|
ربي ستر ما ذبحنا الحرامي ...!! خ1
بسم الله الرحمن الرحيم P9 تسيف الحال ووش اخباركم ؟! عساكم بخير و صحه و نعمه و سلامه ؟ :d والله اني قاطعه المجلس مره فقلت لازم اشاطركم هذي السالفه <-- دققو على اشاطركم P3 P9 السالفه صارت امس بالليل ،، و بصراحه تسانت مغامرتون جميله ولن تتكرر "باذن اللهpp7" بسم الله و على بركة الله نبدأ <-- يا حبي لي لا صرت رسميه :d P9 الوالد جاه صديقه من السعوديه :$ ،، هو وزوجته ،، و عزموهم الوالد و الوالد على العشا و اخذو معهم اخوي و صديقه "الي هو اخو (غلا) بقولكم سالفتها بالطريق" المههم راحو و جتني هذي (غلا) صديقتي و جو معها خواتها يعني البيت ما فيه الا انا و (غلا) و خواتي "اثنين" و خواتها "اثنين" و من دخلوا باب البيت و انا اسمع "بعدك عني انتحار" و (غلا) تسمع اغنيه يابانيه مدري وش تبي بالحياة :d P9 المهم ،، بيتنا 3 ادوار ،، و البنات الصغار كانو فوق بغرفة خواتي و انا و (غلا) بالدور الثاني عند النت شوي الا البزارين ينزلون و هم يصارخون !! و يصيحون و يبكون بشكل مو طبييييييعييي !!!!!!!!!! ملاحظه :- قبل ما ينزلون بساعه انا سكرت باب غرفة الوالد و الوالده عشان ما يحوسونها البزارين نسالهم وش فيكم ؟!!!! يقولون شفنا احد بالبيت !!!! انا و (غلا) قلنا كذا p6 قلت لا يكون يتهيأ لكم ؟!! قالو واللله والله فيه احد !! و شفنا ظله بعد !!!!!! انا ما صدقتهم ! ولا (غلا) قلنا حركات بزارين !! :d P9 <-- على نياتنا يا قلبي علينا P3 المهم قلنا يلا نمشيهم على قد عقولهم ! "و بعدك عني انتحار ما زالت تشتغل خخخخخ :d " و نوديهم غرفه غرفه بالبيت عشان يتاكدون ان ما فيه احد بالبيت :$ و اول ما طلعنا من الغرفه الي كنا فيها شفت باب غرفه الوالد و الوالده مفتوح نصه ،، قلت اكيد البنات دخلوه ،، و سكرته مره ثانيه ! سكرته و نزلنا تحت !!! <-- احفظوا هذي النقطه P3 رحنا ,, الصاله ،، المجلس ،، المطبخ ،، كل شي ،، و ما كان فيه احد !! p6 طلعنا الدور الثاني .......! رحنا الحمامين "الله يكرمكم" و ما فيه احد ..! رحنا الغرفه الي كنا قاعدين فيها مافيه احد ..! جينا لغرفة الوالد و الوالد :d قلت لـ(غلا) انا توي مسكرتها ! !! قالت يختي افتحيها بس عشان نسكتهم قلت طيب ..!!! (ليتني ما قلت طيب pp7) جيت بفتحها ! الا مقفوله الغرفه !!!!!!!! انا وقف قلبي pp7!!! المهم اقول لـ(غلا) .. (غلا) ,, الباب مقفول ! قالت اثير لا تخوفينهم افتحي و خلصينا !! اقولها يا بنت والله مقفول الباب !! تقول لي اثير بلا عبط ! انا توي شايفتك تسكرينا !! قلت ورب الكعبه مقفل ! (غلا) انهبلت و البزارين قعدو يصارخخون و يصايحون !!!! المهم قلت لـ(غلا) نزلي الصغار تحت و فكيني منهم و من صراخهم قالت و انتي اخليك لحالك؟؟؟؟ ""انا كنت ماسكه بالباب باقوى ما عندي عشان ما يفتحه الي داخل الغرفه pp7"" <-- والله اني شجاعه :$ تقول لي و ان طلع و صار لك شي !!!! قلت لها (غلا) فكينا و انزلي معهم و ارجعي بعد ما تهجدينهم المهم قالت طيب انتبهي لنفسك ! نزلت و انا احاول اتصل على ابوي و لا امي وولا احد فيهم يرد على جواله ! انا بغيت انجن رجعت (غلا) قلت لها جيبي تلفون البيت من تحت قالت طيب جابتها و تخيلو وش جابت معها ؟؟؟!!!!!!!!!!!!!!!!!! P3 سكاكين البيت كلها خخخخخخخخخخخخخخخخخخخخخخخخخ مع انه ما كان وقته بس مت من الضحك المهم اتصلت على بيتهم (غلا) ردت عليها امها ،، قالت لها تعالي انتي و ابوي بسررررعه ! قالت ابوك طالع !! و معه السياره ليش ؟ و قالت بسرعه في احد بالبيت ! و شوي الا اسمع البنات يصارخون تحت و يصايحون !! و اسمع اصوات رجال !!! pp7 نزلت لهم (غلا) و الا اثنين من اصدقاء ابوي ! و مين استقبلهم ؟! ، المنهارين !! "البزارين" :d قعدو يصارخون ،، المساكين الرجال انهبلو !!! p6 وش فيكم "هم كانو يبون ابوي " بس والله جو بوقتهم !! pp7 شوي الا احد نازل من الجهه الثانيه من البيت ! احنا ما نتبهنا للي نزل من الجهه الثانيه ،، و لا احد اهتم لان التسلب نزل من سلم جيراننا pp7 و جو صعدو فوق و دفو باب الغرفه لين كسروه و دخلو و قال لي الرجال اثير ادخلي شوفي اذا فيه احد p6 و جت (غلا) هي و سكاكينها و اعطتني سكينه P3 P9 (مصممين اننا بنذبح اليوم :d ) دخلت شفت الدواليب و كل شي ما فيه احد ! تحت السرير ،، بكل مكان ما فيه احد ! بس لقيت شباك الغرفه مفتوح و انا متاكده انه ابوي قفله قبل ما يطلع !p6 طلع هو الي نزل من السلم لما جو الرجال pp7 و اخذ معه كم شغله من الغرفه اتصلو الرجال على الشرطه و بلغوهم و الحمد لله لحقو عليه ! لان كان فيه دوريات تلفلف جنبنا !!! :d و بعد ما راحوا الرجال فتشنا البيت مية مليون مره ،، و (غلا) الخبله مسويه اكشن ،، قالت لين الحين مني متطمنه من غرفه امك :d .. اخذت سكينه و رفست الباب و دخلت "كانها بفلم بوليسي" P9 :d و بس رجعت لنا اغراضنا و كلنا طلعنا سالمين غانمين و لا فينا ولا صقعه :d بس انا الي يدي حمرت و انا ماسكه ذالباب عشان محد يدخل <--يقال لها قويه :d :: و بس ،، اعذرونا عـ الاطاله CC |
رد: ربي ستر ما ذبحنا الحرامي ...!! خ1
أثـيـر p6 وش ذا الفلم الأكشن :d ما أقدر أعلق على القصه لإنها كلها أكشن وأثارهـ وروعه بمجملها مع أني ما أتمناها تصير ثاني مرهـ أما [ غلا ] شادهـ حيلها وداشه بقوهـ :d الحمدلله على سلامتكمـ ولا تعطوني البزارين على قد عقولهم :d CC |
رد: ربي ستر ما ذبحنا الحرامي ...!! خ1
أثير يا عمري..P9 والله ما أعرفك زين بس من جد كان ودي أكون معكم بحكم إني قويه وبقدر أخلصكم من هالموقف..p11
بس تدرين من جد وربي ميته خوف وأنا أقرا سالفتكم لأني بالمكتب لحالي توني طارده أخوي الصغير من عندي مسوي لي إزعاج وليتني ما طردته..p11 ما أبغى ألف وراي أحس فيه أحد وراي..:d أثير:: ألف ألف الحمد لله على إنه سلمكم منه إنتي وغلا وأخواتكم.. أجل كان بيحرمنا قناصه حلوة مثلك !! pp7 pp7 وجعله الكسر برجلينه هذاك الدب.. وجع بخشته..pp44 pp44 |
رد: ربي ستر ما ذبحنا الحرامي ...!! خ1
خليك من القصة
أسلوبك جدا مشوق وجذاب ويجبر على التركيز والمتابعة وأهنيك عليه بس كأني فهمت انه مسكوا الحرامي.. عشان كذا ياليتك تقولين لنا كيف امسكوه وهو أصلا كيف دخل وليه أختار بيتكم بالذات ولو كان فيه صور له بعد ترا مافي مانع الله يديم على السعودية نعمة الإيمان والأمن شكرا دكتورة |
رد: ربي ستر ما ذبحنا الحرامي ...!! خ1
. + . ياحيااااااااتي P9 بغيتي تروحين في شربة مويه p6 شوفي عنوني... من وجهة نظري الي مدري وش تبي ان هذا الحرامي الله يسلمتس مهب حرامي ابد..!! هذا يونس ماغيره يبي ينتقم منتس بلاتس داعيتن عليه بالمسن خخخـ ::D <.. ياكثرتس لا عاد تفكرين خخخـ :d بس الجد ينقال أُحيي في "غلا" تفكيرها الاجرامي :d اجل جايبتن سكاكين البيت مستعده تقطع الرجال خخخـ P3 <.. وجه يقول لا تنسون ترسلون لنا الكتف خخخـ :$ الوكاد الحمدلله على سلامتكم ولا عاد تسوون نفسكم اقوياء اذا حسيتوا بشي سذا ولا سذا دقوا على الشرطه تجي تفزع عاد شرطتهم غير عنا انتم اذا دقيتوا جو في لحظتها مب زينا ندق اليوم يجون بعد اسبوع P3 ملاحظه: ترى يمدحون burglar alarm جيبو بنقالي يركبوه وماعليكم الا العافيه <.. طراها ان به بنقاليه حتى ببريطانيا خخخـ :d Take Care Sweetie . + . |
رد: ربي ستر ما ذبحنا الحرامي ...!! خ1
هههه
والله احس ان جاكي شان ولا شيء بجنبكم هع شكلي ابسرق الفكره واسوي فيلم ههههههه مشكوره على القصه ويعطيكـ الف عافيه |
رد: ربي ستر ما ذبحنا الحرامي ...!! خ1
ههههههههههههه
والله أنكم مسوين فلم أكشن بس الحمد لله على سلامتكم ومره ثانيه لا تاخذون البزران على قد عقولهم ولولاهم كان رحتو فيها بس والله أنك شجاعه أنت وصاحبه السكاكين هههههه |
رد: ربي ستر ما ذبحنا الحرامي ...!! خ1
هههههههههههههههههههههههههههههههههههه
والله احسن من اللفلم الاكشن الحمدالله ع سلامتكم.. بجد لو مكانك يبست وماعاد سويت شي يممممممه لك اسلوب رائع بالطرح يالغلا كله تسلميييييين |
رد: ربي ستر ما ذبحنا الحرامي ...!! خ1
*
* * ههههه , تراني اعرف مخرج ممتاز بخليه يجي يصور معكم الفلم :$ أثير [ شكلك بتطلعين ( فجر السعيد ) ] :d :d |
رد: ربي ستر ما ذبحنا الحرامي ...!! خ1
أصلا من اليوم و رايح لو يقولون لي في بقرة تطير صدقتهم :d :: نصيحة مجرب ،، لا تقعدين الا و معك بنت مثل (غلا) .. تحسين بالامان :$ P9 :: ابد والله .. احنا كان بوقتها الدوريات تلف حول الحاره الي احنا ساكنين فيها .. و اول ما بلغ صديق ابوي عنه اعطاهم مواصفاته لما شافوه ينزل ! و من حظنا لقوهـ .. و بعد ما مسكوه و رجعو الاشياء ،، اخذونا و سالونا كم سؤال . . و بس ،، و قفلوا على الموضوع ..! :: المشكله انتس شايفة التوبيكات .. استري ما واجهتي بس p11 .. و غلا تسلم عليتس <-- ما كانك تكلمينها عالمسن الحين :d P9 احبتس يا دبه :d P9 :: بسم الله علي والله اني اطلق منها :d P9 :: الباقي .. يسلمو عـ الردود .. P3 P9 |
رد: ربي ستر ما ذبحنا الحرامي ...!! خ1
هههههههههه :d حرآآآم :d
يسلمووو ع القصه p18 الحمدلله على سلامتك:d تحياتي لك... |
رد: ربي ستر ما ذبحنا الحرامي ...!! خ1
اثير حمدلله عسلامتك انتي واخواتك ماشاءالله طلعتي شجاعه انتي وصديقتك |
رد: ربي ستر ما ذبحنا الحرامي ...!! خ1
. . قصة مثيرة ! بالحق تابعتها وأنا مندهش من السيناريو الغريب العجيب . تميز واضح من خلال التنسيق وسرد القصة . أثيـر كل الشكر لك حروفك مشوقة وقصتك لها سيناريو مميز كل التوفيق لك عافاك ربي |
رد: ربي ستر ما ذبحنا الحرامي ...!! خ1
^
^ ^ الله يسلمكم كلكم :$ :: ابو خليل !! لي الشرف بمرورك يالغلا |
رد: ربي ستر ما ذبحنا الحرامي ...!! خ1
ههههههههههههههههههههههه
صدقيني الحرامي ما طلع خوف من اصدقاء الوالد او الشرطة الا من ازعاج البزارين وصيااااااااااااااااااااحهم قال يا ولد خليني اطلع قبل ما يصير في اذني شي او تنفجر الطبلة وكلها بسبة هالبزارين اما غلا هههههههههههههههه شكلها طول عند mbc action سكاكين مرة وحدة والله البنت مب سهلة جيمس بوند لو غيرها كان مكنسة او جزمه كعب عالي بس سكاكين فعلا شجاعة بس والله تمنيت يطلع لها الحرامي بوجهها اشوف وش تسوي ههههههههههههههههههههههههه مشكورة عالقصة الحلوة واي حرامي يجي مرة ثانية على طول تصوييييييييييييييييير فيديو |
| الساعة الآن 05:32 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
SEO by vBSEO 3.6.0