السلام عليكم ورحمة الله وبركاته ابدأ موضوعي بواقع مرير جداً نعيشه وهو اخلاق الصايم بالفعل يمكن اغلبكم ملاحظ هالشي وبشكل عجيب جداً يعني في الفتره اللي بعد صلاة العصر وقبل اذان المغرب فتره يكرهها كل انسان رايق يعني في ذي الفتره اذا طالعت في واحد كأنك طالعت في ابليس موب في ادمي طيب هنا موضع السؤال //اذا كنت صايم يحق لك تعصب ؟؟!! واللي اشوفه من وجهة نظري ان مافيه شي يستاهل يعني خذ الوضع ايزي تعيش مبسوط ومتهني ياعزيزي طيب لو سألنا الحين هل اصحاب رسولنا -صلى الله عليه وسلم- كانوا كذا ؟ اكيد بتقولون لا . يعني الحين لو اخذنا المواقف بعين الاعتبار اكيد بيطلع البني آدم ماهو معصوم من الخطا !! وكلنا نعرف ان الانسان بطبعه خطٌاء وخير الخطاؤون التوابون يعني نقدر نقول ان الواحد اذا كان جيعان لازم يعصب طيب المساكين والفقراء اللي ماعندهم حق قطعة خبز كيف يعني يعيشوون طول ابو عمرهم معصبين ؟؟!! وبعدين من طول الوقت عشان تعصب انت وخشتك يعني ماتخلص صلاة العصر الا اذان المغرب وراها كأن مابينهم الا خمس دقايق وسمعت ان هذي من علامات الساعه والحين وانا اكتب موضوعي هذا واليوم 14/9/1428 هــ يعني راح من رمضان اسبوعين وقسم ماكأنها الا يومين اتوقع اوب انا لحالي اللي اشوف كذا بس مدري في كاس العالم 2006 يوم جبنا الهدف الثاني في تونس وقسم العشر دقايق اللي كانت باقيه كنها عشر ايام في اللي ابي اوصله لاي انسان مسلم عاقل غير متزوج انه يعقل ويترك عنه حركات المعصبين اللي مالها داعي شوفوا الواحد اذا كان متزوج فبكذا عذره معاه يعني انت طالع من البيت تبي تشم هوا الا هي وخشتها الكريمه ناقزتن لك يابوفلان جيب معك 16 كيلو رقاق و كرتون طماط و كرتون خيار و4متر قماش طيب كذا اكيد معاه عذر انه يعصب عشانه بث خلاث نجي للواجب :: 1/وايش رايك في اللي اخلاقهم زي وجيههم في رمضان وخاصه قبل الفطور ؟؟ 2/اللي متزوج معاه عذره بأنه يعصب صح ولا لا ؟؟ 3/في رأيك الوقت يمر بسرعه ؟؟ 4/وايش الصح سمبوسه ولا سنبوسه ؟؟ وفي الختام لا يسعني ان اقول الا جربوا البيبسي على الفطور اعضاء منتدى القناص الله لايخليني منكم