" شكرا لأنضمامك لمنتديات القناص "

هي قصه مهيب بمثل القصص اللي مرت علي في عالم المنتديات !

أقول قصة حب .. ماأعتقد لأن اللي حاصل هنا شي أكبر من الحب والعشق ..

بدايتها كانت مجرد تسجيل في منتدى ورسالة " شكرا لأنضمامك لمنتديات القناص "

أقدر أقول رساله غيرت لي حياتي الانترنتيه

في الحقيقه بغض النظر عن أنه منتدى ياسر القحطاني رغم عشقي لهالنجم

لكن ماأدري أظن لو أنه منتدى مزعل فرحان كان صارت نفس القصه ونفس اللخبطه

والسبب هو الاصدقاء الرائعين اللي تعرفت عليهم هنا

تشرفت بخدمة هالموقع طوال هالسنتين مر علي فيها كثير من مواقف الحب والخصام

ووصلت لحد الزعل والقطيعه لكن على قولتهم اختلاف وجهات النظر لايفسد للود قضيه

ماأحب " الأنا " لكني مجبور أستخدمها هنا لأني أعتقد أني أكثر واحد يفرح

كل ماشفت هالمنتدى يكبر ويكبر ويصول ويجول وسمعته تتعدى عالم النت لتصل

للصحافه وللأعلام المرئي وللمشجعين في المدرجات



" شكرا لأنضمامك لمنتديات القناص "

- ولد هالطفل أحتضنته وسهرت عليه رضعته سهر وجهد وتعب

كان كل من يسألني ليش ماتريّح أقول " يستاهل ياسر "

ماأكذب لو قلت أن الاداره والادمن <<< ياحرام نشفت ريقه وكرهوني وقتها

من كثر طلباتي ياولد سوو .. ياهووه عدلوا أسم المنتدى الفلاني

ضيفوا القسم الفلاني ألغوا القسم هذاك سوو لنا إعلان .. ركبوا بنر

غيروا الستايل جيبوا لنا أيقونات جيبوا لنا سمايلات عينوا هذا شيلوا هذاك

وين ياسر شفيه مطنشنا لازم يتواصل مع الاعضاء خخخخخ الله يسقي بس

أنتشر خبر هالطفل وصار الكل يعرف انه في شي أسمه منتدى القناص

وأنا لازالت أجاهد وأسهر وأكافح من أجل أسم هالمنتدى

كان يوزري وقتها " الـ ح ـل الـصـ ع ـب " بدون غرور وبدون تباهي

ماأبالغ أن قلت يوزر الحل الصعب كان هو النخاع المستطيل لكل هاللي تشوفونه الحين

ولاأنسى يوم كلمني ياسر القحطاني وقالي جهدك واضح يبو يزيد الله يعطيك العافيه

هيا أمسكوني ساعتها

عموما صار ماصار في ذاك اليوم المشؤوم وتلاعنت مع الادمن وقلت سم ياحبيبي

هذا يوزرك والله يوفقك ويقويك طبعا تخيلوا أبو يفارق ولده

أو أم تفارق ضناها لكن بعض الاحيان تحس أنك لازم تتخذ قرار

فكان القرار قسري في ظل التخبطات اللي كانت حاصله من سعادته

خصوصا تجاهي رغم أن كل سبب زعلي أني أحس أني مقصّر تجاه المنتدى

شوفوا بالله السبب وتعجبوا اذكر وقتها كان فيه أمور كثيره ماتتعدل الا بعد فتره

وانا اقعد أصيّح زي ماأسلفت سوولي كذا وعدلوا لي كذا طبعا هم طفشوا مني

فقلت أنا عطوني باسوورد لوحة التحكم عشان ماأقعد أمتحنكم لاسيما وأني مراقب عام وقتها

رفضوا وقال مانقدر أنا ولعت قلت وهذا وأنا أبغى أخدمكم وأستقلت

مرت اعتقد 4 شهور بعدها عادت المياه لمجاريها وتصالحنا أصلا احنا مو متزاعلين

كنا نتقابل على الماسنجر ونتلاعن انا وياه بس قلت له شغل تحت إدارتكم معصي

لكن بعدين يوم أحتاجني المنتدى ماقدرت ورجعت لعشقي أكيد

لكن والحق يقال ماصرت أقدر أتكلم وأهذري لأن صار فيه أحترافيه أكثر

والامور كلها تغيرت للأفضل بوجود الاداره الجديده طبعا

وطلة المراقبين الجدد فيصل وأبو طلال خصوصا

يوم تحس أن طفلك في يد أمينه اكيد بتنام مرتاااااااااح



" شكرا لأنضمامك لمنتديات القناص "

من يوم وصلتني هالرساله عاهدت نفسي أني أخدم هالموقع بكل اللي أقدر عليه

وأني أحاول أكرس كل اللي تعلمته وكل خبرتي هنا ماأبغى أحد يشكرني

ولاأبغى أحد يقول ماقصر أبو يزيد كان المهم عندي أني أرضي نفسي وأشبع غرورها

بالعمل وكل ماحسيت أنها بدت تراوغني تذكرت العهد اللي قطعته على نفسي وأنثبرت .



- الاعتراف بالحق فضيله تواجدي ماعاد هو مثل أول على قولة يونس شلبي

العيال كبرت والمصاريف زادت لكني أحاول قد ماأقدر أن ماتواصلت مع الاعضاء

أتواصل مع المشرفين لأتمكن من إسعاد الاعضاء والله وحده يعلم كم أجاهد نفسي

من أجل فكره أو فعاليه كل مناي منها أني أشوف إبتسامه مرسومه في ردودكم

هذا هو كل همي وتقدرون تتأكدون من قروب المشرفات




- أعتقد أني غامض بالنسبه لكثير من الاعضاء الجدد اللي رقم عضويتهم يزيد

عن الـ 25 الف أو بالأصح هذا اللي يقولونه لي المشرفين مهو تطنيش لا والله

لكن العمل اللي نقوم به في المنتدى الاداري من النقاشات والاقتراحات اللي تجيكم

زبدتها هنا من مواضيع وفعاليات أظن أنه هو التواصل الأجمل معكم

أحس أني خلاص شيبت ولاعاد فيني لياقة تنزيل مواضيع ومطاردة ردود

لذلك أعذروني وقدروا عامل السن بعد





طبعا لايفوتني في هالمناسبه أن أرفع أسمى التهاني لإدارة الموقع

وللزملاء المراقبين والاخوة المشرفين والمشرفات

ولكل الاعضاء عضو عضو على هالنجاح المستمر

وأن شاء الله زي ماقال روبن .. لسى ماوصل المنتدى لكل طموحاته

والقادم مذهل أكثر << مو كنها مسروقه



شكر خاص جدا للمزن الهلالي وبيلسان
وعطر ونو وي وأصايل وبلو
ولكل من عمل تحت إدارتي
صراحه ماشاء الله لاإله إلا الله فريق عمل أنحسد عليه بجد
ولاتوقعت أننا بنكون متفاهمين لهالدرجه
خصوصا زي ماأسلفت مع طلباتي وإنتقاداتي الكثيره
كثر خيرهم من قلب CC



الشكر كل الشكر للأعضاء ولكل من ساعد الأقسام العامه
من كتاب وزوّار في خطف الأضواء طول كل الايام اللي فاتت
سواء بموضوع أو رد ماودي أذكر أسماء عشان ماأنسى أحد
لكن كل من اجتهد معنا يعرف نفسه
الله يعطيك العافيه جميعا BBP
وهالموضوه تراه مفتوح لكم أي شي تبونه حاضرين
ورحم الله من أهدى ألي عيوبي .. اللي في راسك قوله
انتقاد , وجهة نظر , شكوى اللي تبي
سواءا تجاهي شخصيا أو تجاه الاقسام العامه ككل وحتى المشرفات
اللي يحس أن فيه وحده محجره لي يقولي وأصفقها قدامه خخخخ << شفتوا القوه




اصلا الموضوع أنا كنت بنزله تهنئه شخصيه مني بس فجأه كذا
قلب فضفضه وبثاره مني فسامحونا وأن شاء الله يكون خفيف ظل عليكم CC



أظغط وصحي الشوق

http://www.6rbtop.com/library/resour...n/28652_hi.ram