\ \ \ حينما يكون المرء غائصآ في خياله الواسع .. وحينما نطحس ونحوس في هاذي الدنيا .. وحينما تخرجوا وتطلعوا الكلمات من أعماق حناجرنا .. ومن قيعان زلاعيمنا .. نتيجه الفراغ و ما تكنه صدورنا .. من فراغ .. !! من مــلـل .. ! من جنبها انا وهالبربرهـ .. !! وش أحس فيه انا .. !! وش انا قاعده أهذري وأحتسي .. !! المهم .. يقولون ان لازم بكل موضوع مقدمه .. عاد خبركم ما هنا تعبير ولا انا يمــه ولا تطري … قلت مالي الا ادخل كل موضوع .. وأزرف كمن كلمه من المقدمه .. وأجمعهن مع بعض وتصير مقدمه .. ماحصلتش .. والزحمه اللي فوق يقولون انها مقدمه والعهدهـ على الراوي .. مدري الشرهان .. ! على طاري الشرهـان .. الحاصل : انه عندي كمن سالفه تقرقع ودي أسدحهـا .. تسان ماهـنا كلافه عليكم .. !! بـس تـراهـن بـب يـم سنــع .. يعـنـي خـذو وخــلـو .. ! مـرهـ وحنا مجتمعين في استراحتنا قالت خـالـتـو: ودي أسأل البنات سؤال بصراحهـ .. !! مـثـلآ … جاتس واحدن يخطبتس .. الرجال كامل والكمال لله وحده .. بس (( راتبه 3000 ريـــال )) .. !! بتقبلين به .. ! وانتي متعوده ببيت أهلتس .. على وضــع أفضل من كــذا ..! صارت حرب بين البنات .. اللي قالت أيه قدام .. هماهـ رجـــال كفو .. ! والثانيه قالت : لا والله .. !! يبطي آخذه .. انا تعودت على شي .. وما اقدر اغير مستوى معيشتي .. اللي جابهـ يجيب غيرهـ !! والثالثه قـــالت : يمكن آخذه بشرط .. يدور له وظيفه في العصريه .. ولا شهادات ترفع من راتبه ..المهم .. يحسن من مستواهـ .. والرابعه قـالت : متى ما جا أسألوني .. ! والخامسه .. ووووووو !! المشكلهـ الحين هنـــا ... ! الراتب قليل .. ! المهر كثير .. ! أجار البيت .. ! المصرف وتعبيه الثلاجه من الى .. !! بنزين .. كهرب .. فواتير جوال .. !! يبي سياره .. مثل ربعهـ .. !! البنات ماعاد ينتازلن عن الأشياء الثانويه .. اذا ما كانت الكماليه .. .. !! العيال مشتبين يبون العرس وتحصين النفس .. ! البنات واجدات وعلى قفــا من يشـيل بس .. من يطولهن .. ! والعين بصيره واليد قصيره .. ! والله لوبقعد أحتسي من اليوم الى باتسر ما قضيت .. وش أٌقول وش أخلي .. !! الزبده : وش الحل .. !! البنات ما عاد يبون مهــر الا(( 50000)) وفيهــــا .. ! غير التأثيث .. والسفر .. وتكــالـيف الـزواج .. ! وهالمنتف الضعيف من وين يجيب .. ! .. هالعيال جد ينرحمون .. ! \ \ أسئـــلهـ للبنـــوطــات .. ! س / وش أقل مهر ترضين فيه .. !! س/ وش الراتب اللي يتوازى مع عيشتس مع اهلتس .. هاتي مبلغ كحد أدنى .. !! س/فرضآ أخذتي ابو راتب قليل .. ! وشلون بتدبرين عمرتس ... ! تكفين يدتس عن الكماليات .. ولا تقنعينه بوظيفه ثانيه .. !! بتشتغلين أنتي وتصرفين معهـ .. ! قولي .. وش بتسوين .. ! للشبـاب .. ! س/متى تحس انك قادر على الزواج .. ! اذا كان راتبك كم .. ! س/انت ياراعي الراتب القليل .. يسر الله عليك .. ولقيت اللي ترضى براتبك ..! ماتحس بتأنيب الضمير لا شفت حرمتك تبي الزين والغالي بس ما تقدر تلبي لها كل شي .. ! مع انها راضيه بنصيبها .. ! تتوقع بتكون سعيد بحياتك .. !! س/ تتوقع انــكـ تقدر تلبي طلبات حرمتك .. واذا طاولتها .. منتب مخلص .. هي بتطفربكـ .. !! وش الحلول ساعتهـا .. ! لكم كــل ابـــوكـم وأمـكـم ! س/ عمومآ ..عندكـ أخوات .. ولا اخوان واحد مستواهـ أرفع من الثاني بكثير .. !! بيكون فيه حزازيه !! ولا غيره .. !! ولا شي من هالنوع .. هالشي .. أكيد بينكد عليك وعلى أم العيال .. ! بالسفر .. بالسيــارهـ الجديدهـ .. بالبيت .. ! وش السوات .. ! وش الدبرهـ .. ! لا تنسون الحرمهـ لا غارت .. وش تسوي .. !! اللهـ يـكـفـيـكـم شـر الـغيـرهـ .. ! هـــاتوا آرائكــم بشــكـل عـــام عن الموزوع .. ! (( الحـــلــق )) .. ! هالشي شاغل بالي من فتره طويله شوي .. وقصيره شوي .. ! الموهم انها فترهـ وبس .. ! وش الحكمهـ منهـ .. ! ليش بالآذان مو بمــكـان ثانـي .. ! الحين البنت لا انولدت يخوقون أذنها .. ! واللي ما يعرف التخويق هو : ( فتحه صغيره في شحمه الأذن للحلق .. وفي روايهـ الخماخم ) .. همن يالله .. تلبس من هالحلق الطبي الأخضر ولا الأحمر كانكم تعرفونه .. لو بحلف ان القرح والحساسيه منه .. قال ايش قال طبي .. !! خرطـي ! هو صحيح يعطي نعومه .. ومظهر .. بس بحدود المعقول .. ! بعض الحريم لا لبست الحلق .. أحتري شحمه أذنها تنقطع من كـبـر اللـي لابسته وثـقـلهـ .. ! تقل أحد تال أذنهــا بأقوى من عنده !! مدري من اللي متحديها مدري مواجرها .. مثل : ( الحريمات الصعيديات اللي بالمسلسلات) .. قصمن عظمن انه عذاب .. ويوجع .. بس لعيون الكشخه تتحمل .. << أبوها من كشخـهـ .. ! وتتعدى الخفس .. والخفسين .. الين ماتوصل للعظم .. بالعربي : ( الطقطوق) .. ولا تصف محل ابو ريالين كله في أذنهــا .. وتخلي الثانيه فاضيه .. !!! واللي اردى وأردى .. توصل لمعاني غبيه وحقيره .. !! وأحنــا نقلد ولا ندري وش الطبخه .. ! .. ! س/ انتي من البنات اللي لك أكثر من خفس (خوق) .. !! س/ نظرتك انت يالولد .. للبنات اللي تبيع ابو ريالين في اذانها .. !! س/ ودك يالولد تخوق .. ودك تلبس حلق .. ودك تشوف شكلك وشلون بالحلق .. !! ولا الموضوع لا يقدم ولا يأخر عندكـ .. !! طب تحــسهـ من الأنثونـهـ .. ! (( أتخيلك بالمرايا )) .. ! الاحظ هالأيام كاثره حركه ان الواحد يمشي ويكلم نفسه ... في السياره .. تلاقين هالشفايف تتحرك .. وما معه أحد .. ولا وانت قاعد تسمع أحدن يحتسي بالحمام .. أقول يحتسي بب يغني .. ! ولا تدخلين فجأه على أختس تلاقينها تهذر على عمرها بالمرايه .. وخاشه جو .. بب أي جو .. !! وش يحسون به .. ! أو وش نحس به .. ! وش السالفه وش تبون انتم .. من اللي جابكم هنا لموضوعي .. << هو وراني قمت أخور .. !! لاجد .. هالحركه منتشره عند العالم ..مدري مع الأسهم .. ! مدري فضاوهـ .. مدري فراغ عاطفي .. مدري حر .. مدري قربت الدراسه .. !! المهم اني مدري وش ابي .. ! وجهه نظري تقول .. منتاااازه هالفوكره .. !! أدخل الحمام .. وأنصى المرايه نصوه .. وأسولف لها . أصيح .. أضحك .. اسولف .. همن اضبظ شكلي وأطلع .. !! أزين مليون مره من اني أكب عفشي للناس .. وأفضفض للي يسوى واللي ما يسوى .. !! ولا العيال .. يركب سيارته .. ويفتر بهالشوارع .. ولا يمسك له سريع .. همن يرجع .. وباله أزين مليون مره من قبل .. !! \ \ س /انت/ـي وشلون تفضفض/ـين على نفسك .. ! وشلون تطلع/ـين اللي بخاطرك .. للناس .. ولا للمرايه .. ولا السياره .. ولا أكتمه وأسكت .. !! س/ تحسون زيي ان البحر أحلى مكان للفضفضه .. ولا البيت ويخب .. << السؤال ماله دخل بس ودي أجيب طاري البحر .. !! س/همومنا كاثره .. ولا المرايا كاثره .. ولا الواحد صدز قام يحاتسي نفسه بدون شعور .. !! أنــا الحـين طيحت اللي براسي .. وقلت اللي عندي .. الحين دوركــم ,, ! \ \
19-08-2007, 09:54 PM
((شـــيــــن مـــدري وشــــو )) .. .. !!
العرض الشجري
