:

:

سلام مغلف بورد الجــ‘ـوري
لأروع أعضاء وأعضاءات
<<< أووومـا أعضـآءات خخخخخخخخخخ


صبـآح / مسـآء
الفل والياسمين والكادي..!




..[[ .. تسوق ليموزين انت " يــااي " .. عندك كلب..!! أنت " كـووول " ..]]..


هذا هو عنوان مواضيعي المطروحة اليوم..

رغم إني غبت فترة طويلة عن كتابات المجلس والمنتدى بشكل عام..
لكني جاني إحساس فظيع اليوم يجبرني ع الكتابه رغم إني ماحضرت للموضوع مسبقا..


و أعذروني إذا كانت هناك أي أخطاء
لأن المواضيع [ وليدة اللحظة ]..!




..!!.. مـدخـــ‘ـل ..!!..

ماهو ترى ذنبي ماحبكم " قلبـي "
سلمت أنا " امـري " وخليتها لربي..!




[ السعوديين والليموزينـات ]

يمكن يعتقد البعض في مجتمعنا السعودي بالاخص
أن سواقه الليموزين والتوصيل من إختصاص الأجانب..
و [ عيب ] إن السعودي يسوق الليموزين ويوصل العالم..
بحجة إن السعوديين أرفع من أنهم يكونون [ سائقي ليموزين ]..

[ لافرق بين عربي ولا أعجمي إلا بالتقوى ]

التوصيل وظيفه شريفه ومافيها أي مساس بالعفاف
ومافي فرق إذا كان اللي يسوق سعودي أو اجنبي..

إذا كان حنا بـ [ يوم ] أرفع مستوى من الاجانب ماديا..
راح يكونون هم أرفع منا [ سنين ] بكفاحهم وإصرارهم..

من ناحية ثانيه..

قبل فترة بسيطة كنت طالعة من السوق وبركب سيارة أبوي
لفت انتباهي سيارة ليموزين يسوقها [ سعودي ] هيئته محترمه..!!
كانت بتركبها بنتين ومعهم ولد.. لما فتحوا الباب
انتبهوا انه سعودي !!
وقالت وحده منهم: وييييه هذا سعودي ماراح أركب معه
أخاف على نفسي يختي منهم.. تعالي بس لليموزين الثاني..!

كل هالكلام .. والرجال يسمع كل حرف !!!!
وبكل أسف.. احنى راسه للأرض والحزن كان واضح عليه..

وش اللي [ تخافين على نفسك منهم ]...!!!
أبفهم وش الفرق بين السعودي ولا الهندي أو الباكستاني
كلهم جنس واحد..
يعني بتأمنين نفسك مع الهندي الغريب
أكثر من ولد ديرتك اللي فطرته من فطرته..؟!!
دنيا عجيبه غريبه!! .. والمشكله ان معهم ولد بعد..!

الحين هذولي شبابنا المفروض نوقف بصفهم ونساعدهم
مو نكرههم بالشغله لما يحسون انها " عار " عليهم..!


..//.. أسئلـــه ..//..

1- بصراحة.. هل انت "مـع" أم "ضـد" سائقي الليموزين السعوديين ؟ وليه..؟!
2- بتئتمن نفسك وشرفك وعرضك مع السعودي ولد ديرتك ولا مع الأجنبي الغريب..؟!
3-وش رأيك بالموقف اللي صار فوق وهل انت معهم أو ضدهم باللي سووهـ..؟!
4- كلمة تقولها بمناسبة هالموضوع..؟!


:
:

..[[.. فـآصـــــل ..]]..

أنا أبغى حبنا " راقي " .. يودينا بعيد هناك
لدنيا مابها فرقى .. ولا " كذبة " ولاغدري

إذا ع الوصل أنا عاهد .. وربي مابي يوم " أجفاك "
لا أخجل بالعطاء " غيري " .. وأجازي صبرك وصبري

:
:


NeW[ موضـــ‘ـة جديـــــ‘ــدة ] NeW


يمكن الكثير لاحظ موضة جديدة صايره بالمجتمع السعودي خاصة..
البعض استنكرها والبعض اعتبرها كشخة و " ترزز" عند العالم..!
موضه عجيبة غريبة مدري من وين طالعة.. بس كالعادة " تقليـد الغـرب "

موضـة اصطحاب الـ "كـلاب" وأنتم بكرامه
أنا أستحي من نفسي لو أكتب هالكلمة لكم..
لأنه من أقذر الحيوانات وأنجسها..

لكن صرنا نشوفها يوميا وبشكل مستمر بالشوارع والسيارات..
مدري وش هالشي الحلو بهالموضه واللي مهبل بشبابنا

تلقى الواحد كشخة ومرتز بالسياره اللي مافيه مثلها
ويشدك منظر الكلب جالس بجنبه ع الكرسي
لا واحيانا يخلي يطلع من الشباك ينبح ويروع هالعالم

الحمدلله والشكر..

مع احترامي .. إذا شفت واحد ماسك لي كلب ويتمشى بالشارع ولا مكان عام..
أحس إنه ماعنده ثقه بنفسه.. وبيسوي أي شي عشان يلفت إنتباه الناس اللي حوله..!

لا والمشكله الكلب احيانا يصير متكشخ أكثر من صاحبه.. <<--- اقضبي الباب

من جد هالظاهرهـ مشعلله بالمملكة بشكل فظيع وخصوووصا بالرياض
واللي ماشافها يقدر يروح يسنتر بالممشى وبيلاقي أنواع وأشكال من هالمناظر..


..//.. أسئـلــه ..//..

1- وش رأيك بهالظاهرهـ وهل أنت معها أو ضدها..؟
2- وش موقفك لو شفت واحد قدامك ماسك له كلب ويتمشى..؟ وش ردة فعلك بتكون..؟
3- هل ممكن يوم من الأيام راح تعجبك هالموضة ونشوفك تتمشى ومعك كلب؟ <<--- آوت
4- كلمة تقولها لهالفئـه..؟


:
:

وبالنهايـه..
أعذروني على صراحتي المطلقه في هالموضوع
لكني حبيت أمسك بهالموضوع قضايا للشباب وأطرحها لكم بشكل عفوي
وياريت تتقبلونها من " أخـت " محبـة لا أكثر ولا أقل..! CC

وبطرحي القادم بإذن الله راح أتطرق لقضايا البنات..


..[[.. قـفـلــــهـ ..]]..

يحسبـون إننا " إنتهينـا " .. مادروا ..!

:
CC
: