|
مابي أروح الدوام... (مواقف الدوام اللي ماتخلص) شاركوني عشان ارتاح...
السلام عليكم ورحمة الله وبركاته... بصراحة، بكرة دوام وماودي أروح الدوام... p7 اليوم قاعدة افتكر في الثلاث سنين اللي مرنّ في حياتي على الفاضي :TN ثلاث سنين أشغال شاقة... p11 وعمري ماخذيت إجازة أكثر من عشر أيام في السنة يعني إني نشيطة ومابي أقعد في البيت وإلا أمل ملل مو طبيعي... قبل اسبوعين رحت مكة ولله الحمد والشكر والمنه، وصلت الثلاثاء بالليل (ماخذه الأربعاء أوف) المهم وقعدت أربعاء وخميس وجمعة... رحت الدوام يوم السبت... p7 المهم من يومها وأنا اتفكر في نفسي وحياتي وشبابي اللي ضيعتها في الشغل... وكل يوم مرة علي في الثلاث سنين شغل، وشلون كنت أزيد من طاقاتي عشان أحسن من إمكانياتي المهنية، وشقد رؤسائي مستانسين مني ويعتبروني عجينة سعودية خام محتاج لفنان عشان يصقله، وشقد رفعت راسهم كسعوديين، وطبعا ماكانت بدايتي سهلة وحصلت جنسيات أخرى تتراوح بين الأسيوية والأوروبية والعربية اللي كانوا يبون يعرقلون لي خوفا إني أخذ أماكنهم سواء أنا أو غيري... المهم هذا مو موضوعنا... تذكرت أول أطرف موقف صادني لما توظفت وكنت لسه فرش طازة على المكان وكيفية العمل يعني كل اللي خذيته كان نظري وماراح يتوافق مثل العملي... أتذكر إلى الآن الحماس اللي كنت فيه... يحليلي كنت صغيرة ونتوفة وفيني حماسة الشباب اللي مو طبيعية... كاااااااااااااااااااان عمري في ذااااااااااااااااااك الوقت حول 21 وللحين ماكملتها... الكبر شين ياعيال...p10 المهم أول assignment واعذروني على الكلمة لأني ماعرف ترجمتها بالعربي، كان في قسم الأورام... وكنت لسه بنوته مستانسة بصغر سني وبنفس الوقت داخلي أسد مستعد يطلع بس أنا ماكنت ادري عنه.. تلقيت اتصال من الإستقبال وأثاريهم محولين لي زوج مريضة يبغى تعبئة دواء لزوجته، وبيني وبينكم أنا في البداية ماكنت اراعي يعني ماكنت حاطة في بالي الحالة النفسية للمريض واقاربه وإنهم ممكن يكونون متوحشين وأشياء من هالقبيل وإني لازم أمتص غضبهم وهالأساليب هذي، وهزأني وبهدل في كرامتي الأرض وهو يقول ليش "أنا" اتصل وألاقي الخط مشغول؟ قلت له: مثل ما أنت تتصل في غيرك يتصل، هذا مو تلفون أبوي <<<<<<< لاحظتوا الإسلوب السعودي... هههههههههههههههههههههههه وماقصر وسكر السماعة في وجهي... سكت وماقلت شي (طبعا مو بريئة عطيته ماعطاه زمانه)، مر اليوم وما اتصل... جيه اليوم الثاني، يالله صباح خير، فتحت المكتب وروقته ورشيت ماي قدام المكتب (قهوة حشى مو مكتب) هههههههههههههههههههههه المهم وعلى الساعة تسعة ونص عشر جاني واحد المكتب، طبعا الأخ جدا برئ ونتوفي (قصيرون شوي) المهم، دخل علي وقال: لو سمحتي بغيت وصفة لزوجتي، انا طبعا سمعت الصوت وبحنكتي المعتادة عرفت إنه هو(اشتغل المحقق كونان)، قلت له لحظة واجيك (رايحة تجيب العجرى وتجي) وهو يقول لي وين رايحة (خاف من جد والله) قلت له بروح أجيب دواك واجي (حشى مو سكرتيرة عشماوي) ههههههههههههههههههههههههههههه أي بطني عيوني قامت تدمع من الضحك من جد أني كنت هبله... المهم ناديت البنت اللي على الرسبشن مسكينة حصلت منه تهزيئ هي بعد، وقلت لها جاني المكتب (حشى فريسة مسكين) وجبتها ورحنا المكتب، قلت له انت اللي دقيت أمي (ريا وسكينة حشى، حتى لو مو هو بيعترف من الخوف)، المهم وصار بيني وبينه مشادة بسيطة وانفلت العيار مني وقلت كلمة من جد ندمانة عليها إلى يومكم هذا... قلت له انت أصلا قليل أدب... pp41 هو انفجع مسكين قعد يقول أنا راضع الأدب من أمي وماعرف إيش، وهو يكلمني كانت إيده تتحرك يمين ويسار وجيه يعتذر وقرب إيده مني، قلت له: شفت هذي بروحها جنحة pp45 <<<<<<<<<<< من جد طالبة حرش... (عدال ياطالبة الحقوق) هههههههههههههههههههههههههههه... هدّت البنت الوضع ونادينا ممرضة عشان تكتب له الوصفة واعتذر، أنا ما اعتذرت ألا عن كلمة "قليل أدب" لأني عارفة إني غلطانة إني اقولها... بس من جد البنت تقول بصراحة ماتوقعتج بهالطريقة ، انا خفت... مت عليها من الضحك... بس بعدها عاد تحسن الأسلوب وصرت أعرف الأساليب في العمل وهالأمور ... عاد الحين مرة الثلاث سنين على خير وعديت الثلاث سنين بشهرين تقريبا... الحين أبي آخذ إجازة... مابي أروح الدوام بكرة الله يخليكم قولوا لي لاتروحين.... يعني كونوا عونًا لي على الكسل والربادة... تخاريف موظفة وفيها انفلونزا... اسفة على الإطالة وفي أمان الله... CC |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
خخخخخخخخخخخخخخخخخخخخخخخخخخخخخخخخخخخـ,,
يا حبي لك يا صقيقتي<<<بتنكرش..!! كنتي هيييييييييييييييييييييييط!! مهآيطيه .. تدورين الطقآق.. امززح<<محد خاف من القصص اللي سمعها!! هههههههههههههههههههه,, والله قصصك روعه خياليه!! وشكلي ذا الفتره صايره زيك .. ادور الطقاق<<< ملاحظين!! هع! يصلموووووووووووووووووووووووووووووو ع الموضوع الطريف :) تحيآتي |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
والله يالسوسة الحلوة إني شفت إسمج قلت بس جات حبي الأول والأخير <<<<<<<<< قاطة الأخت XX
من جد أحلى من في المنتدى أنتي يابعد شبدن.... تسلمين على الرد وفي أمان الله وحفظه... CC |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
ج’ــيد والله ..^_^ ..
مووضـووع طرـيــف من ج’ــد يعطيكـ أألــف أألــف عآفيـه لآعدمــنآكـ قنــآصـه .. |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
اقتباس:
تسلم لي أخوي نواف، بصراحة أنا أشعر بالفخر لما ترد على مواضيعي بكلامك الحلو وأتمنى كل مواضيعي تعجبك... وفي أمان الله... CC |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
ترآ محد كبر رآآآسه .. وانفقع الا شوي..!! <<<بتنجلد!! يصلمو خيتو .. <<< خذتها حلى !! بس كنت كذا عشان كذا رديت عشانك قلتي كذا .. ولا ترا سامي اعتزل <<<شطحت! يصلمووووووووووو! |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
وعليكم السلام ورحمة الله وبركاته
ذكرتيني بموظف في الاتصالات السعوديــه .. يقول وزيركمـ (( المعامله الحسنــه لا تحتاج إلى إمكانيات )):d لا تروووحين الدوام .. تقبلي مرووووري |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
زلزال الوله...
تسلم على المرور والتعليق الأول حق موظف الإتصالات من جد خلاني أبكي من الضحك... حسستني إن من جد موظفة سعودية ولسة في مواقف جديدة راح احطها لكم ... يمكن بعد شوي ماحد يدري على حسب مزاجي... وفي أمان الله وحفظه... CC |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
خخخخخخخخخخخخخخخخخخخ مسكينه
لا عادي كلنا كذا قربت المدارس وكلنا شايلين همها .. وش نسوي مابيدينا شي اهئ اهئ |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
موقف ثاني حبيت أشارككم فيه...
مرة ودوني assignment مساعدة من القسم حقي لأحد الأقسام لأنه كان عندهم overload وزحمة شغل وبغوا احد يساعدهم... كان already في واحد ووحدة واثنيناتهم خلقة مايدانون بعض وأنا بعدين عرفت إن الرجال هو السبب لأنهم بصراحة وقح بزيادة يعين مخازز حريم وماعنده ماعند جدتي مع إنه كبرها... المهم مشى أول اسبوع كأحلى مايكون وكنت أخلص الشغل المطلوب مني وبس... فجأة طلبوا مني كمساعدة فقط إن اخلص امور أخرى من أعذار مدارس وخرابيط... وكعادتي شجيع السيما دقيت الصدر وقلت أنا لكم والشر ماينالكم وقلت لهم أكيد ليش لأ...:TN بديت أشتغل واخلص الأوراق أول بأول والمراجعين وايد مستانسين... بعدها بيوم واحد بس، رجعت من فترة الغدا لقيت الأخ حاط لي كومة اوراق يقول لي هذولي جاوا وانت منتي موجودة وقلت لهم يستنونك إلين تجين من الغدا؟؟؟ pp45 طيب وانت يابوالشباب وش قاعد تسوي؟؟؟ ابد بس كنت استناك واجمعهم لك.... ياعيني... سكت وقعدت أبي أخلص الورق إلا جات البنت وقلت لها الصراحة خذتني من يدي وودتني عند رئيسهم... حلفني إني أقول الحق عن شغل الرجال وبصراحة مابغيت أتكلم بس قلت له بشرط ماتعلمه إني قلت هذي بس مجرد شهادة حق... وقلت له انه متسيب في الشغل ويطلع بريكات ويروح ويجي... وقلت له ترى شوف أنا بنت وانتوا رجال بينكم وبين بعض تمشون أموركم ، مو بكرة تقول له وتسوونها علي... حلف ووعدني إنه مايقول له... المهم رحت وقعدت وكملت الشغل وخلصت اللي لي واللي علي... اليوم الثاني جايني ابو الشباب يقول : مسوية نفسك ذيبة ورايحة تشتكيني... قلت له: أنا ما اشتكيتك ولا سويت شي؟؟ إيش صاير... <<<<<<<< طبعا أنا ماجيه في بالي أن رئيسه ممكن يقول له وهو واعدني... بس طلع مو قد كلمته .... المهم وتم لك علي وعلى أعدائي في الشغل معاي تقول حشى ذابحه أحد من أهله مع إن الكلام اللي قلته كله كان صدق وهو حتى معاملته مع المراجعين مثل وجهه... المهم جيه ذاك اليوم وطلعت بريك ولا رجعت إلى وألاقي مكتبي معفوس ومقعد فيه واحد ثاني على كيفه وبراحته ماخذ المكان... انا ذيك الساعة شاطت معاي... قلت له من اللي شال أغراضي وقعد هذا؟؟ قال بالفم المليان: أنا واللي تبين تسوينه سويه وعندك رئيسي روحي اشتكيني... وعطاني ظهره... قلت له تعال كلمني؟؟ ولا الظاهر انك منت بكفو لاتكلم لا حريم ولارجال..<<<<<<<<<<<<<< بدت تعربج... هههههههههههههههههههههههههههههه واخذ التلفون وادق على رئيسه واقول له لا انت ولا موظفينك كفو ، على فكرة أنا هنا جاية والمنة عليكم كلكم، كان ممكن أرفض إني أجي لكني قلت معليش من الأهل وتمون (رئيس المعفن هذاك يعرف أهل أمي) المهم وهاتك يا كلام طالع ونازل مني على راسه ( بس والله بدون سب) ههههههههههههههههههههههههههههههههههه بس كان كلامي قوي وفي الصميم يعني بينت له انهم قاعدين لعب في لعب ويمشون امور بعضهم بعض عشان مصالحهم مع بعض ولأنهم رجال مع بعض... ناداني اجيه المكتب، ورحت له وقلت له نفس الكلام اللي في التلفون وأضفت التالي: <<<<<< لاحظتواللغة؟؟ هههههههههههههههه أنا شهدت عندك شهادت حق لاني لا مع البنت ولامعاه لكن انا قلت اللي شفته بعيني تقوم تروح تقول له؟؟؟ حسبت إنك قد كلمتك لكن مع الإسف ....... وسكت... والصمت أقوى من الكلمات <<<<<<<<< أخيييييييييييييييييييييييييه علي وعلى لغتي العربية..ههههههههههههههههههههههههه قعد يقول: يايما ترى هو تعبان ورجال كبير وعنده امراض في الكلى ومادري شنو... قلت له: مثل ماهو تعبان في غيره ملايين متحطمين لا تتعذر له بهالعذر... ثم أنت رئيسه ومو قادر تكلمه؟؟ على شنو اجل رئيس انت؟؟ يشيلونك أحسن... أنا شايفة انه شايب وكبر جدي وانا ترى كبر أحفاده، ومو أنا اللي بعلمه الأدب خله يتأدب وإذا كبير وتعبان حولوه على التقاعد المبكر للعاجزين مو تخلونه يقط بلاه على الأولي والتالي... لاتكلمني وتعيد وتزيد أنا عرفت الحين إن ولا واحد فيكم كفو يتكلم معاي... <<<<<<<<<<< والله بازة بعمرها الواثقة... ههههههههههههههههههههههههههههههههههههههههههههه واشتكيتهم عند رئيستي>>>>>>>>>> من جد ناوية شر... المهم، الشي الوحيد اللي فقع مرارتي إنهم يوم رئيستي كلمتهم قالوا لها : قولي لها ترى أحنا مو زعلانين منها أبدا وهي بنتنا وهالخرابيط... إلا شافوا العين الحمرا... بس صج اكتشفت اني ارجل من أي رجال في هالبلد... إلى اللقاء مع موقف ثالث... وفي أمان الله... CC |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
ههههههه
القناصه ياحبي لك وشلونك ووين دنيااك <== قاااطه:d صراحه الله يكون بعونك على هالضغط اللي انتي فيه:(: وربي يكون بعونك ويوفقك ويسهل عليكCC |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
اقتباس:
حبيبتي Ryya تسلمين لي ويشرفني مرورك على موضوعي... وإن شاء الله مواضيعي كلها تنال إعجابك... وفي أمان الله... CC |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
يا حبيبي على الإخلاص في الشغــل .. هذا كيف صابرين عليه .. |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
اقتباس:
هههههههههههههههههههههههههههههههه المشكلة إني أرقل في الشغل مثل الأسنان اللبينة يعني ممكن على لساني الطويل هذا يقطوني وكأنه العيد عندهم... بس من جد ماقدر اصبر على عمري لما أشوف الغلط وما أتكلم... ملسونة... ::D خخخخخخخخخخخخخخخخخخخخ بس ماقول غير الله المستعان... شاكرة مرورك وفي أمان الله... CC |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخـ
الله يرجتس رجا ً مبرحا ً كرج العصير بالسيزر <<<< شطحت + اعلان مجانا ً !!! اسمعي عاد!! اذا بتطاقين مره ثانيه ناديني بس بطقة اصبع افرشهم لك <<<<<<<هيااااط!! خخخخخخخخخخخخخخخخخخخخخخخخخخخخخخخ والله انك قوية ما شاء الله عليك ... ,.,.,.,.,.,.,.,.,.,,., واعذريني ردي متأخر... بس اللي عندي في المسن " طن طن طن طن طن طن " علي طلبياات وش علللللللمك؟! ههههههههههههههههههه تحيآتي.. |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
اقتباس:
|
رد: مابي أروح الدوام... (مواقف الدوام اللي ماتخلص) شاركوني عشان ارتاح...
اقتباس:
lmpossible من جد قطعتني من الضحك، بس مع الأسف ماتعودت أسحب على الدوام إلا في الشديد القوي... عشان كذا انا رايحة رايحة وإذا مو قراري فأنا بنلحق بعصا إلين باب البيت عشان أروح... p7 ياذا الأهل غثونا بعبارة اعتمدي على نفسك وجابلي شغلك... اللي يسمع يقول وزيرة المالية.... أمحق شغل... p11 وفي أمان الله وحفظه... CC |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
اقتباس:
Impossible... أبشرك... ههههههههههههههههههههههههههههههههه رحت الدوام اليوم... واشتغلت مثل الحــــــــــــــــــــــــــــــــــ ، المهم... >>>>>>>>>>> بشري عمرج... خخخخخخخخخخخخخخخخخخخخخخخخخخخخخخخخخخخ المهم إني رحت واشتغلت وعدى اليوم على سلام وبعد جبت معاي شغل أخلصه في البيت عشان ما أطول فيه بكره... ويكون لي وقت أخلص غيره.... يازيني ويازين اخلاصي اللي ماله داعي... أشوفكم بعد شوي مع موقف ثاني بصراحة مو قادرة افكر وابي اروح انام شوي عشان ما أقعد أخرف عليكم زيادة... وفي أمان الله وحفظه... CC |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
Impossible... تبي تشترك معانا في المسابقة اللي حاطينها في الإعلان ولا بتسوي فيها رجال وماتشارك بنات في الطبخ وحركات المصبنة اللي عارفينها وحافظينها صم... ::G> <<<<<<<<<<<< يعني من جد طرار ويتشرط... نرجع بصيغة ثانية... عفية أخوي Impossible تكفى شاركنا... بصراحة أحنا بنات ونبي شيف يساعدنا... pp23 شرايك؟؟؟ اختار الصيغة ... :TN العربجة <<<<< الأولى... الأنوثة الطاغية <<<<<<<<< الثانية... ههههههههههههههههههههههههههههههه أهم شي ترد علي بيا إيه يا إيه... الليلة لو سمحت بعد نص الليل بس لاحد يشوفك..<<<<<<<<<<< حشى دي ت مو رد... pp51 ههههههههههههههههههههههههههههههههههههه وفي أمان الله وحفظه ....CC |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
ههههههههههههههههههههههههههه
يعطيك العافيه قلبو خخخخخخخخخخخخخخخخخخخخخخخخخخخخخ |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
السلام عليكم ورحمة الله وبركاته...
أرجع لكم اليوم مع سلسلة استمع وتعلم الانجليزية... لأ لأ لأ لأ ... نسيت قصدي مواقف الدوام اللي ماتخلص... اليوم خير اللهم اجعله خير... قمت من النوم الساعة 545 وكالعادة مالي خلق دوام، يعني أفرش أسناني زين الفرشاة ماتشق خدي من الزهق اللي أنا فيه... يالله عينت من الله خير ولبست وحيطيت عباتي بس مابغيت البس لا الغطوة والنقاب عشان مالي خلق(للحين ماجيه السواق)... المهم وجيه السواق، ولبست غطوتي ونقابي وركبت السيارة <<<<<< شي خطير صراحة دخلي في الموضوع وخلصينا.. ::G> المهم وصلت الدوام وكان عندي شغل ماخلصته وخلصته... ودخل علي واحد على الساعة عشر وشوي... أحب أنوه للإخوة والأخوات القراء أن بعد شوي بنكون في صلب الموضوع واللي من جد أنا أبغاكم تفكرون فيه زين... طبعا دخل علي رجل كبير في السن وراسه نتخ شيب... أول كلمة نطق فيها: صباح الخير "أختي" ... ردة فعلي بيني وبين نفسي: أختك؟؟ pp41 <<<<<<<< هذا وجهي من تحت النقاب... انصدمت إني أنا وواحد كبر أبوي ممكن نكون اخوان <<<<<<<< حتى بالرضاعة ماتجي؟؟؟ XX وطلب يكلم واحد من الدكاترة وقعد لي في المكتب مع إن المفروض مايقعد، سحب الكرسي وأخذ راحته الأخ... طبعا الدكتور مو موجود دقيت له بيجر... وأنا أخلص الشغل اللي عندي واللي ممكن أخلصه بعدين بس يالله عشان مايقعد عندي شي ولا أقعد فاضية، يتوحد فيني "الأخ" ويطقها سوالف معاي... وفوق هذا مانفع، قعد يسولف معاي ليش ماتغيرون زل المكتب وليش وصخ وليش وليش، وأنا pp61 ولا كأني أسمع... ماقدرت صراحة استحمله على طول شفت الدكتور مارد خلال خمس دقايق بالضبط دقيت له بيجر مرة ثانية وفوق هذا بعد مارد... الحمد لك يارب، تم التلفون يرن، كل شوي أحد متصل والحمد لله كنت اطول معاهم إلين جيه الدكتور بكبره وأشرت له عليه عشان ياخذه معاه... حشى مو سكرتيرة... :TN المهم، السالفة والمغزى من ذكر هالقصة لكم هي كالتالي: ليش الشايب دايما يتصور له إنه في سن يسمح له إنه ينادي اي وحدة بإختي ؟؟؟ يعني إلى هالدرجة شكلي أكبر من خمسين؟؟؟ p11 والله من جد وشوا ذا؟؟ إجرام في حق البشرية والإناث بشكل خاص... أرجوا من الإخوة الأعضاء لما يكبرون ويصيرون فوق الأربعين ماينادون أي وحدة بإختي إلا لما يتأكدون إنها كبيرة... يعني بلاش إحراج... وإلى اللقاء في القصة القادمة... وفي أمان الله وحفظه... CC |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
وعـــليكم السلام ورحمة الله وبركاته
يمكــن شافــك كبيــره p11 الله يعينكـ على المـراجعــين .. برايفت لكل البنات ليش البنت أكره ما عليها انك تقولها انها كبيره .. تشتمها ولا تقول انها كبيره ؟؟ :d تقبلــي مروووري |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
اقتباس:
زلزال... أنا قمت الساعة خمس وخمسة وأربعين دقيقة... وبالنسبة للكبر، أنا أعترف إني كبيرة... مواليد 1983 من قدي p14 بس ولو يعني... مو يجيني واحد طاخ الستين ولا الخميسن ولا حتى الأربعين وراسه نتخ شيب ويقول لي أختي؟؟؟ come on راعي شعوري على الأقل... :TN تسلم على هالمرور... وأنا أصلا أعترف بسني مهما كان ... وفي أمان الله وحفظه.. CC |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
هلاوغلا P9
كيف حالك ياقناصه ياحوبي لك انتي وموضوعك يجننن:d تسلمين...ياالغلاP9 تقبلي مروري..... تحياتي.......غيد |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
هههههههههههههههههههههه خخخخخخخخخخخ
لاتروحين <<< تعودك ع الكسل خخخ شكراااااااااااا ع الموضوع الحلو |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
خخخخخخخخخخخخخخخخخخخخخخخخـ ( وجه وآحدن وده يصير موظف مثلك)
بصرآحه منتي سهله متحكمه في المدير والدكتور و المراجعين خخخخـ أنا أقول أذا كنتي بقوة الشخصيه هذي ليش ماتسحبين لك كم يوم عليهم ولمآ ترجعين لهم قولي لهم أي عذر ماعندك مشكله << يآسلام خلاص انحلت المشكله بصرآحه شخصيتك معجبتني حييييييل بس اللي مضايقني أحسك ماعندك أحترآم للمراجعين على الاقل كبآر السن منهم على فكره وش نوعية عملك وطبيعته بالضبط بس مشآن نكون معك بالصوره ..؟؟؟ الله معكـ |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
اقتباس:
ومرورك لي فخر واعتزاز.. p14 إن شاء الله تعجبك كل مواضيعي... وسلامي... وفي أمان الله... CC |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
اقتباس:
يختي عليج وعلى اقتراحج الجميل... كان على عيني ياحبة عيني... بس إيش أسوي مجبر أخاك لابطل... ولا كان علوم... هاذي أنا لو حاولت أرجع البيت.. p21 ولا تسألوني من اللي بيبهدلني كذا... خخخخخخخخخخخخخخخخخخخخخخخخخخخخخخ عندنا في البيت مبدأ العمل عمل... أمحق مبدأ... المهم قبل أمي لاتجي وتشوف عيابي على هالمبدأ... أشكر لج مرورج يالغالية... وفي أمان الله... CC |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
اقتباس:
وما أبين زعلي إلا إذا كان احد غلط علي... وأعرف شلون استعيد حقي في البداية كنت استعيده بإيدي ::G> ، بس بعدين اكتشفت إن العمل يبغاله تكتكة... فصرت اتكتك على الشي قبل لا اسوه ولي معاكم اليوم وقفه على هالموضوع... انا سكرتيرة... بس حرام عليك ترى انا احترم كبار السن.. والتعليقات اللي اعلقها اكثرها في قلبي وبيني وبين نفسي... إذا شفت ألي ماكبيل اللمحامية اللي كانوا يجيبونها في الإم بي سي بتعرف شقصدي... خخخخخخخخخخخخخخخخخخخخخخخخخخخخخخخ وشاكرة لك مرورك ياقمر... وفي أمان الله وحفظه...CC |
رد: مابي أروح الدوام... (مواقف الدوام اللي ماتخلص) شاركوني عشان ارتاح...
السلام عليكم ورحمة الله وبركاته... شخباركم؟ شمسوين؟ شعلومكم؟ شلون يومكم كان؟؟ القصة اليوم Fresh يعني طازجة، من الفرن إلى مائدتك... حصلت معاي اليوم... وطلعت فيها دليل على إني عاقلة وأفكر في الأمور قبل ما أرد على أحل... <<<< p18 يحليلي... ما اطول عليكم عشان مايصير الموضوع دردشة... المهم، القصة تبدأ قبل ثلاث اسابيع لما طلبت مني السكرتيرة اللي أنا اغطي مكانها إن اطلب وضع أقفال على باب حمام الموظفين والموظفات وانتم بكرامة عشان المرضى مايستخدمونها... بصراحة مرضانا ماعندهم ذوق، تدخل الحمام تحس إن في أحد كان يتسبح بس وين الدش مادري؟؟؟ pp12 هذا غير الريحة pp41 هههههههههههههههههههههههههههههههههههههههههههه وطبعا اختكم، دقت الصدر وقالت أنا لج والشر ماينالج :TN ... كالعادة مسوية فيها حاتم الطائي p18 ... المهم وشغلت واسطاتي والناس اللي اعرفهم، وركبنا كيلون جديد بمفتاح خاص لكل باب حمام _ وانتم بكرامة_ المسألة مش هنا... المسألة أن الحريم مايجوزون عن طبايعهم، مالت عليهم... طول عمري وأنا أقول ماورى الحريم غير البلاوي.. p10 الوحدة تقول الشي وبعدها تغير رايها بالدقيقة... ماعندهم ذات ... حاسة إني بنطق طق ماردي ليش؟؟ ::G> جايين الأخوات اللي معاي كل وحدة تتفلسف وتقول ليش ماناقشتينا واحنا نشتغل في دائرة وحدة وكان المفروض تعلمينا وتقولين وتسوين اجتماع وماعرف إيش وقاموا يبون يسوون نفسهم شي وهم ولا شي ، اجنبيات يشتغلون في محلات صنع ولف سجاير في بلدهم (أوروبا) وتاخذلها الوحدة دبلوم تمريض بعد ماتتلته وتجي ديرتنا وتسوي نفسها يا أرض اتهدي ماعليكي قدي... على فكرة ترى صحيح سالفة مصنع لف السجاير... pp60 المهم... سكت وقلت لهم ماحد طلب هالشي غيركم ولاحد كان يتشكى غيركم ولا لكم كلام معاي وإذا على المفتاح احنا كبار مش صغار في مدرسة عشان الوحدة تاخذ المفتاح وتعجز ترجعه مكانه... راحت وبعدها رجعت لي تقول لي: أبيج تسوين لي 15 نسخة من مفتاح الحمام؟؟ (حشى ماصار privacy هذا؟؟ بتوزعينهم على جيرانكم؟؟) قلت لها: طيب... ::G> المهم جاتني وحدة تتلفسف تقول انتو صعبتوا الأمور اللي الله سهلها لنا، الحمام صار الواحد لازم يركض يدور المفتاح حقه وماعرف إيش... انبطت جبدي... وفتحت على نفسها باب من أبواب جهنم يوم جات تتفلسف علي وانا في هالحالة... خليتها تصب عرق من اللخمة اللي كانت فيها... pp47 قلت لها أصلا ماحد اشتكى وقعد يحن ويزن غيركم وانا كل اللي سويته إن خدمتكم خدمة لايمكن أحد يسوويها لكم لكن الحين تأكدت إن مافي أحد يستاهل... وشوفوا عاد هالكلمة إيش معناتها pp12 ... وكان بصراحة خطاب طويل وكل ماجات تقول شي قلت لها: لو سمحتي أنا أتكلم يعني لازم تحترمين اني انا اتكلم وتسمعين... <<<<<<<<< ياشيييييييييييييييييييييييييييييييييخة ماقدر علي :d المهم وسكت... لكن كان بصراحة قلبي يبقبق من الحرة... p22 وقعدت اسولف مع وحدة من صديقاتي وقلت لها هاين علي انادي اللي غير الكيلون واخليه يرجع الأولي... قالت لي: ليش لأ... <<<<<<<<<< يحليلها تعجبني اللي معاي ع الخط.. p14 والله وتكلمنا وفضفضت لها كل اللي في قلبي...<<<<<<< بعد شبدي دندون الله يخليج لي وتولدين بالسلامة وتجيبين طفل شبهي.. :d المهم اكمل لكم... قعدت ادق على رئيسي في العيادة وكل شوي الممرضة تقول لي معاه مريض... pp29 دقيت إلين لقيته...pp34 وقلت له: شرايك الحين يعني؟؟ انت شفت المسخرة اللي صارت؟؟؟ ماعندهم صراحة اسلوب ولا كلمة.. حتى اللي كانوا يبون هالشي انكروا تصدق؟؟ (<<<<<<<< قاطة الميانة مع رئيسها...)، شرايك اكلم العامل واقوله يشيله؟؟ قال لي: بصراحة كلامج صحيح والمعمعة اللي سوها مالها داعي، بس ياليت تخلين القفل حق حمام الرجال... :d يادلبوووووووووووووو انت تامر أمر... خخخخخخخخخخخخخخخخخخخخخخخخخخخخخخخخ p66 طبعا هذا بيني وبين نفسي... المهم والله وكلمته وقلت له تعال غيره لهم، مايستاهلون، صج مو وجه نعمه... ياحليله جاني يركض وغيره وخلى حمام الرجال وبعدها بساعة (كنت طالعة غدا) جاني وعطاني 10 نسخ من مفاتيح حمام الرجال وقدام اللي كانت تتفلسف علي وطلبت 15 نسخة... ولا قالت ولا حرف.. ورجع الحمام حقهم مثل ماكان مفتوح لكل من هب ودب... وعلى فكرة ترى اللي غير الكيلون قال لي: لو طلبوا مرة ثانية قولي لهم إن هذا الكيلون مافي منه خلاص... الكيلون هذا نوع خاص وميتين بقية الأقسام يبون يحصلون مثله وماطلعناه غير لج انتي لأن احنا نعرفج ومشتغلين معاج من قبل، لكن بصراحة هم مايستاهلون... يختي علي وعلى حب الناس لي... أنفع واسطة... pp23 أمحق واسطة اللي قاصرة على قفل حمام... p10 خخخخخخخخخخخخخخخخخخخخخخخخخخخخخخخخخخخخخخخخخخخخخ المهم بس الفكرة من هالقصة... إنك لو سويت شي وماحد قدرك إلا بالعكس اهانوا امكانياتك، أبدا لاتزعل ولاتتكدر... لو تقدر ترجعه مثل ماكان رجعه وانت ساكت لأن الكلام راح يعور قلبك، لكن الفعل راح يحرق اللي قدامك... يعني خطط بشويييييييييييييييييييييييش واعرف وين تعطي الضربة القاضية... pp64 وسلامتكم... وفي أمان الله وحفظه... CC |
| الساعة الآن 07:23 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0