صبااح/مساء النرجس والورود العااطرة ...
صبااح قطراات الندى التي تتلاعب على اورااق الزهور
لتعطي للطبيعة جمالا و رونقا خاصا ...
مسااءكم عاطر بأجود انوااع العود و البخور ...
الظروف آه يا الظروف
الظروف ضلع ثاابت في مكاانه ما احترك
باارك للحمول ومرتكي يشلها..!!
صدفه بلا ميعاد .. جاني قبل اياام كم اهداء
وكلها اغنية آهـ يا الظروف.. قلت يا دي الظروف وسنينها..
دخلت المنتدى وعلى المجلس واذا الهرش منزل قااموسه
وقلت تماام نرتشف بعضا منه وكان كالعادة لذيذ المذااق
وفي نهاايته عيني ما تشوف الا النور وذا بالست الظروف
راازه عنقها وحاطه رجل على رجل وتجر الصوت وتقول
انت جيت ولا الهوى رمااك...!
ورااك..ورااك..ارضك ولا سمااك..!
قلت: ظروف يا عيني ظروف..! وطلعت وقلت امر صدى المشاعر
ونشوف وش فيه..وياهي صدفة تجمعت فيها الظروف..! وألقى
دنيااك دنيااي تاارس مسااحة الأهدااءاات بالظروف..! قلت يا
حكااياات الظروف..! ارجع دور غيرها يا ولد ..! وادخل كم موضوع
لكن توااجهني فيه الظروف وكأن الدعوى اتفااقية وتزاامن للظروف
المكاانية والزماانية ..! صرااحة حقدت على الظروف ودخلتها في رأسي
ونويت عليها والتخلص منها ومن مصااايبها وقلت يا قاتل يا مقتول..!
فكرت شوي واستخرت وقلت وش عندنا غيرها شمااعة..!
قررت ادخل عاالم الظروف واشوف ظروفها..!
فجأة وانا مااشي إلا وذيك العجوز اللي تشر علي وتناادي..!
قربت منها وشفتها وبلحظة عرفتها..! باادرتها بالسلام وقلت
يا هلا بمحبوبة الجميع السيدة ظروف العجوز..!
قالت السيدة العجوز بتتعب هالسنة وبتفقد طعم الفوز..!
قلت يا الله مساء خير من اولها والعجيز ضاارب عندها الفيوز..!
قالت آف شور آز يو لايك وااتس تووكنق بليز افتربيكوز..!
قلت عكوز بكوز والله انه عن سواالفه ما يجوز..!
قالت وش عندك شكلك متأثر بمجلة روز..!
عااد انا كبرت براسي وقلت هي تحسب اني ما اعرف شئ بالأنجليزي
يا ولد عطها كلمتين توقع بالعظم وتهجد شوي والتفت عليها قاائلا:
حنا نجيب الحروف بكل نوعية..نقرأ ونكتب ونضحك الأنجليزية
وان كان جبتي فرنسي لك فرنسية.. نجمع ظروف الأمااكن والزماانية..!
احدقتني بعين كأنها مشرهة علي..! عودت ابتسم لها قبل لا تروح
ما اخذت منها شئ..! وقلت الله يخليك لنا نرمي عليك الفشل والخطأ
والكسل والجبن ابو ولد والعجز وغيرها من قلة السنع ويخليك ربي
لنا عذرا صاامدا منيعا جااهزا في أي ظرف مكااني او زماني وداانو
شدو من وداانو..! لكن عندي سؤاال ودي تجااوبيني بكل صرااحة..!
قاالت اسأل..؟ قلت ليه انت شمااعة لكل من هب ودب وحاااوية لا تكل
ولا تمل ولا تشبع ولا تروى تحتوي كل ما يكب فيها ويعلق عليها..؟
انا قلت ولا ما قلت..! اثر المسيكينة ماعااد ورااها شئ وسااكته
قهر وصاابره على ناار..! وتهل العبيري وتسيل على اثرها الأودية
والشعاب وكدنا ان نغرق لولا فضل من الله ورعاايته..!
جيت اطمنها واهديها..قالت ارجووك ابعد..ابعد تراا مافيني حيل..!
قلت هذي اطمريها..حيل ذا الحزة..وجات علي انا..وانت طول السنين
مرتكية لكل العاالم وتشيلين عنهم وسااكته..! شوفي غيرها..؟
ما اظنك نااسية ولا اذكرك..! قاالت ذكرني.. قلت من ظروفي..
حروب قاامت وشعوب مااتت واطفاال شاابت والسبب ظروف..!
نيراان شبت وبيوت هدت ونسااء ترملت ورضع يتمت والسبب ظروف..!
صلة رحم قطعت واعمال خير بترت وافعال شر طورت والسبب ظروف..!
كم وكم فااشل وكم وكم رااسب وكم وكم عااجز كسول والسبب ظروف..!
كم فريق يخسر وكم لاعب يضيع للفرص امام المرمى وحاارس خاانه
التوقيت ومدافع اخطأ في المرااقبة وان سألنا السبب قاالوا ظروف..!
أزيد ام اكتفي هذا بعض من كل..! أنت اصبحتي هااجس للكل..!
النااس ماعندها الا سيرتك وذكرك على لساانها..! قلت لها ساالفة
ما شفته امس بسوق الغنم..! لقيت وااحد معرفة وخاارج من السوق
ومااسك له خروف ..قلت ما شااء الله اجل بنتعشاء الليلة..!
قاال مالك لولا يا بعدي..
هذا طال عمرك ظروف العيد تحسبا لا تبااغتنا الخروف..!!
ورااح وانا وااقف احلل كلامه...
وش ظروف الخروف وخروف الظروف..!
صحتني العجيز ظرفة ظريف وقاالت كفى..!
فأنا حملي ثقيل ومظلومة
حد الثماالة..! قلت وش حمالته وثماالته..؟
شكلك تبين تاكلين بعقلي حلاوة هيه اصحي على مين تلعبها..؟
قاالت يا شيخ اسكت بس..! انا مسكينة
ضعيفة مالي حيلة او قدرة في كلام النااس ورميهم علي بالتّهم..؟
قلت ليه..؟ قالت وحيدة مقطوعة من شجرة مالي احد ولا عندي عزوة
احتمي فيهم ولا اهل ولا قراايب ولا اصدقااء او معاارف ولا رحمة
في قلوب البشر ولا حاادي ولا باادي..! ومالي الا اكل تبن واسكت
وكل يرمي بلاويه على ظهري..! قلت يا بنت الإيه..! وسااكته وصاابرة
على الغلب دا كله..! يا ما في الظروف مسااكين..!
قااطعتني..! ونطقت..! ولا عندي محاامي يداافع عن حقوقي ويطاالب
باسترجااعها او حتى جزء منها ..كل شئ له منظمة وهيئة مسئولة
عنه...وتقول أليس هناك منظمة لحقوق الإنساان..! ومنظمة لحقوق
الحيواان..! ومنظمة لحقوق المرأة..وهيئة لحمااية البيئة وغيرها من
من المنظماات والهيئاات المتعددة الأغرااض والأشكاال..!
ليه انا الوحيدة المظلومة والمحرومة من ابسط الحقوق..!
المهم طيبت خااطرها بكلمتين وقمت اعطيها من الرخيص وقلت ابشري
بمن يحااول يعرض امرك في اجتمااع مجلس الشورى
القاادم وسأقترح إنشااء منظمة بأسم
هيئة الأمم
لحمااية الظروف من عديمي الهمم
ومختلقي الوهم وذلك ابرااء للذمم
في النهاية ابي المخلاص وقلت لها اسمعي يا عمة ظروف
انا ودي اجلس معك واسولف واخذ واعطي لكن جااتني الحين
ظروف طاارئة ولازم اروح للأهمية القصوى..!
التفتت علي واعطتني نظرة حاادة وسرعاان ما هلت الدمعة وبكت..!
وقبل ما اتركها قلت ممكن طلب اخير..قالت: لا يردك الا لساانك..!
قلت كفو انا دااري انك شقردية ولا وش يخليك تحملين كل هذا..!
قلت ممكن تعرفين نفسك بإختصاار..؟
قاالت أجل سجل عنك هذا الإعترااف
(( الظروف عبارة عن دموع خوف تذرفها عيون الضعوف ))
ومشيت..! وودعتها في ظروف محزنة وتركتها تحت ظروف غاامضة
وقد اهديت لها ظرف بدااخله رسااله يخفف عنها شوي...
وإليكم نص الرساالة...
كل ما رحت ولا جيت شفت الظروف
هب يا وجهها ما اقواه ما همها..!
اتمنى ما اقابلها ولا يوم اشوف
استحي من كلام قلته اذمها..!
كم وكم مرتن طريتها دون خوف
كل ما ضااقت الدعوى ذكرت اسمها..!
واحسبني لحالي رحمتن بي تروف
واثر كلن حضن بحضينها يضمها..!
كل مخطئ وقف موقف منع للوقوف
قاام يشكي ظروفه يلعن ابو امها..!
وكل فاشل وراسب ما تهجا الحروف
قاال سبة ظروفن يا كبر جرمها..!
وكل من جااته الفرصة تركها تطوف
لام كل الظروف اللي أسقته سمّها..!
وكل عااشق طوااه الهم قلبه يلوف
يندب ظروفه اللي حدته يمها..!
غير يا هل ترى هذي حيل للضعوف
اخلقووها وقالوا يا ثقل دمها..!
والحقيقة عشقها كل جمع الصفوف
من صغير وكبير النااس يختمها..!
يا ظروف غدت بالوقت مثل الرفوف
نرمي ابكلبو الأسبااب في فمها..!
ماشكت من كلام ولا بكت من كفوف
قطعوا في لحمها واكسروا عظمها..!
واخر الوقت ناادت وازهمت في قطوف
انشروا عن حقيقة قصتي وحجمها..!
* * *
خااتمه/
لمّا قدم حاتم الأصم إلى أحمد بن حنبل قال له أحمد بعد بشاشته به :
أخبرني كيف التخلّص إلى السلامة من الناس ؟
فقال له حاتم : بثلاثة أشياء ، فقال له أحمد : وما هي :
قال : تعطيهم مالك ولا تأخذ مالهم ، وتقضي حقوقهم ،
ولا تطالبهم بقضاء حقوقك ، وتصبر على أذاهم ولا تؤذيهم .
فقال أحمد : إنّها صعبة . قال له حاتم : وليتك تسلم .
والى هنا نترككم على أمل اللقاء معكم في أحلى
وأجمل ظروف كلها أفرااح وسعاادة
ودمتم بخير
14-08-2007, 11:10 PM
لـيـلـة بـكــااء الـظـروف..!!
ولازم اروح للأهمية القصوى..!
العرض الشجري
