هههههههههههههههههههههه

الله يرجك سلطان حرام مسكينه البنيه

ياللــــــه يا شبابـ << شباب وألا هـلال

لحد يستحــي البيت بيتــه وربي ازعــل عليه اللى يستحــي << طولها وهي قصيرهـ :p

بإنتظار صرقعتكمـ يا مال العافيـــه << ولا يهونـ المازولا :D

ههههههههههه
كل واحد طفولته احلا من الثاني
انا عن نفسي ماكنت بالسعودية خيييير شر
يعني انولدت بالسعودية وما امدانا وطرنا لامريكا فما كنت اعرف ولا كلمة
عربية واذا جيت زيارة للسعودية وانا بزر طبعا
((((((((يقولون اني كنت دلوعة<<<مدري على ايش؟!))))))))
اتحطم كل العالم يسولفون وانا منطمة
ودي اسولف
.......اقول ابي حلاو ابي حليييب بس ما في احد كان يعطيني وجه
وامي ما شالله عليها صايرة مترجمة بارعة........
حالتي حالة باختصاااار طفولتي ...........غرييييييبة

بصرراحة انا اذكر مرررة في التمهيدي
كنت انا وبنت عمي عاد كانت الابلة تقووولنا ياحلوين ماابي اسمع كلام وصخ
ولا ابي اسمع كلمة يخرب بيتك
عاد بنت عمي مسكتها قالت للابلة يخرب بيتك خخخخخخخخخخ
عاد الابلة مسكت بنت عمي وتقولها الحين اوديكي المديرة وتسحبها وبنت عمي تقو لي ياغادة تكفين
بتضربني عاد يومها نزلت دموعي.....موقف مؤثر يالله ابكوا الحين
وجلست اترجى بنت اللذين تسيب بنت عمي ماهي راضية ويومها بكيت جلست اصارخ بالفصل
الا قالتلي خلاص اسكتي وماانزلها
عاد انا سكت .. بس من جد يومها انقهرت من لئااااامة بنت عمي لاني اول مارجعنا تضاربت انا وياها وتحسرت اني دافعت عنها
اسفة على الاطالة هذا شي من بحر المواقف

هااااااااااااااااااااااااااي انا وصلت>>>>هههههههه معجب بنفسه
الله يسلمك على الموضوع بس والله مدري وش اقولك المواقف كثيره موقف ايام الروضه:
كنت انا واخوي اللي اصغر مني بالروضه وكل صبح نرتز فيها طبعا كان معنا طالب دب وذا الدب طلع روحي انا واخوي كل يوم مسوي لنا قلق المهم مره من المرات غيرنا مدخلنا مع الباب الثاني ولما دخلنا نتحراه يجي يسوي حركاته البايخه زي كل يوم بس تأخر ودخلنا على غرف الروضه وهو مابعد جاء تدرون عاد وين لقيناه>>>>>>متغيب وراء الباب الرئيسي يتحرانا ندخل انا واخوي يبي يقلط علينا بس ابو الشباب فاتت عليه هههههههههههههههه>>>تغييرنا للباب ذاك اليوم والله صدفه..
يسلموا على موضوعك..

الشقاوي هلا والله
أمداها خلصت مواقفك
هههههههههههههههه
نوف
طيب عطينا موقف حلو


غاده والله بنت عمتس قهرتن ؟أنا
سو خير يجيك شر
بس أكيد نذله
ههههههههههههههههههه

القناص ماشاء الله عليكم والله تعرفون تفكرون
مسكين أحسها فشله له

الله يسلمكم
أتمنى أعجبكم الموضوع

هههههههههههههههههههه

يسلمو اوي اوي كتير تأبروني << مصري بس خواله سورييـن

أيه هين كثر منها خواله سوريين
هههههههههههههههه

يالله عطنا من الطفوله الحلوه

اما انا بالتمهيدي نعرف المديره
وكل يوم يتاخر علي الوالد
وكل يوم تشيلني المديره علشان مااوذي احد ولا اعض احد
واذا شالتني اسحب اذانهاا

هههههههههههههههههههههه
ههههههههههههههههههههههههه
أجرح والله انك شرس
يسلموووووووووو

الله يسلمك

سلام عليكم يا قوم :D


بغيت اكمل لكم ذكريات ذاك اليوم <~ ما عندهـ اسلوب :D



كنت محبوب من صغري وكل من شافني يلقى أني اشده ويبدأ بالتبويس والتقبيص... والسبب في هالشي خشتي المايله ... لأنها كانت تشكل عامل جذب سياحي .... حتى انهم طلبوني في عسير :D ..

كانت جدتي قالبه بيتهم فوق تحت بزعم أنها بتنفس أميمتي وترعاها...كانت تفتح مقلط الحريم وتحط فيه سرير... وجنب السرير سرير المولود.... <~ اللى هو انا :D

والقهاوي والشواهي .. على مدار الساعة.... وكل عقب عصر تلقون ام نويصر وام سعيدان وام فهد وام عبدالله هذولي دايم كل عقب عصر يجون القصد الظاهر للناس انهم ينفسون البنت .... والحقيقي إنهم جايين يتقهوون ويسولفون ويحشون بخلق الله. ...... ولو تقول لوحده منهم قومي زيني ذا ولا عدلي ذا بدأت تظهر الأوجاع.. وعلى موال.. أااااه ياظهري.... إيييييييه ......... والله يا عظامي اليوم مهيب على اللي انا خابرة.. الظاهر ان الهوا لافحني ( يعني داخلها برد ) وخذ ياتشكي...... :D

وإذا جوا الزوار الصدقيين وجابوا معهم الحامل والمحمول.... بالعادة ( زمزميه قهوة – شوكلاطه – فطاير ــ خبز وكراث.....الخ ) وإذا سلموا على هيا ... كل وحده تلفز ( تعطيها بحركه انسيابيه) لها ميه ولا ميتين .......يعني المهم شي ينفسون به..... والظاهر ان المقصود بهالدراهم أنهن للمولود اللي هو خويلد .... ولكن ماعمره شاف منهن شي أبد . :D .....

وكل ماجاءها شي دعسته تحت ذا السرير.... وإذا طلعوا ذا العالم.... بدأت عملية جني الأرباح.... وفلانه جابت. وفلانه جابت..... وفلانه الله يخسها .... ما جابت الا تسذا.... وفلانه ماجت خايفة ينقص من دراهمها شي بس هين أوريتس فيها إذا ولدت والله مااأزورها..... :D

وكنت أنأم وانا في المهاد ... وأصيح أحيانا وجدتي تحسبني أصيح من الجوع. وتقول لأمي الله يهديتس رضعيه مجوعته... مادرت اني مليت من كثر ذا اللي يحبوني ويبوسوني ووريحه افواههم كراث وحلبه ويانسون .....الخ. :D

وامي كانت ترد وتقول ... لا توه راضع بس يتدلع ... وأنا أصيح وأصيح ... ومازالوا فاهمين غلط يحسبون أني اصيح من الجوع.... بس أنا أصيح لأنهم مهوب يعطوني وجه وكل من جاهم جدعوني في حجره..وكل من جدعوني في حجره بدأ يلعب فيني ويقبصني.... وكان فيه واحد قاهرني اللي هو خالي... كان يمسكني لمده ساعه كل يوم ويسوي لي تمارين لتعديل الخشه المايله ....وياليتها تمارين... ماغير طراقااات ويمسك الفك السفلي .. ويقعد يحرحر فيه أغديه يزين.... ولكن ماهنا فايده.... :D

كان أبوي اذا جاء يزورنا يجيب لي أشياء واجد وخرابيط مدري من وشلون يفكر فيهن ...يعني مره جايب لي سيكل 16 ..... مدري وشلون أبركبه وانا ابو أقل من شهر... :D

ومره جايب لي اسهم ولوحه عشان اصوب عليها..... ومره جايب لي مسبح مطاطي .. ومره جايب لي حصان خشبي.... يزعمه يبي يطبق الأثر ( علموا اولادكم السباحة والرمايه وركوب الخيل).....

. وكالعاده ذا الأشياء تروح لخالي على طول..... :D

وبعد بلوغي السنة الأولى... قالوا يبون يسوون لي عيد ميلاد ... الظاهر اني جورج وانا مدري...جابوا كيكتين وعلبه بيبسي وبيالات.... وصبوا الببسي في البيالات عشان يكفي ناس واجد..... :D

وانا يوم شفت الدعوه تسذا وانا أللي اعطيهم ظهري واجر المشايه وأرجع لغرفتي ضايق صدري. :( ..
بس صقعت بالباب.... لأن خشتي المايله بدأت بالميلان أكثر مع تقدمي بالعمر وبسبب ازدياد ميلانها صقعت بالباب....

كانت طفولتي مليانه مطاقات وكنت دايم انجلد من سرور ولد جيراننا السودانيين. :D .... وكنت اروح اصيح عند أبوي ويجلدني زود .. ويقول ...ساد هذا جزاك .. أكيد أنك محارشهم وإلا قايل لهم شي .. مهوب طاقينك تسذا من الباب للطاقه....
:D
كنت أتشفق للطلعة من البيت .... وانبسط اذا قال ابوي تعال معي ... حتى لو انه يبي ياخذ غرض من السياره ويرجع ...بس اهم شي اطلع معه. :p ..

وإذا خمت معه ووداني معه للمسجد .... وحنا في الطريق أنواع التحذيرات... لاتتلفت ... سو مثلي اي شي اسويه قلدني .... الخ....
واول ماندخل المسجد .. ويكبر الإمام... أبدأ بالتلفت واناظر اللي جنبي.... واحيانا ادخل يدي بجيوب اللي جنبي واحوس .. أن لقيت شي يستاهل زرفته وإن مالقيت شي دعسيت منديل في مخباته وخليته :D .... وكنت انبسط إذا جاء الركوع ..يصيرون كنهم يطلون علي وانا أرفع رأسي وانا ظر بوجيه العالم... وأحيانا أذا شفت لي واحد فتحات خشمه وسيعه .. لاشعوريا أدخل اصبعي فيه ... :D .

وكنت أتحرى للكف وانا اصلي مع ابوي بأي لحظة.. وكان يكتفي بانه يصقعني مع راسي صقعه تنشبني بمقفى اللي قدامي...

وإذا طلعنا من المسجد جاني أنواع الجلد... :mad:

ويوم صار عمري ... ست سنوات... بدينا بالقلق والدراسة.... كان أبوي يلح علي من قبل لا أدخل المدرسه وكانت كلمته اللي تعودت عليها من ذيك الأيام ... ( ذاكر) وإلا ( وين المذاكرة) وكانت كل كلمه تنقال في وضع معين... يعني ذاكر مع لشطه بالعقال .... اذا كان مبسوط ذاك اليوم.... و( ووين المذاكرة ) مع **يريه بخشتي اذا كان ذاك اليوم وده يتهاوش ولا مديره بالعمل مضيق صدره...

وتعودت أني كل ماضاق صدر أبوي حط حرته فيني... لدرجه أنه أحيانا اذا بغى يطلع من البيت يمر على غرفتي ان لقاني فيها زين فهو يتفل على وجهي ويمشي وان مالقاني...ياويليييي وياسواد ليلي اذا رجع من الدوام :D ..

وبالمدرسة مابقى مدرس ماطبع بصمته على يدي أو ظهري .... أو وجهي..... من عرفت عمري وأنا أنجلد...

وما أذكر أني جلدت أحد أبد...
:D
ومن المواقف اللي أذكرها وكانت تحسب لأبوي ... أنه مره ولد استقصدني كل ماطلعت من المدرسه يقعد يحتريني. ويجلدني .. وفي يوم من الأيام انحشت من طريق ثاني.... ورحت لأبوي اعلمه.. قام أبوي وراح يشوف وفعلا لقى ذا الولد قاعدن يحتريني... ويقوم عليه أبوي ويطقه ....

ويوم رجعنا للبيت ....اهئ اهئ اهئ .... ويكمل الناقص علي....

وإستمرت معاناتي وحالتي هذي ...

لين وصلت من العمر عتيا... ووصلت عشر سنوات... وكأن المعاملة بدت تزين... وكأنهم تعوذوا من أبليس وأقتنعوا إني انسان... صرت إذا دخلت مكان ولا سلمت على أحد تلقاه يسولف معي ووشلونك خويلد :cool: ووشلون ابوك ووشلون أمك ... الخ

وماعاد صار احد يقول لي رح ادخل ناد اهلي من وسط البيت.... وبديت أتضايق لأني ودي ادخل تعودت.. من يوم عمري 3 أيام وهم اذا بغى أحد ينادي أهله دزني لهم أناديهم... وكنت استحي إذا دخلت مجلس مليان حريم ...لأنهم يبدون بالكلام الجارح.... اللي هو.. هاه يا أبو خشه وش عندك داخلن علينا... تبي الرضعه ترا خلاص امك وقف حليبها... وبعدين ياأم خالد ... وشلون كنت ترضعينه هو وخشته ذا المايلة.... :D

وانا أتحطمممم ويضيق صدري. :( ... بس أذا طلعت من عندهم وشفت شجرة العبري مثمرة..نسيت كل كلامهم ونقزت فوق الجدار عشان ألقط العبري من فوق الشجرة. :D ..

ويوم صار عمري 15 سنه وبديت أطلع وأدخل واسهر ... إيه بديت أسهر الا وأبوي يفتح الباب على مصراعيه وقال لي: ياوليدي لاتجي الساعه 10.30 بالليل إلا وأنت بالبيت وإلا تراني ابلزخك بذا العصا اللي معي ......

وأيضا في هالسنه تحققت أغلى أمنياتي... وتعدلت خشتي... وكان هذا هو الشي االوحيد والحسنه اللي ماقبلها ولا بعدها واذكرها لأبوي...

كنت جالس مع خمة شباب عند عبدالرؤف الباكستاني في بقاله النهار... وكانوا توهم طايحين بالتتن ... ويوم انهم بدوا يتتنون... وإلا ابوي توه موقف الددسن عند البقاله ونازل يبي يشري جرايد وشافني...

وقزني بعينه... وانا ناظرته :eek: .... وطالت النظرات بيننا... يوم قال : هلالالالالالالالالالالالا ابو سويلم وشلونك ... وألتفت وراي ...إلاه أبو سويلم جارنا وراي يبي ياخذ له فاكهه من محل الفواكه اللي جنب البقاله .. وابوي من الصبح قاعد يصور فيه ويتمقل يبي يشوف هو أبو سويلم وإلا لأ... ويم انهم كل واحد راح يسلم على الثاني... وكانت منطقة إلتقاء الطرفين جنبي بالضبط....

ويشم ابوي ريحة التتن ... ويلتفت ويناظرني مع ذا الشله المشكلة أني مانيب ادخن بس جالس معهم... ويقوم ويلفعني طراااااق.. نشب راسي بصندوق الطمام اللي بالمحل.... ويوم اني قمت ... ويجيني ابوي قال : انا اسف ياوليدي احسبك ولدي.. قلت انا ولدك.. قال : لاهين انت وين وابو خشه وين... بس والله شبهت عليك قم قم عسى ماجاك شي...
قلت : يبه انا خويلد وش فيك انت ...( واناظر مرايه فياغرا كانت واقفة جنبنا والقى خشتي معتدله.... :D

وأقوم واخم أبوي... وأناقز على الرصيف من الفرحة... وأطلع بوسط الشارع وانا مادريت عن نفسي... وتخمني سياره من ذا السيارات .. وودوني للمستشفى ..ولقوا واحد من ضروسي طايح.... ووركي كنه مهوب مضبوط .... و رجلي انكسرت ..يعني بعض الرضوض البسيطه... قلت لهم ياجماعه الخشة جاها شي...
قالوا لأ الخشه من ابدع مايمكن... قلت هذا المهم.. :D :D
أستغرب الدكتور وقال : ليه....
قلت : يادكتور أنا لي 15 سنه كل شي فيني سليم إلا ذا الخشه كانت مايله ...جاء الدور ان كل شي يخرب الا الخشه تزين...

ويوم رجعت للبيت ويسوون لي احتفالات... وعزايم وشي يوسع الصدر...

وجتني بعض الهدايا المادية وبعض الهدايا العينية ....
وكما تعودت كل شي يصك عليه أول ما أستلمه يعني مافيه أمل اتهنى بشي.....

وأذكر اني أنقهر إذا شفت ناصر ولد جيرننا ذا البصوة معه سياره وانا لأ...

وألحيت على أبوي انه يشري لي سيارة ...وكان يرفض وأقوله اعتبرها تكفير عن ميلان خشتي كل ذا السنين .... وهو يقول : أنثبر وترا ماعندي مانع أميلها مرتن أخرى. :D ....

وبعد ماقدمت خطابات كثيره لعدد من اللجان والجميعات بالخارج ووسطنا ناس واجد ...يالله يالله أقتنع يشري لي موتر يوم صكيت الـ 20 سنه ..

ويطق لي ذيك الكامري.... وانا ميت من الوناسه. ماعاد أدري وين اروح من زود الانبساط.. فريت الرياض كله ...في اول يوم استلمت فيه الموتر.... :D

كنت كل أربعاء أمر الشباب كلهم ونطلع للثمامه وماغير مطامر بهالطعوس....

كنت كل ما رجعت للبيت جاني هواش من الوالد... والوالده ذا المسيكينه مالها حيله ولا تدري وش تسوي ذا الأبو يهاوش من جهة والولد يجي ويهاوشها من جهة...

احيانا ارحم اميمتي.... يعني ابوي يهاوشني .. وأنا انقز لها عقب مايخلص واهاوشها.. أنتي أبوكم ذا اذا ماعقلتوه ترا ابوريه الشغل... ترا مليت منه كل يوم يهاوشني كني بزر.... ترا وترا...الخ من ذا الكلام اللي ماله سنع...
:D
وبحكم اني اكبر أخواني شي طبيعي أن كل شي يصير فوق رأسي... وفي الأسرة السعوديه المبجلة مايروح فيها الا الكبير والصغير أما اللي بينهم تلقاهم مرتااااحين.... يعني الكبير اي غلط يغلطه اي واحد من اخوانه تجي فوق رأسه... والصغير تلقى له مليون أب... اخوانه كلهم يراقبونه وويوجهونه ومايبقى أحد مايعطيه نصيحه وإلا عقاب ....




شاكر لكم حسن استماعكم وإلى اللقاء بالحلقه الجآيه :D

ههههههههههههههههههههههههههههههاااااااااااااااااااا اااااي

الله يرجك يالشقاووووووووي .. عليك قصص ..
عموما الله يسعدك ويبسطك..
..

هلا انسانـه الله يسعد ايامكوتشوفين الخير قدامكـ

تسلمين يا قمــر ع الطلــه الحلوهـ

واهم شئ انهــا اعجبتــس

طحياطـــي

يعطيك العافيه اختي

الموضوع اخذ حقه وزياده