كل ماكتبته..
لم يكن لتقرئيه!
كل ماكتبته..
لا يتعدى كونه رأيا شخصيا..
أكاد أجزم بأنك لن تحبيه!!
في المرات القليلة التي تصفحت فيها هذا المنتدى..
أدركت أنه على درجة من الوعي تكفل نشر الآراء على اختلاف توجهاتها..
شرط أن لا تتعدى حدود الأدب و الاحترام.
لذلك..
وقبل كل شيء ..
• كلماتي لا تسيء لأي شخص أيا كان بأي شكل من الأشكال..
"وان وردت بعض المسميات أو الألقاب العشوائية "
وإنما تتحدث عن الظاهرة عموما.
• أنا غير متعصبة لأي نادي..
أهوى الهلال..
وولائي للمنتخب!!
• كلماتي (( للبنات فقط )) و (( فقط للبنات ))
عالم الكرة هو عالم مقدس للجنس الآخر ولن أتجرأ على اقتحامه..
لأني وبكل صراحة أفتقر لأبسط وسائل (( الدفاع !! )) في حالة أي (( هجوم !! )) محتمل!!
• هذه الكلمات ماهي إلا ورقة من أوراق دفتري..
فان لم ترق لعينيك..
لا تعيدي قراءتها..
فقط ابحثي عن بياض..
وكوني مثلما شئت!
شاكرة للجميع...
" اذا ياسر غلط مرة
وتذكر هالمكان
وسمح له وقته الغالي
وفكر انه يمر
اذا هو أصلا فعمره
سمع عن هالمكان
وقرا كلمة من أبياتي
ماأقول أنا كل السطر "
أحـلف لـك بربـي يا " "
رغـباتك .. لالـبــيـــها
عن نفسي فـهـمت الـدرس
والأعــذار ... وراعــيـها
هو مشغــــــــــول ...
و مو مســـــــــؤول ...
مـشاعركـم يـداريــها!!
قـصص هالمـعجبـين كثـار
ولـه صـاحب يـراعـيـها!!
يــقرا عـنه الأخــبــار
ويتـرجم لــه مـعانـيــها
يوصل له سلام فلان
وينسى سالفة علان
واذا ماراقته كلمة..
عن يــاسر بـيخفــيـها!!
الحكاية باختصار...
مابي يطول الانتظار
مابيك والله تتعبين
و تنسين نفسك
تنسين منهي تكونين؟!
أكبر همومك هاللقب :
" يجذب عيونه غصب "
ومادريتي ان " عيونه "..
وقت ما كنتي انتي
للمنتدى تتصفحين
وبانك عضو دايم مميز
كنتي علي تتفاخرين
" نامت "
وخلتك في حيرتك..
من غيبته تتحسرين؟؟!!
اعذروني..
بس ليه أفكر أعتذر له؟؟
وش الجديد اللي فكلامي؟
ماأظن انه يقلل
من احترامه..
واحترامي
ومن كثر صدقه تمله!!
وليه أعتذر له؟؟
أصلا أنا..
ماهقيت ان دربكم
ولد القحطاني
يدله؟؟؟؟؟؟؟؟
( 2 )
ياللي خذتكم ضحكته
مدري العيون؟
أو كشخته؟؟!
مدري سوالف فالهوا
قاصد يبين نعمته!
لحظة...
معقوله يعني بدلته؟؟
أو الدلع في طلته؟؟
ولا كلامه بالعجل..
عشان يبري ذمته؟!
يمكن خلوق فكلمته!
أو أعجبتكم عفته؟!
أتقن على الكورة التفافه
راحوا وسموها....ثقافة!!
ياهو كبيــــــــر
فلعبته!!!
( 3 )
صدق من قال
في هالزمن كل شي يصير!
الحين " ياسر "
صار الأول والأخير؟؟؟
طيب سؤال..
لاهو صعب .... ولا خطير
وين " سامي "؟؟
وناس من قبله
كثيــــــــــر
وينه "طلال "؟؟ ..
وين "الأسير "؟؟
وين اللي من عشقكم له..
فعيونكم صار الأمير؟؟!
حتى ياسر
له ينتظر نفس المصير
اليوم.... باكر
من سوالف عشقكم
أدري انه راح يطير!!
حافظه ربي ..بسلامته
ماهقيت ان وحدة فيكم
يامعجباته
هامته!!
وقتها ..باضحك أنا..
وأوعدك ياصورته..
بأكون في ضحكي
جدير..
( 4 )
تسمت عاشقة ياسر
وذي كلي فدا الكاسر
وشي له أول..
ماله للأسف آخر!
مجنونته..
وش جننك؟؟!!
لا يكون هو بس زعلك؟
ولا بدري جا خذاك..
ماسهرتي مع هلك؟
ولا على لون الغرف؟
كله ولا يكون اعترف
انه يحب " غيرك "
" معك "؟؟!!
بالله من جدك؟
تبينه..
وفجأة كذا..
صار يبيك!
على بالك اهو مثلك؟
ما أقول غير الله يهديك..
أصلا دام ذا فكرك
غلطان ان شرى ودك
بيضحك..
لو يجي طاريك!!
ياقلبي غروك بكلام :
" يكن لكم كل احترام "
واللي مثله هو يلام؟؟
لولاكم انتوا من يكون؟
يكفيه بس اني كتبته
قصيد فدفتري المجنون..
قلتي لي تحبينه
وقلت انتي تعرفينه؟
رديتي ... لا
" بس أحس انه حنون "
من وين؟؟
ومن متى تتقابلون؟؟!
" قريته بذيك العيون "
أي عيون؟!!
وأي حنون؟!!
الله يحرم عيني النظر
لو لحنانه تنتظر
وماكل عزة...
له تهون
ولا تقولين الصور!
وش خذينا من الصور؟
ياما حكيت... وما سمعتني
ياما شكيت...
وهملتني!
في عز ضيقي لو أجيها..
كنها تقول... انتي؟؟
من انتي؟؟؟!
وش ذنبها؟
وكل من شافه يبيها
وش ذنبها؟
كم وحدة شالتها بيديها
كم وحدة تملك هالصور
وبكل خيبة ..
ترتجيها!!
( 5 )
وإذا هي فترة وتعدي
ليه أسكن حروف اسمه..
زوايا حلمي الوردي؟!
اذا هي فترة وتعدي
ليه أذكر اني في حياته
رقم..
مجرد رقم..
لا يجيب ولا يودي!!
(( واللي تحدتني..
قولوا لها ..
اني رضيت بهالتحدي
قولوا لها..
تقرا كلامي
وتقبل معه.. كل عطفي واحترامي
اذا بالغت في ردي
صاحبك..
"بدري عليه "..
يقدر على ودي
وربي ياللي لمتوني..
وبالغرور
اتهمتوني..
ماله غلا عندي
" بدري عليه "
خلاص قلبي أمر..
وانا سلمت له وعدي!!
11-09-2005, 08:00 AM
للــــبــنــــــــــــات فـــقـــــــــط !!
العرض الشجري
