السـلام عليـكم ورحمـة الله وبركـاته
اعزائي مشاهدين قناة القناص المحلية .. معكم الآن حصرياً المحقق الخطير
والمعروف في قضياته والتي يستطيع حلها في وقت اقل من 48 ساعه ..
حل اكثر من مئه قضية .. ولم تتجاوز مدة أي قضية الـ 48 ساعه !!
المحقق الخطيـر المحقق القوي ،، عليان !
دخل المحقق عليان في قضيات عدهـ .. ولم يخطئ في أي وحده منها
ولكن هناك قضية واحد عقدته .. والان سوف تدور احداث القصه عن قضيه عقدت الجميع
ومنهم المحقق عليان !
[ شخصيات القصه والتي ستدور احداث القصه عنهم ]
عليان / المحقق المعروف والخطير وهو من يحل القضايا بكل سهوله بمده تقل عن 48 ساعه .
زيـآد / احد اشهر واغنى الاشخاص في العالم . < مايمدح نفسه ابداً ابداً
السهمـ الهلالي ( نايف ) / صديق زياد المقرب .. ومعروف بـ شهامته ورجولته .
أبو عبدالرحمن ( عبدالعزيز ) / من رؤساء الشركات .. ومعروف جداً وكل جريدة ومجله وكل قنوات التلفزيون .. تتكلم عنه .. وفي نفس الوقت صديق لزياد وهشام من ايام المتوسطه .
GuNmAn_20 ( أحمد ) / رجل غريب وغامض .. لايفهمه احد .. نُشر عنه بأنه قاتل .. وانه طيب القلب .. ولديه محل خاص بالمسدسات والبنادق وجميع انواع الخرابيط هاذي .. لكن مازال غريب وغامض وليس له صداقات كثيره لغموضه .. ومايعرف الا شخص واحد .. وهو زيـآد .
أبو الهشـ20 ( هشام ) / لاعب كره قدم .. وفي نفس الوقت صديق لـ زيـآد ونايف من أيام الطفوله .. وأيضاً من أصدقاء أبو عبدالرحمن ! .. يعلب مع احد الانديه المحليه الكبيره .. وخبير في الأجهزه الالكترونية .. ومن اشهر اللاعبين .
[ ملاحظه / من الممكن تظهر شخصيات جديده في احداث القصه ولكن ليست معنا في المنتدى ]
هؤلاء هم شخصيات القصه .. طبعاً كلهم معانا في المنتدى ماعدا عليان .. وهو صديقي الصدوق
[ في مكتب المحقق عليان ]
ترررن تررررن ( التلفون )
( اليوم الي بعده )
[ في بيت كح عفواً قصر زياد ]
زيـآد يتصل على هشام ونايف وعليان يبي يعزمهم عنده ..
زيـآد / الو
هشام / هلا والله زيزو ..
زيـآد / هلا هشام كيف حالك وش اخبارك من زمان عنك
هشام / تعرف الكوره والحاله .. هاه وش عندك ؟ < ماله خلق
زيـآد / دقيقه شوي ..
[ زياد جمع الثلاثه في محادثه جماعيه ( نايف + هشام + عليان ) ]
زيـآد / ولكمو كلكم
نايف / يسلمو
هشام / يسلمـوووو
عليان / تسلم
زيـآد / نايف وهشام وعليان .. كلكم معزومين اليوم عندي .. اشتقت لكم وودي اشوفكم قبل لانروح للعزيمه بكره ..
هشام + نايف + عليان / اوكي وهو كذلك .
صكر زياد منهم وتوجه لرئيس الخدم [ محمد ( خارج المنتدى ) ]
زيـآد / محمد ؟
محمد / سم طال عمرك ..
زيـآد / جهزوا العشاء والمقلط والقهوه والسوني < الأخيره خاشه غلط شوي
اليوم الشباب بيجون عندي .. والله الله بالترتيب لا أوصيك ..
محمد / سم طال عمرك .. تعرفنا لا شدينا شدينا ..
زيـآد / تشد ؟ ليه تلعب بلوت انت ؟
محمد / سخيفه طال عمرك ..
زيـآد / أدري
محمد / استأذنك ارتب المكان !
زيـآد / ؟ انقلع
الساعه 10 وصلوا ..
زياد / أرحبوا أرحبوا بالشباب
عليان + نايف + هشام / الله يحييك ويبقيك ..
زياد / تفضلوا المقلط .. شوي وأجيكم
توجه زيـآد للخارج يبي يجيب غرض من السياره
فجأه لقى قدامه أحمد
زيـآد / أحمد ؟ وينك من زمان عنك !!
أحمد / [ ساكت ]
زيـآد / وش فيك أحمد ؟
أحمد / مافيني شيء بس مريت وحبيت اسلم .. لكن قلت ماله داعي ازعجك
زيـآد / تزعجني ؟ من يقول تزعجني ،، أحمد تعرف معزتك عندي ،، لايهمك كلامهم
أحمد / مدري بس حسيت مو وقته
زيـآد / أحمد , ليه انت كذا ؟ قلي وش فيك ليه تحب الغموض
أحمد / غامض بـ نظرهم هـم .. لكني عادي
زيـآد / أدري بس هم مايدرون .. أثبت لهم
أحمد / وش أسوي يعني ؟
زيـآد / ممكن تدخل عندي البيت ؟
أحمد / مستحيل زيـآد ،، عندك ناس مستحيل ادخل ! عن اذنك !!
زيـآد / تعال تعال ..
مشى احمد وترك زيـآد في حيرته
رجع زياد للعيال
زياد / يالله ان تحييهم
الكل / الله يحييك ..
زيآد / اعرفكم على بعض ..
هشام > عليان .. عليان > هشام
نايف > عليان .. عليان > نايف
عليان / هلا نايف ،، هلا هشام .. ماشاءالله هشام خاتمك حلو من وين جبته
هشام / جاني هديه من صديق لي ..
عليان / ماشاءالله مره حلو .. بس ماتحس انه اكبر من اصبعك
الكل / هههههههههههههههههههه
زيـآد / تفضلوا معي اوريكم البيت
هشام / يله مشينا
زيـآد / هاذا سيف من أيام الملك خالد الله يرحمه ..
الكل / الله يرحمه ..
زيـآد / أما هاذي فـ هي اول عمله سعودية تُصنع ..
نايف / من وين تجيب هالاشياء
زيـآد / توصلني من صديق لي ..
نايف / أهـا !!
زيـآد / أما هذا اول مسدس استخدم بالمملكه العربيه السعودية .. وللمعلومية الى الان يشتغل كويس مره
نايف / ماشاءالله ممكن اشوفه ؟
زيـآد / ممكنين تفضل ..
نايف / مستحيل هذا يشتغل هذا قديم مره !
زيـآد / تعال معي اثبت لك ..
توجهوا للمزرعه ..
زيـآد / تعرف تصوب انت صح ؟
نايف / حريف ماعليك ..
زيـآد / صوب على أي شيء وراح تشوف
نايف / طيب .. بأصوب على التفاحه المعلقه هناك ..
زيـآد / مستحيل هاذي بعيده ماتقدر تصوبها ..
نايف / نجرب وش ورانا !
طخ
زيـآد / ماشاءالله وشلون جبتها ؟
نايف / ماعليك حريف ،، استلم هذا مسدسك ..
زيـآد / تسلم .. يله تفضلوا على العشاء
بعد العشاء والراحه وكلش
عليان / اكرمك الله
زيـآد / حياك الله تعال كل يوم
هشام / اكرمك الله والله عشاء روعه صراحه
نايف / ايه والله اكرمك الله
زياد / حياكم الله تعالوا كل يوم
مر اليوم على خير وجاء اليوم الي بعده
وتحديداً الساعه ( 9 ) مساءً
زيـآد / يله امشوا تأخرنا
نايف + هشام + عليان / يله جايين
وركبوا كلهم ووصلنا لمكان الاحتفال..
عبدالعزيز / يالله ان تحييهم وتبقيهم .. حياكم تفضلوا تفضلوا
الكل / زاد فضلك ،، ..
زيـآد / ماشاءالله شركه كبيره وراقيه وطويله ذكرتني ببرج العرب
عبدالعزيز / الله يخليك .. والله الفلوس كثيره وكلش متوفر !
زيـآد / اها الله يزيدك ان شاءالله
عبدالعزيز / تسلم حبيبي : )
الحفل كان مليان شخصيات مهمه وكبيره بالمجتمع ومعروفه
زيـآد / ماشاءالله شوف المنظر من هنا .. الله رااائع !
عليان / ايه تحس كذا !
زيـآد / هشام تعال شوي
هشام / وشو ؟
زيـآد / طل شوف الي هناك يطالعنا .. موب أحمد ؟
هشام / الأ أحمد .. !!
زيـآد / عن اذنكم ..
عليان / منهو أحمد ؟
هشام / شخص غامض ! محد يفهمه ولا يعرفه ،، ماندري طيب ولا شرير !
عليان / الله يستر بس
هشام / عن اذنكم ثواني شوي وأجيكم
الكل / اذنك معك
[ في الخارج ]
زيـآد / أحمد ؟
أحمد / نعم ؟
زيـآد / وش تسوي تعال داخل الدعوه عامه !!
أحمد / شفت قبل شوي كيف يناظروني بأستحاقر .. مدري ليه كلهم كذا ..
زيـآد / لايهمك أحد .. أنت خلك واثق من نفسك هذا اهم شيء !
أحمد / بس وشلون ماقدر اخاف ،،
زيـآد / ممكن تجي .. ؟
أحمد ( الدمعه نزلت من عيونه ) / لا مو ممكن .. أتركوني بحالي ..
ومشى وترك زيـآد
بدأت الحفله ..
خالد ( خارج المنتدى ) / الرجاء من رئيس شركة القناص عبدالعزيز عبدالرحمن القدوم لتوجيه كلمته مشكوراً لا مأموراً !
عبدالعزيز يتوجه الى المنبر رافعاً رأسه مفتخراً بشركته الفاخره
وفجأه .. يخر عبدالعزيز ويسقط أرضا بعد طلقه مدوية !
صرخ الجميع .. بعضهم انحاش وبعضهم توجه لأبو عبدالرحمن ،،
توجه زيـآد وعليان عن ابو عبدالرحمن ،،
زيـآد / عليان وش فيه ؟
عليان / توفى بـ طلقه في القلب !
زيـآد / وشلون ؟ يعني طلقة محترف !؟
عليان / طلقة محترف مره بعد .. ولا نايف ؟
نايف / وشو ماسويت شيء والله
عليان / قدامنا في البيت قدرت انك تجيب التفاحه من بعيد .. اكيد راح تقدر تصوب على قلبه
نايف / بس أنا مع زياد طوال الوقت !
عليان / امسكوه الى ماكتشف ملابسات القضيه !
بدأ عليان بالنظر للمكان .. ولمح زاوية يقدر القاتل يطلع فوق ويطلق منها
توجه عليان وزياد وهشام للمكان المطلوب
وفجأه .. لقوا أحمد جالس بالزاويه .. وقدامه مسدس مربوط بخيط صغير ممتد الى اللمبه او النور الي يكون يتوجه للشخص وهو يتحرك !!
زيـآد / أحمد ؟ وش تسوي هنا ؟
هشام / آه يالخسيس ،، مسوي بريء ؟ .. انا شاك فيك انك مجرم وقاتل
زيـآد / لا مو أحمد .. أي واحد غيره !
أحمد / [ مازال لايتكلم ] !
عليان / أمسكوه مع نايف لما اكتشف القضيه !
مر الوقت والكل يرتجف ،، مرت 24 ساعه ،، والمعروف عن عليان القضيه ماتتجاوز الـ 48 ساعه !
زيـآد / عليان وش فيك ماقدرت ؟
عليان / زيـآد القضيه معقده جداً .. والقاتل محترف ،،
بعد القضيه والبحوث .. أعتقد القاتل موب احمد ،، القاتل يا أنت ولا نايف ولا هشام !
زيـآد / انا متأكد انه موب أحمد .. وتتهمني انا بعد !؟
عليان / انت وهشام الي ماكنتوا تحت نظري !
زيـآد / بس انا وهشام كنا مع عبدالعزيز !!!
عليان / وعندك الي يثبت هالشيء ؟ .. على كل حال انا قلت واحد فيكم ،، لكن اتأكد واطلع الأدله ..
بعدها اقولكم كلمتي الأخيره ..
مرت 20 ساعه أخرى .. وتبقى على مرور الـ 48 ساعه .. 4 ساعات !
هشام / الظاهر القضيه بتاخذ اكثر من 48 ساعه
عليان / لا لاتخاف ،، القضيه بتخلص بـ الاربع ساعات الجايه !
هشام / ياليت تخلص بسرعه لأن وراي مباريات ..
عليان / ليه أنت لاعب ؟
هشام / أيه , لاعب مالاحظت هالشيء بـ جسمي ؟
عليان / توقعت انك تتدرب
هشام / أتدرب , بس مع فريقي !
عليان / اوكي ياللاعب , عن اذنك وراي قضيه احلها
هشام / أذنك معك !
حاول عليان بكل الطرق لكن ماش القضيه معقده جداً !
توجه عليان للجثه ،، وبدا يتفحصها .. ولقى بجانب الضحيه ماكيرفون صغير من النوعية الي تتعلق بالجسم !
ولقاها مكسوره مع الرصاصه ،، وبداخلها اجهزه غريبه ،،
لقا عليان اداه غريبه .. والقضيه باقي عليها ساعه
زيـآد / عليان بقى ساعه ،، راح تخرب مشوارك !
عليان / جمع الشباب وهاتوا نايف واحمد ..
بعد ماتجمعوا ,,
عليان / انا ما أنكر ان القضيه هاذي اكثر قضيه تعقيد مرت علي !
لكن مع كذا .. كشفت كل شيء وعرفت ملابسات القضيه
زيـآد / ومنهو القاتل ؟
عليان / لاتستعجل .. ناخذها شوي شوي ..
في البداية القاتل موب احمد ولا نايف
مع ان نايف محترف بالتصويب بس انه ماقتل
أحمد الشخص الغريب والي كان يهدد بالشر ،، ايضاً ماقتل
كلكم تتسألون .. وشلون انقتل عبدالعزيز ،،
ومن القاتل
القاتل هو .. هشام !
هشام / وشو ؟ من يقولك اني القاتل ؟ ووين الدليل ؟
عليان / لاتستعجل ،، هاذي هي الحادثه بالضبط
هشام خبير في الادوات الالكترونية .. ويقدر يركب ادوات على أي شيء
هشام طلب مننا ثواني وقالنا شوي وبأجي ،، وبسرعته وجسمه الرياضي ،، قدر انه يوصل لمكان الجريمه بسرعه .. وأخذ الماكيرفون وبدأ يتفحصه ،، وركب بـ داخله اداه تخلي اللمبه او النور يتوجه للي يركب المايكرفون ،، فـ توجه بسرعه للنور وركب عليه خيط والمسدس ،، عشان اذا تحرك عبدالعزيز ،، يلف معه النور وينسحب الخيط وتتوجه الطلقه للمكان الي فيه المايكرفون .. وهو القلب .. عشان كذا لقينا المايكرفون انكسر بسبب الطلقه !
هشام / طيب يامحترف زمانك .. وش الدليل ؟
عليان / الدليل ؟ الدليل موجود هنا في الكيسه ،،
الكل / وش هذا ؟
عليان / هذا الخاتم حق هشام ،، اكيد طاح منه وهو مايدري ،، خصوصا ان الخاتم كان اكبر من اصبعه
زيـآد / معقوله هشام ؟
هشام / كلامه الي قاله كله صح بـ صح
انا الي قتلت ابو عبدالرحمن
زيـآد / ليه ياهشام ليه !
هشام / بصراحه انا قتلته لانه يبي يستغلني ..
الكل / وشلون ؟
هشام / أبو عبدالرحمن استغلني وأمرني انه يصير مدير اعمالي غصباً عني .. وزياده على كذا كل مبلغ اكسبه من النادي والراتب ياخذ منه 70% ولي 30% .. ولا أنه بيفضحني بأوراق ومستندات انا موقع عليها وممكن تسجني ويمكن مؤبد بعد !
زيـآد / وطيب ليه تقتل .. يعني ماتوقعه تنكشف ؟
هشام / بصراحه الا توقعت انكشف لأن فيه عليان وسمعت عنه كثير .. لكن قلت بسويها بسويها ،، ولو افلاطون موجود
زيـآد / وش دخل افلاطون ؟
هشام / مدري
وبكذا انتهت القضيه الي كانت صعبه لمحققنا عليان دوت كوم
وان شاءالله نلتقيكم في قريباً .. مع رواية اكثر من جزء
انتظرونا p21
زيـآدوهـ p21