السلام عليكم ورحمة الله وبركاته...
أخواني وأخواتي مشرفين ومشرفات وقائمين على المنتدى الرائع هذا...
حبيت أبارك لكم شهر رمضان المبارك وكل عام وانتم بخير وعساكم من عواده...
طبعًا سامحوني على اللغة الركيكة تراني في العربي ميييييييييييييييييييح...
المهم...في مشكلة لاحظتها في المنتدى وأتمنى كل اللي سوى هالشي من قبل يعترف هو أو هي ليش يسوونها؟؟؟
يعني مثلا أنا أعترف إني سويتها من قبل بس كان من غير قصد وكان عبارة عن مقطعين فيديو لياسر القحطاني ومستانسة على عمري كأن ماحد يعرف يو تيوب غيري... <<<<<<<<<<< متخرعة..
المهم، موضوعنا هو ليش النقل؟؟؟ ليش الغش؟ ليش ما أكتب شي بنفسي بمشاعر بأحاسيسي بأفكاري...
مو شرط أكون قمة وفطحل من فطاحلة اللغة العربية... لكن الموضوع والكلام من عندي أنا كشخص...
يعني أتمنى كل شخص يتسائل بينه وبين نفسه ومايحتاج إنه يرد على الموضوع ويقول أنا انقل، لا، على الأقل اعترف بينك وبين نفسك وحاول تشوف السبب، هل هو عدم ثقة بنفسك أو حب للسرقة؟ أو فضاوة تدخل غوغل وتاخذ المواضيع؟؟
هذا يتسمى غش... ومن غشنا فليس منا...
وخلكم في هالشهر كفاتحة خير بطلوا الغش والنقل ونسب مواضيع لأنفسكم مهيبلكم أصلا، هذي أمور بسيطة لكنها تحسب عليك...
أنا ما امزح ولا ابالغ...
واللبيب من الإشارة يفهم...
وفي أمان الله وحفظه... CC