هلا بيلسان يا الله ان تحييها , شوفي و انا اخوتس
انا انسان مقطوع سري باليابان عشان كذا تشوفيني عملي
ولا عندي مجامله . < ----- قرا التعليقات و تريش .
شاكر لك المداخله . بالنسبة تحرير رد مراقب أحمر معليش
من المستحيلات السبع مهوب عشانه شي ممكن يبب مشاكل لأ
بس كذا لعانه واحد مسكت معه سلطه خخخخخخخخخخـ .
هلا و الله , بالنسبة للتواقيع صدقيني الي يجي تحت عيونا و نشوفه
نشيله وأيضا المشرفين ما يقصرون يجون يبلغونا أول بأول .
المشكله ان الصور الرمزيه بإمكانك ان تتجكم فيها بعكس التوقيع
و صعب جدا متابعة هذا الكم الهائل من الاعضاء و اشوف تواقيعهم واحد واحد .
وش قلت عشان يصير مكرر
مهوب منك من صيام امريكا
هلا و الله زهور الريف بس اول مره اشوف ادمي يفهم مع بطنه
يعني لو شافك احد تحكين بطنك هل هذا دلاله على انك تفكرين
تراي استهبل و انا اخوك الي يقرقر في بطنك ذا الجوع .
هلا ريا و الله و أنا أخوك بالنسبة لفلة السبحه الي يشوفك يقول اني قايل اسم أمي لكن يقولون لكل مقام مقال و لكل لقاء طبيعته اللقاءات السريعه خصوصا في رمضان يبيلها سرعه يبيلها بساطه و أريحية ما تحتاج لفلسفة و تعقيد فقط هذا الي اتبعته .
حي الله ابو فيصل نمبر 3 ( فيه ثلاثه اعرفهم كلهم ابو فيصل ) أول شي احرجتني وشاكر لك على مداخلتك اللطيفه .
الله يبارك فيك أختي جنون الليل وشاكر لك على المداخله و الكلام الي كتبتيه و أتمنى إني أكون عند حسـن ظنك و حسـن ظن الأعضاء ان شاء الله .
* * هلا والله أبو عبدالله أول شي انا شرهن عليك :( لكن يوم عرفت ان عندك ظـروف راحت الشرهه والله يبارك لك برمضان وبعيده علي الجميع بالصحه كان ودي أسأئلك مير يقولون بيحررون الردود عموما حبيت أقول اسظافه رايقه وتراك وحشتنا ياوحش
هلا و الله أبو نواف و الله يا بعدي خلها على ربك بس مادام انك عرفت الظرف اكيد بتلتمس لي العذر . كل عام و أنت بخيـر يا بعدهم , ليتك سألت و لا تخاف بأحاول أتوسط لك عند حلاها سعودي كودها تمشيك ما يوحشك غالي يا عسل
الوع أنت يا كخه ما تسننا خكر يشرهون على بعض حي الله أبو عبد الرحمن الشهر عليك مبارك وشاكر مداخلتك يا وحش و ان شاء الله بتشوفني دايما بإذن الله .
يا حبك للمعارض تكفين الحين منطقيا نحسب اللحمه تجلس لين تستوي ساعتين ساعتين الا ربع حطيها في قدر كاتم كم يبيلها 40 - 35 دقيقه تراها لحمه مهيب دجاجه بعدين هماها طبختي خلي اللحم يختفي انا الي بآكل و الا انتي
هلا و الله أبو خليل و كل عام و أنت بخير و صحه و سلامه وشاكر لك على المداخله و الكلام الي قلته في حقي و الي أتمنى أكون فعلا مثل ما قلت و أن أكون عند حسن ظنك . شاكر لك يا بعدهم .
أنا أنفي طويل يا صاحب اطول وجه في العالم وش وجه الشبه بين وجهك و طريق الملك فهد
كلكم زحمه
استهبل , حي الله أبو بندر كل عام و أنت بخير و كل تكفى ابيك تفدغ في السعور و الفطور اعوذ بالله صاير جلد على عظم .
<-- شف من الي يحتسي
نستبد الزيت أولا بالزبدة و عقب ما نحط تقريبا اصبع زبده في القدر ( كاتم طبعا ) </IF>
انا قلته قبل بس عقب ما سويناها لا و الله طلعت أليمه تسوى من يحسحس شعر يديه عشانها جرب بدل الزيد بزبده و يا حبذا المراعي بتحس بالدسم صدز .
هلا و الله كل ذوق كل عام و انتي بخير وشكرا على مداخلتك اللطيفة .
و من قال يسلم هلا و الله بالشياطين كلها ما تربطت تكرم و الله عن الشياطين هلا بك و الله تركي و كل عام و انت بخير يا رب . وشاكر لك سالفة القلب النقي الطاهر . ما بقى تقول الا القلب الطفولي خخخخخخخخخخخخـ مع التحيه للعضو و المصمم الرائع القلب الطفولي . شاكر لمداخلتك الي اثلجت صدري
لـي عودة مع البقية إن شاء الله
التعديل الأخير تم بواسطة محمد الجهيم ; 20-09-2007 الساعة 04:31 PM