صباح الخير ودي اقولك مرثيه كتبتها يوم وفاة امي رحمة الله عليها وياليت تعجبكم طبعا توفت رحمة الله عليها يوم الثلاثاء وعنوان القصيده امي

يوم الثلاثا حاربت عيني النوم
عزي لمن مثلي فقد شوف غاليه

خيم علي الحزن والصدر مكتوم
وغاب الحنان اللي بالقلب مضفيه

من يفقد امه ناح ماهوب مليوم
يبكي بصوت الحزن والناس توحيه

مانعترض شي مقدر ومقسوم
حكم القدر نافل بتدبير واليه

لازم يجيك الموت ذا شي معلوم
ما يكتب المولى على العبد ياتيه

يا جعل جسم امي عن النار محروم
ويغفر لروح سلمت عند باريه



وسلامتكم واسف طولت