إلى متى يا جيلنا نآخذ أفكار الميتين ...قليل منا من يصوغ أفكاره و أصايله - شبكة القناص

دنياك دنياي · 12-07-2007, 04:57 AM

بسم الله الرحمن الرحيم ...

الموضوع عبارة مذكرات خفيفة على المعدة من حياة
أنور السادات ....

لا موضوع عن مذكراتي المتواضعة ...
و مركز على الفضايح و الجريات ...

يعني موضوع فيه خراب بيوت و تشهير بناس ..

أتمنى توسعون صدركم فيه و يعجبكم ..
حاولت أجيب موضوع جدي لقيت ماشاءالله المجلس يغص
بمواضيع حلوة و كتابها أكفأ مني بكتابتها ..
BBP

رفاق الجرية ...

أبطال الجريات ..
الهـــرش
دنياك دنياي

^
^
بس اثنين في الموقع و الباقي ما تعرفونهم ..

الثالث مو في الموقع ..

شلتنا المقربة تتكون من ثلاثة ..
لا تحسبوننا مب إجتماعيين

بس دايم مع بعض و الشلة بعد التوسعة كبيرة
بس حنا الثلاثي الكوكباني نرتاح مع بعض و نآخذ راحتنا
أكثر يمكن عشان
نفس الطباع قرب الشخصيات ..!! نفس اللهجة

المهم ...

(1)

إرجع المدرسية أحسن لك !!

مرة في المدرسة زهقت أنا و الهرش وواحد من العيال

قلنا مشتهين فطور برا

زهقنا مقصف ..
المهم يا ولد وش نسوي مالها إلا إطلع و جب لنا يالهرش أكل
أنت اللي معك سيارة ..<<نبي نوهقه

بس طلع مب هين ذكي قال : معصي نطلع سوا ولا مافيه

قلنا : تم والله و نحاول نطلع من الباب إلا المرشد يسولف عند باب مكتبه مع الوكيل ..
قلنا هذي مافيها ذكاء الباب ما ينفع ..

مافيه إلا السور والله و نروح نبي نهرب من السور
و كل واحد يرفع الثاني عشان نطب ..

طب الهرش طب خوينا الثاني باقي أنا و أطب و يوم وصلت
خلاص تعلقت و إلا يجيني ذاك الشد العضلي اللي مب صاحي

<<يلعن أبو الحظ الخايس

بعد حصة الرياضة

تخيلوا أنا متعلق الحين في النص و أصرخ ألم مب صاحي و الهرش يقول اسكت الله يلعنك لحد
يسمعك و أنا منيب حوله ألم يوجع قلت يا ولد خربانة كملها
و أطب و إلا أطيح على الأرض

صح أوجعني بس خوف من
المدير كملت و ركبنا السيارة

رحنا مطعم النخيل اللي عند بوابة الجامعة ..
و أفطرنا و قلنا خلنا نتمشى شوي قبل نرجع

إلا جوالي يدق ..الوالدة تتصل بك !!

يا ولد أقول وش عندها أمي

و أنا مسوي ذكي قلت خلني أرد عليها بصوت واطي
و أقول يمة أنا في الحصة الحين

رديت و قلت يمة أنا في الحصة الحين ..إلا تقول لي:
إرجع المدرسة أحسن لك

عاد أنا غبي قلت وش السالفة أنا في الحصة الحين قاعد أسمع قرآن

قالت في
الحصة أقول ترى أبوك ينتظرك في المدرسة

قلت يا ولد والله اللي خربت ...أنا الحين ما همني المدير على المرشد على مجلس الوزراء ..

همني أبوي وشلون أرجع المدرسة و هو فيها

والله أستخرت و قلت عادي أرجع بصرفها ..

والله رجعت إلا أبوي عند الباب ينتظرني مع الوكيل ..

وألقى أبو الهرش مع أبوي و أبو خوينا الثالث

والله الفشيلة ..أول ما شافني أبوي قال : هاه بشر عسى شبعت

طبعا يقولها بإستهزاء..

قال لا تخاف الفطور الزين في البيت ..

<<قصده الجلد في البيت

...
لا يفوتكم الهرش رجع و هو حاقد على المرشد ليه كلم آباءنا قال له :
يا أستاذ إذا حاقد عشان الفطور كان قلت لنا نجيب لك معنا ...

<<يقاله برد حرته الحين ..

و هذي نهاية اللي يهرب من المدرسة ..

كل الطرق تؤدي إلى روما ...

مرة زهقنا بعد و نفس الشيء نبي نطلع بس قلنا لازم نطلع بطريقة نظامية
ما نبي قلق زي ذاك اليوم ...فقاعد أسمع المدرس ذاك اليوم ..يقول زميلكم
بالصف سليمان محمد سليمان متنوم في المستشفى ورح يطلع طلاب يزورونه من
جمعية أصدقاء المرضى اللي في المدرسة ...قلت يا ولد فكرة خلني أشارك في
جمعية اصدقاء المرضى ذي

رحت و لقيتهم يجهزون أصدقاء المرضى اللي بيزورونه
و أقول لشلة الخراب السالفة و الخطة

رحنا نبي نسجل قالوا لازم تسجلون من بداية العام
مو قبل الطلعة بس

قلت مافيه والله ما تروحون لازم حنا نروح معكم أصلا الولد ولد خالتي

قلت إيوه <<ترى الولد المريض أردني و لا عمري تكلمت معه في الصف كان حاقد علي طول الوقت
ساكت هو

عاد أستاذ الجمعية ما يعرف الولد زين قال خلاص إذا ولد خالتك إنت أولى تزوره قلت
و هذولي عيال عمته للي معي كلنا نبي نزوره قال: طيب خلاص أنتو روحوا
و هذي خمسين ريال إشتروا فيها ورود له و بلغوه تحياتنا ..قلت له : إزهل أنت معليك

والله و نروح مع المدير حنا الثلاثة في سيارته الخاصة و مديرنا مطوع ما يعرف طريق
المستشفى التعليمي وصفت له الطريق و غلطت في لفة قلت عادي يا رجال كل
الطرق تؤدي إلى روما.. رجع و طالع فيني و قال : كل الطرق تؤدي إلى مكة

ضحكت و قلت خلاص هذا أبشر اللي ودك ..

يوم وصلنا المستشفى الولد أنصدم يوم شافنا ما توقعها <<كنا طايحين من عينه الله يهديه
صح جريات بس عندنا قلوب

والله ما اقص شعري ..

طبعا تعرفون الطابور الصباحي و اللي يوم فيه من تفتيش على طول شعر
و خرابيط غيرها ..

كنت راجع توه بادي العام الدراسي بعد الصيف و كنت
مطول شعري و مستانس عليه

<<موضة طحنا فيها و زهقنا منها

و التفتيش ذاك اليوم طالع المدير فيني و قال :يا دنياك تعال

<<خرطي أصلا وش
عرفه بإسمي دنياك

لا قال لي يا فهد تعال في مكتبي ...
و قال لي ترى شعرك طويل عندك مهلة أسبوع لازم تقصه ..

قلت لا ياإبن الحلال ترى من السنة تطويل الشعر ..

و بفرقه من النص
عشانك

الرسول صلى الله عليه وسلم كان مطول شعره ..

و انت رجال مطوع يا استاذ مفروض تعرف هالشيء !!<<قلبتها عليه أفحمته بالرد

قال أنا أدري بس زمن غير زماننا قلت: لا يا أستاذ لا تقول كذا هذا اللي ضيعنا يالعرب

الزبدة تفلسفت عليه زهق مني و فقد الأمل و قال رح أبلشتني يا ذا العلة

والله إني ما أدخن !!

في يوم من الأيام كان عندنا محاظرة للشيخ محمد العريفي

و كلنا كنا متحمسين
هو اسلوبه ماشاءالله عليه حلو و مقنع و كل شيء و يخليك تسمع له غصب عنك
سبحان الله تشوف في وجهه نور .. المهم كنت أنا في أول الصف و أسمع له و كان يتكلم
مفردات شبابية عشان يشد إنتباهنا .. فسأل أول سؤال قال :الحين بكت الدخان إذا اخذنا منه
زقارة كم يبقى ؟ و أرد أنا زي اللوح لا شعوريا : 19 و يطالع فيني و يضحك محد جاوب غيري
قال لي تعال وش إسمك قلت فهد و الله ياهي فشيلة الحين العالم كلهم يحسبوني ادخن

قال طيب يا فهد الدخان هذا تدخنه أنت جاوبين بصراحة : قلت والله بجاوبك بصراحة ولا رح
اكذب عليك أنا والله ما ادخن ,,, بس إختلاطي بناس مدخنين واجد ..قال : تدري لو تدخن احسن
لك من أنك تجلس معهم و هم يدخنون !!

قال : لأن ضررها عليك و أنت تستنشق دخانهم اكبر من
إنك تدخن

كنت توني أعرف ذي المعلومة !! بعدها قال لي : إجلس الله يصلحك

بعد المحاظرة راحوا يسلمون عليه العيال و انا كنت متفشل منه ..

ما رحت ولا هو يسأل المدير
يقول جيبوا لي اللي ما يدخن بس يجلس مع مدخنين زي ما قال ..

و جيته و سلمت عليه و نصحني الله يجزاه خير بمقاطعة اللي يدخنون عشان ما أتضرر ..
قلت :والله ما يبقى لي خوي يا شيخ لو أقطع اللي يدخنون

قال لا لا تقاطعهم بس تعال لهم بعد ما يخلصون تدخين أو لا تخليهم يدخنون قدامك

قلت مرة لأخوياي لا تدخنون قدامي ..قال لي واحد قد جربت طفاية محذوفة على جبهتك

قلت دخن الله يقطعك بس إلا جبهتي لا تجيها ..

هذي بعض من مذكراتي ..

أدري ما هنا زود بس حبيت اشارككم و إن شاء الله تعجبكم ..
نتمنى لكم أطيب الإقامة مع الثلاثي الكوكباني ..

برعاية ( عبيلة ) مشروب الطاقة يعطيك جوانح

..

بيت أعجبني ...

آآآه يا حزني ترفق ..صاحبك جرحه عميق... ...أنا أشهد إنك يا رفيق العمر طيحت الميانة !!

BBP

12-07-2007, 04:57 AM	#1
دنياك دنياي قناص مميــز	إلى متى يا جيلنا نآخذ أفكار الميتين ...قليل منا من يصوغ أفكاره و أصايله بسم الله الرحمن الرحيم ... الموضوع عبارة مذكرات خفيفة على المعدة من حياة أنور السادات .... لا موضوع عن مذكراتي المتواضعة ... و مركز على الفضايح و الجريات ... يعني موضوع فيه خراب بيوت و تشهير بناس .. أتمنى توسعون صدركم فيه و يعجبكم .. حاولت أجيب موضوع جدي لقيت ماشاءالله المجلس يغص بمواضيع حلوة و كتابها أكفأ مني بكتابتها .. BBP رفاق الجرية ... أبطال الجريات .. الهـــرش دنياك دنياي ^ ^ بس اثنين في الموقع و الباقي ما تعرفونهم .. الثالث مو في الموقع .. شلتنا المقربة تتكون من ثلاثة .. لا تحسبوننا مب إجتماعيين بس دايم مع بعض و الشلة بعد التوسعة كبيرة بس حنا الثلاثي الكوكباني نرتاح مع بعض و نآخذ راحتنا أكثر يمكن عشان نفس الطباع قرب الشخصيات ..!! نفس اللهجة المهم ... (1) إرجع المدرسية أحسن لك !! مرة في المدرسة زهقت أنا و الهرش وواحد من العيال قلنا مشتهين فطور برا زهقنا مقصف .. المهم يا ولد وش نسوي مالها إلا إطلع و جب لنا يالهرش أكل أنت اللي معك سيارة ..<<نبي نوهقه بس طلع مب هين ذكي قال : معصي نطلع سوا ولا مافيه قلنا : تم والله و نحاول نطلع من الباب إلا المرشد يسولف عند باب مكتبه مع الوكيل .. قلنا هذي مافيها ذكاء الباب ما ينفع .. مافيه إلا السور والله و نروح نبي نهرب من السور و كل واحد يرفع الثاني عشان نطب .. طب الهرش طب خوينا الثاني باقي أنا و أطب و يوم وصلت خلاص تعلقت و إلا يجيني ذاك الشد العضلي اللي مب صاحي <<يلعن أبو الحظ الخايس بعد حصة الرياضة تخيلوا أنا متعلق الحين في النص و أصرخ ألم مب صاحي و الهرش يقول اسكت الله يلعنك لحد يسمعك و أنا منيب حوله ألم يوجع قلت يا ولد خربانة كملها و أطب و إلا أطيح على الأرض صح أوجعني بس خوف من المدير كملت و ركبنا السيارة رحنا مطعم النخيل اللي عند بوابة الجامعة .. و أفطرنا و قلنا خلنا نتمشى شوي قبل نرجع إلا جوالي يدق ..الوالدة تتصل بك !! يا ولد أقول وش عندها أمي و أنا مسوي ذكي قلت خلني أرد عليها بصوت واطي و أقول يمة أنا في الحصة الحين رديت و قلت يمة أنا في الحصة الحين ..إلا تقول لي: إرجع المدرسة أحسن لك عاد أنا غبي قلت وش السالفة أنا في الحصة الحين قاعد أسمع قرآن قالت في الحصة أقول ترى أبوك ينتظرك في المدرسة قلت يا ولد والله اللي خربت ...أنا الحين ما همني المدير على المرشد على مجلس الوزراء .. همني أبوي وشلون أرجع المدرسة و هو فيها والله أستخرت و قلت عادي أرجع بصرفها .. والله رجعت إلا أبوي عند الباب ينتظرني مع الوكيل .. وألقى أبو الهرش مع أبوي و أبو خوينا الثالث والله الفشيلة ..أول ما شافني أبوي قال : هاه بشر عسى شبعت طبعا يقولها بإستهزاء.. قال لا تخاف الفطور الزين في البيت .. <<قصده الجلد في البيت ... لا يفوتكم الهرش رجع و هو حاقد على المرشد ليه كلم آباءنا قال له : يا أستاذ إذا حاقد عشان الفطور كان قلت لنا نجيب لك معنا ... <<يقاله برد حرته الحين .. و هذي نهاية اللي يهرب من المدرسة .. كل الطرق تؤدي إلى روما ... مرة زهقنا بعد و نفس الشيء نبي نطلع بس قلنا لازم نطلع بطريقة نظامية ما نبي قلق زي ذاك اليوم ...فقاعد أسمع المدرس ذاك اليوم ..يقول زميلكم بالصف سليمان محمد سليمان متنوم في المستشفى ورح يطلع طلاب يزورونه من جمعية أصدقاء المرضى اللي في المدرسة ...قلت يا ولد فكرة خلني أشارك في جمعية اصدقاء المرضى ذي رحت و لقيتهم يجهزون أصدقاء المرضى اللي بيزورونه و أقول لشلة الخراب السالفة و الخطة رحنا نبي نسجل قالوا لازم تسجلون من بداية العام مو قبل الطلعة بس قلت مافيه والله ما تروحون لازم حنا نروح معكم أصلا الولد ولد خالتي قلت إيوه <<ترى الولد المريض أردني و لا عمري تكلمت معه في الصف كان حاقد علي طول الوقت ساكت هو عاد أستاذ الجمعية ما يعرف الولد زين قال خلاص إذا ولد خالتك إنت أولى تزوره قلت و هذولي عيال عمته للي معي كلنا نبي نزوره قال: طيب خلاص أنتو روحوا و هذي خمسين ريال إشتروا فيها ورود له و بلغوه تحياتنا ..قلت له : إزهل أنت معليك والله و نروح مع المدير حنا الثلاثة في سيارته الخاصة و مديرنا مطوع ما يعرف طريق المستشفى التعليمي وصفت له الطريق و غلطت في لفة قلت عادي يا رجال كل الطرق تؤدي إلى روما.. رجع و طالع فيني و قال : كل الطرق تؤدي إلى مكة ضحكت و قلت خلاص هذا أبشر اللي ودك .. يوم وصلنا المستشفى الولد أنصدم يوم شافنا ما توقعها <<كنا طايحين من عينه الله يهديه صح جريات بس عندنا قلوب والله ما اقص شعري .. طبعا تعرفون الطابور الصباحي و اللي يوم فيه من تفتيش على طول شعر و خرابيط غيرها .. كنت راجع توه بادي العام الدراسي بعد الصيف و كنت مطول شعري و مستانس عليه <<موضة طحنا فيها و زهقنا منها و التفتيش ذاك اليوم طالع المدير فيني و قال :يا دنياك تعال <<خرطي أصلا وش عرفه بإسمي دنياك لا قال لي يا فهد تعال في مكتبي ... و قال لي ترى شعرك طويل عندك مهلة أسبوع لازم تقصه .. قلت لا ياإبن الحلال ترى من السنة تطويل الشعر .. و بفرقه من النص عشانك الرسول صلى الله عليه وسلم كان مطول شعره .. و انت رجال مطوع يا استاذ مفروض تعرف هالشيء !!<<قلبتها عليه أفحمته بالرد قال أنا أدري بس زمن غير زماننا قلت: لا يا أستاذ لا تقول كذا هذا اللي ضيعنا يالعرب الزبدة تفلسفت عليه زهق مني و فقد الأمل و قال رح أبلشتني يا ذا العلة والله إني ما أدخن !! في يوم من الأيام كان عندنا محاظرة للشيخ محمد العريفي و كلنا كنا متحمسين هو اسلوبه ماشاءالله عليه حلو و مقنع و كل شيء و يخليك تسمع له غصب عنك سبحان الله تشوف في وجهه نور .. المهم كنت أنا في أول الصف و أسمع له و كان يتكلم مفردات شبابية عشان يشد إنتباهنا .. فسأل أول سؤال قال :الحين بكت الدخان إذا اخذنا منه زقارة كم يبقى ؟ و أرد أنا زي اللوح لا شعوريا : 19 و يطالع فيني و يضحك محد جاوب غيري قال لي تعال وش إسمك قلت فهد و الله ياهي فشيلة الحين العالم كلهم يحسبوني ادخن قال طيب يا فهد الدخان هذا تدخنه أنت جاوبين بصراحة : قلت والله بجاوبك بصراحة ولا رح اكذب عليك أنا والله ما ادخن ,,, بس إختلاطي بناس مدخنين واجد ..قال : تدري لو تدخن احسن لك من أنك تجلس معهم و هم يدخنون !! قال : لأن ضررها عليك و أنت تستنشق دخانهم اكبر من إنك تدخن كنت توني أعرف ذي المعلومة !! بعدها قال لي : إجلس الله يصلحك بعد المحاظرة راحوا يسلمون عليه العيال و انا كنت متفشل منه .. ما رحت ولا هو يسأل المدير يقول جيبوا لي اللي ما يدخن بس يجلس مع مدخنين زي ما قال .. و جيته و سلمت عليه و نصحني الله يجزاه خير بمقاطعة اللي يدخنون عشان ما أتضرر .. قلت :والله ما يبقى لي خوي يا شيخ لو أقطع اللي يدخنون قال لا لا تقاطعهم بس تعال لهم بعد ما يخلصون تدخين أو لا تخليهم يدخنون قدامك قلت مرة لأخوياي لا تدخنون قدامي ..قال لي واحد قد جربت طفاية محذوفة على جبهتك قلت دخن الله يقطعك بس إلا جبهتي لا تجيها .. هذي بعض من مذكراتي .. أدري ما هنا زود بس حبيت اشارككم و إن شاء الله تعجبكم .. نتمنى لكم أطيب الإقامة مع الثلاثي الكوكباني .. برعاية ( عبيلة ) مشروب الطاقة يعطيك جوانح .. بيت أعجبني ... آآآه يا حزني ترفق ..صاحبك جرحه عميق... ...أنا أشهد إنك يا رفيق العمر طيحت الميانة !! BBP التوقيع: أنــا يا صاحبي / :- دقــة قـــديمة التعديل الأخير تم بواسطة دنياك دنياي ; 12-07-2007 الساعة 05:00 AM