيام اللقاء ..
بدون أحضان ولقاء .. !!
للحين بعض العيون معلقه ..
وتنتظر ..
تكمل القصه بـزولٍ يطل ..
للحين والموقف عظيم بوقوفي ..
للحين ومحدٍ يقدر ظروفي ..
للحين وصديقتي تعتب عليّ ..
وتقول لي تكلمي ّ .. !!
تخيلوا ... !!
تبيني أتكلم وأقول ..
وأنا .. ما عندي حكي ..
عندي بس انتظار ..
في حلم .. !!
أو في مطار ..
او في محطة قطار ..
تخيلوا .. !!
في كل يومٍ للقاء ..
انتظر ..
حبيب يوصل واحضنه ..
حبيب اجهل موطنه ..
اعشقه .. واجهله ..
وانتظره دوم بكل وفاء ..
في كل يومٍ للقاء .. !!
22-10-2007, 11:34 PM
{ .. يوم اللقاء تخيلوا .. مالي حبيبٍ أحضنــه ..~
العرض الشجري
