::


::


::


::


::


يامرحبا وسهلا CC


انتهت كيكة رمضان الدراميه فاز من فاز وخسر من خسر

تسابقت القنوات على العروض الحصريه والعرض الأول

وفازت قنوات معروفه لدينا بنصيب الاسد من الاعلانات

وفازت قنوات بالاهم وهو المشاهدين


القنوات

[COLOR="Purple"]- بأعتقادي كل القنوات العربيه يبي لها 10 سنوات قدام
لين تقدر توصل لمستوى قناة mbc مو عشان سعوديه لاوالله
لكن كل شي في هالقناه ممتع جدا .. برامج دينيه , دراما , مسابقات
حتى الاعلانات تنبسط وانت تتفرج
الشي الوحيد اللي فشلت فيه mbc هالسنه هو مسلسل "لحظة ضعف "
اصلا وانا أتفرج له أحس وليد الابراهيم يقول سامحونا يامشاهدينا على هالمسلسل البثر
وش نسوي بآل الصباح حجروا لنا
لكن طبعا نجاح باب الحاره وفاروق ناهيك عن طاش وزحلطن عوّض اخفاق لحظة ضعف

- قناة lbc يسجل لهم هالسنه عرض مسلسل الاجتياح اللي سمعت حوله
كلام كثير .. وفشلوا فشل ذريييييع جدا في باقي برامجهم
اجل بعد المغرب حاطين برامج مسابقات مدري وش جاه الشيخ بيير
حتى نجدت انزور اللي غثنا بمسلسله طلع مسلسل فاشل للأسف
وكان عبأ على القناه من وجهة نظري رغم تكلفة أنتاجه العاليه
اللي لفت نظري في lbc هو برنامج " مسافرون " وفوازير الف ويله بليله

- نجي لدبي كالعاده قناه تصرف على جذب النجوم فقط وهالشي بيدمرها :(
يعني عندهم يسرا وحياة الفهد وسعاد عبدالله وفهد الحيان والمصراويه وووو الخ
وللأسف لم ينجح أحد بإستثناء حياة الفهد كالعاده ولهو ذاك النجاح المشهود له بعد
يعني نجاح على أستحياء والكلام نفسه لفهد الحيان عكس سعاد عبدالله :( اللي مر مسلسلها "شاهين "ولحد يدري به

- قناة الرأي :D هههههههههههه هالقناه مدري وش تبي من الدنيا
عندهم فلوس صح بس مايدرون وين يصرفون اعمال خليجيه اقل
مايقال عنها واطيه تصرف عليها هالقناه بالآلاف !!
وفوازير حليمه أقرب مثال شغل وديكورات وفساتين وتصاميم
طيب بعد هالتعب كله لو تجيبون هيفا وهبي أرحم كل هالتعب خربته حليمه بولند
هذا ولدنا وحيد والمخبرين ازهار
لو مهو بيني وبينكم أشوفه فترات ويتربى في عزو كان شطبت هالقناه

هذي اعتقد أبرز أربع قنوات وأن كان فيه قنوات زي قطر وأبو ظبي بعد
نالت نصيبها من المشاهدين وتستحق الاحترام

- قناتنا العزيزه


برامج المسابقات

من عقب من سيربح المليون والموضه اللي جت عقبه لم ينجح أحد
بأستنثاء بعض النجاح لبرنامج حروف وألوف
برنامج كل يوم مليون حق روتانا برضه فكرته حلوه
لكن برضه مااعتقد انه حقق النجاح المطلوب
ولايهون يوسف الجراح

البرامج الحواريه والمقابلات

وجه يقول وينك يانيشان
فازت هاله سرحان اعتقد بدون منافس ببرنامجها " قناة خمس نجوم "
اللي استظافت فيه ضيوف من العيار الثقيل فنانين وممثلين ولاتهون أحلام ومحمد عبده


= = = = = =

نقاط سريعه

- طاش ماطاش هالسنه بدأ أكثر جرأه حقيقه وكان فيه حلقات هادفه للنخاع امس عباس النوري قاعد يمدح فيهم وفي نقدهم واختيارهم للمواضيع
السؤال دام وصلتوا لكل هالناس وصار العالم العربي كله يتابع ورى مايتركون
مصاله مثل " عليان وسعيدان " ؟ ولايهون كثرة شخصية فؤاد :
هالشخصيه لحالها اعتقد مرت علينا في 5 حلقات وهذا افلاس


- اعتقد ان السوريين خلاص عرفوا الطريق ولاعاد حد موقفهم
هالسنه اعمالهم لاقت اعجاب وصدى مو طبيعي حتى من منافسيهم المصريين
اللي اعترفوا بفشلهم هالسنه (( امس شفت ليلة العيد على قطر كان فيه يوسف شعبان
نقيب الفنانين المصرين مع سامر المصري وعباس النوري واعترف ان
هالسنه هي سنة سوريا )) :

- اللي ذبح المصريين هو أن كل نجم يبي له مسلسل على كيفه
يعني يسرا لحالها ونور الشريف لحاله والفخراني لحاله والفيشاوري لحاله
حتى فيفي عبده صارت لها مسلسلات سنويه لحالها وهالشي اعتقد هو سبب الفشل الذريع
اللي خلا نجم شاب زي تيّم الحسن يخطف منهم أقوى دور هالسنه ولايهون حاتم علي

- عباس النوري الحين صار معه حق يوم صرّح أن أقل مخرج سوري
افضل من اطنخ من كل مخرجين المحروسه صرت أدقق انا في حاجات كثير
وجدت بالفعل فيه فرق كبير خصوصا من ناحية استخدام اكثر من كاميرا للمشهد


- ماتلاحظون أن عيال المنصور لهم فقده صح انهم صاروا ماصلين في الاخير
لكن برضه لهم اسمهم وثقلهم لو تواجدوا خصوصا محمد المنصور

- سعاد عبدالله (( وينك ))

- عوده غير حميده لعمر الشريف مسلسل حنان وحنين مر محد درى عنه
وكانوا غاثينا فيه المصاروه قبل رمضان

- للأسف الاردنيين بدو يستغلون حنين الخليج للأعمال البدويه القديمه ويسوون
أشياء مال أمها داعي فيها قلب للحقائق غير عن كذا فيها تعدي سافر على بعض العادات
والتقاليد البدويه المعروفه والهدف التسويق بغظ النظر عن جودة العمل الفني وقيمته !

- mbc ماأعتقد تخاطر بسمعتها في شي مهوب زين اتوقع الجميع بيكون معي في هالنقطه
والسبب هو أغرائها لبسام الملا بعمل جزء ثالث من باب الحاره
وبسام نفسه تهور ووافق بدون علم شركة عاج اللي قامت تطالب بحقوقها إذا تم الجزء
الثالث دون موافقتها

- حسن عسيري أكثر شخص أسترزق في رمضان ولزماته
" تيه تلقفها تاك , زحلطن " انتشرت بعنف صراحه مدري وين كان مخبي كل هالكوميديا
رغم انه قبل فتره اعترف انه ماينفع كوميدي

- محمد العيسى ياحسافه بس لو أنك فنان ملتزم بمواعيدك وشغلك
ماوصلت لهالمرحله :( حنيت عليك وأنا أشوفك في مسلسل " عقاب "

- فيه شي ماشفت حد تكلم عنه مايا نصري مشاركه
في مسلسل سلطان الغرام كيف ووليش مدري

- بأستثناء تتر " نمر بن عدوان " لراشد الماجد و " نعم ولا " لماجد المهندس
لم ينجح أحد هالسنه عكس المواسم الماضيه اللي كانت التترات
تنتشر على طول


- اخيرا رأي شخصي جدا
بأعتقادي ان طاقم باب الحاره ككل + تيّم الحسن + حاتم علي
+ يحيى الفخراني + حياة الفهد + حسن عسيري
هم اللي أضافوا للدراما هالسنه


== = = = = = =

عندكم المايك
تكلموا عن كل اللي شفتوه اللي عجبكم واللي ماعجبكم

بـآك ,

ندخل في الموضوع علطول

القنـوات ,

بالنسبه للقنوات اكثر قناة طلعت نجاح

هي MBC من خلال / طاش ماطاش وبيني وبينك وباب الحاره ونمر بن عدوان وحروف وألوف

قناة دبي / قدمت برامج ومسلسلات حلوه , بس بعضها [ خياليه ]

القناة الاولى / ماشفت فيها الا صياحه صياحه

القنوات الثانيه ماتابعتها , ,

بالنسبه المسابقات /

حروف وألوف وبس

, وأحب أنوهـ ان مسلسلين بيني وبينك وباب الحاره 2 ونمر بن عدوان , كان عليه اكثر اقبال الجمهور !


بالنسبه للي شفته وماشفته

تابعت مسلسلات / طاش ماطاش , مزنه أند فاميلي , بيني وبينك ( كويس مره هالمسلسل ) , باب الحـاره , نمر بن عدوان ( بعد وفاة وضحى ماشفته ) .. وبرنامج حروف وألوف , وتمنيت اني اتصل واجيب سياره وأبو فهد يناقز والانوار تولع لي

وكلها عجبتني , بس احب اقول نقطه عن " عرس الدم " ,

واقولهم / من جدكم ؟

واحب اقول للي سوو برنامج سلطان الغرام , / يرحم أمكم لاتسوون مسلسلات مسلسل سااامج وسخيف وثقيل دم ,

اما مسلسل الملك فاروق , كـ [ قصه ] راائع

لكن ممثلينه , لاتعليق !


ابو يزيد , يعطيك العافية

شف كلامك صحيح

الام بي سي غلطت يوم بثت لحظة ضعف زينب العسكري من اول حلقه الا اخر حلقه وهي تصيح


اما البقيه كنت متابع لها


يعني باب الحاره

غنيه عن التعرف

حروف والوف

اتابعها انتظر سؤالي ولا طلعوه الي ما يخافون الله

وش بعد ايه اشوف هذا ولدنا الي فيه طارق العلي واليرفي ونخبه من النجوم صراحه

مضحك في كل حلقه لازم تجي لقطه اقوم اتسدح عليها من الضحك

وبيني وبينك

برنامج كوميدي لين تقول بس

واطلق شيء عجبني فيه ساقتلش

اذا تذكرتها اقوم اطحك

وبس ومشكور يبو يزيد على الموضوع الي فكرته حلوه

أنَا يَاكرهِي لِقَنَاة : mbc

فِيه مُسلسَلاَت تُستَحَق المُتَابعَه

وفِيه للأَسَــف لاء ..!

م َــشكُور أَخُويــ

دمت بخير . .

. أختك .

بصراحة ابو يزيد انا مب من النوع اللي يحرص على متابعة المسلسلات
يعني رمضان له وجباته الفنية الخاصة القليلة في متابعتي للشاشة الفضية
أغلب وقتي طلعات وروحات وجيات مع أخوياي ولعب وسعة صدر

كعادة كل سنة ( طاش ما طاش ) هو الوجبة الأساسية بين المسلسلات
بالإضافة إلى متابعتي العام الماضي وهالسنة لمسلسل ( باب الحارة )
وأعتقد أنه الأول والأفضل بين مسلسلات هذا العام من بين جميع القنوات

رغم إعادة مسلسل ( رأس غليص ) هذي السنة على قناة ( نجوم 4 )
إلا إني أتابع هالمسلسل بشغف لأنه فعلاً قوي ومميز في كل شي
بس يا حسافة فاتتني آخر حلقتين << من يجيبها وله هديه

مسلسل ( بيني وبينك ) يمدحه الكثير وانا ما اتابعه لكن اللي لفت انتباهي فيه
ان ( فايز المالكي ) يتغصّب الكوميديا بقوهـ .. إلا بيضحّك الناس بالقوهـ
لذلك ما أحكم على المسلسل ككل ..!!

نجي لـ ( نمر بن عدوان ) كانت إعلاناته ودعاياته قبل رمضان من أروع ما يكون
وكنت أنتظر هالمسلسل وسعابيلي تقوطر عليه ويوم أعلنوا ان وقته الساعه 12
ضاق صدري لأن وقتها ما يناسبني .. وقلت رغم هذا بشوفه
ولكن فاتتني أول خمس حلقات والكل يقول المسلسل بايخ
وشفت بعدها لقطه يوم ذاك مدري وشسمه سرق الخيل ولحقه نمر ورماه
مع رجله وقام زي السلام عليكم يمشي كن ما فيه الا العافيه
عرفت ان المسلسل من جد بايخ ومبالغ فيه وبعدها طلعت الحقائق
بأن القصة الممثله محرّف فيها عن القصة الحقيقية .. والحمد لله اني ما تابعته

اللي شوّه مسلسلات الـ mbc كثرة الدعايات والتقطيعات
اللي مالها سنع للمشاهد ولها مليون سنع للقناة

متابعتي فقط لشاشة mbc ونجوم 4 عشان رأس غليص
سلموا لي على باب الحارة وبس وبانتظار الجزء الثالث

اولييييي على آآآآآآمتي كتّرت عليكون الحكي

هلا هلا بأبو يزيد ,,

وشسمة قريت في جريدة الريااض ان مسلسل [ مطبآت ] اللي يعرض في [ المجد ] فااز بأعلى نسبة تصويت

اللي هي 9000 ومدري كم

وبعده بيني وبينك ونسبته [ 1000 ] ومدري كم

بس لاحظ الفرررق!!!

بس ترا ما بينهم [ باب الحارة ] ولا كان البطل بلا مناازع

وشسمة انا تابعت [ صياحة .. صياحة ] ..

حلو .. خطير بس ما ادري احس ما له معنى يعني القصة كلها متكلفييييييييين فيها بالملاااااااااااايين!

وكل القصة يحكي واقع المجتمع


يعني تكلفوا على الفاضي

يا ليتهم هدفوا مثلا..

بس فيه اشياء هادفة

<-- يا الفاهمه

وشسمة و[ بيني وبينك ] .. فتااااااااااك

اسم ان فيه [ فآيز المآلكي ]

وبس

هذا اللي تابعته ذا السنة

ونسيييييييت

[ الـــــــــــــــفــــــــــــــريــــــــج ]

ولا تهون ام خماس والربع


,’,’,’,


مشكووور اخوي ابو يزيد على الموضوع CC

ننتظر جديدك بكل لهفة وشوق <-- حط تحتها خطين

كتبت رد طويل وراح



المهم
وبالمختصر

mbc
ودبي <-- مع اني ما تابعتها
والعربيه
وباب الحاره
ونمر قبل لا تموت وضحى

وبس


والله العظيم غبينه
اذا تعدل مزاجي رجعت ارد مره ثانيه

والله أكثر شيء قناه معجبتني وكنت أتابعها يومياً
قناهـ > سكوب <
كنت أتابع فيها مسلسل : >عزف الدموع< و >عيون من زجاج<
وأتابع فوازير رمضان حقت مشاري البلام و شيماء علي > <
وشات مع النجوم

وقناهـ > Mbc <
كنت أتابع طاش ماطاش طبعاً
وبيني وبينكـ

بس هذا اللي اللي كنت اتابعه في رمضان
والقنوات سكوب وMbc فقط

ومن ناحيه المسلسلات اللي ماعجبتني كثير ماأبغى أتكلم عنها
بس حبيت أتكلم عن اللي المسلسلات والقنوات اللي معجبتني


..CC ..

بسم الله نبدا

راح اتكلم في اللي تابعته

اول شي

حلقات طاش ماطاش
بصراحه انا ماتابعت جميع الحلقات لكن فيه حلقات قمة وفيه حلقات مدري وش تبي بالمختصر بدوا يطيحون من عيني
الحلقات اللي اعجبتني قاض في الجنه مع تحفظي على دعاية بايسن اللي ما كان لها داعي
يعني هالحلقة كانت هادفه
وبعد حلقه الاعضاء كان فيها انسانيه
واللي ماعجبتني حلقة يوم ناصر القصبي بدور حرمة هذي ماشفتها كامله بس صدق كرهتهم حسيت ان البياخه والسخاقه راكبتهم

نجي لبيني وبينك
هذي شي والله اجلس واضحك صح فيها شوية غباء بس قمة في النكت وسعه الصدر

باب الحارة
هذا روعه من الممثلين للتصوير للكات للمخرج يعني كنت تعيش الحدث
والله يوم انطقت جميله كاني انا المطقوقه
باختصار غطت على كل مسلسل في رمضان
هذا اللي كنت اتابعه من mbc
طبعا غير حروف والوف اللي استمتعت به مرررررررررة
ايه نسيت نمر بن عدوان
لما كان يجي اعلانها قبل رمضان كنت متحمسة يمكن عشان راشد بس توقعته بيكون شي بس بعدين ظهر الفشل والتحريف في القصة


كنت اتابع نعم ولا من قناة ابو ظبي
كان قهر على طول الحلقات اللي يبي ينقهر ويجيه السكر والضغط يتابعه بس اخر حلقة بكيت لما انتهيت
كانت نهايه مميزة وعرفت الكاتبه كيف تنهي المسلسل بطريقه يمكن تكون غير المتوفع

ايه تذكرت
كان فيه برنامج على السعوديه الرياضية اسمه تعرف واكسب كان حلو وفكرة مقبولة تابعته الى اخر حلقه


بس هذا اللي كنت اشوفه

مشكور ابو يزيد عالموضوع